The Holy Bible, containing the Old and New Testaments, with the Apocryphal books,

CAP. VIII.

[verse 1] In the thridde ȝeer of the rewme of Balthasar, the king, a visioun apperide to me. Y, Danyel, after that thing that Y [verse 2] hadde seyn in the bigynnyng, siȝ in my visioun, whanne Y was in the castel of Susis, which is in the cuntrei of Helam; sotheli Y siȝ in the visioun that Y was on the ȝate Vlay. [verse 3] And Y reiside myn iȝen, and Y siȝ; and lo! o ram stood bifor the mareis, and hadde hiȝ hornes, and oon hiȝere than the tother [oother I.] , and vndurwex|ynge. [verse 4] Aftirward Y siȝ the ram wyndew|ynge with hornes aȝens the eest, and aȝens the west, and aȝens the north, and aȝens the south; and alle beestis myȝten not aȝenstonde it, nether be delyuered fro the hondis of it. And it dide bi his wille, and was magnefied. And Y vndurstood. [verse 5] Lo! forsothe a buk of geet cam fro the west on the face of al erthe, and touchide not

the erthe; forsothe the buk of geet hadde [verse 6] a noble horn bitwixe hise iȝen; and he cam til to that horned ram, which Y hadde seyn stondynge bifore the ȝate, and he ran in the fersnesse of his strengthe to that ram. [verse 7] And whanne he hadde neiȝid niȝ the ram, he hurlide [hurtlide NS.] fersly on hym, and he smoot the ram, and al to-brak tweyne hornes of hym, and the ram miȝte not aȝenstonde hym. And whanne he hadde sent that ram in to erthe, he de|foulide; and no man miȝte delyuere the ram fro his hond. [verse 8] Forsothe the buk of geet was maad ful greet; and whanne he hadde encreessid, the greet horn was brokun, and foure hornes risiden vndur it, bi foure wyndis of heuene. [verse 9] Forsothe of oon of hem ȝede out o litil horn, and it was maad greet aȝens the south, and aȝens the eest, and aȝens the strengthe. [verse 10] And it was magnefied til to the strengthe of he|uene, and it castide doun of the strengthe and [Om. A pr. m.] of sterris, and defoulide tho. [verse 11] And he was magnefied til to the prince of strengthe, and he took awei fro hym the [Om. S pr. m.] contynuel sacrifice, and castide doun the place of his halewyng. [verse 12] Forsothe strengthe was ȝouun to hym aȝens the contynuel sacrifice for synnes, and treuthe schal be cast doun in erthe; and he schal haue prosperite, and schal do. [verse 13] And Y herde oon of hooli aungels spekynge; and oon hooli aungel seide to another, Y noot to whom spekinge, Hou long the visioun, and the [Om. N.] contynuel sacrifice, and the synne of desolacioun, which is maad, and the seyn|tuarie, and the strengthe schal be defoulid? [verse 14] And he seide to hym, Til to the [Om. N.] euentid and morewtid, two thousynde daies and thre hundrid; and the seyntuarie schal be clensid. [verse 15] Forsothe it was doon, whanne Y, Danyel, siȝ the visioun, and axide the vndurstondyng, lo! as the licnesse of a man stood in my siȝt. [verse 16] And Y herde the voys of a man bitwixe Vlai, and he criede, and seide, Gabriel, make thou Danyel to vndurstonde this visioun. [verse 17] And he cam,

and stood bisidis where Y stood; and whanne he was comun, Y dredde, and felle on my face. And he seide to me, Thou, sone of man, vndurstonde, for the visioun schal be fillid in the [Om. I.] tyme of ende. [verse 18] And whanne he spak to me, Y slood doun `plat to the erthe [grouelinge on [the I] erthe, ether plat to the erthe CEFGHIKMNPQRSUX. grouelinge, ether plat to the erthe Y.] . And he touchide me, and settide me in my degree. [verse 19] And he seide to me, Y schal schewe to thee what thingis schulen come in the laste of cursing, for the [Om. I.] tyme hath his ende. [verse 20] The ram, whom thou siȝest haue hornes, is the kyng of Medeis and of Perseis. [verse 21] Forsothe the buc of geet is the kyng of Grekis; and the greet horn that was bitwixe hise iȝen, he is the firste kyng. [verse 22] Forsothe that whanne that horn was brokun, foure hornes risiden for it, foure kyngis schulen rise of the folc of hym, but not in the strengthe of hym. [verse 23] And after the rewme of hem, whanne `wickidnessis han [wickidnesse han A pr. m. CHSUX. wickidnesse hath GIMNQ.] encreessid, a kyng schal rise vnschamefast in face, and vndurstond|yng proposisiouns, ether resouns set forth; [verse 24] and his strengthe schal be maad stalworthe, but not in hise strengthis. And more than it mai be bileuyd he schal waste alle thingis, and he schal haue prosperite, and schal do. And he schal sle stronge men, [verse 25] and the puple of seyntis, bi his wille, and gile schal be dressid in his hond. And he schal magnefie his herte, and in abund|aunce of alle thingis he schal sle ful many men. And he schal rise aȝens the prince of princes, and withouten hond he schal be al to-brokun. [verse 26] And the visioun, which is seid in the morewtid and euentid, is trewe. Therfor seele thou the visioun, for it schal be after many daies. [verse 27] And Y, Danyel, was astonyed, and was sijk bi ful many daies; and whanne Y hadde rise, Y dide the werkis of the kyng; and Y was astonyed at the visioun, and `noon was [ther was noon I.] that interpretide [interpretide, either expounede CFGHIKMNQRSUX.] .