The Holy Bible, containing the Old and New Testaments, with the Apocryphal books,

EZEKIEL.

[Prologue on Ezechiel [This prologue is from MR. No initial rubric in these Mss.] .]

THIS profete Ezechiel seiȝ in visioun, and rauyschid in spirit, the maieste of almyȝti God, and the sete of his trone, acordinge to seynt Joon, the euangelist, of the visioun that he seiȝ in the ile of Pathmos. And this Ezechiel schewide bi symylitude alle yuelis that weren to comynge on the king, and on the peple of Juda, for priue idolatrie vsid of the peple, and for contynuaunce of fals wurschiping in hid places.

Here eendith the prologe, and bigynneth the book of Ezechiel [From R. No final rubric in M.] .

[Here bigynneth the book of Ezechiel, the profete [Here biginnith the book of Ezechiel. EPY. Here biginneth Ezechiel. M. No initial rubric in the other Mss.] .] CAP. I.

[verse 1] And it was don, in the thrittithe [thrittenthe MY.] ȝeer, in the fourthe monethe, in the fyuethe dai of the moneth, whanne Y was in the myddis of caitifs, bisidis the flood Chobar, heuenes weren openyd, and Y siȝ [sauȝ I.] the reuelaciouns of God. [verse 2] In the fyueth dai of the monethe; thilke is the fyuethe ȝeer of passing ouer of Joachym, kyng of Ju|da; [verse 3] the word of the Lord was maad to Ezechiel, preest, the sone of Busi, in the lond of Caldeis, bisidis the flood Chobar; and the hond of the Lord was maad there on hym. [verse 4] And Y siȝ, and lo! a whirle|wynd cam fro the north, and a greet cloude, and fier wlappynge in, and briȝt|nesse in the cumpas therof; and as the licnesse of electre [electre; that is, a metal of gold and siluer, that schyneth clerere than gold and siluer. A et alii.] fro the myddis therof,

that is, fro the myddis of the [Om. Q.] fier. [verse 5] And of myddis [the myddis EFIKMNRSU.] therof [of hem E sec. m.] was a licnesse of foure beestis. And this was the biholdyng of tho, the licnesse of a man in tho. [verse 6] And foure faces weren to [in to NS sec. m.] oon, and foure wyngis weren to [in to S sec. m.] oon. [verse 7] And the feet of tho weren streiȝt feet, and the soole of the foote of tho was as the soole of a [the IS.] foot of a calf, and sparclis, as the biholdynge of buylynge bras. [verse 8] And the hondis of a man weren vndur the wyngis of tho, in foure partis. And tho hadden faces and wyngis [verse 9] bi foure partis; and the wyngis of tho weren ioyned togidir of oon to another. Tho [Thei N.] turneden not aȝen, whanne tho [thei EINPY.] ȝeden, but eche ȝede bifore his face. [verse 10] Forsothe the [Om. AR.] licnesse `of the [ether S.] face [cheer, ether face CEFGHIKMNPQUXY. cheer RS.] of tho [that is, foure bestis K marg.] was the face of a man and the face of a lioun at the riȝthalf of tho [the N.] foure. Forsothe the face of an oxe was at the left half of tho foure; and the face of an egle was aboue tho foure. [verse 11] And the faces of tho and the wengis of tho weren stretchid forth aboue. Twei [Two I.] wyngis of eche weren ioyned togidere, and tweyne [two I.] hiliden the bodies of tho. [verse 12] And ech of tho ȝede bifore his face. Where the fersnesse of the wynd was, thidur tho ȝeden, and turneden not aȝen, whanne tho [thei N.] ȝeden. [verse 13] And the licnesse of the [tho EPY.] beestis, and the biholdyng of tho [hem N.] , was as of brennynge coolis of fier, and as the biholdyng of laumpis. This was the siȝt rennynge aboute in the myddis of beestis, the schyn|yng of fier, and leit [the leit I.] goynge out of the fier. [verse 14] And the beestis ȝeden, and turneden aȝen at the licnesse of leit schynynge. [verse 15] And whanne Y bihelde the beestis, o wheel, hauuynge foure faces, apperide on the erthe, bisidis the beestis. [verse 16] And the biholdyng of the wheelis and the werk of tho was as [at X.] the siȝt of the see; and o licnesse was of tho foure; and the bihold|yng and the werkis of tho, as if a wheel be in the myddis of a wheel. [verse 17] Tho goynge

ȝeden bi foure partis of tho, and turneden not aȝen, whanne tho ȝeden. [verse 18] Also stature, and hiȝnesse, and orible biholdyng was to the wheelis; and al the bodi was ful of iȝen in the cumpas of tho foure. [verse 19] And whanne the beestis ȝeden, the wheelis also ȝeden togidere bisidis tho. And whanne the beestis weren reisid fro the erthe, the wheelis also weren reisid togidere. [verse 20] Whi|dur euere the spirit ȝede, whanne the spi|rit ȝede thedur, also the wheelis suynge it weren reisid togidere; for whi the spirit of lijf was in the wheelis. [verse 21] Tho ȝeden with the beestis goynge, and tho stoden with the beestis stondynge. And with the beestis reisid fro erthe, also the wheelis suynge tho beestis weren reisid togidere; for [fro Y.] the spirit of lijf was in the wheelis. [verse 22] And the licnesse of the firmament was aboue the heed of the beestis, and as the biholdyng of orible cristal, and stretchid [strechith Y.] abrood on the heed [heedis FIKS.] of tho beestis aboue. [verse 23] Forsothe vndur the firmament the wyngis of tho beestis weren streiȝt, of oon to an|othir; ech beeste hilide his bodi with twei [two I passim.] wyngis, and an other was hilid in lijk maner. [verse 24] And Y herde the sown of wyngis, as the sown of many watris, as the sown of hiȝ God. Whanne tho ȝeden, ther was as a sown of multitude, as the sown of oostis of batel; and whanne tho stoden, the [Om. A.] wyngis of tho weren late doun. [verse 25] For whi whanne a vois was maad on the fir|mament, that was on the heed of tho, tho stoden, and leten doun her wyngis. [verse 26] And on the firmament, that was aboue the [to the K sec. m.] heed of tho, was [at PY.] as the biholdyng of a saphire stoon, the licnesse of a trone; and on the licnesse of the trone was a licnesse, as the biholdyng of a man aboue. [verse 27] And Y siȝ as a licnesse of electre, as the bi|holding of fier with ynne, bi the cumpas therof; fro the lendis of hym and [Om. A.] aboue, and fro the lendis of him til to bynethe, Y siȝ [sauȝe I.] as the licnesse of fier schynynge in

[verse 28] cumpas, as the biholdynge of the reyn|bowe, whanne it is in the cloude in the dai of reyn. This was the biholdyng of schynyng bi cumpas.

CAP. II.

[verse 1] This was a siȝt of the licnesse of the [Om. IK.] glorie of the Lord. And Y siȝ [sauȝ I sæpius.] , and felle [felde KS. I felle N.] doun on my face; and Y herde the vois of a spekere. And he seide to me, Thou, sone of man, stonde on thi feet, and Y schal speke with thee. [verse 2] And the spirit entride in to me, after that he spak to me, and settide me on my feet. And Y [verse 3] herde oon spekynge to me, and seiynge, Sone of man, Y sende thee to the sones of Israel, to folkis apostatas, `ether goynge a bak fro feith [Om. I.] , that ȝeden awei fro me; the fadris of hem braken my couenaunt til to this dai. [verse 4] And the sones ben of hard face, and of vnchastisable herte, to whiche [whom I.] Y sende thee. And thou schalt seie to hem, [verse 5] The Lord God seith these thingis; if per|auenture nameli thei heren, and if per|auenture thei resten, for it is an hous terrynge to wraththe. And thei schulen wite, that a profete is in the myddis of hem. [verse 6] Therfore thou, sone of man, drede not hem, nether drede thou the wordis of hem; for vnbileueful men and distrieris ben with thee, and thou dwellist with scorpiouns. Drede thou not the wordis of hem, and drede thou not the faces of hem, for it is an hous terrynge to wraththe. [verse 7] Therfor thou schalt speke my wordis to hem, if perauenture thei heren, and resten, for thei ben terreris to wraththe. [verse 8] But thou, sone of man, here what euer thingis Y schal speke to thee; and nyle thou be a terrere to wraththe, as the hows of Is|rael is [was IN.] a terrere to wraththe. Opene thi mouth, and ete what euer thingis Y ȝyue

to thee. [verse 9] And Y siȝ, and lo! an hond was sent to me, in which a book was foldid togidere. And he spredde abrood it bifor me, that was writun with ynne and with outforth. And lamentaciouns, and [Om. N.] song, and wo, weren writun ther ynne.

CAP. III.

[verse 1] And he seide to me, Sone of man, ete thou what euer thing thou fyndist, ete thou this volym; and go thou, and speke to the sones of Israel. [verse 2] And Y openyde my mouth, and he fedde me with that volym. [verse 3] And he seide to me, Sone of man, thi wombe schal ete, and thin entrails schulen be fillid with this volym, which Y ȝyue to thee. And Y eet it, and it was maad as swete hony in my mouth. [verse 4] And he seide to me, Sone of man, go thou to the hous of Israel, and thou schalt speke my wordis to hem. [verse 5] For thou schalt not be sent to a puple of hiȝ [deep CEFGHIKMNPQRSUX.] word, and of vnknowun langage; thou schalt be sent [verse 6] to the hous of Israel, nether to many pu|plis of hiȝ [deep CEFGHIKMNPQRSUX.] word, and of vnknowun lan|gage, of whiche thou maist not here the wordis. And if thou were sent to hem, thei schulden here thee. [verse 7] But the hous of Israel nylen [wolen not I.] here thee, for thei nylen here me. For al the hous of Israel is of vn|schamefast [defoulid, ether of vnshamfast CEFGHIKMNPQRSUXY.] forheed, and of hard herte. [verse 8] Lo! Y ȝaf thi face strongere than the faces of hem, and thi forheed hardere than the forheedis of hem. [verse 9] Y [And Y A pr. m. I sec. m.] ȝaf thi face as an adamaunt, and as a flynt; drede thou not hem, nether drede thou of the face of hem, for it is an hous terrynge to wraththe. [verse 10] And he seide to me, Sone of man, take in thin herte, and here with thin eeris alle these my wordis, whiche Y speke to thee. [verse 11] And go thou, and entre to the passyng ouer, to the sones of thi puple. And thou schalt speke to hem, and thou schalt seie to hem, The Lord God

seith these thingis, if perauenture thei heren, and resten. [verse 12] And the spirit took me, and Y herde after me the vois of a greet mouyng. The blessid glorie of the [verse 13] Lord was herd fro his place; and Y herde the vois of wyngis of the beestis smytynge oon an othir, and the vois of wheelis suynge the beestis, and the vois of greet [a greet I.] stiryng. [verse 14] Also the spirit reiside me, and took me. And Y ȝede forth bittir in the indignacioun of my spirit; for the hond of the Lord was with me, and coumfortide me. [verse 15] And Y cam to the pass|yng ouer, to the heep of newe fruytis, to hem that dwelliden bisidis the flood Cho|bar. And Y sat where thei saten, and Y dwellide there seuene daies, weilynge, in the myddis of hem. [verse 16] Forsothe whanne seuene daies weren [Om. EH. hadden GIKMNPQRSX.] passid, the word of the Lord was maad to me, and seide, [verse 17] Sone of man, Y ȝaf thee `a spiere [a spiere, or a biholder F sec. m. marg. to be a spiere I.] to the hous of Israel. And thou schalt here of my mouth a word, and thou schalt telle to hem of me. [verse 18] If whanne Y seie to the wickid man, Thou schalt die bi deth, thou tellist [tellist it I.] not to hym, and spekist not to hym, that he be turned fro his wickid weie, and lyue; thilke wickid man schal die in his wickidnesse, but Y schal seke his blood of thin hond. [verse 19] Forsothe if thou tellist to the wickid man, and he is not conuertid fro his wickidnesse, and fro his wickid weie; sotheli he schal die in his wickidnesse, but thou hast delyuerid thi soule. [verse 20] But also if a iust man is turned fro his riȝtfulnesse, and doith wickidnesse, Y schal sette an hirtyng bifor hym; he schal die, for thou teldist not to hym; he schal die in his synne, and hise riȝtful|nessis, whiche he dide, schulen not be in mynde, but Y schal seke his blood of thin hond. [verse 21] Forsothe if thou tellist to a iust man, that a iust man do not synne, and he doith not synne, he lyuynge schal lyue, for thou teldist to hym, and thou hast

delyuered thi soule. [verse 22] And the hond of the Lord was maad on me, and he seide to me, Rise thou, and go out in to the feeld, and there Y schal speke with thee. [verse 23] And Y roos, and ȝede out in to the feeld. And lo! the glorie of the Lord stood there, as the glorie which Y siȝ bisidis the flood Chobar; and Y felle doun on my face. [verse 24] And the spirit entride in to me, and settide me on my feet. And he spak to me, and seide to me, Entre thou, and be thou closid in the myddis of thin hous. [verse 25] And thou, sone of man, lo! boondis ben ȝouun on thee, and thei schulen bynde thee with tho, and thou schalt not go out in the myddis of hem. [verse 26] And Y schal make thi tunge to cleue to the roof of thi mouth, and thou schalt be doumbe, and thou schalt not be as a man rebuykinge; for it is an hous terrynge to wraththe. [verse 27] But whanne Y schal speke to thee, Y schal opene thi mouth, and thou schalt seie to hem, The Lord God seith these thingis, He that herith, here, and he that restith, reste; for it is an hous terrynge to wraththe.

CAP. IV.

[verse 1] And thou, sone of man, take to thee a tijl [litil I.] stoon; and thou schalt sette it bifore thee, and thou schalt discriue ther ynne the citee of Jerusalem. [verse 2] And thou schalt ordeyne bisegyng aȝenus that Jerusa|lem; and thou schalt bilde strengthis, and thou schalt bere togidere erthe, and thou shalt ȝyue oostis of batel aȝens it, and thou schalt sette engynes in [bi IN.] cumpas. [verse 3] And take thou to thee an irone friynge panne; and thou schalt sette it in to an irone wal bitwixe thee and bitwixe the cite; and thou schalt sette stidfastli thi

face to it, and it schal be in to bisegyng, and thou schalt cumpasse it; it is a signe to the hous of Israel. [verse 4] And thou schalt slepe on thi left side, and thou schalt putte the wickidnessis of the hous of Is|rael on that side, in the noumbre of daies in which thou shalt slepe on [til N.] that side, and thou schalt take the wickidnesse of hem. [verse 5] Forsothe Y ȝaf to thee the ȝeeris of the wickidnesse of hem bi noumbre of daies, thre hundrid and nynti daies; and thou schalt bere the wickidnesse of the hous of Israel. [verse 6] And whanne thou hast fillid these thingis, thou schalt slepe the secounde tyme on thi riȝtside. And thou schalt take the wickidnesse of the hous of Juda bi fourti daies; Y ȝaf to thee a dai for a ȝeer, a dai sotheli for a ȝeer. [verse 7] And thou schalt turne thi face to the biseg|ing [bisechyng A. bifore segyng N. byfor sechynge S sec. m.] of Jerusalem; and thin arm schal be stretchid forth, and thou schalt profesie aȝens it. [verse 8] Lo! Y haue cumpassid thee with boondis, and thou schalt not turne thee fro thi [this A pr. m. I sec. m. thi I pr. m.] side in `to other [that other C. the tother ENS. to an other FPU. to the tother GKMRX. tother HQ. to the oother I.] side, tille thou fille the daies of thi bisegyng. [verse 9] And take thou to thee wheete, and barli, and beenys, and tillis, and mylie, and vetchis; and thou schalt putte [sende ceteri.] tho in to o vesselle. And thou schalt make to thee looues for the noumbre of daies, bi whiche thou schalt slepe on thi side; bi three hundrid and nynti daies thou schalt ete it. [verse 10] For|sothe thi mete, which thou schalt ete, schal be in weiȝte twenti staters in a dai; fro tyme til to tyme thou schalt ete it. [verse 11] And thou schalt drynke watir in mesure, the sixte part of hyn; fro tyme til to tyme thou schalt drynke it. [verse 12] And thou schalt ete it as barli breed bakun vndur the aischis; and with `a toord [the dunge I.] that goith out of a man thou schalt hile, it bifore the iȝen of hem. [verse 13] The Lord seith these thingis, So the sones of Israel schulen ete her breed defoulid among hethene men, to

whiche [whom I.] Y schal caste hem out. [verse 14] And Y seide, A! A! A! Lord God, lo! my soule is not defoulid, and fro my ȝong childhed til to now Y eet not a thing deed bi it silf, and to-rent of beestis; and al vnclene fleisch entride not in to my mouth. [verse 15] And he seide to me, Lo! Y haue ȝoue to thee the dung of oxis for mennus toordis; and thou schalt make thi breed with it. [verse 16] And he seide to me, Sone of man, lo! Y schal al to-breke the staf of breed in Jerusalem, and thei schulen ete her breed in weiȝte and in bisynesse, and thei schulen drynke [verse 17] water in mesure and in angwisch; that whanne breed and watir failen, eche man falle doun to his brother, and thei faile in her wickidnessis.

CAP. V.

[verse 1] And thou, sone of man, take to thee a scharp swerd, schauynge heeris; and thou schalt take it, and schalt leede it bi thin heed, and bi thi berd. And thou schalt take to thee a balaunce of weiȝte, and thou schalt departe tho. [verse 2] Thou schalt brenne the thridde part with fier in the myddis of the citee, bi the fillyng of daies of bisegyng. And thou schalt take the thridde part, and schalt kitte bi swerd in the cumpas therof. But thou schalt scatere `the tother [that oother I.] thridde [Om. A pr. m. FS.] part in to the wynd; and Y schal make nakid a swerd aftir hem. [verse 3] And thou schalt take therof a litil noumbre, and thou schalt bynde tho in the hiȝnesse of thi mentil. [verse 4] And eft thou schalt take of hem, and thou schalt caste forth hem in to the myddis of the fier. And thou schalt brenne hem in fier; and fier schal go out of that in to al the hous of Israel. [verse 5] The Lord God seith these thingis, This is Jerusalem; Y haue sette it in the myddis of hethene men, and londis in the cumpas therof. [verse 6] And it dis|piside my domes, that it was more wickid than hethene men; and it dispiside my comaundementis more than londis that

ben in the [Om. IN.] cumpas therof. For thei han cast awei my domes, and thei ȝeden not in my comaundementis. [verse 7] Therfor the Lord God seith these thingis, For ȝe `han passid [ouercamen CEFGHIKMNPQRSUX.] hethene men that ben in ȝoure cumpas, and ȝe ȝeden not in my comaundementis, and ȝe diden not my domes, and ȝe wrouȝten not bi the domes of hethene men that ben [verse 8] in ȝoure cumpas; therfor the Lord God seith these thingis, Lo! Y to thee, and Y my silf schal make domes in the myddis of thee, bifor the iȝen of hethene men; [verse 9] and Y schal do thingis in thee, whiche Y dide not, and to whiche Y schal no more make lijk thingis, for alle thin abhomyna|ciouns. [verse 10] Therfor fadris schulen ete sones in the myddis of thee, and sones schulen ete her fadris; and Y schal make domes in thee, and Y schal wyndewe alle thin remenauntis in to ech wynd. [verse 11] Therfor Y lyue, seith the Lord God, no but for that that thou defoulidist myn hooli thing in alle thin offenciouns, and in alle thin abho|mynaciouns; and Y schal breke, and myn iȝe schal not spare, and Y schal not do merci. [verse 12] The thridde part of thee schal die bi pestilence, and schal be wastid bi hun|gur in the middis of thee; and the thridde part of thee schal falle doun bi swerd in thi cumpas; forsothe Y schal scatere thi thridde part in to ech wynd, and Y schal drawe out a swerd after hem. [verse 13] And Y schal fille my stronge veniaunce, and Y schal make myn indignacioun to [for to U.] reste in hem, and Y schal be coumfortid. And thei schulen wite, that Y the Lord spak in my feruent loue, whanne Y schal fille al myn indignacioun in hem. [verse 14] And Y schal ȝyue thee in to desert, in to schenschipe to he|thene men that ben in thi cumpas, in the siȝt of ech that passith forth. [verse 15] And thou schalt be schenschipe `and blasfemye [Om. N.] , en|saumple and wondryng, among hethene men that ben in thi cumpas, whanne Y schal make domes in thee, in strong ven|iaunce, and indignacioun, and in blam|yngis

of ire. [verse 16] Y the Lord haue spoke, whanne Y schal sende in [Om. I pr. m.] to hem the worste arowis of hungur, that schulen bere deth; and whiche Y schal sende, that Y leese ȝou. And Y schal gadere hungur on ȝou, and Y schal al to-breke in ȝou the sadnesse of breed. [verse 17] And Y schal sende in to ȝou hungur, and worste beestis, til to the [Om. IN.] deth; and pestilence and blood schu|len passe bi thee, and Y schal bringe in swerd on thee; Y the Lord spak.

CAP. VI.

[verse 1] And the word of the Lord was maad [verse 2] to me, and he seide, Thou, sone of man, sette thi face to the hillis of Israel; and thou schalt profesie to tho hillis, and schalt [verse 3] seie, Hillis of Israel, here ȝe the word of the Lord God. The Lord God seith these thingis to mounteyns, and litil hillis, to roochis of stoon, and to valeis, Lo! Y schal bringe in on ȝou a swerd, and Y schal leese ȝoure hiȝe thingis. [verse 4] And Y schal dis|trie ȝoure auteris, and ȝoure symylacris schulen be brokun; and Y schal caste doun ȝoure slayn men bifore ȝoure idols. [verse 5] dnA Y schal ȝyue the deed bodies of the sones of Israel bifor the face of ȝoure sy|mylacris, and Y schal scatere ȝoure boonys [verse 6] aboute ȝoure auteris, in alle ȝoure dwell|ingis. Citees schulen be forsakun, and hiȝ thingis schulen be distried, and schulen be scaterid; and ȝoure auteris schulen pe|rische, and schulen be brokun. And ȝoure idols schulen ceesse, and ȝoure templis of idols schulen be al to-brokun, and ȝoure werkis schulen be doen awei. [verse 7] And a slayn man schal falle doun in the myddis of ȝou; and ȝe schulen wite, that Y am the Lord. [verse 8] And Y schal leeue in ȝou hem that fledden swerd among hethene men, whanne Y schal scatere ȝou in to londis. [verse 9] And ȝoure delyuered men schulen haue mynde on me among hethene men [Om. A.] , to whiche thei ben

led prisoneris; for Y haue al to-broke her herte doynge fornycacioun, and goynge awei fro me, and her iȝen doynge fornica|cioun aftir her idols. And thei schulen dis|plese hem silf on the yuels, whiche thei diden in alle her abhomynaciouns. [verse 10] And thei schulen wite, that Y [Om. NS sec. m.] the Lord spak not in veyn, that Y schulde do this yuel to hem. [verse 11] The Lord God [Om. A pr. m. FI sec. m.] seith these thingis, Smyte thin hond, and hurtle thi foot, and seie, Alas! to alle abhomynaciouns of the yuelis of the hous of Israel; for thei schulen falle doun bi swerd, hungur, and pestilence. He that is fer, shal die bi pes|tilence. [verse 12] Forsothe he that is niȝ, shal falle bi swerd. And he that is laft and bisegid, shal die bi hungur. And Y schal fille myn indignacioun in hem. [verse 13] And ȝe schu|len wite, that Y am the Lord, whanne ȝoure slayn men schulen be in the myddis of ȝoure idols, in the cumpas of ȝoure au|teris, in eche hiȝ litil hil, and in alle the hiȝnessis of mounteyns, and vndur ech tree ful of wode, and vndur ech ook ful of boowis, that is, a place where thei brenten encense swete smellynge to alle her idols. [verse 14] And Y schal stretche forth myn hond on hem, and Y schal make her lond desolat and destitute, fro desert Deblata, in alle the dwellyngis of hem; and thei schulen wite, that Y am the Lord.

