The Holy Bible, containing the Old and New Testaments, with the Apocryphal books,

AMOS.

[Here begynneth Amos [Here biginnith the book of Amos, the profete. EPY. No initial rubric in the other MSS.] .] CAP. I.

[verse 1] THE wordis of Amos ben these, that was in the schepherdis thingis of Thecue, whiche he siȝ [sauȝ I sæpius.] on Israel, in the daies of Osie, king of Juda, and in the daies of Jeroboam, sone of Joas, kyng of Israel, bifor twei [two I.] ȝeeris [ȝeer EPY.] of the erthe mouynge. [verse 2] And he seide, The Lord schal [Om. N.] rore fro Sion, and schal ȝyue his vois fro Jeru|salem; and the faire thingis of schepherdis mourenyden, and the cop of Carmele was maad drie. [verse 3] The Lord seith these thingis, On thre grete trespassis of Damask, and on foure, I shal not conuerte it, for it threischide Galaad in irun waynes. [verse 4] And Y schal sende fier in to the hous of Asael, and it schal deuoure the housis of Bena|dab. [verse 5] And Y schal al to-breke the barre of Damask, and Y schal leese a dwellere fro the feeld of idol, and hym that holdith the ceptre [ceptre, ether kingis ȝerde CEFGHIKMNPQRSUXY.] [a ceptre is a kyngis ȝerde. A.] fro the hous of lust and of letcherie; and the puple of Sirie schal be translatid to Sirenen, seith the Lord. [verse 6] The [And the I.] Lord seith these thingis, On thre grete trespassis of Gasa, and on foure, Y schal not conuerte it, for it translatide perfit caitifte, to close that togidere in Idumee. [verse 7] And Y schal sende fier in to the wal of Gasa, and it schal deuoure the housis therof. [verse 8] And Y schal leese the dwelleris of Azotus, and hym that holdith the ceptre of Ascalon; and Y schal turne myn hond

on Accaron, and the remenauntis of Filis|teis schulen perische, seith the Lord God. [verse 9] The Lord God seith these thingis, On thre grete trespassis of Tire, and on foure, Y schal not conuerte it, for thei closiden to|gidere perfit caitifte in Idumee, and hadde not mynde on the boond of pees of bri|theren. [verse 10] And Y schal sende fier in to the wal of Tire, and it schal deuoure the housis therof. [verse 11] The Lord seith these thingis, On thre grete trespassis of Edom, and on foure, Y schal not conuerte it, for it pur|suede bi swerd his brother, and defoulide the merci of hym, and helde ferthere his woodnesse, and kepte his indignacioun `til in to [to EY. til into withowten S.] the [Om. S.] ende. [verse 12] Y [And I I.] schal sende fier in to Theman, and it schal deuoure the housis of Bosra. [verse 13] The Lord seith these thingis, On thre grete trespassis of the sones of Amon, and on foure [the foure EPY.] , Y schal not conuerte hym, for he karf the wymmen with childe of Galaad, for to alarge his terme. [verse 14] And Y schal kyndle fier in the wal of Rabbe, and it schal deuoure the housis therof, in ȝellyng in the dai of batel, and in whirl|wynd in the dai of mouyng togidere. [verse 15] And Melchon schal go in to caitifte, he and hise princes togidere, seith the Lord.

CAP. II.

[verse 1] The Lord God seith these thingis, On thre grete trespassis of Moab, and on foure, Y schal not conuerte it, for it brente the boonys of the kyng of Idumee til to aische. [verse 2] And Y schal sende fier in to Moab, and it schal deuoure the housis of Carioth; and Moab schal die in sown, in the noise of a trumpe. [verse 3] And Y schal leese a iuge of the myddis therof, and Y schal sle with it alle the princes therof, seith the Lord. [verse 4] The Lord seith these thingis, On thre grete trespassis of Juda, and on foure, Y schal not conuerte hym, for he hath caste awei the lawe of the Lord, and kepte not the comaundementis

