The Holy Bible, containing the Old and New Testaments, with the Apocryphal books,

CAP. II.

[verse 10] And the noumbre of the sones of Is|rael schal be as grauel of the see, which grauel is with out mesure, and it schal not be noumbrid; and it schal be in the place, where it schal be seid to hem, Ȝe ben not my puple; it schal be seid to hem, Ȝe ben the sones of God lyuynge. [verse 11] And the sones of Juda and the sones of Israel schulen be gaderid togidere, and thei schulen sette oon heed to hem silf, and thei schulen stie [stie up I.] fro erthe [the erthe I.] , for the dai of Jesrael [Israel I.] is greet. [verse 1] Sei ȝe [Om. N.] to ȝoure bri|theren, Thei ben my puple; and to ȝoure [verse 2] sister that hath gete merci, Deme ȝe ȝoure modir, deme ȝe, for sche is not my wijf, and Y am not hir hosebonde. Do sche awey hir fornicaciouns fro hir face, and hir auowtries fro the myddis of hir [verse 3] brestis; lest perauenture Y spuyle hir nakid, and sette hir nakid bi the dai of hir natyuyte. And Y schal sette hir as a wildirnesse, and Y schal ordeyne hir as a lond with out weie, and Y schal sle hir in thirst. [verse 4] And Y schal not haue merci on the sones of hir, for thei ben sones [the sones N.] of [verse 5] fornicaciouns; for the modir of hem dide fornicacioun, sche is schent that conseyu|ede hem, for sche seide, Y schal go after my louyeris that ȝeuen looues to me, and my watris, and my wolle, and my flex, and myn oile, and my drynke. [verse 6] For this thing lo! Y schal hegge thi weie with thornes, and Y schal hegge it with a wal, and sche schal not fynde hir pathis. [verse 7] And sche schal sue hir louyeris, and schal not take hem, and sche schal seke hem, and schal not fynde; and sche schal seie, Y schal go, and turne aȝen to my formere

hosebonde, for it was wel to me thanne more than now. [verse 8] And this Jerusalem wiste not, that Y ȝaf to hir wheete, wyn, and oile; and Y multiplied siluer and gold to hir, whiche thei maden to Baal. [verse 9] Ther|for Y schal turne, and take my wheete in his tyme, and my wiyn in his tyme; and Y schal delyuere my wolle, and my flex, bi which thei hiliden the schenschipe ther|of. [verse 10] And now Y schal schewe the foli of hir bifore the iȝen of hir louyeris, and a man schal not delyuere hir fro myn hond; [verse 11] and Y schal make to ceesse al the ioye therof, the solempnyte therof, the neome|nye [Neomenye is the feeste of the newe moone. A.] therof [therof, ether feeste of newe moone CEFGHIKMNPQRSUXY.] , the sabat therof, and alle the feeste tymes therof. [verse 12] And Y schal dis|trie [corumpe, ether distrie CEFGHIKMNPQSUX.] the vyner therof, of whiche sche seide, These ben myn hiris, whiche my louyeris ȝauen to me; and Y schal sette it in to a forest, and a beeste of the feeld schal ete it. [verse 13] And Y schal visite on it the daies of Baalym, in whiche it brente encense, and was ourned with hir eere ryng, and hir broche, and ȝede after hir louyeris, and forȝat me, seith the Lord. [verse 14] For this thing lo! Y schal ȝyue mylk to it, and Y schal brynge it in to wildirnesse, and Y schal speke to the herte [heelthe CEFGHMNPQSUX. heiȝthe K.] therof. [verse 15] And Y schal ȝyue to it vyn tilieris therof of [in I.] the same place, and the valei of Achar, that is, of [Om. K.] disturblyng, for to opene hope. And it schal synge there bi the daies of hir ȝongthe, and bi the daies of hir stiyng [stiyng vp I.] fro the lond of Egipt. [verse 16] And it schal be in that dai, seith the Lord, sche schal clepe me Myn [hir N.] hosebonde, and sche schal no more [verse 17] clepe me Baalym; and Y schal take awei the names of Baalym fro hir mouth, and sche schal no more haue mynde of the name of tho. [verse 18] And Y schal smyte to hem a boond of pees in that dai with the beeste of the feeld, and with the brid of the eir, and with the crepynge beeste of erthe [the erthe ERU.] . And Y schal al to-breke bowe, and swerd, and batel fro erthe; and Y schal make hem to slepe tristili. [verse 19] And Y schal spouse

thee to me withouten ende; and Y schal spouse thee to me in riȝtfulnesse, and in dom, and in merci, and in merciful do|yngis. [verse 20] And Y schal spouse thee to me in feith; and thou schalt wite, that Y am the Lord. [verse 21] And it schal be, in that dai Y schal here, seith the Lord, and Y schal here heuenes, and tho schulen here the [verse 22] erthe; and the erthe schal here [bere N.] wheete, and wyn, and oile, and these schulen here Jesrael [Israel I.] . [verse 23] And Y schal sowe it to me in to a lond, and Y schal haue merci on it that was with out merci. [verse 24] And Y schal seie to that, that is not my puple, Thou art my puple, and it schal seie, Thou art my God.