CAP. VII.

[verse 1] And the word of the Lord was maad [verse 2] to me, `and he seide [seiynge I.] , And thou, sone of man, the Lord God of the lond of Israel seith these thingis, The ende cometh, the ende cometh, on foure coostis of the lond. [verse 3] Now an ende is on thee, and Y shal sende in my strong veniaunce on thee, and Y schal deme thee bi thi weies, and Y schal sette alle thin abhomynaciouns aȝens thee. [verse 4] And myn iȝe shal not spare on thee, and Y schal not do mercy. But Y shal sette thi weies on thee, and thin abhomynaciouns schulen be in the myddis of thee; and ȝe

schulen wite, that Y am the Lord. [verse 5] The Lord God seith these thingis, O [Lo! INS.] turment, [verse 6] lo! turment cometh; the ende cometh, the ende cometh; it schal wake fulli aȝens thee; lo! it cometh. [verse 7] Sorewe cometh on thee, that dwellist in the lond; the tyme cometh, the dai of sleyng is niȝ, and not of glorie of hillis. [verse 8] Now anoon [of neiȝ CEFHIKMQRSU.] Y schal schede out myn ire on thee, and Y schal fille my strong veniaunce in thee; and Y schal deme thee bi thi weies, and Y schal putte to thee alle thi grete trespassis. [verse 9] And myn iȝe schal not spare, nether Y schal do merci; but Y schal putte on thee thi weies, and thin abhomynaciouns schulen be in the myddis of thee; and ȝe schulen wite, that Y am the Lord smytynge. [verse 10] Lo! the dai, lo! it cometh; sorewe is gon out. A ȝerde flouride, pride buriownede, wickid|nesse [verse 11] roos in the ȝerde of vnpitee; not of hem, and not of the puple, nether of the sown of hem, and no reste shal be in hem. [verse 12] The tyme cometh, the dai neiȝede; he that bieth, be not glad, and he that sillith, mourne not; for whi ire is on al the puple therof. [verse 13] For he that sillith, schal not turne aȝen to that that he seelde, and ȝit the lijf of hem is in lyueris; for whi the reuela|cioun [visioun, ether reuelacioun CFGHKMQSUX. visioun EINPR.] to al the multitude therof shal not go aȝen, and a man schal not be coum|fortid in the wickidnesse of his lijf. [verse 14] Synge ȝe with a trumpe, alle men be maad redi, and noon is that schal go to batel; for whi my wraththe is on al the puple therof. [verse 15] Swerd is with out forth, pestilence and hungur with ynne; he that is in the feeld, schal die bi swerd; and thei that ben in the citee, schulen be deuourid bi pestilence and hungur. [verse 16] And thei schulen be sauyd that fleen of hem; and thei schulen be as culueris of grete valeis in hillis, alle quakynge, ech man in his wickidnesse. [verse 17] Alle hondis schulen be aclumsid, and alle knees schulen flowe with watris. [verse 18] And thei schulen girde hem with heiris, and inward drede schal hile hem; and schen|schipe schal be in ech face, and ballid|nesse

schal be in alle the heedis of hem. [verse 19] The siluer of hem schal be cast out, and the gold of hem schal be in to a dunghil; the siluer of hem and the gold of hem schal not mowe delyuere hem in the dai of the strong veniaunce of the Lord. Thei schulen not fille her soule, and the wombis of hem schulen not be fillid; for it is maad the sclaundre of hir wickidnesse. [verse 20] And thei setteden the ournement of her brochis in to pride; and thei maden of it the ymagis of her abhomynaciouns and simylacris. For this thing Y ȝaf it to hem, in to vn|clennesse. [verse 21] And Y schal ȝyue it in to the hondis of aliens, to rauysche, and to the vnpitouse men of erthe, in to prey, and thei schulen defoule it. [verse 22] And Y schal turne awei my face fro hem, and thei schulen defoule my priuyte; and harlotis [harlotis, ether messangeris CEFGHMNPQRSUXY. harlotis, ether messagers K.] schulen entre in to it, and schulen defoule it. [verse 23] Make thou a closyng to gidere; for the lond is ful of doom of bloodis, and the citee is ful of wickidnesse. [verse 24] And Y schal brynge the worste of hethene men, and thei schulen haue in possessioun the housis of hem; and Y schal make the pride of miȝti men to ceesse, and enemyes schulen haue in possessioun the seyntuaries of hem. [verse 25] In anguysch comynge aboue thei schulen seke pees, and it schal not be. [verse 26] Disturblyng schal come on disturblyng, and heryng on heryng; and thei schulen seke of the pro|fete a reuelacioun, and lawe shal perische fro the preest, and counsel fro eldre [the eldre I.] men. [verse 27] The kyng schal mourne, and the prince schal be clothid in weilyng, and the hondis of the puple of the lond schulen be dis|turblid; bi the weie of hem Y schal do to hem, and bi the domes of hem Y schal deme hem; and thei schulen wite, that Y am the Lord.

CAP. VIII.

[verse 1] And it was doon in the sixte ȝeer, in the sixte monethe, in [on I.] the fyuethe dai of the monethe, Y sat in myn hous, and the elde men of Juda saten bifore me; and the hond of the Lord God felle there on me. [verse 2] And Y siȝ, and lo! a licnesse as the bi|holdyng of fier; fro the biholding of hise leendis and bynethe was fier, and fro hise leendis and aboue was as the bihold|yng of schynyng, as the siȝt of electre. [verse 3] And the licnesse of an hond was sent out, and took me bi the heer [heer, ether lockis CFGHKMQRSUX.] of myn heed; and the spirit reiside me bitwixe heuene and erthe, and brouȝte me in to Jerusalem, in the siȝt of God, bisidis the ynnere dore that bihelde to the north, where the idol of enuye was set, to stire indignacioun. [verse 4] And lo! the glorie of God of Israel was there, bi siȝt [the siȝt C et ceteri.] which Y siȝ in the feeld. [verse 5] And he seide to me, Thou, sone of man, reise [reise vp I.] thin iȝen to the weie of the north; and Y reiside myn iȝen to the weie of the north, and lo! fro the north of the ȝate of the auter the idol of enuye was in that entryng. [verse 6] And he seide to me, Sone of man, gessist thou whether [wher ceteri passim.] thou seest what thing these men doon, the grete ab|homynaciouns whiche the hous of Israel doith here, that Y go fer awei fro my seyntuarie? and ȝit thou schalt turne, and schalt se grettere abhomynaciouns. [verse 7] And he ledde me with ynne to the dore of the halle [forȝerde C et ceteri.] ; and Y siȝ, and lo! oon hoole in the wal. [verse 8] And he seide to me, Sone of man, digge thou the wal; and whanne Y hadde diggid the wal, o dore apperide. [verse 9] And he seide to me, Entre thou, and se the worste abhomynaciouns, whiche these men doon here. [verse 10] And Y entride, and siȝ; and lo! ech licnesse of `crepynge beestis [reptils, ether crepynge beestis C et ceteri.] , and ab|homynacioun [abhomynaciouns IN.] of beestis, and alle idols of the hous of Israel, weren peyntid in the wal al aboute in cumpas. [verse 11] And seuenti

men of the eldere of the hous of Israel stoden; and Jeconye, the sone of Saphan, stood in the myddis of hem, stondynge bifore the peyntyngis; and ech man hadde a censere in his hond, and the smoke of a cloude of encense stiede [stiede vp I.] . [verse 12] And he seide to me, Certis, sone of man, thou seest what thingis the eldere men of the hous of Israel doen in derknessis, ech [and ech NS sec. m.] man in the hid place of his bed; for thei seiyn, The Lord seeth not vs, the Lord hath forsake the lond. [verse 13] And the Lord seide to me, Ȝit thou schalt turne, and schalt se gretter abhomynaciouns, whiche these men doon. [verse 14] And he ledde me with ynne, bi the dore of the ȝate of the hous of the Lord, which dore bihelde to the north; and lo! wymmen saten there, bi|weilynge Adonydes. [verse 15] And the Lord seide to me, Certis, sone of man, thou hast seyn; ȝit thou schalt turne, and schalt se gretere abhomynaciouns than these. [verse 16] And he ledde me with ynne, in to the ynnere halle [forȝerd ceteri.] of the hous of the Lord; and lo! in the dore of the temple of the Lord, bitwixe the porche and the auter, weren as fyue and twenti men hauynge the backis aȝens the temple of the Lord, and her faces to the eest; and thei worschipiden at the risyng of the sunne. [verse 17] And the Lord seide to me, Certis, sone of man, thou hast seyn; whe|ther this is a liȝt thing to the hous of Juda, that thei schulden do these abho|mynaciouns, whiche thei diden here? For thei filliden the lond with wickidnesse, and turneden to terre me to wraththe; and lo! thei applien a braunche to her nose thirlis. [verse 18] Therfor and Y schal do in strong veniaunce; myn iȝe schal not spare, ne|ther Y schal do merci; and whanne thei schulen crie to myn eris with greet vois, Y schal not here hem.

CAP. IX.

[verse 1] And he criede in myn eeris with greet vois, and seide, The visityngis of the citee han neiȝed, and ech man hath in his hond an instrument of sleyng. [verse 2] And lo! sixe men camen fro the weie of the hiȝere ȝate, that biholdith to the north, and the instrument of deth of ech man was in his hond; also o man in the myddis of hem was clothid with lynnun clothis, and a pennere of a writere at hise reynes; and thei entriden, and stoden bisidis the brasun auter. [verse 3] And the glorie of the Lord of Israel was takun vp fro cherub, which glorie was on it, to the threisfold of the hous; and the Lord clepide the man that was clothid with lynun clothis, and hadde a pennere of a writere in hise leendis. [verse 4] And the Lord seide to hym, Passe thou bi the myddis of the citee, in the myddis of Jerusalem, and marke thou Thau [Thau; that is, a crosse. A. Tau; is the laste lettre in abse of Hebru, and is the first letter of this worde thora, that be|tokneth the lawe; and bi this is tokned that men mak|ing sorwe for breking of the lawe, schule be saued, and the remenaunt shule be slayn. A postil here. U.] on the forhedis of men weilynge and sorewynge on alle abhomy|naciouns that ben doon in the myddis therof. [verse 5] And he seide to hem in myn her|yng, Go ȝe thorouȝ the citee, and sue ȝe hym, and smytte ȝe; ȝoure iȝe spare not, nether do ȝe merci. [verse 6] Sle ȝe til to deth, an eld man, a ȝong man, and a virgyn, a litil child, and wymmen; but sle ȝe not ony man, on whom ȝe seen Thau; and bigynne ȝe at my seyntuarie. Therfore thei bi|gunnen at the eldere men, that weren bifore the face of the hous. [verse 7] And he seide to hem, Defoule ȝe the [Om. N.] hous, and fille ȝe the hallis [forȝerdis ceteri.] with slayn men; go ȝe out. And thei ȝeden out, and killiden hem that weren in the citee. [verse 8] And lo! whanne the sleyng was fillid, Y was left. And Y felle doun on my face, and Y criede, and seide, Alas! alas! alas! Lord God, therfor whe|ther thou schalt leese alle remenauntis [the remenauntis A sec. m. I.] of Israel, and schalt schede out thi stronge veniaunce on Jerusalem? [verse 9] And he seide to me, The wickidnesse of the hous of Israel and of Juda is ful greet, and the lond is

fillid of bloodis, and the citee is fillid with turnyng awei; for thei seiden, The Lord hath forsake the lond, and the Lord seeth not. [verse 10] Therfor and myn iȝe schal not spare, nether Y schal do merci; Y schal ȝelde the weie of hem on the heed of hem. [verse 11] And lo! the man that was clothid in lynun clothis, that hadde a pennere in his bak, answeride a word, and seide, Y haue do, as thou comaundidist to me.

CAP. X.

[verse 1] And Y siȝ, and lo! in the firmament that was on the heed of cherubyns, as a saphir stoon, and as the fourme of licnesse of a kyngis seete apperide theron. [verse 2] And he seide to the man that was clothid in lynnun clothis, and spak, Entre thou in the myddis of wheelis [the wheelis A pr. m.] , that ben vndur cherubyns, and fille thin hond with coolis of fier, that ben bitwixe cherubyns, and schede thou out on the citee. [verse 3] And he entride in my siȝt; forsothe cherubyns stoden at the riȝt side of the hous, whanne the man entride, and a clowde fillide the ynnere halle [forȝerde ceteri.] . [verse 4] And the glorie of the Lord was reisid fro aboue cherubyns to the threisfold of the hous; and the hous was fillid with a cloude, and the halle [forȝerd ceteri.] was fillid with schynyng of the glorie of the Lord. [verse 5] And the sown of wyngis of che|rubyns was herd til to the outermere halle [forȝerd ceteri.] , as the vois of almyȝti God spek|ynge. [verse 6] And whanne he hadde comaundid to the man that was clothid in lynnun clothis, and hadde seid, Take thou fier fro the myddis of the [Om. IN.] wheelis, that ben bi|twixe cherubyns, he [and he A.] entride, and stood bisidis the wheel. [verse 7] And cherub stretchide forth his hond fro the myddis of cheru|byns, to the fier that was [is NS sec. m.] bitwixe cheru|byns; and took, and ȝaf in to the hondis of hym that was clothid in lynnun

clothis; and he took, and ȝede out. [verse 8] And the licnesse of the hond of a man apperide in cherubyns, vndur the wyngis of tho. [verse 9] And Y siȝ, and lo! foure wheelis weren bisidis cherubyns; o wheel bisidis o che|rub, and [Om. I pr. m.] another wheel bisidis another cherub; forsothe the licnesse of wheelis was as the siȝt of the stoon crisolitis. [verse 10] And the biholdyng of tho was o licnesse of foure, as if [of I.] a wheel be in the myddis of a wheel. [verse 11] And whanne tho [thei IN.] ȝeden, tho [thei IN.] ȝeden in to foure partis; tho [and tho A.] turneden not aȝen goynge, but to the place to which that that was the firste wheel bowide to go, also othere suyden, and turneden not aȝen. [verse 12] And al the bodi of tho wheelis, and the neckis, and hondis, and wyngis of the beestis, and the [of I.] cerclis, weren ful of iȝen, in the cumpas of foure wheelis. [verse 13] And he clepide tho wheelis volible, ether [or I.] able to go al aboute, in myn heryng. [verse 14] Forsothe o beeste hadde foure faces; o face was the face of cherub, and the secounde face the face of a man, and in the thridde was the face of a lioun, and in the fourthe was the [verse 15] face of an egle; and the cherubyns weren reisid. Thilke is the beeste, which Y hadde seyn bisidis the flood Chobar. [verse 16] And whanne cherubyns ȝeden, also the wheelis bisidis tho ȝeden to gidere; whanne che|rubyns [the cherybyns K sec. m.] reisiden her wyngis, that tho schulden be enhaunsid fro the erthe, the wheelis abididen [abiden I.] not stille, but also tho weren bisidis cherubyns. [verse 17] The wheelis stooden with tho cherubyns stondynge, and weren reisid with the cherubyns reis|id; for the spirit of lijf was in tho wheelis. [verse 18] And the glorie of the Lord ȝede out fro the threisfold [frexfoold K.] of the temple, and stood on the cherubyns. [verse 19] And cherubyns reisiden her wyngis, and weren enhaunsid fro the erthe bifore me; and whanne tho ȝeden out, also the wheelis sueden; and it stood in the entryng of the eest ȝate of the hous of the Lord, and the glorie of God of

Israel was on tho. [verse 20] Thilke is the beeste, which Y siȝ vndur God of Israel, bisidis the flood Chobar. And Y vndurstood that [verse 21] foure cherubyns weren; foure faces weren to oon, and foure wyngys weren [Om. I.] to oon; and the licnesse of the hond of a man was vndur the wyngis of tho. [verse 22] And the licnesse of the cheris of tho weren thilke cheeris whiche Y hadde seyn bisidis the flood Chobar; and the biholdyng of tho, and the fersnesse of ech, was to entre bifor his face.

CAP. XI.

[verse 1] And the spirit reiside me, and ledde me with ynne to the eest ȝate of the hous of the Lord, that biholdith the risyng of the sunne. And lo! in the entryng of the ȝate weren fyue and twenti men; and Y siȝ in the myddis of hem Jeconye, the sone of Assur, and Pheltie, the sone of Banaie, princes of the puple. [verse 2] And he seide to me, Thou, sone of man, these ben the men that thenken wickidnesse, and treten the [verse 3] worste counsel in this citee, and seien, Whether housis weren not bildid a while ago? this is the cawdrun, forsothe we ben fleischis. [verse 4] Therfor profesie thou of hem, profesie thou, sone of man. [verse 5] And the Spi|rit of the Lord felle in to me, and seide to me, Speke thou, The Lord seith these thingis, Ȝe hous of Israel spaken thus, and [verse 6] Y knewe the thouȝtis of ȝoure herte; ȝe killiden ful many men in this citee, and ȝe filliden the weies therof with slayn men. [verse 7] Therfor the Lord seith these thingis, Ȝoure slayn men, whiche ȝe put|tiden in the myddis therof, these ben fleischis [the fleischis I.] , and this is the cawdrun; and Y schal lede ȝou out of the myddis therof. [verse 8] Ȝe dredden swerd, and Y schal brynge in swerd on ȝou, seith the Lord God. [verse 9] And Y schal caste ȝou out of the myddis ther|of, and Y schal ȝyue ȝou in to the hond of enemyes, and Y schal make domes in ȝou. [verse 10] Bi swerd ȝe schulen falle doun, Y schal deme ȝou in the endis of Israel; and

ȝe schulen wite, that Y am the Lord. [verse 11] This schal not be to ȝou in to a cawdrun, and ȝe schulen not be in to fleischis in the myddis therof; Y schal deme ȝou in the [verse 12] endis of Israel, and ȝe schulen wite, that Y am the Lord. For ȝe ȝeden not in myn heestis, and ȝe dyden not my domes, but ȝe wrouȝten bi the domes of hethene men, that ben in ȝoure cumpas. [verse 13] And it was doon, whanne Y profesiede, Pheltie, the sone of Banaie, was deed; and Y felle doun on my face, and Y criede with greet vois, and seide, Alas! alas! alas! Lord God, thou makist endyng of the reme|nauntis of Israel. [verse 14] And the word of the [verse 15] Lord was maad to me, and he [Om. I.] seide, Sone of man, thi britheren [bretheren, thi bretheren A pr. m. U.] , thi kynes men, and al the hous of Israel, and alle men, to whiche [whom I.] the dwelleris of Jerusalem seiden, Go ȝe awei fer fro the Lord, the lond is ȝouun to vs in to possessioun. [verse 16] Therfor the Lord God seith these thingis, For Y made hem fer among hethene men, and for Y scateride hem in londis, Y schal be to hem in to a litil halewyng, in the londis to whiche thei camen. [verse 17] Therfor speke thou, The Lord God seith these thingis, Y schal gadere ȝou fro puplis, and Y schal gadere ȝou togidere fro londis, in whiche ȝe ben scatered; and Y schal ȝyue the erthe of Israel to ȝou. [verse 18] And thei schulen entre thidur, and schulen do awei alle offenciouns, and alle abhomynaciouns ther|of in that dai. [verse 19] And Y schal ȝyue to hem oon herte, and Y schal ȝyue a newe spi|rit in the entrails of hem; and Y schal take awei a stony herte fro the fleisch of hem, and Y schal ȝyue to hem an herte of [verse 20] fleisch; that thei go in my comaunde|mentis, and kepe my domes, and do tho; and that thei be in to a puple to me, and Y be in to God to hem. [verse 21] But of whiche the herte goith after her offendyngis and abhomynaciouns, Y schal sette the weie of hem in her heed, seith the Lord God. [verse 22] And the cherubyns reisiden her wyngis,

and the wheelis ȝeden with tho, and the glorie of God of Israel was on [in I.] tho. [verse 23] And the glorie of the Lord stiede fro the myd|dis of the citee, and stood on the hil, which is at the eest of the citee. [verse 24] And the spirit reiside me, and brouȝte me in to Caldee, to the passyng ouer, in visioun bi the spirit of God; and the visioun which Y hadde seyn, was takun awei fro me. [verse 25] And Y spak to the passyng ouer alle the wordis of the Lord, whiche he hadde schewid to me.

CAP. XII.

[verse 1] And the word of the Lord was maad [verse 2] to me, and he seide, Sone of man, thou dwellist in the myddis of an hous ter|rynge to wraththe, which han iȝen to se, and seen not, and eeris to here, and heren not; for it is an hous terrynge to wraththe. [verse 3] Therfor thou, sone of man, make to thee vessels of passing ouer, and thou schalt passe ouer bi dai bifor hem; forsothe thou schalt passe ouer fro thi place to another place, in the siȝt of hem, if perauenture thei biholden, for it is an hous terrynge to wraththe. [verse 4] And thou schalt bere withoutforth thi vessels, as the vessels of a man passynge ouer bi dai, in the siȝt of hem; sotheli thou schalt go out in the euentid bifore hem, as a man passynge forth goith out. [verse 5] Bifore the iȝen of hem digge the wal to thee, and thou [verse 6] schalt go out thorouȝ it in the siȝt of hem. Thou schalt be borun on schuldris, thou schalt be borun out in derknesse; thou schalt hile thi face, and thou schalt not se the erthe, for Y haue ȝoue thee a [to be a I.] signe [verse 7] of thing to comynge to the hous of Israel. Therfor Y dide as the Lord comaundide to me; Y brouȝte forth my vessels, as the vessels [vessel N.] of a man passynge ouer bi dai, and in the euentid Y diggide a wal to me with hond; Y ȝede out in derknesse, and [verse 8] Y was borun on schuldris, in the siȝt of hem. And the word of the Lord was

[verse 9] maad eerli to me, and he seide, Sone of man, whether the hous of Israel, the hous terrynge to wraththe, seiden not to thee, What doist thou? [verse 10] Seie thou to hem, The Lord God seith these thingis, This bir|thun is on the duyk, which is in Jerusa|lem, and on al the hous of Israel, which is in the myddis of hem. [verse 11] Seie thou, Y am ȝoure signe of thing to comynge; as Y dide, so it schal be don to hem; thei schulen go in to passynge [the passynge U.] ouer, and in to caitifte. [verse 12] And the duyk which is in the myddis of hem, schal be borun out on schuldris, and he schal go out in derk|nesse; thei schulen digge the wal, and lede hym out; his face schal be hilid, that he se not with iȝe the erthe. [verse 13] And Y schal stretche forth my net on hym, and he schal be takun in my net; and Y schal lede hym in to Babiloyne, in to the lond of Caldeis, and he schal not se that lond, and he schal die there. [verse 14] And Y schal scatere in to ech wynd alle men that ben aboute hym, his help, and hise cum|penyes; and Y schal draw out the swerd aftir hem [him U.] . [verse 15] And thei schulen wite, that Y am the Lord, whanne Y schal scatere hem among hethene men, and schal sowe hem abrood in londis. [verse 16] And Y schal leue of hem a fewe men fro swerd, and hungur, and pestilence, that thei telle out alle the grete trespassis of hem among hethene men, to which [whom I.] thei schulen entre; and thei schulen wite, that Y am the Lord. [verse 17] And the word of the Lord was maad to [verse 18] me, and he seide, Thou, sone of man, ete thi breed in disturblyng, but also drynke thi water in haaste and mourening. [verse 19] And thou schalt seie to the puple of the lond, The Lord God seith these thingis to hem that dwellen in Jerusalem, in the lond of Israel, Thei schulen ete her breed in an|gwisch, and thei schulen drynke her watir in desolacioun; that the lond be desolat [desolat, ether left alone C et ceteri.] of his multitude, for the wickidnesse of alle men that dwellen ther ynne. [verse 20] And

citees that ben now enhabitid, shulen be desolat, and the lond schal be forsakun [desert, ether forsakun CEFGHKMNPQRSUXY. desert I.] ; and ȝe schulen wite, that Y am the Lord. [verse 21] And the word of the Lord was maad to [verse 22] me, and he seide, Sone of man, what is this prouerbe to ȝou, of men seiynge in the lond of Israel, Daies schulen be differ|rid in to long tyme, and ech visioun shal perische? [verse 23] Therfor seie thou to hem, The Lord God seith these thingis, Y schal make this prouerbe to ceesse, and it schal no more be seid comynli in Israel; and speke thou to hem, that the daies han neiȝid, and ech word of profesie [visioun, ether [of I] profesie CEFGHIKMNPQRSUXY.] . [verse 24] For whi ech visioun schal no more be voide, nether bifor tellyng of thing to comynge schal be douteful in the myddis of the sones of [verse 25] Israel; for Y the Lord schal speke what euer word Y schal speke, and it schal be don; it schal no more be delaied, but in ȝoure daies, ȝe hous terrynge to wraththe, Y schal speke a word, and Y schal do that word, seith the Lord God. [verse 26] And the word of the Lord was maad to me, and he seide, [verse 27] Thou, sone of man, lo! the hous of Israel, of hem that seien, The visioun which this man seeth, is in to manye daies, and this man profesieth in to longe tymes. [verse 28] Therfor seie thou to hem, The Lord God seith these thingis, Ech word of me schal no more be deferrid; the word which Y schal speke, schal be fillid, seith the Lord God.