of hym; for her idols, after whiche the fadris of hem ȝeden, disseyueden hem. [verse 5] And Y schal sende fier in to Juda, and it schal deuoure the housis of Jerusalem. [verse 6] The Lord seith these thingis, On thre grete trespassis of Israel, and on foure, Y schal not conuerte hym, for that that he seelde a iust man for siluer, and a pore man for schoon. [verse 7] Whiche al to-foulen the heedis of pore men on the dust of erthe, and bowen awei the weie of meke men; and the sone and his fadir ȝeden to a damesele, that thei schulden defoule myn hooli name. [verse 8] And thei eeten on clothis leid to wedde bisidis ech auter, and drunken the wyn of dampned men in the hous of her God. [verse 9] Forsothe Y distriede Ammorrei fro the face of hem, whos hiȝnesse was the hiȝnesse of cedris, and he was strong as an ook; and Y al to-brak the fruyt of hym aboue, and the rootis of hym bynethe. [verse 10] Y am, that made ȝou to stie [stie up I.] fro the lond of Egipt, and ledde ȝou out in desert bi fourti ȝeer, that ȝe schulden welde the lond of Am|morrei. [verse 11] And Y reiside of ȝoure sones in to profetis, and Naȝareis of ȝoure ȝonge men. Whether it is not so, ȝe sones of Israel? seith the Lord. [verse 12] And ȝe birliden wyn to Naȝareis, and comaundiden to profetis, and seiden, Profecie ȝe not. [verse 13] Lo! Y schal charke [gnaste, ether charke CEFGHIKMNPQRSUXY.] vndur ȝou, as a wayn chargid with hei charkith. [verse 14] And fliȝt schal perische fro a swift man, and a strong man schal not holde his vertu, and a stal|worthe [verse 15] man [Om. N.] schal not saue his lijf; and he that holdith a bowe schal not stonde, and a swift man schal not be sauyd by hise feet; and the stiere of an hors schal [verse 16] not saue his lijf, and a stronge man of herte schal fle nakid among stronge men in that dai, seith the Lord.

CAP. III.

[verse 1] Sones of Israel, here ȝe the word which the Lord spak on ȝou, and on al the kyn|rede,

which Y ledde out of the lond of [verse 2] Egipt, and seide, Oneli Y knewe ȝou of alle the kynredis of erthe; therfor Y schal visite on ȝou alle ȝoure wickidnessis. [verse 3] Whether tweyne schulen go togidere, no but it acorde to hem? [verse 4] Whether a lioun schal rore in a forest, no but he haue prey? Whether the whelp of a lioun schal ȝyue vois fro his denne, no but he take ony thing? [verse 5] Whether a brid schal falle in to a snare of erthe, with outen a foulere? Whether a snare schal be takun awei fro erthe, bifor that it tak sum thing? [verse 6] Whether a trumpe schal sowne in a citee, and the puple schal not drede? Whether yuel schal be in a citee, which yuel the Lord schal not make? [verse 7] For the Lord God schal not make a word, no but he schewe his priuyte to hise seruauntis profetis. [verse 8] A lioun schal rore, who schal not drede? the Lord God spak, who schal not profesie? [verse 9] Make ȝe herd in the housis [hous IS.] of Azotus, and in the housis of the lond of Egipt; and seie ȝe, Be ȝe gaderid togidere on the hillis of Samarye, and se ȝe many woodnessis in the myddis therof, and hem that suffren fals calenge in the priuy places therof. [verse 10] And thei kouden not do riȝtful thing, seith the Lord, and tresouriden [thei tresouriden I.] wickidnesse and raueyn in her housis. [verse 11] Therfor the Lord God seith these thingis, The lond schal be troblid, and be cumpassid; and thi [Om. N.] strengthe schal be drawun doun of thee, and thin housis schulen be rauyschid. [verse 12] The Lord God [Om. CEFGHIKMNPQRUX.] seith these thingis, As if a schepherd rauyschith fro the mouth of a lioun tweyne hipis, ether the laste thing of the eere, so the children of Is|rael schulen be rauyschid, that dwellen in Samarie, in the cuntrei of bed, and in the bed of Damask. [verse 13] Here ȝe, and wit|nesse ȝe in the hous of Jacob, seith the Lord God of oostis. [verse 14] For in the dai, whanne Y schal bigynne to visite the trespassyngis of Israel on hym, Y schal

visite also on the auteris of Bethel; and the hornes of the auter schulen be kit awei, and schulen falle doun in to erthe [the erthe I.] . [verse 15] And Y schal smyte the wynter hous with the somer hous, and the housis of yuer schulen perische, and many housis schulen be distried, seith the Lord.

CAP. IV.

