The Holy Bible, containing the Old and New Testaments, with the Apocryphal books,

[Here bigynneth Jonas, the profete [Here bygynnyth the profecie of the book of Jonas, the profete. E. The book of Jonas, the profete. PY. No initial rubric in the other MSS.] .] CAP. I.

[verse 1] AND the word of the Lord was maad [verse 2] to Jonas, sone [the sone ISU sec. m.] of Amathi, and seide, Rise thou, and go in to Nynyue, the [Om. ACEFGHKMNPQSR pr. m. U sec. m. X pr. m. Y.] greet citee, and preche thou ther ynne, for the malice therof stieth vp bifore me. [verse 3] And Jonas roos for to fle in to Tharsis, fro the face of the Lord. And he cam doun to Joppe, and foond a schip goynge in to Tharsis, and he ȝaf schip hire to hem; and he wente doun in to it, for to go with hem in to Tharsis, fro the face of the Lord. [verse 4] Forsothe the Lord sente a greet wynd in [in to EKPY.] the see, and a greet tempest was maad in the see, and the schip was in perel for to be al to-brokun. [verse 5] And schip men dredden, and men crieden to her god; and senten vessels, that weren in the schip, in to the see, that it were maad liȝtere of hem. And Jonas wente doun in to the [Om. I.] ynnere thingis of the schip, and slepte bi a greuouse sleep. [verse 6] And the gouernour cam to him, and seide to hym, Whi art thou cast doun in sleep? rise thou, clepe [clepe thou K sec. m. NRU.] thi God to help, if perauenture God aȝenthenke of vs, and we perische not. [verse 7] And a man seide to his felowe, Come ȝe, and caste [sende CEFGHIKMNPQRSUXY.] we lottis, and wite we, whi this yuel is to vs. And thei kesten [senten C et ceteri.] lottis, and lot felle [felde C et plures.] on Jonas. [verse 8] And thei seiden to hym, Schewe thou to vs, for cause of what thing this

yuel is to vs; what is thi werk, which is thi lond, and whidur goist thou, ether of what puple art thou? [verse 9] And he seide to hem, Y am an Ebrew, and Y drede the Lord God of heuene, that made the [Om. EPY.] see and the drie lond. [verse 10] And the men dredden with greet drede, and seiden to him, Whi didist thou this thing? for the men knewen that he flei fro the face of the Lord, for Jonas hadde schewide to hem. [verse 11] And thei seiden to hym, What schulen we do to thee, and the see schal seesse fro vs? for the see wente, and wexe greet on hem. [verse 12] And he seide to hem, Take ȝe me, and throwe [sende CEFGHSMNPQRUXY. sendeth I. sende me K.] in to the see, and the see schal ceesse fro ȝou; for Y woot, that for me this greet tempest is on ȝou. [verse 13] And men [the men U sec. m.] rowiden, for to turne aȝen to the drie lond, and thei miȝten not, for the see wente, and wexe greet on hem. [verse 14] And thei crieden to the Lord, and seiden, Lord, we bisechen, that we perische not in the lijf of this man, and that thou ȝyue not on vs innocent blood; for thou, Lord, didist as thou woldist. [verse 15] And thei token Jonas, and threwen [senten C et ceteri.] in to the see; and the see stood of his buylyng. [verse 16] And the men dredden the Lord with greet drede, and offriden oostis to the Lord, and vowiden avowis.