CAP. XIII.

[verse 1] And the word of the Lord was maad [verse 2] to me, and he seide, Sone of man, pro|fesie thou to the profetis of Israel that profesien; and thou schalt seie to hem that [verse 3] profesien of her herte, Here ȝe the word of the Lord. The Lord God seith these thingis, Wo to the vnwise profetis, that suen her [verse 4] spirit, and seen no thing; Israel, thi pro|fetis weren as foxis in desert. [verse 5] Ȝe stieden not euene aȝens, nether aȝensettiden a wal for the hous of Israel, that ȝe shulden

stonde in batel in the dai of the Lord. [verse 6] Thei seen veyn thingis, and deuynen a leesyng, and seien, The Lord seith, whanne the Lord sente not hem; and thei con|tynueden to conferme the word. [verse 7] Whether ȝe seen not a veyn visioun, and spaken fals diuynyng, and seiden, The Lord seith, whanne Y spak not? [verse 8] Therfor the Lord God seith these thingis, For ȝe spaken veyn thingis, and sien a leesyng, therfor lo! Y to ȝou, seith the Lord God. [verse 9] And myn hond schal be on the profetis that seen veyn thingis, and dyuynen a [Om. EI.] lees|yng [lesingis E.] ; thei schulen not be in the councel of my puple, and thei schulen not be writun in the scripture of the hous of Israel, nether thei schulen entre in to the lond of Israel; and ȝe schulen wite, that Y am the Lord God. [verse 10] For thei disseyueden my puple, and seiden, Pees, pees, and no pees is; and it [he A sup. ras. F sec. m. I E.] bildide [bilde E.] a wal, but thei pargitiden [dedin pargete EP.] it with fen with out chaffis. [verse 11] Seie thou to hem that pargiten [parget|iden IN.] with out temperure, that it schal falle doun; for a strong reyn schal be flowynge, and I shal ȝyue ful grete stoones fallinge fro aboue, and Y schal ȝyue a [Om. A.] wynd of tempest that distrieth. [verse 12] For lo! the wal felle doun. Whether it schal not be seid to ȝou, Where is the pargetyng, which ȝe pargetiden [dede pargete E.] ? [verse 13] Therfor the Lord God seith these thingis, And Y schal make the spirit of tempestis to breke out in myn indignacioun, and strong reyn flowynge in my strong ven|iaunce schal be, and greet stoonys in wraththe in to wastyng. [verse 14] And Y schal dis|trie the wal, which ȝe pargetiden [dede pargete E. han pargetid I.] with out temperure, and Y schal make it euene with the [Om. I.] erthe; and the foundement ther|of schal be schewid, and it schal falle doun, and it schal be wastid in the myddis therof; and ȝe schulen wite, that Y am the Lord. [verse 15] And Y schal fille myn indig|nacioun in the wal, and in hem that par|geten it with out temperure; and Y schal seie to ȝou, The wal is not, and thei ben

[verse 16] not, that pargeten [han pargetid I.] it, the profetis of Is|rael, that profesien to [in NS sec. m.] Jerusalem, and seen to it the visioun of pees, and pees is not, seith the Lord God. [verse 17] And thou, sone of man, sette thi face aȝens the douȝtris of thi puple, that profesien of her herte; [verse 18] and [Om. IN.] profesie thou on hem, and seie thou, The Lord God seith these thingis, Wo to hem that sowen togidere cuschens vndur ech cubit of hond, and maken pilewis vn|dur the heed of ech age, to take soulis; and whanne thei disseyueden the soulis of my puple, thei quykenyden the soulis of hem. [verse 19] And thei defouliden me to my pu|ple, for an handful of barli, and for a gobet of breed, that thei schulden sle soulis that dien not, and quykene soulis that lyuen not; and thei lieden to my puple, bileu|ynge to leesyngis. [verse 20] For this thing the Lord God seith these thingis, Lo! Y to ȝoure cuschens, bi whiche ȝe disseyuen soulis fliynge [stiynge N.] ; and Y schal al to-breke tho fro ȝoure armes, and Y schal delyuere soulis which ȝe disseyuen, soulis to fle. [verse 21] And Y schal al to-breke ȝoure pilewis, and Y schal delyuere my puple fro ȝoure hond [lond CEGHIK pr. m. MNPQSX sec. m.] ; and thei schulen no more be in ȝoure hondis, to be robbid; and ȝe schulen wite, that Y am the Lord. [verse 22] For that that ȝe maden falsli the herte of a iust man to morene, whom Y made not sori; and ȝe coumfortiden the hondis of a wickid man, that he schulde not turne aȝen fro his yuel weie, and lyue. [verse 23] Therfor ȝe schulen not se veyn thingis, and ȝe schulen no more dy|uyne false dyuynyngis; and Y schal dely|uere my puple fro ȝoure hond, and ȝe schulen wite, that Y am the Lord.

CAP. XIV.

[verse 1] And men of the eldris of Israel camen to me, and saten bifor me. [verse 2] And the word of the Lord was maad to me, and he seide, [verse 3] Sone of man, these men han set her vn|clennesses in her hertis, and han set stid|fastli

the sclaundre of her wickidnesse aȝens her face. Whether Y `that am [Om. ceteri.] axid, schal answere to hem? [verse 4] For this thing speke thou to hem, and thou schalt seie to hem, These thingis seith the Lord God, A man, a man of the hous of Israel, that settith hise vnclennessis in his herte, and settith stidfastli the sclaundre of his wick|idnesse aȝens his face, and cometh to the profete, and axith me bi hym, Y the Lord schal answere to hym in the multitude of hise vnclennessis; that the hous of Israel [verse 5] be takun in her herte, bi which thei ȝeden awei fro me in alle her idols. [verse 6] Therfor seie thou to the hous of Israel, The Lord God seith these thingis, Be ȝe conuertid, and go ȝe awei fro ȝoure idols, and turne awei ȝoure faces fro alle ȝoure filthis. [verse 7] For whi a man, a man of the hous of Israel, and of conuersis, who euer is a comelyng in Israel, if he is alienyd fro me, and set|tith hise idols in his herte, and settith stidfastli the sclaundir of his wickidnesse aȝens his face, and he cometh to the pro|fete, to axe me bi hym, Y the Lord schal answere hym bi my silf. [verse 8] And Y schal sette my face on that man, and Y schal make hym in to ensaumple, and in to a prouerbe, and Y schal leese hym fro the myddis of my puple; and ȝe schulen wite, that Y am the Lord. [verse 9] And whanne a pro|fete errith, and spekith a word, Y the Lord schal disseyue that profete; and Y schal stretche forth myn hond on hym, and Y schal do hym awei fro the myddis of my puple Israel. [verse 10] And thei schulen bere her wickidnesse; bi the wickidnesse of the axere, so the wickidnesse of the [verse 11] profete schal be; that the hous of Israel erre no more fro me, nether be defoulid in alle her trespassyngis; but that it be in to a puple to me, and Y be in to a [Om. ceteri.] God to hem, seith the Lord of oostis. [verse 12] And the word of the Lord was maad to me, and [verse 13] he seide, Sone of man, whanne the lond synneth aȝens me, that it trespassynge do

trespas, Y schal stretche forth myn hond on it, and Y schal al to-breke the ȝerde of breed therof; and Y schal sende hungur in to it, and Y schal sle of it man and beeste. [verse 14] And if these thre men Noe, Danyel, and Job, ben in the myddis therof, thei bi her riȝtfulnesse schulen delyuere her soulis, seith the Lord of oostis. [verse 15] That if also Y brynge in worste beestis on the lond, that Y distrie it, and if it is with out weie, for [verse 16] that no passer is for the beestis, and these thre men, that `ben bifore seid [Om. I. ben forseyd S.] , ben therynne, Y lyue, seith the Lord God, for thei schulen nethir delyuere sones, nether douȝtris, but thei aloone schulen be deli|uered; forsothe the lond schal be maad desolat. [verse 17] Ethir if Y brynge in swerd on that lond, and Y seie to the swerd, Passe thou thorouȝ the lond, and Y sle of it man [verse 18] and beeste, and these thre men ben in the myddis therof, Y lyue, seith the Lord God, that thei schulen not delyuere sones nether douȝtris, but thei aloone schulen be delyuered. [verse 19] Forsothe if Y brynge in [Om. N.] also pestilence on that lond, and Y schede out myn indignacioun on it in blood, that [verse 20] Y do awei fro it man and beeste, and Noe, and Danyel, and Joob, ben in the myddis therof, Y lyue, seith the Lord God, for thei schulen not delyuere a sone and a douȝter, but thei bi her riȝtfulnesse schulen delyuere her soulis. [verse 21] For the Lord God seith these thingis, That thouȝ Y sende in my foure worste domes, swerd, and hun|gur, and yuele beestis, and pestilence, in to Jerusalem, that Y sle of it man and [verse 22] beeste, netheles saluacioun of hem that leden out sones and douȝtris, schal be left ther ynne. Lo! thei schulen go out to [of N.] ȝou, and ȝe schulen se the weie of hem, and the fyndyngis of hem; and ȝe schulen be coumfortid on the yuel, which Y brouȝte in on Jerusalem, in alle thingis whiche Y bar in on it. [verse 23] And thei schulen coumforte ȝou, whanne ȝe schulen se the weie of hem and the fyndyngis of hem; and ȝe schulen

knowe, that not in veyn Y dide alle thingis, what euer thingis Y dide there ynne, seith the Lord almyȝti.

CAP. XV.

[verse 1] And the word of the Lord was maad to [verse 2] me, and he seide, Sone of man, what schal be don to the tre of a vyne, of alle the trees of woodis, that ben among the trees of woodis? [verse 3] Whether tymbre [tree, ether [or EPY] tymbre CEFGHIKMNPQRSUXY.] schal be takun therof, that werk be maad? ether shal a stake be maad therof, that ony vessel hange ther onne? [verse 4] Lo! it is ȝouun in to mete; fier wastide euer eithir part therof, and the myddis therof is dryuun in to deed [a deed A sec. m. IKS sec. m.] sparcle; whether it schal be profitable to werk? [verse 5] Ȝhe, whanne it was hool, it was not couenable to werk; hou myche more whanne fier hath deuourid, and hath brent it, no thing of werk schal be maad therof? [verse 6] Therfor the Lord God seith thes thingis, As the tre of a vyne is among the trees of woodis, which Y ȝaf to fier to deuoure, so Y ȝaf the dwelleris [verse 7] of Jerusalem, and Y schal sette my face aȝens hem. Thei schulen go out of the fier, and fier schal waaste hem; and ȝe schulen wite, that Y am the Lord, whanne Y schal [verse 8] sette my face aȝens hem, and schal ȝyue the lond with out weie and desolat, for thei weren trespassours, seith the Lord God [Om. N.] .

CAP. XVI.

[verse 1] And the word of the Lord was maad [verse 2] to me, and he seide, Sone of man, make thou [Om. IN.] knowun to Jerusalem her abhomy|naciouns; and thou schalt seie, The Lord [verse 3] God seith these thingis. A! thou Jerusa|lem, thi rote and thi generacioun is of the lond of Canaan; thi fadir is Amorrei, and thi moder is Cetei. [verse 4] And whanne thou were

borun, thi nawle was not kit awei in the dai of thi birthe, and thou were not waischun in watir in to helthe, nethir saltid with salt, nether wlappid in clothis. [verse 5] An iȝe sparide not on thee, that it [I I sec. m. sup. ras.] hau|ynge merci on thee, dide to thee oon of these thingis; but thou were cast forth on the face of erthe, in the castynge out of thi soule, in the dai in which thou were borun. [verse 6] Forsothe Y passide bi thee, and Y siȝ thee defoulid in thi blood; and Y seide to thee, whanne thou were in thi blood, Lyue thou; sotheli Y seide to thee in thi blood, Lyue thou. [verse 7] Y ȝaf thee mul|tiplied as the seed of a feeld, and thou were multiplied, and maad greet; and thou entridist, and camest fulli to wymmens ournyng; thi tetis wexiden greet, and thin heer wexide; and thou were nakid, and ful of schenschipe. [verse 8] And Y passide bi thee, and Y siȝ thee, and lo! thi tyme, the tyme of louyeris; and Y spredde abrood my clothing on thee, and Y hilide thi schen|schipe. And Y swoor to thee, and Y made a [Om. IN.] couenaunt with thee, seith the Lord God, and thou were maad a wijf to me. [verse 9] And Y waischide thee in water, and Y clenside awei thi blood fro thee, and Y [Om. N.] anoyntide thee with oile. [verse 10] And Y clothide thee with clothis of dyuerse colours, and Y schodde thee in iacynct, and Y girde [verse 11] thee with biys; and Y clothide thee with sutil thingis, and Y ournede thee with ournement. [verse 12] And Y ȝaf bies in thin hondis, and a wrethe aboute thi necke; and Y ȝaf a ryng on thi mouth, and cerclis to thin eeris, and a coroun of fairnesse in thin heed. [verse 13] And thou were ourned with gold and siluer, and thou were clothid with biys and ray cloth with rounde ymagis, and many colours. Thou etist [etidist K.] cleene [of clene I pr. m. N.] flour of wheete, and hony, and oile, and thou were maad fair ful greetli; and thou encreessidist in to a rewme, and thi [verse 14] name ȝede out in to hethene men for thi fairnesse; for thou were perfit in my fair|nesse

which Y hadde sett on thee, seith the Lord God. [verse 15] And thou haddist trist in thi fairnesse, and didist fornicacioun in thi name; and thou settidist [settist I.] forth thi fornica|cioun to ech that passide forth, that thou schuldist be maad his. [verse 16] And thou tokist of my clothis, and madist to thee hiȝ thingis set aboute on ech side; and thou didist fornycacioun on tho, as it was not don, nether schal be don. [verse 17] And thou tokist the vessels of thi fairnesse, of my gold and of my siluer, which Y ȝaf to thee; and thou madist to thee ymagis of men, and didist fornycacioun in tho. [verse 18] And thou tokist thi clothis of many colours, and thou were clothid in tho; and thou settid|ist myn oile and myn encence in the siȝt of tho. [verse 19] And thou settidist my breed, which Y ȝaf to thee, flour of wheete, and oile, and hony, bi whiche Y nurschide thee, in the siȝt of tho, in to odour of swetnesse; and it was don, seith the Lord God. [verse 20] And thou tokist thi sones and thi douȝtris, whiche thou gendridist to me, and offridist to tho, for to be deuourid. Whether thi fornicacioun is litil? [verse 21] Thou offridist my sones, and ȝauest hem, and halewidist to tho. [verse 22] And aftir alle thin abhomynaciouns and fornicaciouns, thou bithouȝtist not on the daies of thi ȝong wexynge age, whanne thou were nakid, and ful of schenschipe, and were defoulid in thi blood. [verse 23] And after al thi malice, wo, wo bifelle to thee, seith the Lord God. [verse 24] And thou bildidist to thee a bordel hous, and madist to thee a place of hordom in alle stretis. [verse 25] At ech heed of the weie thou bildidist a signe of thin hordom, and madist thi fairnesse abhomy|nable; and thou departidist thi feet to ech man passynge forth, and multepliedist thi fornicaciouns. [verse 26] And thou didist fornica|cioun with the sones of Egipt, thi neiȝ|boris of grete fleischis, and thou multe|pliedist thi fornicacioun [fornicaciouns IN.] , to terre me to wraththe. [verse 27] Lo! Y schal stretch forth myn

hond on thee, and Y schal take awei thi iustifiyng; and Y schal ȝyue thee in to the soulis of hem that haten thee, of the douȝ|tris of Palestyns, that ben aschamed in thi weie ful of greet trespas. [verse 28] And thou didist fornicacioun with the sones of Assiriens, for thou were not fillid ȝit; and after that thou didist fornicacioun, nether so thou were fillid. [verse 29] And thou multipliedist thi fornycacioun in the lond of Canaan with Caldeis, and nether so thou were fillid. [verse 30] In what thing schal Y clense thin herte, seith the Lord God, whanne thou doist alle these werkis of a womman an hoore, and gredi axere? [verse 31] For thou madist thi bordel hous in `the heed of ech [ech heed of the I.] weie, and thou madist thin hiȝ place in ech street; and thou were not maad as an hoore ful [verse 32] of anoiyng [anoyntinge M. noyinge U.] , encreessynge prijs, but as a womman auowtresse, that bryngith in aliens on hir hosebonde. [verse 33] Hiris ben ȝouun to alle hooris, but thou hast ȝoue hire to alle thi louyeris; and thou ȝauest to hem, that thei schulden entre to thee on ech side, to do fornycacioun with thee. [verse 34] And it was don in thee aȝens the custom of wymmen in thi fornycaciouns, and forni|cacioun schal not be after thee; for in that that thou ȝauest hiris, and tokist not hiris, the contrarie was don in thee. [verse 35] Therfor, thou hoore, here the word of the Lord. [verse 36] The Lord God seith these thingis, For thi riches is sched out, and thi schenschipe is schewid in thi fornicaciouns on thi louyeris, and on the idols of thin abho|mynaciouns [abhomynacioun S.] , in the blood of thi sones, [verse 37] whiche thou ȝauest to hem; lo! Y schal gadere to gidere alle thi [the I.] louyeris, with whiche thou were meddlid, and alle men whiche thou louedist, with alle men whiche thou hatidist; and Y schal gadere hem on thee on ech side, and Y schal make nakid thi schenschipe bifore hem, and thei schu|len se al thi filthe. [verse 38] And Y schal deme thee bi the domes of auoutressis, and schedinge [verse 39] out blood; and Y schal ȝyue thee in to

the [Om. IN.] blood of strong veniaunce, and of fer|uour. And Y schal ȝyue thee in to the hondis of hem, and thei schulen destrie thi bordel hous, and thei schulen destrie the place of thin hordom; and thei schulen make thee nakid of thi clothis, and thei schulen take awei the vessels of thi fair|nesse, and thei schulen forsake thee nakid, and ful of schenschipe. [verse 40] And thei schulen bringe on thee a multitude, and thei schu|len stoon thee with stoonys, and thei schulen sle thee with her swerdis. [verse 41] And thei schulen brenne thin housis with fier, and thei schulen make domes in thee, bi|for the iȝen of ful many wymmen; and thou schalt ceese to do fornicacioun, and thou schalt no more ȝyue hiris. [verse 42] And myn indignacioun schal reste in thee, and my feruent loue schal be takun awei fro thee; and Y schal reste, and Y schal no more [verse 43] be wrooth, for thou haddist not mynde on the daies of thi ȝong wexynge age, and thou terridist me to ire in alle these thingis. Wherfor and Y ȝaf thi weies in thin heed, seith the Lord God, and Y [Om. N.] dide not aftir thi grete trespassis, in alle these thin abhomynaciouns. [verse 44] Lo! ech man that seith a prouerbe comynli, schal take [verse 45] it in thee, and schal seie, As the modir, so and the douȝtir of hir. Thou art the douȝ|ter of thi modir, that castide awey hir hosebonde and hir sones; and thou art the sister of thi sistris, that castiden awei her hosebondis and her sones. Thi modir [verse 46] is Cetei, and thi fadir is Ammorrei; and thi gretter sister is Samarie, sche [and sche IN.] and hir douȝtris, that dwellen at thi left side; but thi sistir lesse than thou, that dwellith at thi riȝt side, is Sodom, and hir douȝtris. [verse 47] But thou ȝedist not in the weies of hem, nethir thou didist aftir the grete tres|passis of hem; hast thou do almest a litil lesse cursidere dedis than thei, in alle thi weies? [verse 48] Y lyue, seith the Lord God, for Sodom, thi sister, did not, sche and hir douȝtris, as thou didist, and thi douȝtris.

[verse 49] Lo! this was the wickidnesse of Sodom, thi sister, pride, fulnesse of breed, and habundaunce, and idilnesse of hir, and of [Om. N.] hir douȝtris; and thei puttiden [dressiden CEFGHIKMNPQRSUX.] not hond to a nedi man and pore. [verse 50] And thei weren enhaunsid, and diden other abhomina|ciouns bifore me; and Y took hem awei, as thou hast seyn. [verse 51] And Samarie synnede not the half of thi synnes, but thou hast ouercome hem in thi grete trespassis [trespasse N.] ; and thou hast iustified thi sistris in alle thin abhomynaciouns, whiche thou wrouȝtist. [verse 52] Therfor and thou bere thi schenschipe, that hast ouercome thi sistris with thi synnes, and didist more cursidli than thei; for thei ben iustified of thee. Therfor and be thou schent, and bere thi schenschipe, which hast iustified thi sistris. [verse 53] And Y schal conuerte and restore hem by the conuersioun of Sodom with hir douȝtris, and bi the conuersioun of Samarie and of hir douȝtris; and Y schal conuerte thi [verse 54] turnyng aȝen in the myddis of hem, that thou bere thi schenschipe, and be aschamed in alle thingis whiche thou didist, coum|fortynge hem. [verse 55] And thi sister Sodom and hir doȝtris schulen turne aȝen to her eld|nesse; and Samarie and hir douȝtris shu|len turne aȝen to her eeldnesse; and thou and thi douȝtris turne aȝen to ȝoure eld|nesse. [verse 56] Forsothe Sodom, thi sister, was not herd in thi mouth, in the dai of thi [verse 57] pride, bifore that thi malice was schewid, as in this tyme, in to schenschipe of the douȝtris of Sirie, and of alle douȝtris in thi cumpas, of the douȝtris of Palestyn that ben aboute thee bi cumpas. [verse 58] Thou hast bore thi greet trespas, and thi schen|schipe, seith the Lord God. [verse 59] For the Lord God seith these thingis, And Y schal do to thee as thou dispisidist the ooth, that thou schuldist make voide the couenaunt; [verse 60] and Y schal haue mynde on my couenaunt with thee in the daies of thi ȝongthe, and Y schal reise to thee a couenaunt euer|lastynge. [verse 61] And thou schalt haue mynde

on thi weies, and schalt be aschamed, whanne thou schalt resseyue thi sistris grettere than thou, with thi lesse sistris; and Y schal ȝyue hem in to douȝtris to thee, but not of thi couenaunt. [verse 62] And Y schal reise my couenaunt with thee, and thou schalt wite, that Y am the Lord, [verse 63] that thou haue mynde, and be aschamed; and that it be no more to thee to opene the mouth for thi schame, whanne Y schal be plesid to thee in alle thingis whiche thou didist, seith the Lord God.