[verse 1] Ȝe fatte kien, that ben in the hil of Samarie, here this word; whiche maken fals caleng to nedi men, and breken pore men; which seien to ȝoure lordis, Bringe ȝe, and we schulen drynke. [verse 2] The Lord God swoor in his hooli, for lo! daies schulen come on ȝou; and thei schulen reise ȝou in schaftis, and ȝoure reme|nauntis in buylynge pottis. [verse 3] And ȝe schulen go out bi the [Om. CEFGHIKMNPQRSUXY.] openyngis, oon aȝens another, and ȝe schulen be cast forth in to Armon, seith the Lord. [verse 4] Come ȝe to Bethel, and do ȝe wickidli; to Gal|gala, and multiplie ȝe trespassyng; and offre ȝe eerli ȝoure sacrifices, in thre daies ȝoure tithis. [verse 5] And sacrifice ȝe heri|yng of breed maad sour, and clepe ȝe wilful offryngis, and telle ȝe; for ȝe, sones of Israel, wolden so, seith the Lord God. [verse 6] Wherfor and Y ȝaf to ȝou astonying of teeth in alle ȝoure citees, and nedinesse of looues in alle ȝoure places; and ȝe turneden not aȝen to me, seith the Lord. [verse 7] Also Y forbeed reyn fro ȝou, whanne thre monethis weren ȝit `to comyng [residue, ether [ȝit I] to comynge CEFGHIKMNPQRSUXY.] , til to ripe corn [corn, ether heruest EFGHIKMNPQRSUXY.] ; and Y reynede on o citee, and on another citee Y reynede not; o part was bireyned, and the part driede vp on which Y reynede not. [verse 8] And tweyne and thre citees camen to o citee, to drynke watir, and tho weren not fillid; and ȝe camen not aȝen to me, seith the Lord. [verse 9] Y smoot ȝou with brennynge wynd, and with rust [rust, ether myldew CEFGHIKMNPQRSUXY.] , the multitude of ȝoure or|cherdis, and of ȝoure vyneris; and a wort worm eet ȝoure olyue places [place N.] , and ȝoure

fige places; and ȝe camen not aȝen to me, seith the Lord. [verse 10] Y sente in to ȝou deth in the weie of Egipt, Y smoot with swerd ȝoure ȝonge men, `til to [vnto I.] the caitifte of ȝoure horsis, and Y made the stynk of ȝoure oostis to stie [stie up I.] in to ȝoure nose thir|lis; and ȝe camen not aȝen to me, seith the Lord. [verse 11] Y distriede ȝou, as God dis|triede Sodom and Gomorre, and ȝe ben maad as a brond rauyschid of brennyng; and ȝe turneden not aȝen to me, seith the Lord. [verse 12] Wherfor, thou Israel, Y schal do these thingis to thee; but aftir that Y schal do to thee these thingis, Israel, be maad redi in to aȝen comyng of thi God. [verse 13] For lo! he fourmeth hillis, and makith wynd, and tellith to man his speche; and he makith a `morew myist [morew cloud, or myist C et ceteri.] , and goith on hiȝ thingis of erthe; the Lord God of oostis is the [Om. I.] name of [to I.] hym.

CAP. V.

[verse 1] Here ȝe this word, for Y reise on ȝou a weilyng. [verse 2] The hous of Israel felle doun, he schal not put to, that it rise aȝen; the virgyn of Israel is cast doun in to hir lond, noon is that schal reise hir. [verse 3] For the Lord God seith these thingis, The citee of which a thousynde wenten out, an hundrid schulen be left ther ynne; and of which an hundrid wenten out, ten schulen be left ther ynne, in the hous of Israel. [verse 4] For the Lord seith these thingis to the hous of Israel, Seke ȝe me, and ȝe [verse 5] schulen lyue; and nyle ȝe seke Bethel, and nyle ȝe entre in to Galgala, and ȝe schulen not passe to [in to SU sec. m.] Bersabee; for whi Galgal schal be led caitif, and Bethel schal be vnprofitable. [verse 6] Seke ȝe [Om. N.] the Lord, and lyue ȝe, lest perauenture the hous of Jo|seph be brent as fier; and it schal deuoure Bethel, and there schal not [noon U sec. m.] be, that schal quenche. [verse 7] Whiche [The whiche I.] conuerten doom in to wermod, and forsaken riȝtwisnesse [riȝtfulnesse I.] in [verse 8] the lond, and forsaken hym that makith

