The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.
DPLA Rights Statement: No Copyright - United States
[verse 1] Synge ȝe with a trumpe in Sion, ȝelle ȝe in myn hooli hil. Alle the dwelleris of erthe be disturblid; for the dai of the [verse 2] Lord cometh, for the dai of derknessis and of myist is niȝ, the dai of cloude and of whirlewynde. As the morewtid spred abrood on hillis, a myche puple and strong. Noon was lijk it fro the bigyn|nyng,
and after it schal not be, til in to ȝeeris of generacioun and of generacioun. [verse 3] Bifore the face therof schal be fier de|uourynge, and after it schal be brennynge flawme; as a gardyn of liking the lond schal be bifor him, and wildirnesse of de|sert schal be after him, and noon is that schal ascape him. [verse 4] The lokyng of hem schal be as the lokyng of horsis, and as horse men so thei schulen renne. [verse 5] As the sown of cartis on the heedis of hillis thei schulen skippe; as the sowne of the flawme of fier deuourynge stobil, as a strong puple maad redi to batel. [verse 6] Puplis schulen be turmentid of the face therof, alle facis schulen be dryuun in to a pot. [verse 7] As stronge men thei schulen renne, as men werriours thei schulen stie [stie up I.] on the wal. Men schulen go in her weies, and thei schulen not bowe awei fro her pathis. [verse 8] Ech man schal not make streyt his brother, ech man schal go in his path; but also thei schulen falle doun bi wyndows, and schulen not be hirt. [verse 9] Thei schulen entre in to the citee, thei schulen renne on the wal; thei schulen stie on housis, thei schulen entre as a niȝt theef bi wyndows. [verse 10] The erthe tremblide of his face, heuenys weren mouyd, the sunne and the moone weren maad derk, and sterris withdrowen her schynyng. [verse 11] And the Lord ȝaf his vois bifor the face of his oost, for hise oostis ben ful manye; for tho ben stronge, and doen the word of hym. For the dai of the Lord is greet, and ful ferdful, and who schal suffre it? [verse 12] Now therfor seith the Lord, Be ȝe con|uertid to me in al ȝoure herte, in fastyng, [verse 13] and wepyng, and weilyng; and kerue ȝe ȝoure hertis, and not ȝoure clothis, and be ȝe conuertid to ȝoure Lord God, for he is benygne, and merciful, pacient, and of myche merci, and abidynge, ether for|ȝyuynge, on malice. [verse 14] Who woot, if God be conuertid, and forȝyue, and leeue bless|yng aftir hym? sacrifice and moist sacri|fice to oure Lord God. [verse 15] Synge ȝe with a
trumpe in Sion, halewe ȝe fastyng, clepe [and clepe C.] ȝe cumpany; gadere ȝe [Om. NU.] togidere the puple, [verse 16] halewe ȝe the chirche, gadere ȝe togidere elde men, gadere ȝe togidere litle children, and soukynge the brestis; a spouse go out of his bed, and a spousesse of hir chaum|bre. [verse 17] Prestis, the mynystris of the Lord, schulen wepe bitwixe the porche and the auter, and schulen seie, Lord! spare thou, spare thi puple, and ȝyue thou not thin eritage in to schenschipe, that naciouns be lordis of hem. Whi seien thei among puplis, Where is the God of hem? [verse 18] The Lord louyde gelousli his lond, and sparide his puple. [verse 19] And the Lord answeride, and seide to his puple, Lo! Y schal sende to ȝou wheete, and wyn, and oile, and ȝe schulen be fillid with tho; and Y schal no more ȝyue you schenschipe among he|thene men. [verse 20] And Y schal make hym that is at the north fer fro ȝou; and Y schal cast hym out in to a lond with out weie, and desert; his face aȝens the eest see, and the laste part therof at the last see; and the stynk therof schal stie [stie up I.] , and the root therof schal stie, for he dide proudli. [verse 21] Erthe, nyle thou drede, make thou ful out ioye, and be glad; for the Lord magnefiede that he schulde do. [verse 22] Beestis of the cuntrei, nyle ȝe drede, for the faire thingis of de|sert buriowneden; for the tre brouȝte his fruyt, the fige tre and vyner ȝauen her vertu. [verse 23] And the sones of Sion, make ȝe ful out ioie, and be ȝe glad in ȝoure Lord God, for he ȝaf to ȝou a techere of riȝt|fulnesse, and he schal make morewtid reyn and euentid reyn to come doun to ȝou, as in the bigynnyng. [verse 24] And cornflooris schulen be fillid of wheete, and pressours schulen flowe with wyn, and oile. [verse 25] And Y schal ȝelde to ȝou the ȝeris whiche the locuste, bruke, and rust, and wort worm, my greet strengthe, eet, which Y sente in to ȝou. [verse 26] And ȝe schulen ete etyng, and ȝe schulen be fillid; and ȝe schulen herie the name of ȝoure Lord God, that made mer|ueils with [to N.] you; and my puple schal not be schent with outen ende. [verse 27] And ȝe schulen