CAP. XVII.

[verse 1] And the word of the Lord was maad to me, and he seide, Sone of man, sette [verse 2] forth a derk speche, and telle thou a para|ble [verse 3] to the hous of Israel; and thou schalt seie, The Lord God seith these thingis. A greet egle of grete wyngis, with long stretchyng out of membris, ful of fetheris and of dyuersite, cam to the Liban, and took awei the merowe of the cedre. [verse 4] He pullide awei the hiȝnesse of boowis therof, and bar it ouer in to the lond of Chanaan, and settide it in the citee of marchauntis. [verse 5] And he took of the seed of the lond, and settide it in the lond for seed, that it schulde make stidfast roote on many wa|tris; he [and he U.] settide it in [on IN.] the hiȝere part. [verse 6] And whanne it hadde growe, it encreess|ide in to a largere vyner, in lowe stature; for the boowis therof bihelden to that egle, and the rootis therof weren vndur that egle; therfor it was maad a vyner, and it made fruyt in to siouns, and sente out boowis. [verse 7] And another greet egle was maad, with grete wyngis, and many fe|theris; and lo! this vyner as sendynge hise rootis to that egle, stretchide forth his siouns to that egle, that he schulde

moiste it of the cornfloris of his seed. [verse 8] Which is plauntid in [on EFPX. in to 1 sec. m. NRS sec. m.] a good lond on [of I.] many watris, that it make boowis, and bere fruyt, that it be in to a greet vyner. [verse 9] Seie thou, Ezechiel, The Lord God seith these thingis, Therfor whether he schal haue prosperite? Whether Nabugodonosor schal not pulle awei the rootis of hym, and schal streyne the fruytis of hym? And he schal make drie alle the siouns of bu|riowning therof, and it schal be drie; and not in greet arm, nether in myche puple, that he schulde drawe it out bi the rootis. [verse 10] Lo! it is plauntid, therfor whether it schal haue prosperite? Whether not whanne brennynge wynd schal touche it, it schal be maad drye, and schal wexe drie in the cornfloris of his seed? [verse 11] And the word of the Lord was maad to me, and he seide, [verse 12] Seie thou to the hous terrynge to wraththe, Witen ȝe not what these thingis signefien? Seie thou, Lo! the king of Babiloyne com|eth in to Jerusalem; and he schal take the kyng and the princis therof, and he schal leede hem to hym silf in to Babiloyne. [verse 13] And he schal take of the seed of the rewme, and schal smyte with it a boond of pees, and he schal take of it an ooth; but also he schal take awei the stronge [verse 14] men of the lond, that it be a meke rewme, and be not reisid, but that it kepe the couenaunt of hym, and holde it. [verse 15] Which ȝede awei fro hym, and sente messangeris in to Egipt, that it schulde ȝyue to hym horsis and miche puple. Whether he that dide these thingis, schal haue prosperite, ether schal gete helthe? and whether he that brekith couenaunt, schal ascape? [verse 16] Y lyue, seith the Lord God, for in the place of the king that made hym kyng, whos ooth he made voide, and brak the coue|naunt, which he hadde with hym, in the myddis of Babiloyne he schal die. [verse 17] And not in greet oost, nether in myche puple Farao schal make batel aȝens hym, in the

castyng of erthe, and in bildyng of palis, that he sle many persones. [verse 18] For he dis|piside the ooth, that he schulde breke the boond of pees, and lo! he ȝaf his hond; and whanne he hath do alle these thingis, he schal not ascape. [verse 19] Therfor the Lord God [Om. N.] seith these thingis, Y lyue, for Y schal sette on his heed the ooth which he dispiside, and the boond of pees which he brak. [verse 20] And Y schal spredde abrood my net on hym, and he schal be takun in my net, and Y schal brynge hym in to Ba|biloyne; and there Y schal deme hym in the trespassyng, bi which he dispiside me. [verse 21] And alle hise flieris a wei with al his cumpenye schulen falle doun bi swerd, forsothe the remenauntis schulen be scha|terid in to ech wynd; and ȝe schulen wite, that Y the Lord spak. [verse 22] The Lord God seith these thingis, And Y schal take of the merowe of an hiȝ cedre, and Y schal sette a tendir thing of the cop of hise braunchis; Y schal streyne, and Y schal plaunte on an hiȝ hil, and apperynge fer. [verse 23] In the hiȝ hil of Israel Y schal plaunte it; and it schal breke out in to buriownyng, and it schal make fruyt, and it schal be in to a greet cedre, and alle briddis schu|len dwelle vndur it; ech volatil schal make nest vndur the schadewe of hise boowis. [verse 24] And alle trees of the cuntrei schulen wite, that Y am the Lord; Y made low the hiȝ tre, and Y enhaunside the low tre, and Y made drie the greene tree, and Y made the drie tree to brynge forth boowis; Y the Lord haue spoke, and Y haue do.

CAP. XVIII.

[verse 1] And the word of the Lord was maad [verse 2] to me, and he seide, What is it, that ȝe turnen a parable among ȝou in to this prouerbe, in the lond of Israel, and seien, Fadris eeten a bittir grape, and the teeth of sones ben an [on K.] egge, ether astonyed? [verse 3] Y

lyue, seith the Lord God, this parable schal no more be in to a prouerbe to ȝou in Israel. [verse 4] Lo! alle soulis ben myne; as the soule of the fadir, so and the soule of the sone is myn. Thilke soule that doith synne, schal die. [verse 5] And if a man is iust, [verse 6] and doith doom and riȝtfulnesse, etith not in hillis, and reisith not hise iȝen to the idols of the hous of Israel; and defoulith not the wijf of his neiȝbore, and neiȝeth not to a womman defoulid with vncleene [verse 7] blood; and makith not a man sori, ȝeldith the wed to the dettour, rauyschith no thing bi violence, ȝyueth his breed to the hungri, and hilith a nakid man with a [verse 8] cloth; leeneth not to vsure, and takith not more; turneth awei his hond fro wick|idnesse, and makith trewe dom bitwixe [verse 9] man and man; and goith in my co|maundementis, and kepith my domes, that he do [doith N.] treuthe; this is a iust man, he schal lyue in lijf, seith the Lord God. [verse 10] That if he gendrith a sone, a theef, shed|inge [verse 11] out blood, and doith oon of thes thingis, and sotheli not doing alle these thingis, but etinge in hillis, and defoul|ynge [verse 12] the wijf of his neiȝbore; makynge soreuful a nedy man and pore, rauysch|ynge raueyns, not ȝeldinge a wed, reisynge hise iȝen to idols, doynge abhomynacioun; [verse 13] ȝiuynge to vsure, and takynge more; whe|ther he schal lyue? he schal not lyue; whanne he hath do alle these abhomyn|able thingis, he schal die bi deth, his blood [blood, ether synne I.] schal be in hym. [verse 14] That if he gen|drith [getith I.] a sone, which seeth alle the synnes of his fadir, whiche he dide, and dredith, [verse 15] and doith noon lijk tho; etith not on hillis, and reisith not hise iȝen to the idols of the hous of Israel; and defoulith not the wijf [verse 16] of his neiȝbore, and makith not sori a man, witholdith not a wed, and rauysch|ith not raueyn, ȝyueth his breed to the hungri, and hilith the nakid with a cloth; [verse 17] turneth a wei his hond fro the wrong of a pore man, takith not vsure and ouer|habundaunce,

`that is, no thing more than he lente [Om. IN.] , and doith my domes, and goith in my comaundementis; this sone schal not die in the wickidnesse of his fadir, but he schal lyue in lijf. [verse 18] For his fadir made fals caleng, and dide violence to his brother, and wrouȝte yuel in the myddis of his puple, lo! he is deed in his wickid|nesse. [verse 19] And ȝe seien, Whi berith not the sone the wickidnesse of the fadir? That is to seie, for the sone wrouȝte doom and riȝtfulnesse, he kepte alle my comaunde|mentis, and dide tho, he schal lyue in lijf. [verse 20] Thilke soule that doith synne, schal die; the sone schal not bere the wickidnesse of the fadir, and the fadir schal not bere the wickednesse of the sone; the riȝtfulnesse of a iust man schal be on hym, and the wickidnesse of a wickid man schal be on hym. [verse 21] Forsothe if a wickid man doith penaunce of alle hise synnes whiche he wrouȝte, and kepith alle myn heestis, and doith dom and riȝtfulnesse, he schal lyue bi lijf, and schal not die. [verse 22] Y schal not haue mynde of alle his wickidnessis whiche he wrouȝte; he schal lyue in his riȝtfulnesse which he wrouȝte. [verse 23] Whether the deth of the [a I.] wickid man is of my wille, seith the Lord God, and not that he be conuertid fro his weies, and lyue? [verse 24] Forsothe if a iust man turneth awey hym silf fro his riȝtfulnesse, and doith wickid|nesse bi alle hise abhomynaciouns, which a wickid man is wont to worche, whether he schal lyue? Alle hise riȝtfulnessis whiche he dide, schulen not be had in mynde; in his trespassyng bi which he trespasside, and in his synne which he synnede, he schal die in tho. [verse 25] And ȝe seiden, The weie of the Lord is not euene. Therfor, the hous of Israel, here ȝe, whether my weie is not euene, and not more ȝoure weies ben schrewid? [verse 26] For whanne a riȝtful man turneth awei hym silf fro his riȝtfulnesse, and doith wickidnesse, he schal die in it, he schal die in the vnriȝtwisnesse [vnriȝtfulnesse CEFGHIKMNPQRSUX.] which

he wrouȝte. [verse 27] And whanne a wickid man turneth awei him silf fro his wickidnesse which he wrouȝte, and doith dom and riȝtfulnesse, he schal quykene his soule. [verse 28] For he biholdinge and turnynge awei hym silf fro alle hise wickidnessis which he wrouȝte, schal lyue in lijf, and schal not die. [verse 29] And the sones of Israel seien, The weie of the Lord is not euene. Whether my weies ben not euene, ȝe hous of Israel, and not more ȝoure weies ben schrewid? [verse 30] Therfor, thou hous of Israel, Y schal deme ech man bi hise weies, seith the Lord God. Turne ȝe togidere, and do ȝe penaunce for alle ȝoure wickidnessis, and wickidnesse schal not be to ȝou in to falling. [verse 31] Caste awei fro ȝou alle ȝoure trespassingis, bi [Om. I.] whiche ȝe trespassiden, and make ȝe a newe herte and a newe spirit to ȝou, and whi [thanne whi I.] schulen ȝe [we N.] die, the hous of Israel? [verse 32] For Y nyle [wille not I.] the deeth of hym that dieth, seith the Lord God; turne ȝe aȝen, and lyue ȝe.

CAP. XIX.

[verse 1] And thou, sone of man, take weiling [verse 2] on [of I.] the princes of Israel; and thou schalt seie, Whi thi modir, a lionesse, lai among liouns? In the myddis of litle liouns sche [verse 3] nurschide hir whelpis, and ledde out oon of hir litle liouns; he was maad a lioun, and he lernyde to take prei, and to ete men. [verse 4] And hethene men herden of hym, and token hym not withouten her woundis; and thei brouȝten hym in chaynes in to [Om. N.] the lond of Egipt. [verse 5] Which modir whanne sche hadde seyn, that sche was sijk, and the abiding of hym perischide, took oon of her litle liouns, and made hym a lioun.

[verse 6] Which ȝede among liouns, and was maad [verse 7] a lioun; and lernede to take prey, and to deuoure men. He lernyde to make widewis, and to brynge the citees of men in to de|sert; and the lond and the fulnesse therof was maad desolat, of the vois of his roryng. [verse 8] And hethene men camen togidere aȝens hym on ech side fro prouynces, and spred|den on hym her net; he was takun in the woundis of tho [thilke I.] hethene men. [verse 9] And thei senten hym in to a [the N.] caue in chaines, and brouȝten hym to the kyng of Babiloyne; and thei senten hym in to prisoun, that his vois were no more herd on the hillis of Israel. [verse 10] Thi modir as a vyner in thi blood was plauntid on watre; the fruitis therof and the boowis therof encreessiden of many watris. [verse 11] And sadde ȝerdis weren maad to it in to septris of lordis, and the stature therof was enhaunsid among boowis; and it siȝ his hiȝnesse in the mul|titude of hise siouns. [verse 12] And it was drawun out in wraththe, and was cast forth in to erthe; and a brennynge wynd dryede the fruyt therof, and the ȝerdis of strengthe therof welewiden, and weren maad drie, and fier [the fier FQU.] eet it. [verse 13] And now it is plauntid ouer in desert, in a lond with out weie, and thristi. [verse 14] And fier ȝede out of the [a CFGHIKMNPQRSUX.] ȝerde of the braunchis therof, that eet the fruyt therof. And a stronge ȝerde, the cep|tre of lordis, was not in it. It is weilyng, and it schal be in to weilyng.

CAP. XX.

[verse 1] And it was doon in the seuenthe ȝeer, in the fyuethe monethe, in the tenthe dai of the monethe, men of the eldris of Israel camen to axe the Lord; and thei saten bifor me. [verse 2] And the word of the Lord was [verse 3] maad to me, and he seide, Sone of man, speke thou to the eldere men of Israel; and thou schalt seie to hem, The Lord

God seith these thingis, Whether ȝe camen to axe me? Y lyue, for Y schal not an|swere to ȝou, seith the Lord God. Sone of [verse 4] man, if thou demest hem, if thou demest [demest hem I pr. m. NS sec. m.] , schewe thou to hem the abhomynaciouns of her fadris. [verse 5] And thou schalt seie to hem, The Lord God seith these thingis, In the dai in which Y chees Israel, and reiside myn hond for the generacioun of the hous of Jacob, and Y apperide to hem in the lond of Egipt, and Y reiside myn hond for hem, and Y seide, Y am ȝoure Lord [verse 6] God, in that dai Y reiside myn hond for hem, that Y schulde leede hem out of the lond of Egipt, in to the lond which Y hadde purueiede to [for N.] hem, the [a I.] lond flow|ynge with mylk and hony, which is noble among alle londis. [verse 7] And Y seide to hem, Ech man caste awei the offenciouns of hise iȝen, and nyle ȝe be defoulid in the idols of Egipt; Y am ȝoure Lord God. [verse 8] And thei terriden me to wraththe, and nolden here me; ech man castide not awei the abhomynaciouns of hise iȝen, nether thei forsoken the idols of Egipt. [verse 9] And Y seide, that Y wold schede out myn indig|nacioun on hem, and fille my wraththe in hem, in the myddis of the lond of Egipt. And Y dide for my name, that it schulde not be defoulid bifore hethene men, in the myddis of whiche [whom I.] thei weren, and among whiche [whom I.] Y apperide to hem, that Y schulde lede hem out of the lond of Egipt. [verse 10] Ther|for Y castide hem out of the lond of Egipt, [verse 11] and Y ledde hem out in to desert; and Y ȝaf to hem my comaundementis, and Y schewide to hem my doomes, which a man schal do, and lyue in tho. [verse 12] Ferthermore and Y ȝaf to hem my sabatis, that it schulde be a sygne bitwixe me and hem, and that thei schulden wite, that Y am the Lord halewynge hem. [verse 13] And the hous of Israel terriden me to wraththe in de|sert; thei ȝeden not in my comaunde|mentis, and thei castiden awei my domes,

whiche a man that doith, schal lyue in tho; and thei defouliden greetli my sa|batis. Therfor Y seide, that Y wolde schede out my strong veniaunce on hem in de|sert, [verse 14] and waste hem; and Y dide for my name, lest it were defoulid bifor hethene men, fro whiche [whom I.] Y castide hem out in the siȝt of tho. [verse 15] Therfor Y reiside myn hond on hem in the [Om. I.] desert, that Y brouȝte not hem in to the lond which Y ȝaf to hem, the lond flowynge with mylk and hony, the beste of alle londis. [verse 16] For thei castiden awei my domes, and ȝeden not in my co|maundementis, and thei defouliden my sa|batis; for the herte of hem ȝede after idols. [verse 17] And myn iȝe sparide on hem, that Y killide not hem, nether Y wastide hem in the [Om. IKMSU.] desert. [verse 18] Forsothe Y seide to the sones of hem in wildirnesse, Nyle ȝe go in the comaundementis of ȝoure fadris, nether kepe ȝe the domes of hem, nethir be ȝe defoulid in the idols of hem. [verse 19] Y am ȝoure Lord God, go ȝe in my comaundementis, and kepe ȝe my domes, and do ȝe tho. [verse 20] And halowe ȝe my sabatis, that it be a signe bitwixe me and ȝou, and that it be knowun, that Y am ȝoure Lord God. [verse 21] And the sones terriden me to wraththe, and ȝeden not in my comaundementis, and kepten not my domes, that thei diden tho, whiche whanne a man hath do, he schal lyue in tho, and thei defouliden my sa|batis. And Y manaasside to hem, that Y wolde schede out my stronge veniaunce on hem, and fille my wraththe in hem in the [Om. IU.] desert. [verse 22] But Y turnede awei myn hond, and Y dide this for my name, that it were not defoulid bifore hethene men, fro whiche Y castide hem out bifore the iȝen of tho. [verse 23] Eft Y reiside myn hond aȝens hem in wildirnesse, that Y schulde scatere hem in to naciouns, and wyndewe hem in [verse 24] to londis; for that that thei hadden not do my domes, and hadden repreuyd my comaundementis, and hadden defoulid my

sabatis, and her iȝen hadden be after the idols of her fadris. [verse 25] Therfor and Y ȝaf to hem comaundementis not good, and domes in whiche thei schulen not lyue. [verse 26] And Y defoulide hem in her ȝiftis, whanne thei offriden to me for her trespassis al thing that openeth the wombe; and thei schulen wite, that Y am the Lord. [verse 27] Wherfor speke thou, sone of man, to the hous of Israel, and thou schalt seie to hem, The Lord God seith these thingis, Ȝit and in this ȝoure fadris blasfemyden me, whanne thei [verse 28] dispisynge hadden forsake me, and Y hadde brouȝte hem in to the lond on which Y reiside myn hond, that Y schulde ȝiue to hem, thei siȝen ech hiȝ [Om. NS sec. m.] litil hil, and ech tree ful of boowis, and thei of|friden there her sacrifices, and thei ȝauen there her offryngis, in to terring to wraththe; and thei settiden [setten I.] there the odour of her swetnesse, and thei offriden her moiste sacrifices. [verse 29] And Y seide to hem, What is the hiȝ thing, to whiche ȝe entren? And the name therof is clepid Hiȝ Thing til to this dai. [verse 30] Therfor seie thou to the hous of Israel, The Lord God seith these thingis, Certis ȝe ben defoulid in the weie of ȝoure fadris, and ȝe don fornycacioun [verse 31] aftir the offendingis of hem, and in the offryng of ȝoure ȝiftis, whanne ȝe leden ouer [Om. N.] ȝoure sones bi fier, ȝe ben defoulid in alle ȝoure idols til to dai, and schal Y answere to ȝou [Om. I.] , the hous of Israel? Y lyue, seith the Lord God, for Y schal not an|swere [verse 32] to ȝou; nether the thouȝte of ȝoure soul schal be don, that seien, We schulen be as hethene men, and as naciouns of erthe, that we worschipe trees and stoonys. [verse 33] Y lyue, seith the Lord God, for in strong hond, and in arm stretchid forth, and in strong veniaunce sched out, I schal regne on ȝou. [verse 34] And Y schal lede out ȝou fro puplis, and Y schal gadere ȝou fro londis, in whiche ȝe ben scaterid; in strong hond, and in arm stretchid forth, and in strong

veniaunce sched out Y schal regne on ȝou. [verse 35] And Y schal bringe ȝou in to desert of puplis, and Y schal be demed there with ȝou face to face. [verse 36] As Y stryuede in doom aȝens ȝoure fadris in the desert of the lond of Egipt, so Y schal deme ȝou, seith the [verse 37] Lord; and Y schal make ȝou suget to my septre, and Y schal bringe in ȝou in the boondis of pees. [verse 38] And Y schal chese of ȝou trespassouris, and wickid men; and Y schal leede hem out of the lond of her dwelling, and thei schulen not entre in to the lond of Israel; and ȝe schulen wite, that Y am the Lord. [verse 39] And ȝe, the hous of Israel, the Lord God seith these thingis, Go ȝe ech man aftir ȝoure idols, and serue ȝe tho. That and if ȝe heren not me in this, and defoulen more myn hooli name [verse 40] in ȝoure ȝiftis, and in ȝoure idols, in myn hooli hil, in the hiȝ hil of Israel, seith the Lord God, ȝe schulen be punyschid greu|ousliere. There al the hous of Israel schal serue me, sotheli alle men in the lond, in which thei schulen plese me; and there Y schal seke ȝoure firste fruytis, and the bigynnyng of ȝoure tithis in alle ȝoure halewyngis. [verse 41] Y [and F pr. m. GIKMNPS sec. m. XY] schal resseiue ȝou in to odour of swetnesse, whanne Y schal leede ȝou out of puplis, and schal gadere ȝou fro londis, in whiche ȝe weren scaterid; and Y schal be halewid in ȝou bifor the iȝen of naciouns [the naciouns I pr. m.] . [verse 42] And ȝe schulen wite, that Y am the Lord, whanne Y schal bringe ȝou in to the lond of Israel, in to the lond for which Y reiside myn hond, that Y schulde ȝyue it to ȝoure fadris. [verse 43] And ȝe schulen haue mynde there on ȝoure weies, and on alle ȝoure grete trespassis, bi whiche ȝe ben defoulid in tho; and ȝe schulen dis|plese ȝou in [Om. I.] ȝoure siȝt, in alle ȝoure ma|lices whiche ȝe diden. [verse 44] And ȝe schulen wite, that Y am the Lord, whanne Y schal do wel to ȝou for my name; not bi ȝoure yuel weies, nether bi ȝoure worste trespassis, ȝe hous of Israel, seith the Lord God.