Arture and Orion, and hym that turneth derknessis in to the morewtid, and him that chaungith dai in to niȝt; which clep|ith watris of the see, and heldith out hem on the face of erthe; the Lord is name of [to N.] hym. [verse 9] Which scorneth distriyng [distriyng, or [ether Y] wastnesse C et ceteri.] on the stronge [stronge man U sec. m.] , and bringith robbyng on the myȝti [myȝti man U sec. m.] . [verse 10] Thei hatiden a man repreuynge in the ȝate, and thei wlatiden a man spek|ynge perfitli. [verse 11] Therfor for that that ȝe robbiden a pore man, and token fro hym the chosun prey, ȝe schulen bilde housis with square stoon, and ȝe schulen not dwelle in hem [tho U sup. ras.] ; ȝe schulen plaunte moost louyd vyneȝerdis, and ȝe schulen not drynke the wyn of hem [tho U sup. ras.] . [verse 12] For Y knew ȝoure grete trespassis many, and ȝoure stronge synnes; enemyes of `the riȝtwis man [riȝtfulnesse A pr. m. CEFGHKMNPQRSUXY. riȝtwise man I.] , takynge ȝifte [a ȝifte U sec. m.] , and berynge doun pore men in the ȝate. [verse 13] Therfor a prudent man schal be stille in that time, for the time is yuel. [verse 14] Seke ȝe good, and not yuel, that ȝe lyue, and the Lord God of oostis schal be with ȝou, as ȝe seiden. [verse 15] Hate ȝe yuel, and loue ȝe good, and ordeyne ȝe in the gate doom; if perauenture the Lord God of oostis haue merci on the remenauntis of Joseph. [verse 16] Therfor the Lord God of oostis, hauynge lordschipe, seith these thingis, Weilyng schal be in alle stretis, and in alle thingis that ben withoutforth it schal be seid, Wo! wo! and thei schulen clepe an erthe tilier to mourenyng, and hem that kunnen weile, to weilyng. [verse 17] And weilyng schal be in alle weies, for Y schal passe forth in the myddil of `the see [see FMQS sup. ras. thee RU sup. ras.] , seith the Lord. [verse 18] Wo to hem that desiren the dai of the Lord; wher to desiren ȝe it to ȝou? This dai of the Lord schal be derknessis, and not liȝt. [verse 19] As if a man renne fro the face of a lioun, and a bere renne [renneth K.] to hym; and he entre in to [Om. CEFGHKNPQRSUX sec. m. Y.] the [Om. I.] hous, and lene with his hond on the wal, and a serpent dwellynge in schadewe bite hym. [verse 20] Whether the dai

of the Lord schal not be derknessis, and not liȝt; and myist, and not schynyng ther ynne? [verse 21] Y hatide and castide awei ȝoure feeste daies, and Y schal not take the odour of ȝoure cumpenyes. [verse 22] That if ȝe offren to me ȝoure brent sacrifices, and ȝiftis, Y schal not resseyue, and Y schal not biholde avowis [the avowis U sec. m.] of ȝoure fatte thingis. [verse 23] Do thou awei fro me the noise of thi songis, and Y schal not here the songis of thin harpe. [verse 24] And doom schal be schewid as watir, and riȝtfulnesse [riȝtwisnesse CFGHIKMNPQSUXY.] as a strong streem. [verse 25] Whether ȝe, the hous of Israel, offriden to me sacrifices for enemyes to be ouercomun, and sacrifice in desert fourti ȝeeris? [verse 26] And ȝe han bore tabernaclis to Moloch, ȝoure god, and ymage of [to N.] ȝoure idols, the sterre of ȝoure god, which ȝe maden to ȝou. [verse 27] And Y schal make ȝou for to passe ouer Damask, seide the Lord; God of oostis is the name of him.

CAP. VI.