[verse 45] And the word of the Lord was maad to [verse 46] me, and he seide, Thou, sone of man, sette thi face aȝens the weie of the south, and droppe thou to the south, and profesie thou to the forest of the myddai feeld. [verse 47] And thou schalt seie to the myddai forest, Here thou the word of the Lord [Lord God I pr. m. N.] . The Lord God seith these thingis, Lo! Y schal kyndle a fier in thee, and Y schal brenne in thee ech green tre, and ech drie tre; the flawme of brennyng schal not be quenchid, and ech face schal be brent ther ynne, fro the south til to the north. [verse 48] And ech man schal se, that Y the Lord haue kyndlid it, and it schal not be quenchid. [verse 49] And Y seide, A! A! A! Lord God, thei seien of me, Whethir this man spekith not bi parablis?

CAP. XXI.

[verse 1] And the word of the Lord was maad [verse 2] to me, and he seide, Thou, sone of man, sette thi face to Jerusalem, and droppe thou to the seyntuaries, and profesie thou aȝens the erthe of Israel. [verse 3] And thou schalt seie to the lond of Israel, The Lord God seith these thingis, Lo! Y to thee, and Y schal caste [caste out IS.] my swerd out [Om. I.] of his schethe, and Y schal sle in thee a iust man and a wickid man. [verse 4] Forsothe for that that Y haue slayn in thee a iust man and a wickid man, therfor my swerd schal go out of his schethe to ech man, fro the south til [verse 5] to the north; that ech man wite, that Y the Lord haue drawe [led CEFGHIKMNPQRSU.] out my [the N.] swerd fro his schethe, that schal not be clepid aȝen. [verse 6] And thou, sone of man, weile in sorewe of leendis, and in bitternessis thou schalt weile bifore hem. [verse 7] And whanne thei schu|len seie to thee, Whi weilist thou? thou schalt seie, For hering, for it cometh; and

ech herte shal faile, and alle hondis schu|len be aclumsid, and ech spirit schal be sike, and watris schulen flete doun bi alle knees; lo! it cometh, and it shal be don, seith the Lord God. [verse 8] And the word of the [verse 9] Lord was maad to me, and he seide, Sone of man, profesie thou; and thou schalt seie, The Lord God seith these thingis, Speke thou, The swerd, the swerd is maad [verse 10] scharp, and is maad briȝt; it is maad scharp to sle sacrifices; it is maad briȝt, that it schyne. Thou that mouest the ceptre of my sone, hast kit doun ech tree. [verse 11] And Y ȝaf it to be forbischid, that it be holdun with hond; this swerd is maad scharp, and this is maad briȝt, that it be in the hond of the sleere. [verse 12] Sone of man, crie thou, and ȝelle, for this swerd is maad in my puple, this in alle the duykis of Israel; thei that fledden ben ȝouun to swerd with [in N.] my puple. Therfor smite thou [verse 13] on thin hipe, for it is preuyd; and this whanne it hath distried the ceptre, and it schal not be, seith the Lord God. [verse 14] Ther|for, sone of man, profesie thou, and smyte thou hond to hond, and the swerd be dou|blid, and the swerd of sleeris [the sleers I.] be treblid [troublid F.] ; this is the swerd of greet sleyng, that [verse 15] schal make hem [hym A.] astonyed, and to faile in herte, and multiplieth fallingis. In alle the ȝatis of hem Y ȝaf disturbling of a [Om. I.] swerd, scharp and maad briȝt to schyne, gird to sleynge. [verse 16] Be thou maad scharp, go thou to the riȝt side, ether to the left side, whidur euer the desir of thi face is. [verse 17] Certis and Y schal smyte with hond [the hond I.] to hond, and Y schal fille myn indignacioun; Y the Lord spak. [verse 18] And the word of the Lord [verse 19] was maad to me, and he seide, And thou, sone of man, sette to thee twei weies, that the swerd of the king of Babiloyne come; bothe schulen go out of o [the I.] lond, and bi the [Om. CEFGHIK MNPQRSUX.] hond he [Y A.] schal take coniecting; he schal coniecte in the heed of the [Om. K.] weie of [verse 20] the [Om. CFGHKMNPQSUX.] citee, settinge a weye, that the swerd

come to Rabath of the sones of Amon, and to Juda in to Jerusalem moost strong. [verse 21] For the king of Babiloyne stood in the meeting of twey weies, in the heed of twei weies, and souȝte dyuynyng, and medlide arowis; he axide idols, and took councel at entrails. [verse 22] Dyuynyng was maad to [on N.] his riȝt side on Jerusalem, that he sette en|gyns, that he opene mouth in sleyng, that he reise vois in ȝelling, that he sette en|gyns aȝens the ȝatis, that he bere togidere erthe, that he bilde strengthinges. [verse 23] And he shal be as counceling in veyn goddis answer bifor the iȝen of hem, and seru|ynge the [to I.] reste of sabatis; but he schal haue mynde on wickidnesse, to take. [verse 24] Ther|for the Lord God seith these thingis, For that that ȝe hadden mynde on ȝoure wick|idnesse [wickidnessis IN.] , and schewiden ȝoure trespass|yngis, and ȝoure synnes apperiden in alle ȝoure thouȝtis, forsothe for that that ȝe hadden mynde, ȝe schulen be takun bi hond [the hond I.] . [verse 25] But thou, cursid wickid duyk of Is|rael, whos dai bifor determyned [termed I pr. m. determed sec. m.] is comun [verse 26] in the tyme of wickidnesse, the Lord God seith these thingis, Do awei the mitre, take awei the coroun; whether it is not this [he this I.] that reiside the meke man, and made low the hiȝ man? [verse 27] Wickidnesse, wickidnesse, wickidnesse Y schal putte it; and this schal not be doon til he come, whos the doom is, and Y schal bitake to hym. [verse 28] And thou, sone of man, profesie, and seie, The Lord God seith these thingis to the sones of Amon, and to the [Om. N.] schenschipe of hem; and thou schalt seie, A! thou swerd, A! thou swerd, drawun out to sle, maad briȝte, [verse 29] that thou sle and schyne, whanne veyn thingis weren seien to thee, and leesingis weren dyuynyd, that thou schuldist be ȝouun on the neckis of wickid men wound|id, the dai of whiche bifore determyned schal come in the tyme of wickidnesse, [verse 30] turne thou aȝen in to thi schethe, in to the place in which thou were maad. Y

schal deme thee in the lond of thi birthe, [verse 31] and Y schal schede out myn indignacioun on thee; in the fier of my strong ven|iaunce Y schal blowe in thee, and Y schal ȝyue thee in to the [Om. N.] hondis of vnwise men, and makinge deth. [verse 32] Thou schalt be mete to fier, thi blood schal be in the middis of erthe; thou schalt be ȝouun to forȝetyng, for Y the Lord spak.

CAP. XXII.

[verse 1] And the word of the Lord was maad [verse 2] to me, and he seide, And thou, sone of man, whether thou demest not the citee of bloodis? [verse 3] And thou schalt schewe to it alle hise abhomynaciouns, and thou schalt seie, The Lord God seith these thingis, This is a citee schedinge out blood in the myddis of it silf, that the tyme therof come; and which made idols aȝens it silf, that it shulde be defoulid. [verse 4] In thi blood which is shed out of thee, thou trespass|idist, and thou art defoulid in thin idols whiche thou madist; and thou madist thi daies to neiȝe, and thou brouȝtist the time of thi ȝeeris. Therfor Y ȝaf thee [thee to be I.] schen|schipe to hethene men, and scornyng to [verse 5] alle londis that ben niȝ thee, and that ben fer fro thee; thou foul citee, noble, greet in perisching, thei schulen haue vic|torie of thee. [verse 6] Lo! princes of Israel, alle in her arm, weren in thee, to schede out blood. [verse 7] Thei punyschiden with wrongis fadir and modir in thee, thei calengiden falsli a comelyng in the myddis of thee, thei maden sori a fadirles child and a widewe at thee. [verse 8] Ȝe dispisiden my seyn|tuaries, and ȝe defouliden my sabatis. [verse 9] Men bacbiteris weren in thee, to schede out blood, and eten on hillis in thee; thei wrouȝten greet trespas in the myddis of thee. [verse 10] Thei vnhiliden the schamefulere

thingis of the fadir in thee, thei maden low in thee the vnclenesse of a womman in vnclene blood. [verse 11] And ech man wrouȝte abhomynacioun aȝens the wijf of his neiȝ|bore, and the fadir of the hosebonde de|foulide his sones wijf vnleuefuli; a bro|ther oppresside in thee his sister, the douȝtir of his fadir. [verse 12] Thei token ȝiftis at [of N.] thee, to schede out blood; thou tokist vsure and ouerabundaunce, and thou ca|lengidist greedili thi neiȝboris, and thou hast forȝete me, seith the Lord God. [verse 13] Lo! Y haue smyte togidere myn hondis on thin aueryce, which thou didist, and on the blood which is sched out in the myddis of thee. [verse 14] Whether thin herte schal susteyne, ether thin hondis schulen haue power in the daies whiche Y schal make to thee? For Y [Om. I.] the Lord spak, and Y schal do. [verse 15] And Y schal scatere thee in to naciouns, and Y schal wyndewe thee in to londis; and Y schal make thin vnclen|nesse [verse 16] to faile fro thee, and Y schal welde thee in the siȝt of hethene men; and thou schalt wite, that Y am the Lord. [verse 17] And the word of the Lord was maad to me, [verse 18] and he seide, Thou, sone of man, the hous of Israel is turned to me in to dros, ether filthe of irun; alle [and N.] these ben bras, and tyn, and irun, and leed, in the myddis of furneis [a furneis IN.] , thei ben maad the dros of siluer. [verse 19] Therfor the Lord God seith these thingis, For that alle ȝe ben turned in to dros, lo! Y schal gadere ȝou togidere in the [verse 20] myddis of Jerusalem, bi gadering [the gaderyng I.] togi|dere of siluer, and of latoun, and of irun, and of tyn, and of leed, in the myddis of furneis [a furneis EFHIKMQRSU.] ; and Y schal kindle ther ynne a fier, to welle togidere; so Y schal gadere ȝou togidere in my strong veniaunce, and in my wraththe, and Y schal reste. And [verse 21] Y schal welle ȝou togidere, and Y schal gadere ȝou togidere, and Y schal sette ȝou a fier in the fier of my strong veniaunce, and ȝe schulen be wellid togidere in the myddis therof. [verse 22] As siluer is wellid togi|dere

in the myddis of a furneis, so ȝe schulen be in the myddis therof; and ȝe schulen wite, that Y am the Lord, whanne Y haue sched out myn indignacioun on ȝou. [verse 23] And the word of the Lord was maad [verse 24] to me, and he seide, Sone of man, seie thou to it, Thou art a lond vncleene, and not bireyned in the dai of strong ven|iaunce. [verse 25] Sweringe togidere, ether conspir|inge [coniuracioun I.] of profetis is in the myddis therof; as a lioun roringe and takinge prei, thei deuouriden men, thei token richessis and prijs; thei multiplieden widewis therof in the myddis therof. [verse 26] Preestis therof dispis|iden my lawe, and defouliden my seyn|tuaries; thei hadden not difference bi|twixe hooli thing and vnhooli, thei vndur|stoden not bitwixe defoulid thing and cleene thing; and thei turneden awei her iȝen fro my sabatis, and Y was defoulid in the myddis of hem. [verse 27] The princes therof in the myddis therof weren as wolues rauyschinge prey, to schede out blood, and to leese men, and in suynge lucris gredili. [verse 28] Forsothe the profetis therof pargetiden hem with out temperure, and seȝen veyn thingis, and dyuyneden leesingis to hem, and seiden, The Lord God seith these thingis, whanne the Lord spak not. [verse 29] The puples of the lond calengiden fals caleng, and rauyschiden bi violence; thei turment|iden a nedi man and pore, and oppressiden a comeling bi fals caleng, with out doom. [verse 30] And [Om. N.] Y souȝte of hem a man, that schulde sette an hegge bitwixe, and stonde set aȝens me for the lond, that Y schulde not distrie it, and Y foond not. [verse 31] And Y schedde out on hem myn indignacioun, and Y wastide hem in the fier of my wraththe; Y [and Y X.] ȝeldide the weie of hem on the heed of hem, seith the Lord God.

CAP. XXIII.

[verse 1] And the word of the Lord was maad to [verse 2] me, and he seide, Thou, sone of man, twei wymmen weren the douȝtris of o modir,

[verse 3] and diden fornycacioun in Egipt; in her ȝonge wexynge age thei diden fornica|cioun; there the brestis of hem weren maad low, and the tetis of the tyme of mariage of hem weren brokun. [verse 4] Forsothe the names of hem ben, Oolla, the more sistir, and Ooliba the lesse sistir of hir. And Y hadde hem, and thei childiden sones and douȝtris; certis the names of hem ben Samarie Oolla, and Jerusalem Ooliba. [verse 5] Therfor Oolla dide fornicacioun on me, and was wood on hir louyeris, on [verse 6] Assiriens neiȝinge, clothid with iacinct, princes, and magistratis, ȝonge men of coueytise, alle kniȝtis, and [Om. N.] stieris of horsis. [verse 7] And sche ȝaf hir fornicaciouns on hem, on alle the chosun sones of Assiriens; and in alle on whiche sche was wood, sche was defoulid in the vnclennessis of hem. [verse 8] Fer|thermore and sche lefte not hir fornica|ciouns, whiche sche hadde in Egipt; for whi and thei slepten with hir in the ȝongthe of hir, and thei braken the tetis of the tyme of mariage of hir, and thei scheden out her fornicacioun on hir. [verse 9] Therfor Y ȝaf hir in to the hondis of hir louyeris, in to the hondis of the sones of Assur, on whos letcherie sche was wood. [verse 10] Thei diskyueriden the schenschipe of hir; thei token awei the sones and the douȝtris of hir, and killiden [thei killiden I.] hir with swerd; and the wymmen weren maad famouse, that is, sclaundrid, and thei diden domes in hir. [verse 11] And whanne hir sistir Ooliba hadde seyn this, sche was wood in letcherie more than that sistre, and ȝaf vnschamefastli hir fornicacioun on the fornicacioun of hir [verse 12] sistre, to the sones of Assiriens, to duykis and magistratis comynge to hir, that weren clothid with dyuerse cloth, to knyȝtis that weren borun on horsis, and to ȝonge men with noble schap, to alle men. [verse 13] And Y siȝ that o weie of both sis|tris [verse 14] was defoulid, and sche encreesside hir fornycaciouns. And whanne sche hadde seyn men peyntid in the wal, the ymagis

[verse 15] of Caldeis expressid with colouris, and gird on the reynes with kniȝtis girdlis, and cappis peyntid in [on INS.] the heedis of hem, the foormes of alle duykis, the licnesse of the sones of Babiloyne, and of the lond of Caldeis, in which thei weren borun; [verse 16] sche was wood on hem bi coueitise of hir iȝen, and sche sente messangeris to hem in to Caldee. [verse 17] And whanne the sones of Babiloyne weren comun to hir, to the bed of tetis, thei defouliden hir in her letcheries of virgyns; and sche was de|foulid of hem, and the soule of hir was fillid of hem. [verse 18] Also sche made nakid hir fornicaciouns, and diskyuered hir schen|schipe; and my soule ȝede awei fro hir, as my soule hadde go awei fro hir sistir. [verse 19] For sche multiplied hir fornicaciouns, and hadde mynde on the daies of hir ȝongthe, in whiche sche dide fornicacioun in the lond of Egipt. [verse 20] And sche was wood in letcherie on the liggyng bi of hem, whos fleischis ben as the fleischis of assis, and as the membris of horsis ben the membris of hem. [verse 21] And thou visitidist the grete trespas of thi ȝongthe, whanne thi brestis weren maad low in Egipt, and the tetis of the tyme of thi mariage weren brokun. [verse 22] Therfor, thou Ooliba, the Lord God seith these thingis, Lo! Y schal reise alle thi louyeris aȝens thee, of whiche thi soule was fillid, and Y schal gadere hem aȝens [verse 23] thee in cumpas; the sones of Babiloyne, and alle Caldeis, noble and miȝti men, and princes, alle the sones of Assiriens, and ȝonge men of noble foorme, duykis, and magistratis, alle princes of princes, and named stieris of horsis. [verse 24] And thei araied with chare and wheel schulen come on thee, the multitude of puplis schulen be armed with haburioun, and scheeld, and basynet, aȝens thee on ech side; and Y schal ȝyue doom bifor hem, and thei schu|len deme thee bi her domes. [verse 25] And Y schal sette my feruour in thee, which thei schu|len vse with thee in woodnesse; thei

schulen kitte awei thi nose and thin eeris, and thei schulen sle with swerd tho thingis that weren left; thei schulen take thi sones and thi douȝtris, and thi laste thing schal be deuourid bi fier. [verse 26] And thei schulen make thee nakid of thi clothis, and thei schulen take awei the vessels of thi glorie. [verse 27] And Y schal make thi greet trespasse to reste fro thee, and thi fornicacioun fro the lond of Egipt; and thou schalt not reise thin iȝen to hem, and thou schalt no more haue mynde on Egipt. [verse 28] For the Lord God seith these thingis, Lo! Y schal ȝyue thee in to the hondis of hem whiche thou hatist, `in to [and into A pr. m.] the hondis of hem of [verse 29] whiche thi soule was fillid, and thei schu|len do with thee in hatrede. And thei schulen take awei alle thi trauels, and thei schulen leeue thee nakid, and ful of schenschipe; and the schenschipe of thi fornicaciouns schal be schewid. Thi greet [verse 30] trespas and thi fornycaciouns han do these thingis to thee; for thou didist fornica|cioun aftir hethene men, among whiche thou were defoulid in the idols of hem. [verse 31] Thou ȝedist in the weie of thi sister, and Y schal ȝyue the cuppe of hir in thin hond. [verse 32] The Lord God seith these thingis, Thou schalt drinke the cuppe of thi sistir, the depthe, and the broodnesse; thou that art most able to take, schalt be in to scornyng, and in to mouwyng. [verse 33] Thou schalt be fillid with drunkenesse and so|rewe, with the cuppe of mourenyng and of heuynesse, with the cuppe of thi sister Samarie. [verse 34] And thou schalt drynke it, and thou schalt drinke of til to the drastis, and thou schalt deuoure the relifs therof, and thou schalt to-reende thi brestis, for Y the Lord spak, seith the Lord God. [verse 35] Therfor the Lord God seith these thingis, For thou hast forȝete me, and hast cast forth me bihynde thi bodi, bere thou also thi greet trespas and thi fornicaciouns. [verse 36] And the Lord God seide to me, and spak, Sone of man, whether thou demest Ooliba

and Oolla, and tellist to hem the grete trespassis of hem? [verse 37] For thei diden auow|trie, and blood was in the hondis of hem, and thei diden fornicacioun with her idols; ferthermore and thei offriden to tho the sones whiche thei gendriden to me, for to be deuourid. [verse 38] But also thei diden this to me, thei defouleden my seyntuarie in that dai, and maden vnhooli my sabatis. [verse 39] And whanne thei sacrifisiden her sones to her idols, and entriden in to my seyntuarie in that dai, that thei schulden defoule it, thei diden also these thingis in the myddis of myn hous. [verse 40] Thei senten to men com|yng fro fer, to whiche thei hadden sent messangeris. Therfor lo! thei camen, to whiche thou waischidist thee, and anoynt|idist thin iȝen with [bi CEFGHIKMNPQRSUX.] oynement of wym|men, and thou were ourned with wym|mens a tier. [verse 41] Thou satist in a ful fair bed, and a boord was ourned bifor thee; thou settidist myn encense and myn oynement on it. [verse 42] And a vois of multitude makynge ful out ioye was ther ynne; and in men that weren brouȝt of the multitude of men, and camen fro desert, thei settiden bies in the hondis of hem, and faire corouns on the heedis of hem. [verse 43] And Y seide to hir, that was defoulid in auoutries, Now also this [sche this I.] schal do fornycacioun in hir for|nicacioun. [verse 44] And thei entriden to hir; as to a womman, an hoore, so thei entriden to Oolla and to Ooliba, cursid wymmen. [verse 45] Therfor these men ben iust, these schulen deme thilke wymmen bi the doom of auoutressis, and bi the doom of hem that scheden out blood; for thei ben auou|tressis, and blood is in the hondis of hem, and thei diden fornicacioun with her idols. [verse 46] For the Lord God seith these thingis, Bringe thou multitudis to [of I.] hem, and ȝyue thou hem in to noise, and in to raueyn; [verse 47] and be thei stoonyd with the stoonys of puplis, and be thei stikid togidere with the swerdis of hem. Thei schulen sle the sones and the douȝtris of hem, and thei

schulen brenne with fier the housis of hem. [verse 48] And Y schal do awei greet trespas fro the lond; and alle wymmen schulen lerne, that thei do not aftir the greet trespas of hem. [verse 49] And thei schulen ȝyue ȝoure grete trespas on ȝou; and ȝe schulen bere the synnes of ȝoure idols, and ȝe schulen wite, that Y am the Lord God [Om. N.] .

CAP. XXIV.

[verse 1] And the word of the Lord was maad to me, in the nynthe ȝeer, and in the tenthe monethe, in the tenthe dai of the [verse 2] monethe, and he seide, Thou, sone of man, write to thee the name of this dai, in which the king of Babiloyne is confermed aȝens Jerusalem to dai. [verse 3] And thou schalt seie bi a prouerbe a parable to the hous, terrere [terrer me K.] to wraththe, and thou schalt speke to hem, The Lord God seith these thingis, Sette thou a brasun pot, sette thou so|theli, and putte [sende CEFGHIKMNPQRSUX.] thou watir in to it. Take [verse 4] thou a beeste ful fat; gadere thou togi|dere the [thi N.] gobetis therof in [in to S.] it, ech good part, and the hipe, and the schuldre, chosun thingis and ful of boonys. [verse 5] Also dresse thou heepis of boonys vndur it; and the sething therof buylide out, and the boonys therof weren sodun in the myddis therof. [verse 6] Therfor the Lord God seith these thingis, Wo to the citee of bloodis, to the pot whos rust is ther ynne, and the rust therof ȝede not out of it; caste thou out it [Om. I.] bi partis, and bi hise partis; lot felle not on it. [verse 7] For whi the blood therof is in the myddis therof; he schede it out on a ful cleer stoon, he schedde not it out on [verse 8] erthe, that it mai be hilid with dust, that Y schulde bringe in myn indignacioun, and `a venge [venge I.] bi veniaunce [my veniaunce I.] ; Y ȝaf the blood therof on a ful cleer stoon, that it schulde not be hilid. [verse 9] Therfor the Lord God seith these thingis, Wo to the citee of bloodis, whos brennyng Y schal make [verse 10] greet; gadere thou togidire boonys, whiche Y schal kyndle with fier; fleischis schulen

be wastid, and al the settyng togidere schal be sodun, and boonys schulen faile. [verse 11] Also sette thou it voide on coolis, that the metal therof wexe hoot, and be meltid, and that the filthe therof be wellid togi|dere in the myddis therof, and the rust therof be wastid. [verse 12] It was swat bi myche trauel, and the ouer greet rust therof ȝede not out therof, nether bi fier. [verse 13] Thin vn|clennesse is abhomynable, for Y wolde clense thee, and thou art not clensid fro thi filthis; but nether thou schalt be clensid bifore, til Y make myn indignacioun to reste in thee. [verse 14] Y the Lord spak; it schal come, and Y schal make, Y schal not passe, nethir Y schal spare, nether Y schal be plesid; bi thi weies and bi thi fynd|yngis Y schal deme thee, seith the Lord. [verse 15] And the word of the Lord was maad to [verse 16] me, and he seide, Thou, sone of man, lo! Y take awei fro thee the desirable thing of thin iȝen in veniaunce, and thou schalt not weile, nether wepe, nether thi teeris schu|len flete doun. [verse 17] Weile thou beynge stille, thou schalt not make mourenyng of deed men; thi coroun be boundun aboute thin heed, and thi schoon schulen be in the feet, nether thou schalt hile the mouth with a cloth, nether thou schalt ete the metis of mourneris. [verse 18] Therfor Y spak to the puple in the morewtid, and my wijf was deed in the euentid; and Y dide in the morewtid, as he hadde comaundid to me. [verse 19] And the puple seide to me, Whi schewist thou not to vs what these thingis signefien, whiche thou doist? [verse 20] And Y seide to hem, The word of the Lord was [verse 21] maad to me, and he seide, Speke thou to the hous of Israel, The Lord God seith these thingis, Lo! Y schal defoule my seyntuarie, the pride of ȝoure empire, and the desirable [desiderable I.] thing of ȝoure iȝen, and on which ȝoure soule dredith; and ȝoure sones and ȝoure douȝtris, whiche ȝe leften, schu|len falle bi swerd. [verse 22] And ȝe schulen do, as Y dide; ȝe schulen not hile mouthis with

cloth, and ȝe schulen not ete the mete of weileris. [verse 23] Ȝe schulen haue corouns in ȝoure heedis, and schoon in the feet; ȝe schulen not weile, nether ȝe schulen wepe, but ȝe schulen faile in wretchidnesse, for ȝoure wickidnessis; and ech man schal weile to his brother. [verse 24] And Ezechiel schal be to ȝou in to a signe of thing to comynge; bi alle thingis whiche he dide, ȝe schulen do, whanne this thing schal come; and ȝe schulen wite, that Y am the Lord God. [verse 25] And thou, sone of man, lo! in the dai in which Y schal take awei fro hem the strengthe of hem, and the ioie of dignyte, and the desire of her iȝen, on whiche the soulis of hem resten, caste awei the sones [verse 26] and douȝtris [the douȝtris I.] of hem; in that dai whanne a man fleynge schal come to thee, to telle [verse 27] to thee; in that dai sotheli thou schalt opene thi mouth with hym that fledde; and thou schalt speke, and schalt no more be stille; and thou schalt be to hem in to a signe of thing to comynge, and ȝe schu|len witen, that Y am the Lord.