[verse 1] Wo to ȝou, that ben ful of richessis in Sion, and tristen [tristenen HIQRSU.] in the hil of Samarie, ȝe principal men, the heedis of puplis, that goen proudli in [Om. A pr. m. CEFHIKMQRSU pr. m.] to the hous of Israel. [verse 2] Go ȝe in to Calamye [the calamye I.] , and se ȝe, and go ȝe fro thennus in to Emath the greet; and go ȝe doun in to Geth of Palestyns, and to alle the beste rewmes of hem, if her terme be broddere than ȝoure terme. [verse 3] And ȝe ben departid in to yuel [the yuel U.] dai, and neiȝen to the [Om. A pr. m. CEFGHMNPQRSX U pr. m.] [verse 4] seete of wickidnesse; and ȝe slepen in beddis of yuer, and doen letcherie in ȝoure beddis; and ȝe eten a lomb of the flok, and [verse 5] calues of the myddil of droue [the droue U pr. m.] ; and ȝe syngen at vois [the vois IS.] of sautree. As Dauid thei gessiden hem for to haue instrumentis of [verse 6] song, and drynken wyn in viols; and with beste oynement thei weren anoynted; and in no thing thei hadden compassioun on the sorewe, ether defoulyng, of Joseph. [verse 7] Wherfor now thei schulen passe in the

heed of men passynge ouer, and the do|yng [doyng, or [ether Y] tresoun CEFGHKMNPQRSXY. feyned doing, either tresoun U sec. m.] of men doynge letcherie schal be don awei. [verse 8] The Lord God swoor in his soule, seith the Lord God of oostis, Y wlate [wlatide X pr. m.] the pride of Jacob, and Y hate the housis of hym, and Y schal bitake the citee with [verse 9] hise dwelleris; that if ten men ben left [residue, ether left CEFGHIMNPQSUXY. residue R.] in oon hous, and [also U.] thei schulen die. [verse 10] And his neiȝbore schal take hym, and schal brenne hym, that he bere out boonys of the hous. And he schal seie to hym, that is in the [verse 11] priuy places [place N.] of the hous, Whether ther is ȝit anentis thee? And he schal answer, An ende is. And he schal seie to hym, Be thou stille, and thenke thou not on the name of the Lord. [verse 12] For lo! the Lord schal co|maunde, and schal smyte the grettere hous with fallyngis, and the lesse hous with brekyngis [keruyngis, ether brekingis CEFGHIKMNPQRSUX.] . [verse 13] Whether horsis moun renne in stoonys, ether it mai be eerid with [in CEFGHIKMNPQRSUXY.] wielde oxun? For ȝe turneden doom in to bitternesse, and the fruyt of riȝtful|nesse [riȝtwisnesse CFGHIKMNPQRSUXY.] in to wermod. [verse 14] And ȝe ben glad in nouȝt, and ȝe seien, Whether not in oure strengthe we token to vs hornes? [verse 15] Lo! Y schal reise on ȝou, the hous of Israel, seith the Lord God of oostis, a folc; and it schal al to-breke ȝou fro entre [the entre IU sec. m.] of Emath `til to [vnto I.] the streem of desert.

CAP. VII.

[verse 1] The Lord God schewide these thingis to me; and lo! a makere of locust in bi|gynnyng [the begynnyng U sec. m.] of buriownynge thingis of euen|tid reyn, and lo! euentid reyn after the clippere of the kyng [flocke I sup. ras.] . [verse 2] And it was don, whanne he [it U sup. ras.] hadde endid for to ete the erbe of erthe, Y seide, Lord God, Y bi|seche, be thou merciful; who schal reise Jacob, for he is litil? [verse 3] The Lord hadde merci on this thing; It schal not be, seide the Lord God. [verse 4] The Lord God schewide to me these thingis; and lo! the Lord