CAP. XXV.

[verse 1] And the word of the Lord was maad [verse 2] to me, and he seide, Thou, sone of man, sette thi face aȝens the sones of Amon, and thou schalt profesie of hem. [verse 3] And thou schalt seie to the sones of Amon, Here ȝe the word of the Lord God; the Lord God seith these thingis, For that that ȝe seiden, Wel! wel! on my seyn|tuarie, for it is defoulid, and on the lond [hond A pr. m.] of Israel, for it is maad desolat, and on the hous of Juda, for thei ben led [left A pr. m.] in to [verse 4] to caitifte; lo! therfor Y schal ȝyue thee the sones of the [Om. N.] eest in to eritage, and thei schulen sette her foldis in thee, and thei shulen sette her tentis in thee; thei schulen ete thi fruytis, and thei schulen drynke thi mylk. [verse 5] And Y schal ȝyue Ra|bath in to a dwellyng place of camels, and the sones of Amon in to a bed of beestis; and ȝe schulen wite, that Y am the Lord.

[verse 6] For the Lord God seith these thingis, For that that thou flappidist with hond, and smytidist with the foot, and ioyedist of [verse 7] al desijr on [of S sec. m.] the lond of Israel; therfor lo! Y schal stretche forth myn hond on thee, and Y schal ȝyue thee in to rauysch|yng of hethene men, and Y schal sle thee fro puplis, and Y schal leese thee, and al to-breke thee fro londis; and ȝe schulen wite, that Y am the Lord. [verse 8] The Lord God seith these thingis, For that that Moab and Seir seiden, Lo! the hous of Juda is as [of FGIMNPQSUX.] alle folkis; therfor lo! [verse 9] Y schal opene the schuldre of Moab of citees, sotheli of citees therof and of the endis therof, the noble citees of the lond, Bethiesmoth, and [Om. IN.] [verse 10] Beelmoth, and Cariathaym, to the sones of the eest, with the sones of Amon. And Y schal ȝyue it in to eritage, that mynde of the sones of Amon be no more among [verse 11] hethene men, and in Moab Y schal make domes; and thei schulen wite, that Y am the Lord. [verse 12] The Lord God [Om. N.] seith these thingis, For that that Ydumee dide ven|iaunce, that it avengide it silf of the sones of Juda, and synnede doynge trespas, and [verse 13] axide greetli veniaunce of hem; therfor the Lord God seith these thingis, Y schal stretche forth myn hond on Idumee, and Y schal take awei fro it man and beeste, and Y schal make it desert of the south; and thei that ben in Dedan schulen falle bi swerd. [verse 14] And Y schal ȝyue my ven|iaunce on Idumee, bi the hond of my pu|ple Israel; and thei schulen do in Edom bi my wraththe, and bi my strong ven|iaunce; and thei schulen knowe my ven|iaunce, seith the Lord God. [verse 15] The [And the I.] Lord God seith these thingis, For that that Pa|lestyns diden veniaunce, and auengiden hem silf, with al wille sleynge, and fillynge [verse 16] elde enemytees; therfor the Lord God seith these thingis, Lo! Y schal stretche forth myn hond on Palestyns, and Y schal sle sleeris, and Y schal leese the reme|nauntis [verse 17] of the se coost; and Y schal make grete veniaunces in hem, and Y schal re|preue

in strong veniaunce; and thei schu|len wite, that Y am the Lord, whanne Y schal ȝyue my veniaunce on hem.

CAP. XXVI.

[verse 1] And it was doon in the enleuenthe ȝeer, in the firste dai of the monethe, the word of the Lord was maad to me, and he [verse 2] seide, Thou, sone of man, for that that Tire seide of Jerusalem, Wel! the ȝatis of puplis ben brokun, it [and N.] is turned to me; [verse 3] Y schal be fillid, it is forsakun; therfor the Lord God seith these thingis, Lo! Tire, Y on thee; and Y schal make many folkis to stie [stiȝe vp I.] to thee, as the see flowynge stieth. [verse 4] And thei schulen distrie the wallis of Tire, and thei schulen distrie the touris therof; and Y schal rase the dust therof fro it, and Y schal ȝyue it [Om. A.] in to a `moost clere [tiil I pr. m.] stoon. [verse 5] Driyng of nettis schal be in the myddis of the see, for Y spak, seith the Lord God. And Tire schal be in to ra|uysching to hethene men. [verse 6] And the douȝ|tris therof that ben in the feeld, schulen be slayn bi swerd; and thei schulen wite, that Y am the Lord. [verse 7] For whi the Lord God seith these thingis, Lo! Y schal brynge [sende R sec. m.] to Tire Nabugodonosor, the [Om. N.] king of Babiloyne, fro the north, the kyng of kyngis, with horsis, and charis, and knyȝtis, and with a cumpeny, and greet puple. [verse 8] He schal sle bi swerd thi douȝtris that ben in the feeld, and he schal cum|passe thee with strengthingis, and he schal bere togidere erthe in cumpas. And he [verse 9] schal reise a scheeld aȝens thee, and he schal tempre engynes lijc vineres, and en|gines `that ben [Om. CEFGHI KMNPQRSUX.] clepid wetheris aȝens thi wallis; and he schal distrie thi touris bi his armure. [verse 10] Bi flowynge of his horsis, the dust of tho schal hile thee; thi wallis schulen be mouyd of the soun of knyȝtis, and of wheelis, and of charis; whanne he schal entre bi the ȝatis, as bi entryngis of [verse 11] a citee distried, with the clees of hise

horsis he schal defoule alle thi stretis. He shal sle bi swerd thi puple, and thi noble ymagis schulen falle doun in to erthe. [verse 12] Thei schulen waste thi richessis, thei schulen rauysche thi marchaundies; and thei schulen distrie thi wallis, and thei schulen distrie thin housis ful clere, and thi stoonys, and thi [Om. A.] trees, and thei schulen putte thi dust in the myddis of watris. [verse 13] And Y schal make to reste the multitude of thi syngeris, and the sown of thin harpis schal no more be herd; [verse 14] and Y schal ȝyue thee in to a moost cleer stoon. Thou schalt be driyng of nettis, and thou schalt no more be bildid, for Y the Lord spak, seith the Lord God [Om. N.] . [verse 15] The Lord God seith [spak F.] these thingis of Tire, Whether ilis schulen not be moued of the sown of thi fal, and of weiling [the weiling CEFHIKMQRSU.] of thi slayn men, whanne thei ben slayn in the myddis of thee? [verse 16] And alle the princis of the see schulen go doun of her seetis, and thei schulen do awei her mentils, ether spuylis [her spuylis CEFGHIKMNPQRSUX.] of slayn enemyes, and thei schulen caste awei her dyuerse clothis, and shulen be clothid with wondring [wondringis A.] . Thei shulen sitte in the erthe, and thei shulen be astonyed, and thei [Om. CEGIKMNPQRSUX.] shulen won|dre of [on CEFHIKS.] thi sodeyn fal. [verse 17] And thei shulen take weilyng on thee, and schule seie to thee, Hou perischidist thou, noble citee, that dwellist in the see, that were strong in the see with thi dwelleris, whiche dwelleris alle men dredden? [verse 18] Now schippis schulen wondre in the dai of thi drede, and ilis in the see schulen be disturblid, for noon goith out of thee. [verse 19] For the Lord God seith these thingis, Whanne Y schal ȝyue thee [thee to be I.] a citee desolat, as the citees that ben not enhabitid, and Y schal bringe on thee the depthe of watris, and many watris schulen hile thee. [verse 20] And Y schal drawe thee doun with hem that goon doun in to a lake, to the puple euerlast|ynge; and Y schal sette thee in the laste

lond, as elde wildirnessis, with hem that ben led doun in to a lake, that thou be not enhabited. Certis whanne Y schal [verse 21] ȝyue glorye in the lond of lyueris, Y schal dryue thee in to nouȝt, and thou schalt not be; and thou schalt be souȝt, and thou schalt no more be foundun with outen ende, seith the Lord God.

CAP. XXVII.

[verse 1] And the word of the Lord was maad [verse 2] to me, and he seide, Therfor thou, sone of man, take weilyng on Tire. [verse 3] And thou schalt seie to Tire, that dwellith in the entryng of the see, to the marchaundie of puplis to many ilis, The Lord God seith these thingis, O [A! CEFGHIMNPQRSUX.] ! Tire, thou seidist, Y am [verse 4] of perfit fairnesse, and Y am set in the herte of the see. Thei that ben in thi coostis that bildiden thee, filliden thi fair|nesse; [verse 5] thei bildiden thee with fir trees of Sanyr, with alle werkis of boordis of the see; thei token a cedre of the Liban, to make a mast to thee. [verse 6] Thei hewiden ookis of Bala in to thin ooris, thei maden to thee thi seetis of roweris of yuer of Ynde, and cabans of the ilis of Italie. [verse 7] Dyuerse biys,`ether whijt silk [Om. CHNQY.] , of Egipt, was wouun to thee in to a veil, that it schulde be set in the mast; iacynct and purpur of the ilis of Elisa weren maad thin hiling. [verse 8] The dwelleris of Sidon and [and of IS sec. m.] Aradians weren thi roweris; Tire, thi wise men weren maad thi gouernouris. [verse 9] The elde men of Biblos, and the prudent men therof, had|den schipmen to the seruyse of thi dy|uerse araye of houshold; alle the schippis of the see, and the schip men of tho, weren in the puple of thi marchaundie. [verse 10] Perseis, and Lidians, and Libians weren in thin oost; thi men werriours hangiden in thee a scheeld and helm, for thin ournyng. [verse 11] Sones Aradians with thin oost weren on thi wallis in thi cumpas; but also Pigmeis, that weren in thi touris, hangiden her

arowe casis in [on INS sec. m.] thi wallis bi [in N.] cumpas; thei filliden thi fairnesse. [verse 12] Cartagynensis, thi marchauntis, of the multitude of alle richessis filliden thi feiris, with siluer, and irun, with tyn, and leed. [verse 13] Greece, and Tubal, and Mosoch, thei weren thi mar|chauntis, and brouȝten boonde men and brasun vessels to thi puple. [verse 14] Fro the hous of Thogorma thei brouȝten horsis, and horse men, and mulis, to thi chepyng. [verse 15] The sones of Dedan weren thi marchauntis; many ilis the marchaundie of thin hond, chaungiden teeth of yuer, and of heben|nus, in thi prijs. [verse 16] Sirie was thi marchaunt, for the multitude of thi werkis thei set|tiden forth in thi marcat gemme, and pur|pur, and clothis wouun dyuersli at the maner of scheeldis, and bijs, and seelk, and cochod, ether auer de peis. [verse 17] Juda and the lond of Israel weren thi marchauntis in the beste wheete, and settiden forth in thi feiris bawme, and hony, and oile, and resyn. [verse 18] Damassen was thi marchaunt, in the multitude of thi werkis, in the mul|titude of dyuerse richessis, in fat wyn, in [and I.] wollis of best colour. [verse 19] Dan, and Greece, and Mosel, settiden forth in thi fairis irun maad suteli, gumme of [and AI. and of S.] myrre, and cala|mus, that is, a spice swete smellynge, in thi marchaundie. [verse 20] Dedan weren thi mar|chauntis, in tapitis to sitte. [verse 21] Arabie and alle the princes of Cedar, thei weren the marchauntis of thin hond; with lambren, and wetheris, and kidis thi marchauntis camen to thee. [verse 22] The silleris of Saba and of Rema, thei weren thi marchauntis, with alle the beste swete smellynge spices, and preciouse stoon, and gold, which thei set|tiden forth in thi marcat. [verse 23] Aran, and Chenne, and Eden, weren thi marchauntis; Sabba, and Assur, and Chelmath, weren thi silleris. [verse 24] Thei weren thi marchaundis in many maneres, in fardels of iacinct and of clothis of many colours, and of pre|ciouse richessis, that weren wlappid and boundun with coordis. [verse 25] Also schippis of

the see hadden cedris in her marchaun|dies; thi princes weren in thi marchaundie; and thou were fillid, and were glorified greetli in the herte of the see. [verse 26] Thi rowers brouȝten thee in many watris, the south wynd al to-brak thee; in the herte of the [verse 27] see weren thi richessis, and thi tresours, and thi many fold instrument. Thi schip men, and thi gouernouris that helden thi purtenaunce of houshold, and weren soue|reyns of thi puple, and thi men werriours that weren in thee, with al thi multitude which is in the myddis of thee, schulen falle doun in the herte of the see, in the dai of thi fallyng. [verse 28] Schippis schulen be disturblid of the sown of the cry of thi [verse 29] gouernours; and alle men that helden oore, schulen go doun of her shippis. Ship|men and alle gouernouris of the see shulen [verse 30] stonde in the lond; and schulen ȝelle on thee with greet vois. And thei shulen cry bitterli, and thei schulen caste poudur on her heedis, and schulen be spreynt with aische. [verse 31] And thei schulen shaue ballid|nesse on thee, and schulen be gird with hairis, and thei schulen biwepe thee in bitternesse of soule, with most bittir wep|yng. [verse 32] And thei schulen take on thee a song of mourenyng, and thei schulen bi|weile thee, Who is as Tire, that was doumb in the myddis of the see? [verse 33] And thou, Tire, fillidist many puplis in the goyng out of thi marchaundies of the see; in the multitude of thi richessis, and of thi puplis, thou madist riche the kingis of erthe. [verse 34] Now thou art al to-brokun of the see, in the depthis of watris. Thi rich|essis and al thi multitude that was in [verse 35] the myddis of thee fellen doun; alle the dwelleris of ilis and the kyngis of tho weren astonyed on thee. Alle thei weren smytun with tempest, and chaungiden [verse 36] cheris; the marchauntis of puplis hiss|iden on thee. Thou art brouȝt to nouȝt, and thou schalt not be til `in to [to U.] with outen ende.

CAP. XXVIII.

[verse 1] And the word of the Lord was maad [verse 2] to me, and he seide, Sone of man, seie thou to the prince of Tire, The Lord God seith these thingis, For thin herte was reisid, and thou seidist, Y am God, and Y sat in the chaier of God, in the herte of the see, sithen [sith I.] thou art man and not God, and thou ȝauest thin herte as the [verse 3] herte of God; lo! thou art wisere than Danyel, ech priuetee is not hid fro thee; [verse 4] in thi wisdom and prudence thou madist to thee strengthe, and thou gatist to thee [verse 5] gold and siluer in thi tresouris; in the multitude of thi wisdom, and [Om. A.] in thi marchaundie thou multipliedist to thee strengthe, and thin herte was reisid in [verse 6] thi strengthe; therfor the Lord God seith these thingis, For thin herte was reisid as the herte of God, therfor lo! [verse 7] Y schal brynge on thee aliens, the strongeste of hethene. And thei schulen make nakid her swerdis on the fairnesse of thi wis|dom, and thei schulen defoule thi fair|nesse. [verse 8] Thei schulen sle, and drawe doun thee; and thou schalt die bi the [Om. I.] deth of vncircumcidid men, in the herte of the see. [verse 9] Whether thou schalt seie, and speke, Y am God, bifore hem that sleen thee; sithen [sith I.] thou art a man, and not God? [verse 10] In the hond of hem that sleen thee, bi deth of vncircumcidid men, thou schalt die in the hond of aliens; for Y the Lord spak, seith the Lord God. [verse 11] And the word of the Lord was maad to me, and he seide, Thou [Om. CEFGHIKMNPQRSUX.] , sone of man, reise thou weilyng [verse 12] on the kyng of Tire; and thou schalt seie to hym, The Lord God seith these thingis, Thou a preente [preentere NS sec. m.] of licnesse, ful of wis|dom, [verse 13] perfit in fairnesse, were in delicis [the delicis CFGHIKMNPQRSUX.] of paradijs of God. Ech preciouse stoon

was thin hilyng, sardius, topacius, and iaspis, crisolitus, and onix, and birille, safire, and carbuncle, and smaragde; also gold was the werk of thi fairnesse, and thin hoolis weren maad redi, in the dai in which thou were maad. [verse 14] Thou were che|rub holdun forth, and hilynge; and Y settide thee in the hooli [Om. N.] hil of God. In the myddis of stoonus set a fier thou [verse 15] ȝedist, perfit in thi weies fro the dai of thi makyng, til wickidnesse was foundun in thee. [verse 16] In the multitude of thi marchaundie thin ynnere thingis weren fillid of wickid|nesse, and thou didist synne; and Y cast|ide thee out of the hil of God, and, thou cherub hilynge fer, Y loste thee fro the myddis of stoonys set a fier. [verse 17] And thin herte was reisid in thi fairnesse, thou lostist thi wisdom in thi fairnesse. Y cast|ide thee doun in to erthe, Y ȝaf thee bifore the face of kingis, that thei schulden se thee. [verse 18] In the multitude of thi wickid|nessis [wickidnesse I pr. m.] , and in wickidnesse [the wickidnesse CEFGHKMPQRSUX. thi wickidnessis IN.] of thi mar|chaundie thou defoulidist thin halewyng; therfor Y schal brynge forth fier of the myddis of thee, that schal ete thee; and Y schal ȝyue thee in to aische on erthe, in the siȝt of alle men seynge thee. [verse 19] Alle men that schulen se thee among hethene men, schulen be astonyed on thee; thou art maad nouȝt, and thou schalt not be with outen ende. [verse 20] And the word of the Lord [verse 21] was maad to me, and he seide, Thou, sone of man, sette thi face aȝens Sidon, and [verse 22] thou schalt profesie of it; and schalt seie, The Lord God seith these thingis, Lo! Y to thee, Sidon, and Y schal be glorified in the myddis of thee; and thei schulen wite, that Y am the Lord, whanne Y schal do domes in it, and Y schal be halewid ther ynne. [verse 23] And Y schal sende pestilence in to it, and blood in the stretis therof, and slayn men bi swerd schulen falle doun in the myddis therof bi cumpas; and thei schulen wite, that Y am the Lord God. [verse 24] And there schal no more be an hirtyng

of bitternesse to the hous of Israel, and a thorn bryngynge in sorewe on ech side bi the cumpas of hem that ben aduersaries to hem; and thei schulen wite, that Y am the Lord God. [verse 25] The Lord God seith these thingis, Whanne Y schal gadere togidere the hous of Israel fro puplis, among whiche thei ben scaterid, Y schal be halewid in hem bifor hethene men. And thei schulen dwelle in her lond, which Y ȝaf to my seruaunt Jacob. [verse 26] And thei schulen dwelle sikir ther ynne, and thei schulen bilde housis, and thei schulen plaunte vynes, and thei schulen dwelle tristili, whanne Y schal make domes in alle men that ben aduersaries to hem bi cumpas; and thei schulen wite, that Y am the Lord God of hem.

CAP. XXIX.

[verse 1] In the tenthe ȝeer, in the tweluethe monethe, in the firste dai of the monethe, the word of the Lord was maad to me, [verse 2] and he seide, Thou, sone of man, sette thi face aȝens Farao, king of Egipt; and thou schalt profesie of hym, and of al Egipt. [verse 3] Speke thou, and thou schalt seie, The Lord God seith these thingis, Lo! Y to thee, thou Farao, kyng of Egipt, thou grete dragoun, that liggist in the myddis of thi floodis, and seist, The flood is myn, and Y made mysilf. [verse 4] And Y schal sette a bridil in thi chekis, and Y schal glue the fischis of thi floodis to thi scalis; and Y schal drawe thee out of the myddis of thi floodis, and alle thi fischis schulen cleue to thi scalis. [verse 5] And Y schal caste thee forth in to desert, and alle the fischis of thi flood; on the face of erthe thou schalt falle doun, thou schalt not be gaderid, nethir schalt be gaderid togidere; to the beestis of erthe, and to the volatilis of the eir Y ȝaf thee to be deuourid. [verse 6] And alle the dwelleris of Egipt schulen knowe, that Y am the Lord. For that that thou were a staf of rehed to the hous of Israel, [verse 7] whanne thei token thee with hond, and thou were brokun, and to-rentist ech

schuldre of hem, and whanne thei rest|iden on thee, thou were maad lesse, and thou hast discoumfortid [loosid, ether discoumfortid CEFGHIKMNPQRSUX.] alle the reynes [verse 8] of hem; therfor the Lord God seith these thingis, Lo! Y schal bringe a swerd on thee, and Y schal sle of thee man and [verse 9] beeste; and the lond of Egipt schal be in to desert, and in to wildirnesse, and thei schulen wite, that Y am the Lord. For that that thou seidist, The flood is [verse 10] myn, and Y made it, therfor lo! Y to thee, and to thi floodis. And Y [Om. S.] schal ȝyue `in to [to thee S.] wildirnesses [wildirnesse A.] the lond of Egipt distried bi swerd, fro the tour of Sienes til to the termes of Ethiopie. [verse 11] The foot of man schal not passe bi it, nether the foot of beeste schal go in it, and it schal not be enha|bitid in fourti ȝeer. [verse 12] And Y schal ȝyue the lond of Egipt forsakun, in the myddis of londis forsakun, and the citees therof in the myddis of a citee distried, and tho schulen be desolat bi fourti ȝeer. And Y schal scatere Egipcians in to naciouns, and Y schal wyndewe hem in to londis. [verse 13] For the Lord God seith these thingis, After the ende of fourti ȝeer Y schal ga|dere togidere Egipt fro puplis, among [verse 14] whiche thei weren scaterid; and Y schal bringe aȝen the caitifte of Egipte. And Y schal sette hem in the lond of Phatures, in the lond of her birthe; and thei schulen [verse 15] be there in to a meke rewme, and among othere rewmes it schal be most low, and it schal no more be reisid ouer naciouns. And Y schal make hem lesse, that thei [verse 16] regne not on hethene men; and thei schu|len no more be to the hous of Israel in trist, techinge wickidnesse, that thei fle, and sue hem; and thei schulen knowe, that Y am the Lord God. [verse 17] And it was don in the seuene and twentithe ȝeer, in the firste monethe, in the firste dai of the monethe, the word of the Lord was maad [verse 18] to me, and he seide, Thou, sone of man, Nabugodonosor, kyng of Babiloyne, made

his oost to serue bi greet seruyce aȝens Tire; ech heed was maad ballid, and ech schuldir was maad bare of heer, and meede was not ȝoldun of Tire to hym, nether to his oost, for the seruyce bi which he seruede to me aȝens it. [verse 19] Therfor the Lord God seith these thingis, Lo! Y schal ȝyue Nabugodonosor, kyng of Babiloyne, in the lond of Egipt, and he schal take the mul|titude therof; and he schal take in preye the clothis therof, and he schal rauysche the spuylis therof, and meede schal be to [verse 20] his oost, and to the werk for which he seruyde to me aȝens it; and Y ȝaf the lond of Egipt to hym, for that that he trauelide to me, seith the Lord God. [verse 21] In that dai an horn of the hous of Israel schal come forth, and Y schal ȝyue to thee an open mouth in the myddis of hem; and thei schulen wite, that Y am the Lord.

CAP. XXX.

[verse 1] And the word of the Lord was maad [verse 2] to me, and he seide, Sone of man, profesie thou, and seie, The Lord God seith these [verse 3] thingis, Ȝelle ȝe, Wo! wo! to the dai, for the dai is niȝ; and the dai of the Lord neiȝith, the dai of a cloude. The tyme of [verse 4] hethene men schal be; and a swerd schal come in to Egipt, and drede schal be [not be A pr. m. CEFHI pr. m. K pr. m. MQSU.] in Ethiopie, whanne woundid men schulen falle doun in Egipt, and the multitude therof schal be takun awei, and the foun|dementis therof schulen be distried. [verse 5] Ethi|opie, and Libie, and Lidiens, and al the residue comyn puple, and Chub, and the sones of the lond of boond of pees schulen falle doun bi swerd with hem. [verse 6] The Lord God seith these thingis, And thei that vndursetten Egipt schulen falle doun, and the pride of the lordschipe therof schal be destried; fro the tour of Sienes thei schu|len falle bi swerd ther ynne, seith the Lord [Lord God A pr. m.] of oostis. [verse 7] And thei schulen be di|stried in the myddis of londis maad deso|lat, and the [Om. IN.] citees therof schulen be in

the myddis of citees forsakun. [verse 8] And thei schulen wite, that Y am the Lord God, whanne Y schal ȝyue fier in Egipt, and alle the helperis therof schulen be al to|brokun. [verse 9] In that dai messangeris schulen go out fro my face in schippis with thre ordris of ooris, to al to-breke the trist of Ethiopie; and drede schal be in hem in the dai of Egipt, for with out doute it schal come. [verse 10] The Lord God seith these thingis, And I schal make to ceesse the multitude of Egipt in the hond of Nabu|godonosor, king of Babiloyne. [verse 11] He and his puple with hym, the strongeste men of hethene men, schulen be brouȝt, to leese the lond; and thei schulen drawe out her swerdis on Egipt, and thei schulen fille the lond with slayn men. [verse 12] And Y schal make drie the botmes of floodis, and Y schal ȝyue the lond in the hond of the worste men; and I schal distrie the lond, and the fulnesse therof in the hond of aliens; Y the Lord spak. [verse 13] The Lord God seith these thingis, And Y schal leese simylacris, and Y shal make idols to ceesse fro Memphis, and a duyk of the lond of Egipt schal no more be. And Y schal ȝyue [verse 14] drede in the lond of Egipt, and Y schal leese the lond of Phatures. And Y schal ȝyue fier in Tafnys, and Y schal make my [Om. A sec. m.] domes in Alisaundre. [verse 15] And Y schal schede out myn indignacioun on Pelusyum, the strengthe of Egipt; and Y schal sle [verse 16] the multitude of Alisaundre, and Y schal ȝyue fier in Egipt. Pelusyum, as a wom|man trauelynge of child, schal haue so|rewe, and Alisaundre schal be destried, and in Memphis schulen be ech daies an|gwischis [anguish N.] . [verse 17] The ȝonge men of Heliopoleos and of Bubasti schulen falle doun bi swerd, and tho citees schulen be led caitifs. [verse 18] And in Thafnys the dai schal wexe blak, whanne Y schal al to-breke there the ceptris of Egipt, and the pride of the power therof schal faile there ynne. A cloude schal hile it; forsothe the douȝ|tris

therof schulen be led in to caitifte, [verse 19] and Y schal make domes in Egipt; and thei schulen wite, that Y am the Lord [Lord God NS sec. m.] . [verse 20] And it was doon in the enleuenthe ȝeer, in the firste monethe, in the seuenthe dai of the moneth, the word of the Lord was [verse 21] maad to me, and he seide, Thou sone of man, Y haue broke the arm of Farao, kyng of Egipt; and lo! it is not wlappid, that helthe schulde be restorid therto, that it schulde be boundun with clothis, and woundun with lynnun clothis, and that he [it I.] myȝte holde swerd, whanne he hadde resseyued strengthe. [verse 22] Therfor the Lord God seith these thingis, Lo! Y to Farao, king of Egipt; and [Om. IN.] Y schal make lesse his strong arm but brokun, and Y schal caste doun the swerd fro his hond. [verse 23] And Y schal scatere Egipt among hethene men, and Y schal wyndewe hem in londis. [verse 24] And Y schal coumforte the armes of the kyng of Babiloyne, and Y schal ȝyue my swerd in the hond of hym; and Y schal breke the armes of Farao, and men slayn bifore his face schulen weile bi weilyngis. [verse 25] And Y schal coumforte the armes of the kyng of Babiloyne, and the armes of Farao schulen falle doun. And thei schulen wite, that Y am the Lord, whanne Y schal ȝyue my swerd in the hond of the kyng of Ba|biloyne; and he schal stretche forth it on the lond of Egipt. [verse 26] And Y schal scatere Egipt in to naciouns, and Y schal wyn|dewe hem in to londis; and thei schulen wite, that Y am the Lord.

CAP. XXXI.

[verse 1] And it was don in the enleuenthe ȝeer, in the thridde moneth, in the firste dai of the monethe, the word of the Lord was [verse 2] maad to me, and he seide, Thou, sone of man, seie to Farao, kyng of Egipt, and to his puple, To whom art thou maad lijk in thi greetnesse? [verse 3] Lo! Assur as a cedre in Liban, fair in braunchis, and ful of boowis, and hiȝ bi hiȝnesse; and his heiȝte was reisid among thicke bowis. [verse 4] Watris

nurschiden hym, the depthe of watris en|haunside him; hise floodis fletiden out in the cumpas of hise rootis, and he sente out hise strondis to alle the trees of the cuntrei. [verse 5] Therfor his hiȝnesse was en|haunsid ouer alle trees of the cuntrei, and hise trees weren multiplied, and hise braunchis weren reisid, for many watris. [verse 6] And whanne he hadde stretchid forth his schadewe, alle the volatils of the eir maden nestis in hise braunchis; and alle the beestis of forestis gendriden vndur hise boowis, and the cumpeny of ful many folkis dwellide vndur the schadewynge place of hym. [verse 7] And he was ful fair in his greetnesse, and in alargyng of hise trees; for the roote of hym was bisidis many watris. [verse 8] Cedris in the paradijs of God weren not hiȝere than he; fir trees at|teyneden not euenli to the hiȝnesse of hym, and plane trees weren not euene with the boowis of hym. Ech tree of para|dijs of God was not maad lic hym and [in A.] his fairnesse. [verse 9] For Y made hym fair, and with many and thicke boowis; and alle the trees of lust, that weren in the paradijs of God, hadden enuye to hym. [verse 10] Therfor the Lord God seith these thingis, For that that he was reisid in hiȝnesse, and he ȝaf his hyȝ|nesse greene and thicke, and his herte was [verse 11] reisid in his hiȝnesse; now Y haue ȝoue hym in to the hondis of the strongeste man of hethene men. And he doynge schal do to that Assur; aftir the vnfeithfulnesse of hym Y castide hym out. [verse 12] And aliens, and the moost cruel men of naciouns, schulen kitte hym doun, and schulen caste hym forth on hillis. And hise braunchis schulen falle doun in alle grete [the grete I.] valeis, and hise trees schulen be brokun in alle roochis of stoon of erthe. And alle the puplis of erthe schulen go awei fro his schadewing place, and schulen forsake hym. [verse 13] Alle [Alle the I.] volatils of the eir dwelliden in the fallyng of hym, and alle beestis of the cuntrei weren in the braunchis of hym. [verse 14] Wherfor alle the trees of watris schulen

not be reisid in hir hiȝnesse, nether schu|len sette hir hiȝnesse among places ful of woode, and ful of boowis, and alle trees that ben moistid of watris schulen not stonde in the hiȝnesse of tho. For alle thei ben ȝouun in to deth, to the ferthest lond in the myddis of the sones of men, to hem that goon doun in to the lake. [verse 15] The Lord God seith these thingis, In the dai whanne he ȝede doun to hellis, Y [he N.] brouȝte yn mourenyng; Y hilide hym with depthe of watris, and I forbede his flodis, and Y refreynede many watris. The Liban was sori on him, and alle the trees of the feeld [verse 16] weren shakun of the soun of his falling. I mouide togidere hethene men, whanne Y ledde hym doun to helle, with hem that ȝeden doun in to the lake. And alle trees [tree N.] of likyng, noble trees, and ful cleere in the Liban, alle that weren moistid with wa|tris, weren coumfortid in the loweste lond. [verse 17] For whi also thei schulen go doun with hym to helle, to slayn men with swerd; and the arm of ech man schal sitte vndur the schadewyng place of hym, in the myd|dis of naciouns. [verse 18] To whom art thou licned, thou noble and hiȝ among the trees of likyng? Lo! thou art led doun with the trees of likyng to the fertheste lond. In the myddis of vncircumcidid men thou schalt slepe, with hem that ben slayn bi swerd. Thilke is Farao, and al [Om. N.] the mul|titude of hym, seith the Lord God.

CAP. XXXII.

[verse 1] And it was don in the tweluethe ȝeer, in the tweluethe monethe, in the firste dai of the monethe, the word of the Lord was [verse 2] maad to me, and he seide, Thou, sone of man, take weilyng on Farao, kyng of Egipt, and thou schalt seie to hym, Thou were maad lijk to a lioun of hethene men, and to a dragoun whiche is in the see. And thou wyndewist [wyndowidist K sec. m.] with horn in thi floodis, and thou disturblidist [disturblist FN.] watris with

thi feet, and [and thou I.] defoulidist the floodis of tho. [verse 3] Therfor the Lord God seith these thingis, Y schal spredde abrood my net on thee in the multitude of many puples, and [verse 4] Y schal drawe thee out in my net; and Y schal caste forth thee in to erthe. On the face of the feeld Y schal caste thee awei, and Y schal make alle the volatils of heuene to dwelle on thee, and Y schal fille of thee the beestis of al erthe. [verse 5] And Y schal ȝyue thi fleischis on hillis, and Y [verse 6] schal fille thi litle hillis with thi root; and Y schal moiste the erthe with the stynk of thi blood on mounteyns, and valeis schulen be fillid of thee. [verse 7] And whanne thou schalt be quenchid, Y schal hile heuenes, and Y schal make blak the sterris therof; Y schal kyuere the sunne with a clowde, and the moone schal not ȝyue hir liȝt. [verse 8] Y [And Y I.] schal make alle the liȝt ȝyueris of heuene to mourne on thee, and Y schal ȝyue derknessis on thi lond, seith the [thi A.] Lord God; whanne thi woundid men schu|len falle doun in the myddis of erthe, seith the Lord God. [verse 9] And Y schal terre to wraththe the herte of many puplis, whanne Y schal bringe in thi sorewe among folkis, on londis whiche thou know|ist not. [verse 10] And Y schal make many puplis to wondre on thee, and the kyngis of hem schulen drede with ful greet hidousnesse [orrour, or [ether FIKS] hidousnesse CEFGHIKMNPQRSUXY.] on thee, for alle thi wickidnessis whiche thou wrouȝtist, whanne my swerd schal bigynne to flee on the faces [face IN.] of [on K.] hem. And alle men schulen be astonyed sudenli, for her lijf, in the dai of her fallyng. [verse 11] For the Lord God seith these thingis, The swerd of the king of Babiloyne schal come [verse 12] to thee; in swerdis of stronge men Y schal caste doun thi multitude, alle these folkis ben not able to be ouercomun. And thei schulen waste the pride of Egipt, and the multitude therof schal be distried. [verse 13] And Y schal leese alle the beestis therof, that weren on ful many watris; and the foot of a man schal no more troble tho

watris, nether the clee of beestis schal troble tho. [verse 14] Thanne Y schal ȝelde the watris of hem clenneste, and Y schal brynge the floodis of hem as oile, seith [verse 15] the Lord God, whanne Y schal ȝyue de|solat the lond of Egipt. Forsothe the lond schal be forsakun of his fulnesse, whanne Y schal smyte alle the dwellers therof; and thei schulen wite, that Y am the Lord. [verse 16] It is a weiling, and the douȝtris of hethene men schulen biweile hym; thei schulen biweile hym on Egipt, and thei schulen biweile hym on the multitude therof, seith the Lord God. [verse 17] And it was don in the tweluethe ȝeer, in the fiftenthe dai of the monethe, the word of the Lord [verse 18] was maad [Om. FNX pr. m.] to me, and he seide, Sone of man, synge thou a song of weilyng on the multitude of Egipt, and drawe thou doun it the same, and the douȝtris of stronge hethene men to the laste lond, with hem that ȝeden doun in to the lake. [verse 19] In as myche as thou art fairere, go doun, and slepe with vncircumcidid men. [verse 20] In the myddis of slayn men thei schulen falle doun bi swerd; a swerd is ȝouun, and thei drowen it to, and alle the puplis therof. [verse 21] The myȝtieste of stronge men schulen speke to hym, fro the myddis of helle, whiche with her helperis ȝeden doun, and slepten vncircumcidid, and slayn bi swerd. [verse 22] There is Assur, and al his multitude; the sepulcris of hem ben in the cumpas of hym [hem IN.] , alle slayn men, and [Om. I.] that fellen [verse 23] doun bi swerd, whose sepulcris ben ȝouun in the laste thingis of the lake. And the multitude of hym is maad bi the cumpas of his sepulcre, alle slayn men, and fallynge doun bi swerd, whiche ȝauen sum tyme her ferdfulnesse in the lond of lyu|ynge men. [verse 24] There is Helam, and al the multitude therof bi the cumpas of his se|pulcre; alle these weren slayn, and fall|ynge doun bi swerd, that ȝeden doun vncircumcidid to the laste lond; whiche settiden her drede in the lond of lyuynge men, and baren her schenschipe with hem

that goon doun in to the lake. [verse 25] In the myddis of slayn men thei puttiden his bed in alle the [Om. IN.] puplis of hym; his sepulcre is in the cumpas of hym. Alle these weren vncircumcidid and slayn bi swerd, for thei ȝauen drede in the lond of lyuynge men, and baren her schenschipe with hem that gon doun in to the lake; thei ben set in the myddis of slayn men. [verse 26] There ben Mosoch and Tubal, and al the multitude therof; the sepulcris therof ben in the cumpasse therof. Alle these men vncir|cumcidid weren slayn, and fallynge doun bi swerd, for thei ȝauen her drede in the lond of lyuynge men. [verse 27] And thei schulen not slepe with stronge men, and fallynge doun, and vncircumcidid, that ȝeden doun in to helle with her armuris, and puttiden her swerdis vndur her heedis. And the wickidnessis of hem weren in the boonys of hem, for thei weren maad the drede of stronge men in the lond of lyuynge men. [verse 28] And thou therfor schalt be al to-foulid [defoulid IN.] in the myddis of vncircumcidid men, and schalt slepe with hem that ben slayn bi [with I.] swerd. [verse 29] There is Idumee, and the kingis therof, and alle duykis therof, that ben ȝouun with her oost, with men slayn bi swerd, and which slepten with vncircum|cidid men, and with hem that ȝeden doun in to the lake. [verse 30] There ben alle princes of the north, and alle hunteris, that weren led forth with slayn men, that ben dred|inge and schent in her strengthe, which slepten vncircumcidid with men slayn bi swerd, and baren her schenschipe with hem that ȝeden doun in to the lake. [verse 31] Fa|rao siȝ hem, and was coumfortid on al his multitude that was slayn bi swerd. And Farao and al his oost, seith the Lord God, baren her schenschipe with hem that ȝeden [verse 32] doun in to the lake; for he ȝaf his drede in the lond of lyuynge men. And Farao and al his multitude slepte in the myddis of vncircumcidid men, with men slayn bi swerd, seith the Lord God.

CAP. XXXIII.

[verse 1] And the word of the Lord was maad [verse 2] to me, and he seide, Thou, sone of man, speke to the sones of thi puple, and thou schalt seie to hem, A lond whanne Y bringe in a swerd on it, and the puple of the lond takith [take N.] o man of hise laste men, [verse 3] and makith hym aspiere [a biholdere, ether aspiere CEFGHIKMNPQRSUXY.] on hym, and he seeth a swerd comynge on the lond, and sowneth with a clarioun, and tellith [verse 4] to the puple, forsothe a man that herith, who euer he is, the sowne of the clarioun, and kepith not him silf, and the swerd cometh, and takith hym awei, the blood of hym schal be on the heed of hym. [verse 5] He herde the sown of the [Om. I.] clarioun, and kepte not hym silf, his blood schal be in hym; forsothe if he kepith hym silf, he schal saue his lijf. [verse 6] That if the [he F.] aspiere [biholdere CEFGHIK MNPQRSUX.] seeth a swerd comynge, and sowneth not with a clarioun, and the puple kepith not hym silf, and the swerd cometh, and takith awei a man of hem, sotheli he is takun in his wickidnesse; but Y schal seke the blood of hym of the hond of the [Om. ENRU.] aspiere. [verse 7] And, thou, sone of man, Y ȝaf thee aspiere [a lookere C pr. m. an ouerseer C sec. m. marg. a lookere, ether aspiere EFGIKMNPQRSUXY.] to the hous of Israel; therfor thou schalt here of my mouth a word, and schalt telle to hem of me. [verse 8] If whanne Y seie to the wickid man, Thou, wickid man, schalt die bi deth, thou spekist not, that the wickid man kepe hym silf fro his weie, thilke wickid man schal die in his wickidnesse, but Y schal seke his blood of thin hond. [verse 9] Forsothe if whanne thou tellist to the wickid man, that he be conuertid fro his weies, he is not conuertid fro his weie, he schal die in his wickidnesse; certis thou hast delyuered thi soule. [verse 10] Therfore thou, sone of man, seie to the hous of Israel, Thus ȝe spaken, seiynge, Oure wickid|nessis and oure synnes ben on vs, and we failen in tho; hou therfor moun we lyue? [verse 11] seie thou to hem, Y lyue, seith the Lord

God, Y nyle [wile not I.] the deth of the wickid man, but that the wickid man be conuertid fro his weie, and lyue; be ȝe conuertid fro ȝoure worste weies, and whi schulen ȝe die, the hous of Israel? [verse 12] Therfor thou, sone of man, seie to the sones of thi pu|ple, The riȝtfulnesse of a riȝtful man schal not delyuere hym, in whateuer dai he do|ith synne; and the wickidnesse of a wickid man schal not anoye him, in what euere dai he is conuertid fro his wickidnesse; and a iust man schal not mowe lyue in his riȝtfulnesse, in what euer dai he doith synne. [verse 13] Also if Y seie to a iust man, that he schal lyue bi lijf, and he tristith in his riȝtfulnesse, and doith wickidnesse, alle his riȝtfulnessis schulen be ȝouun to forȝetyng, and in his wickidnesse which he wrouȝte, in that he schal die. [verse 14] For|sothe if Y seie to the wickid man, Thou schalt die bi deth, and he doith penaunce for his synne, and doith dom and riȝtful|nesse, [verse 15] and if thilke wickid man restorith a wed, and ȝeldith raueyn, and goith in [in the I.] comaundementis of lijf, and doith not ony vniust thing, he schal lyue bi lijf, and schal not die. [verse 16] Alle hise synnes which he synnede, schulen not be arettid to hym; he dide doom and riȝtfulnesse, he schal lyue bi lijf. [verse 17] And the sones of thi puple seiden, The weie of the Lord is not euene [of euene FHIKMNQSUX.] weiȝte; and the weie of hem is vniust. [verse 18] For whanne a iust man goith awei fro his riȝtfulnesse, and doith wick|idnessis, [verse 19] he schal die in tho; and whanne a wickid man goith awei fro his wickid|nesse, and doith dom and riȝtfulnes, he schal lyue in tho. [verse 20] And ȝe seien, The weie of the Lord is not riȝtful. Y schal deme ech man bi hise weies of ȝou, the hous of Israel. [verse 21] And it was doon in the tweluethe ȝeer, in the tenthe monethe, in the fyuethe dai of the monethe of our passyng ouer, he that fledde fro Jerusalem cam to me, and seide, The citee is distried. [verse 22] Forsothe the hond of the Lord was maad to me in

the euentid, bifore that he cam that fledde, and he openyde my mouth, til he cam to me eerli; and whanne my mouth was openyd, Y was no more stille. [verse 23] And the word of the Lord was maad to me, and [verse 24] he seide, Thou, sone of man, thei that dwellen in `thingis in poynt to falle doun [these rynouse thingis CEFGHIKMNPQRS sec. m. UX. ether redi to falle doun K marg. these gryuouse thingis S pr. m.] on the erthe of Israel, seien, spekynge, Abraham was oon, and bi eritage he hadde the lond in possessioun; forsothe we ben manye, the lond is ȝouun to vs in to pos|sessioun. [verse 25] Therfor thou schalt seie to hem, The Lord God seith these thingis, Whe|ther ȝe that eten in blood, and reisen ȝoure iȝen to ȝoure vnclennessis, and scheden blood, schulen haue in possessioun the lond bi eritage? [verse 26] Ȝe stoden in ȝoure swerdis, ȝe diden ȝoure abhomynaciouns, and ech man defoulide the wijf of his neiȝbore; and schulen ȝe welde the lond bi eritage? [verse 27] Thou schalt seie these thingis to hem, Thus seith the Lord God, Y lyue, for thei that dwellen in `thingis redi to falle doun [ruinous thingis, ether redi to falle doun CEFGHKMNPQSUXY. ruynouse thingis, ether redi to falle I. ruinouse thinges R.] , schulen falle doun bi swerd, and he that is in the feld, schal be ȝouun to beestis to be deuourid; but thei that ben in stronge holdis and in dennes, schu|len die bi pestilence. [verse 28] And Y schal ȝyue the lond in to wildirnesse, and in to de|sert, and the pryde and strengthe [the strengthe I.] therof schal faile; and the hillis of Israel schulen be maad desolat, for noon is that schal passe bi tho. [verse 29] And thei schulen wite, that Y am the Lord, whanne Y schal ȝyue her lond desolat and desert, for alle her abho|mynaciouns whiche thei wrouȝten. [verse 30] And thou, sone of man, the sones of thi puple that speken of thee bisidis wallis, and in the doris of housis, and seien, oon to an other, a man to his neiȝbore, and speken, Come ȝe, and here we, what is the word [verse 31] goynge out fro the Lord; and thei comen to thee, as if my puple entrith, and my puple sitten bifore thee, and thei heren thi wordis, and doon not tho; for thei

turnen tho in to the song of her mouth, [verse 32] and her herte sueth her auerice; and it is to hem as a song of musik, which is songun bi soft and swete sown; and thei heren thi wordis, and thei doon not tho; [verse 33] and whanne that that is [was N.] bifore seide cometh [come A.] , for lo! it cometh, thanne thei schulen wite, that `profetis weren [a profete was A pr. m. EFGHIKMNPQRSUX. Y a profete C.] among hem.