God schal clepe doom to fier, and it schal deuoure myche depthe of watir, and it eet togidere a part. [verse 5] And Y seide, Lord God, Y biseche, reste thou; who schal reise Jacob, for he is litil? [verse 6] The Lord hadde merci on this thing; But and [also and U sec. m.] this thing schal not be, seide the Lord God. [verse 7] The Lord God schewide to me these thingis; and lo! the Lord stondinge on a wal plastrid [pargetid, ether [or EPY] plastrid CEFGHIKMNPQSUXY. pargetid R.] , and in the hond of hym was a trulle of a masoun. [verse 8] And the Lord seide to me, What seest thou, Amos? And Y seide, A trulle of a masoun. And the Lord seide, Lo! I schal putte a trulle in the myddil of my puple Israel; Y schal [verse 9] no more putte to, for to ouerlede it; and the hiȝ thingis of idol schulen be distried, and the halewyngis of Israel schulen be desolat; and Y schal rise on the hous of Jeroboam bi swerd. [verse 10] And Amasie, prest of Bethel, sente to Jeroboam, kyng of Is|rael, and seide, Amos rebellide aȝens thee, in the myddil of the hous of Israel; the lond mai not susteyne alle hise wordis. [verse 11] For Amos seith these thingis, Jeroboam schal die bi swerd, and Israel caitif schal passe fro his lond. [verse 12] And Amasie seide to Amos, Thou that seest, go; fle thou in to the lond of Juda, and ete thou there thi breed; and there thou schalt profesie. [verse 13] And thou schalt no more put to, that thou pro|fesie in Bethel, for it is the halewyng of the king, and is the hous of the rewme. [verse 14] And Amos answeride, and seide to Ama|sie, Y am not a profete, and Y am not sone [the sone I.] of profete [a profete U.] ; but an herde of neet Y am, drawyng vp sicomoris. [verse 15] And the Lord took me, whanne Y suede the floc; and the Lord seide to me, Go, and profesie thou to my puple Israel. [verse 16] And now here thou the word of the Lord. Thou seist, Thou schalt not profesie on Israel, and thou schal not droppe on the hous of idol. [verse 17] For this thing the Lord seith these thingis, Thi wijf schal do fornicacioun in the

citee, and thi sones and thi douȝtris schal falle bi swerd, and thi lond schal be motun [metun CHU. metin EFIPSY. meten KM.] with a litil coord; and thou schalt die in a pollutid lond, and Israel caitif schal passe fro his lond.

CAP. VIII.

[verse 1] The Lord God schewide to me these thingis; and lo! an hook of applis. [verse 2] And the Lord seide, What seist thou, Amos? And Y seide, An hook of applis. And the Lord seide to me, The ende is comun on my puple Israel; Y schal no more putte [leye U sec. m.] to, that Y passe bi hym. [verse 3] And the herris, ether twistis, of the temple schulen greetli sowne in that dai, seith the Lord God. Many men schulen die, silence schal be cast forth in ech place. [verse 4] Here ȝe this thing, whiche al to-breken a pore man, and maken nedi men of the lond for [verse 5] to faile; and ȝe seien, Whanne schal her|uest passe, and we schulen sille mar|chaundises? and the sabat, and we schulen opene wheete? that we make lesse the me|sure, and encreesse the cicle, and `vndur [verse 6] put [that we sette preueli U sec. m.] gileful balauncis; that we welde bi [for U sup. ras.] siluer nedi men and pore men for schoon, and we sille outcastyngis [clensingis, ether outcastingis CEFGHIKMNPQRSUXY.] of wheete? [verse 7] The Lord swoor aȝens the pride of Jacob, Y schal not forȝete til to the ende alle the werkis of hem. [verse 8] Whether [Wher not U sec. m.] on this thing the erthe schal not [Om. U sec. m.] be mouyd togidere, and eche dwellere therof schal mourene? And it schal stie vp as al the flood, and schal be cast out, and schal flete awei as the stronde of Egipt. [verse 9] And it schal be, seith the Lord, in that dai the sunne schal go doun in myddai, and Y schal make the erthe for [Om. U sec. m.] to be derk in the dai of liȝt. [verse 10] And Y schal conuerte ȝoure feeste daies in to mourenyng, and alle ȝoure songis in to weilyng; and Y schal brynge yn on ech bac of ȝou a sak, and on ech heed of ȝou ballidnesse; and Y schal put it as the

mourenyng of oon bigetun sone, and the laste thingis therof as a bittir dai. [verse 11] Lo! the daies comen, seith the Lord, and Y schal sende out hungur in to erthe; not hungur of breed, nether thirst of watir, but of herynge the word of God. [verse 12] And thei schulen be mouyd to gidere fro the see til to the see, and fro the north til to the eest thei schulen cumpasse, sekynge the word of the Lord, and thei schulen not fynde. [verse 13] In that dai faire maidens schulen faile, and ȝonge men in thirst, [verse 14] whiche sweren in trespas [the trespas U sec. m.] of Samarie, and seien, Dan, thi god lyueth, and the weie of Bersabee lyueth; and thei schulen falle [falle doun U sec. m.] , and thei schulen no more rise aȝen.

CAP. IX.

[verse 1] I siȝ the Lord stondynge on the auter, and he seide, Smyte thou the herre, and the ouer threshfoldis [threisfoldis, either lyntelis U sec. m.] be mouyd togidere; for aueryce is in the heed of alle, and Y schal sle bi swerd the laste of hem; ther schal no fliȝt be to hem, and he that schal fle of hem, schal not be sauyd. [verse 2] If thei schulen go doun til to helle, fro thennus myn hond schal lede out hem; and if thei schulen `stie til in to [stie up vnto I. stie til to S.] heuene, fro thennus Y schal drawe hem doun. [verse 3] And if thei schulen be hid in the cop of Carmele, fro thennus Y sekynge schal do awei hem; and if thei schulen hide hem silf fro myn iȝen in the depnesse of the see, there Y shal comaunde to [Om. NU pr. m.] a serpente, and it schal bite hem. [verse 4] And if thei schulen go awei in to caitifte bifore her enemyes, there Y schal comaunde to swerd, and it schal sle hem. And Y schal putte myn iȝen on hem in to yuel, and not in to good. [verse 5] And the Lord God of oostis schal do these thingis, that touchith erthe, and it schal faile, and alle men dwellynge ther ynne schulen mourene; and it schal stie vp as ech stronde, and it schal flete awei as flood [a flood S sup. ras. the flood U.]

of Egipt. [verse 6] He that bildith his stiyng vp in heuene, schal do these thingis, and foundide his birthun [knycchoun, [knicchin C et alii] ether birthun CEFGHIKMNPQRSUXY. knytche N.] on erthe; which clepith watris of the see, and heldith out hem on the face of erthe; the Lord is name of hym. [verse 7] Whether not as sones [the sones ISU sec. m.] of Ethiopiens ȝe ben to me, the sones of Is|rael? seith the Lord God. Whether Y made not Israel for to stie vp fro the lond of Egipt, and Palestines fro Capodosie, and Siriens fro Cirenen? [verse 8] Lo! the iȝen of the Lord God ben on the rewme synnynge, and Y schal al to-breke it fro the face of erthe; netheles Y al [that al U sec. m.] to-brekynge schal not al to-breke the hous of Jacob, seith the Lord. [verse 9] For lo! Y schal comaunde, and schal schake [make I. schake togidir U sec. m.] the hous of Israel in alle folkis, as wheete is [is shaken togidir U sec. m.] in a riddil, and a litil stoon schal not falle [falle doun U sec. m.] on [in N.] erthe [the erthe I.] . [verse 10] Alle synneris of my puple schulen die bi swerd, whiche seien, Yuel schal not neiȝ, and schal not come on vs. [verse 11] In that dai Y schal reise the tabernacle of Dauith, that felle doun, and Y schal aȝen bilde openyngis of wallis [the wallis U sec. m.] therof, and Y schal restore the thingis that fellen doun; and Y schal aȝen [verse 12] bilde it, as in olde daies, that thei welde the remenauntis of Idume, and alle na|ciouns; for that [that that U sec. m.] my name is clepun [clepid FIS.] to help on hem, seith the Lord doynge these thingis. [verse 13] Lo! daies comen, seith the Lord, and the erere schal take the repere, and `the stampere [tredere, or stampere CEFGHIKMNPQRSXY. the pressere, or stompere U sec. m.] of grape schal take the man sowynge [sendinge FMQRSU.] seed; and mounteyns schu|len droppe swetnesse, and alle smale hillis schulen be tilid. [verse 14] And Y schal conuerte [turne U sup. ras.] the caitifte of my puple Israel, and thei schulen bilde forsakun citees, and schulen dwelle; and schulen [thei shulen U.] plaunte vyneȝerdis, and thei schulen drynke wyn of hem [tho U sec. m.] ; and schulen [thei shulen U sec. m.] make gardyns, and schulen ete fruitis of hem [tho U sup. ras.] . [verse 15] And Y schal plaunte hem on her lond, and Y schal no more drawe

out hem of her lond, which Y ȝaf to hem, seith the Lord thi [Om. A pr. m.] God.

Here endith Amos, and here bigyn|neth Abdias [From CFGHIMQRSU. Here endeth Amos, the profete; se now Abdias, the profete. K. Here endith the book of Amos, the profete, and bigynneth the book of Abdias, the profete. N. Here endith Amos, and bigynneth the booc of Abdias, the profete. X. No final rubric in AEPY.] .