CAP. XXXIV.

[verse 1] And the word of the Lord was maad [verse 2] to me, and he seide, Sone of man, profesie thou of the schepherdis of Israel, profesie thou; and thou schalt seie to the schep|herdis, The Lord God seith these thingis, Wo to the schepherdis of Israel, that fed|den hym silf; whether flockis ben not fed of schepherdis? [verse 3] Ȝe eeten mylk, and weren hilid with wollis, and ȝe killiden that that was fat; but ȝe fedden not my floc. [verse 4] Ȝe maden not sad that that was vnstidfast, and ȝe maden not hool that that [Om. I.] was sijk [not syik F pr. m. S.] ; ȝe bounden not that that was brokun, and ȝe brouȝten not aȝen that that was cast awei, and ȝe souȝten not that that perischide; but ȝe comaundiden to hem with sturnenesse, and with power. [verse 5] And my scheep weren scaterid, for no sheepherde was; and thei weren maad in to deuouryng of alle beestis of the feeld, and thei weren scaterid. [verse 6] My flockis err|iden in alle mounteyns, and in ech hiȝ hil, and my flockis weren scaterid on al the face of erthe, and noon was that souȝte. [verse 7] Therfor, scheepherdis, here ȝe the word of [verse 8] the Lord; Y lyue, seith the Lord God [Om. A pr. m. CEFGHIKMNPQSU pr. m. X.] , for whi for that that my flockis ben maad in to raueyn, and my scheep in to deuouryng

of alle beestis of the feeld, for that that no scheepherde was, for the scheepherdis souȝten not my floc, but the scheepherdis fedden hem silf, and fedden not my flockis; [verse 9] therfor, scheepherdis, here ȝe the word of [verse 10] the Lord, The Lord God seith these thingis, Lo! Y my silf [Om. CEFGHKMNPQRSUX.] am ouer scheepherdis; Y schal seke my floc of the hond of hem, and Y schal make hem to ceesse, that thei fede no more my flok, and that the [Om. I.] scheep|herdis feede no more hem silf. And Y schal delyuere my floc fro the mouth of hem, and it schal no more be in to mete to hem. [verse 11] For the Lord God seith these thingis, Lo! Y my silf schal seke my scheep, and Y schal visite hem. [verse 12] As a scheepherde visitith his floc, in the dai whanne he is in the myddis of hise scheep `that ben [Om. CEFGHIKMNPQRSUX.] scaterid, so Y schal visite my scheep; and Y schal delyuere hem fro alle places in whiche thei weren scaterid, in the dai of cloude, and of derknesse. [verse 13] And Y schal leede hem out of puplis, and Y schal gadere hem fro londis, and Y schal brynge hem in to her lond, and Y schal feede hem in the hillis of Israel, in ryueris, and in alle seetis of erthe. [verse 14] Y schal feede hem in moost plen|teouse pasturis, and the lesewis of hem schulen be in the hiȝ [Om. N.] hillis of Israel; there thei schulen reste in greene eerbis, and in fatte lesewis thei schulen be fed on the hillis of Israel. [verse 15] Y schal fede my scheep, and Y schal make hem to ligge, seith the Lord God. [verse 16] I schal seke that that pe|rischide, and Y schal brynge aȝen that that was cast awei; and Y schal bynde that that was brokun, and Y schal make sad that that was sijk; and Y [Om. N.] schal kepe that that was [is CEF HIKMQRSU.] fat and strong; and Y [verse 17] schal feede hem in doom; forsothe ȝe ben my flockis. The Lord God seith these thingis, Lo! Y deme bitwixe beeste and beeste, and a wethir and a buc of geet. [verse 18] Whether it was not enowȝ to ȝou to de|uoure good pasturis? Ferthermore and ȝe defouliden with ȝoure feet the remenauntis

of ȝoure lesewis, and whanne ȝe drunken clereste watir, ȝe disturbliden the residue with ȝoure feet. [verse 19] And my scheep weren fed with tho [these CEFHGIKMNPQRSUX.] thingis that weren defoulid with ȝoure feet; and thei drunken these thingis, that ȝoure feet hadden troblid. [verse 20] Therfor the Lord God seith these thingis to ȝou, Lo! Y my silf deme bitwixe a fat beeste and a leene beeste. [verse 21] For that that ȝe hurliden with sidis, and schuldris, and wyndewiden with ȝoure hornes alle sike beestis, til tho weren scaterid without|forth, [verse 22] I schal saue my floc, and it schal no more be in to raueyn. And Y schal [verse 23] deme bitwixe beeste and beeste; and Y schal reise on tho [thee N. the S sec. m.] o [a S.] sheepherde, my ser|uaunt Dauid, that schal fede tho; he schal fede tho [them I.] , and he schal be `in to [Om. I.] a sheep|herde to hem. [verse 24] Forsothe Y the Lord schal be in to God to hem, and my seruaunt Dauid schal be prince in the myddis of hem; Y the Lord spak. [verse 25] And Y schal make with hem a couenaunt of pees, and Y schal make worste beestis to ceesse fro erthe; and thei that dwellen in desert, schulen slepe sikur in forestis. [verse 26] And Y schal sette hem [hem to be I.] blessyng in the cumpas of my litle hil, and Y schal lede doun reyn in his tyme. And reynes of blessyng [verse 27] schulen be, and the tre of the feeld schal ȝyue his fruyt, and the erthe schal ȝyue his seed. And thei schulen be in her lond with out drede; and thei schulen wite, that Y am the Lord, whanne Y schal al to-breke the chaynes of her ȝok, and schal [Y schal FIN.] delyuere hem fro the hond of hem that comaunden to hem. [verse 28] And thei schu|len no more be in to raueyn in to hethene men, nether the beestis of erthe schulen deuoure hem, but thei schulen dwelle tristili with outen ony drede. [verse 29] And Y schal reise to hem a iust buriownyng named; and thei schulen no more be maad lesse for hunger in erthe, and thei schulen no more bere the schenschipis [schenschip N.] of hethene men. [verse 30] And thei schulen wite, that Y am

her Lord God with hem, and thei ben my puple, the hous of Israel, seith the Lord God. [verse 31] Forsothe ȝe my flockis ben men, the flockis of my lesewe; and Y am ȝoure Lord God, seith the Lord God.

CAP. XXXV.

[verse 1] And the word of the Lord was maad to [verse 2] me, and he seide, Thou, sone of man, sette thi face aȝens the hil of Seir; and thou schalt profesie to it, and thou schalt seie [verse 3] to it, The Lord God seith these thingis, Thou hil of Seir, lo! Y to thee; Y schal stretche forth myn hond on thee, and Y schal ȝyue thee desolat and forsakun. [verse 4] Y schal distrie thi citees, and thou schalt be forsakun; and thou schalt wite, that Y am the Lord. [verse 5] For thou were an enemye euer|lastynge, and closidist togidere the sonis of Israel in to the hondis of swerd, in the tyme of her turment, in the tyme of the [verse 6] laste wickidnesse; therfor Y lyue, seith the Lord God, for Y schal ȝyue thee to blood, and blood schal pursue thee; and sithen thou hatidist blood, blood schal pursue thee. [verse 7] And Y schal ȝyue the hil of Seir desolat and forsakun, and Y schal take awei fro it a goere and a comere aȝen; [verse 8] and Y schal fille the hillis therof with the careyns of her slayn men. Men slayn by swerd schulen falle doun in thi litle hillis, and in thi valeys, and in thi [Om. CEFGHIKMNPQRSUX.] strondis. [verse 9] Y schal ȝyue thee in to euer|lastynge wildirnessis, and thi citees schu|len not be enhabitid; and ȝe schulen wite, that Y am the Lord God. [verse 10] For thou seid|ist, Twei folkis and twei londis schulen be myne, and Y schal welde tho bi eri|tage, [verse 11] whanne the Lord was there; ther|for Y lyue, seith the Lord God, for Y schal do bi thi wraththe, and bi thin enuye, which thou didist, hatinge hem, and Y schal be made knowun bi hem, whanne [verse 12] Y schal deme thee; and thou schalt wite, that Y am the Lord. Y herde alle thi

schenschipis, whiche thou spakist of the hillis of Israel, and seidist, The hillis of Israel ben forsakun, and ben ȝouun to vs, for to deuoure. [verse 13] And ȝe han rise on me with ȝoure mouth, and ȝe han deprauyd aȝens me; Y herde ȝoure wordis. [verse 14] The Lord God seith these thingis, While al the lond is glad, Y schal turne thee in to wildernesse. [verse 15] As thou haddist ioie on the eritage of the hous of Israel, for it was distried, so Y schal do to thee; the hil of Seir schal be distried, and al Ydumee; and thei schulen wite, that Y am the Lord.

CAP. XXXVI.

[verse 1] Forsothe thou, sone of man, profesie on the hillis of Israel; and thou schalt seie, Hillis of Israel, here ȝe the word of the Lord. [verse 2] The Lord God seith these thingis, For that that the enemy seide of ȝou, Wel! euerlastyng hiȝnessis ben ȝouun [verse 3] to vs in to eritage; therefore profesie thou, and seie, The Lord God seith these thingis, For that that ȝe ben maad desolat, and defoulid bi cumpas, and ben maad in to eritage to othere folkis, and ȝe stieden on the lippe of tunge, and on the schen|schipe [verse 4] of puple; therfor, hillis of Israel, here ȝe the word of the Lord God. The Lord God seith these thingis to the moun|teyns, and litle hillis, to strondis, and to valeis, and to peecis of wallis left, and to citees forsakun, that ben maad bare of puplis, and ben scorned of othere folkis [verse 5] bi cumpas; therfore the Lord God seith these thingis, For in the fier of my fer|uour Y spak of othere folkis, and of al Idumee, that ȝauen my lond in to eritage to hem silf with ioie `and al herte, and of entent, and castiden out it, to distrie it; [verse 6] therfor profesie thou on the erthe of Is|rael, and thou schalt seie to mounteyns, and litle hillis, to the hiȝnesse of hillis, and to valeis, The Lord God seith these thingis, For that that ȝe ben desolat, lo! Y spak in my feruour and in my strong veniaunce. For that that ȝe suffriden schen|schipe [verse 7] of hethene men; therfor the Lord

God seith these thingis, Lo! Y reiside myn hond aȝens hethene men, that ben in ȝoure cumpas, that thei bere her schenschipe. [verse 8] Forsothe, ȝe hillis of Israel, brynge forth ȝoure braunchis, and bringe ȝe fruit to my puple Israel; for it is niȝ that it come. [verse 9] For lo! Y to ȝou, and Y schal turne to ȝou, and ȝe schulen be erid, and schulen take seed. [verse 10] And in ȝou I schal multiplie men, and al the hous of Israel; and citees schulen be enhabitid, and ruynouse thingis schulen be reparelid. [verse 11] And Y schal fille ȝou with men and beestis, and thei schulen be mul|tiplied, and schulen encreesse; and Y schal make ȝou to dwelle as [Om. N.] at the bigynnyng, and Y schal rewarde with more goodis than ȝe hadden at the bigynnyng; and ȝe schulen wite, that Y am the Lord. [verse 12] And Y schal brynge men on ȝou, my puple Israel, and bi eritage thei schulen welde thee, and thou schalt be to hem in to eri|tage; and thou schalt no more leie to, that thou be with out hem. [verse 13] The Lord God seith these thingis, For that that thei seien of ȝou, Thou art a [Om. N.] deuouresse of [verse 14] men, and stranglist thi folk; therfor thou schalt no more ete men, and thou schalt no more sle [lese Q.] thi folk, seith the [the U.] Lord God. [verse 15] And Y schal no more make herd in thee the schenschipe of hethene men, and thou schalt no more bere the schenschipe [schenschipis N.] of puplis, and thou schalt no more leese thi folk, seith the Lord God. [verse 16] And the word of the Lord was maad to me, and he seide, [verse 17] Thou, sone of man, the hous of Israel dwelliden in her lond, and thei defouliden it in her weies, and in her studies; bi the vnclennesse of a womman in rotun blood the weie of hem is maad bifor me. [verse 18] And Y schedde out myn indignacioun on hem, for blood which thei schedden on the lond, and in her idols thei defouliden it. [verse 19] And Y scateride hem among hethene men, and thei weren wyndewid to [in to CEFGHIKMNPQRSUX.] londis; Y demede hem bi the weies and fyndyngis of hem. [verse 20] And thei entriden to hethene men, to whiche thei entriden, and defouliden myn

hooli name, whanne it was seid of [to I.] hem, This is the puple of the Lord, and thei ȝeden out of the lond of hym. [verse 21] And Y sparide myn hooli name, which the hous of Israel hadde defoulid among hethene men, to whiche thei entriden. [verse 22] Therfor thou schalt seie to the hous of Israel, The Lord God seith these thingis, O [A! CEFGHIKMNPQRSUX.] ! ȝe hous of Israel, not for ȝou Y schal do, but for myn hooli name, which ȝe defouliden among hethene men, to whiche ȝe en|triden. [verse 23] And Y schal halewe my greet name, which is defoulid among hethene men, whiche ȝe defouliden in the myddis of hem; that hethene men wite, that Y am the Lord, seith the Lord of oostis, whanne Y schal be halewid in ȝou before hem. [verse 24] For Y schal take awei ȝou fro he|thene men, and Y schal gadere ȝou fro alle londis, and Y schal brynge ȝou in to ȝoure lond. [verse 25] And Y schal schede [heelde I.] out clene wa|tir on ȝou, and ȝe schulen be clensid fro alle ȝoure filthis; and Y schal clense ȝou fro alle ȝoure idols. [verse 26] And Y schal ȝyue to ȝou a newe herte, and Y schal sette a newe spirit in the myddis of ȝou; and Y schal do awei an herte of stoon fro ȝoure fleisch, and Y schal ȝyue to ȝou an herte of [verse 27] fleisch, and Y schal sette my spirit in the myddis of ȝou. And Y schal make that ȝe go in my comaundementis, and kepe and worche my domes. [verse 28] And ȝe schulen dwelle in the lond, whiche Y ȝaf to ȝoure fadris; and ȝe schulen be in to a puple to me, and Y schal be in to a [Om. CEFGHIKMN sec. m. PQRSUX.] God to ȝou. [verse 29] And Y schal saue ȝou fro alle ȝoure filthis; and Y schal clepe wheete, and Y schal multi|plie it, and Y schal not put hungur on ȝou. [verse 30] And Y schal multiplie the fruyt of tree, and the seedis of the feeld, that ȝe bere no more the schenschipe of hungur among hethene men. [verse 31] And ȝe schulen haue mynde on ȝoure worste weies, and on stu|dies not goode; and ȝoure wickidnessis, and ȝoure grete trespassis schulen displese ȝou. [verse 32] Not for ȝou Y schal do, seith the

Lord God, be it knowun to ȝou; O [A! CEFGHIKMNPQRSUX.] ! the hous of Israel, be ȝe schent, and be ȝe [Om. SX.] aschamed on ȝoure weies. [verse 33] The Lord God seith these thingis, In the dai in which Y schal clense ȝou fro alle ȝoure wickid|nessis, and Y schal make citees to be en|habitid, and Y schal reparele ruynouse [verse 34] thingis, and the desert lond schal be tilid, that was sum tyme desolat, bifor the iȝen [verse 35] of ech weiegoere, thei schulen seie, Thilke lond vntilid is maad as a gardyn of lik|yng, and citees forsakun and destitute and vndur myned saten maad strong; [verse 36] and hethene men, whiche euer ben left in ȝoure cumpas, schulen wite, that Y the Lord haue bildid distried thingis, and Y haue plauntid vntilid thingis; Y the Lord spak, and Y dide. [verse 37] The Lord God seith these thingis, Ȝit in this thing the hous of Israel schulen fynde me, that Y do to hem; Y schal multiplie hem as the floc [folk A pr. m. EFGHMNPQSU.] of men, [verse 38] as an hooli floc, as the floc of Jerusalem in the solempnytees therof, so the citees that ben [Om. CEFGHIMNPQRSUX. Om. K pr. m. shulen be K sec. m.] forsakun, schulen [and schulen CEFHIKMQRSU.] be fulle of the flockis of men; and thei schulen wite, that Y am the Lord.

CAP. XXXVII.

[verse 1] The hond of the Lord was maad on me, and ledde me out in the [Om. I.] spirit of the Lord; and he lefte me in the myddis of [verse 2] a feeld that was ful of boonys; and he ledde me aboute bi tho in cumpas. For|sothe tho weren ful manye on the face of the feeld, and drie greetli. [verse 3] And he seide to me, Gessist thou, sone of man, whether these boonys schulen lyue? And Y seide, Lord God, thou wost. [verse 4] And he seide to me, Profesie thou of these boonys; and thou schalt seie to tho [hem I.] , Ȝe drie boonys, here [heerith IN. here ȝe U.] the word of the Lord. [verse 5] The Lord God seith these thingis to these boonys, Lo! Y schal sende in to ȝou a spirit, and ȝe

schulen lyue. [verse 6] And Y schal ȝyue synewis on ȝou, and Y schal make fleischis to wexe on ȝou, and Y schal stretche forth aboue [Om. E.] a [Om. CEFGHIKMNPQRSUX.] skyn in ȝou, and Y schal ȝyue a spirit to ȝou, and ȝe schulen lyue; and ȝe schulen wite, that Y am the Lord. [verse 7] And Y pro|fesiede, as he comaundide to me; forsothe a sown was maad, while Y profesiede, and lo! a stiryng togidere, and boonys camen [neiȝiden CEFGHIKMNPQRSUX.] to boonys, ech to his ioynture. [verse 8] And Y siȝ, and lo! synewis [sinewis CR. nervis, ether sinwes EFGHKMNPQSUXY.] and fleischis `wexeden vpon [stieden on CEFGHIKMNPQRSUX.] tho, and skyn was stretchid forth aboue in hem, and tho hadden no spirit. [verse 9] And he seide to me, Profesie thou to the spirit, profesie thou, sone of man; and thou schalt seie to the spirit, The Lord God [Om. N.] seith these thingis, Come, thou spirit, fro foure wyndis, and blowe thou on these slayn men, and lyue thei aȝen. [verse 10] And Y profesiede, as he comaundide to me; and the spirit entride in to tho [the IU.] boonys, and thei lyueden, and stoden [stiede N.] on her feet, a ful greet oost. [verse 11] And the Lord seide to me, Thou sone of man, alle these boonys is the hous of Israel; thei seien, Oure boonys drieden, and oure hope perischide, and we ben kit awei. [verse 12] Therfor profesie thou, and thou schalt seie to hem, The Lord God seith these thingis, Lo! Y schal opene ȝoure graues, and Y schal lede ȝou out of ȝoure sepulcris, my puple, and Y schal lede ȝou in to ȝoure lond Israel. [verse 13] And ȝe schulen wite, that Y am the Lord, whanne Y schal opene ȝoure sepulcris, and schal lede ȝou [verse 14] out of ȝoure biriels, my puple; and Y schal ȝyue my spirit in ȝou, and ȝe schulen lyue. And Y schal make ȝou for to reste on ȝoure lond; and ȝe schulen wite, that Y the Lord spak, and dide, seith the Lord God. [verse 15] And the word of the Lord was maad to [verse 16] me, and he seide, And thou, sone of man, take to thee o tree, and write thou on it, To Juda, and to the sones of Israel, and to hise felowis. And take thou an other tree, and write on it, Joseph, the tree of Effraym, and of al the hous of Israel, and

of hise felowis. [verse 17] And ioyne thou tho trees oon to the tother in to o tree to thee; and tho schulen be in to onement in thin hond. [verse 18] Sotheli whanne the sones of thi puple that speken, schulen seie to thee, Whether thou schewist not to vs, what thou wolt to thee [verse 19] in these thingis? thou schalt speke to hem, The Lord God seith these thingis, Lo! Y schal take the tree of Joseph, which is in the hond of Effraym, and the lynagis of Israel, that ben ioyned to hym [hem U.] , and Y schal ȝyue hem togidere with the tree of Juda; and Y schal make hem in to o [Om. N.] tree, and thei schulen be oon in the hond of hym. [verse 20] Sotheli the trees, on whiche thou hast write, schulen be in thin hond bifore the iȝen of hem. [verse 21] And thou schalt seie to hem, The Lord God seith these thingis, Lo! Y schal take the sones of Israel fro the myddis of naciouns, to whiche thei ȝeden forth; and Y schal gadere hem to|gidere on ech side. And Y schal brynge [verse 22] hem to her lond, and Y schal make hem o folc [flock N.] in the lond, in the hillis of Israel, and o kyng schal be comaundynge to alle; and thei schulen no more be twei folkis, and thei schulen no more be departid in to twey rewmes. [verse 23] And thei schulen no more be defoulid in her idols, and her abhomynaciouns, and in alle her wickid|nessis. And Y schal make hem saaf fro alle her seetis, in which thei synneden, and Y schal clense hem; and thei schulen be a puple to me, and Y schal be God to hem. [verse 24] And my seruaunt Dauid schal be kyng on hem, and o scheepherde schal be of alle hem; thei schulen go in my domes, and thei schulen kepe my comaundementis, and schulen do tho. [verse 25] And thei schulen dwelle on the lond, which Y ȝaf to my seruaunt Jacob, in which ȝoure fadris dwelliden; and thei schulen dwelle on that lond, thei, and the sones of hem, and the sones of her sones, til in to with outen ende; and Dauid, my seruaunt, schal be the [Om. N.] prince of hem with outen

ende. [verse 26] And Y schal smyte to hem a boond of pees; it schal be a couenaunt euerlast|ynge to hem, and Y schal founde hem, and Y schal multiplie, and Y schal ȝyue myn halewing in the myddis of hem with outen ende. [verse 27] And my tabernacle schal be among hem, and Y schal be God to hem, and thei schulen be a puple to me. [verse 28] And hethene men schulen wite, that Y am the Lord, halewere of Israel, whanne myn halewyng schal be in the myddis of hem with outen ende.

CAP. XXXVIII.

[verse 1] And the word of the Lord was maad [verse 2] to me, and he seide, Thou, sone of man, Sette thi face aȝens Gog, and aȝens the lond of Magog, the prince of the heed of Mosoch and of Tubal; and profesie thou of hym. [verse 3] And thou schalt seie to hym, The Lord God seith these thingis, A! Gog, lo! Y to thee, prince of the heed of [verse 4] Mosoch and of Tubal; and Y schal lede thee aboute, and Y schal sette a bridil in thi chekis, and Y schal leede out thee, and al thin oost, horsis, and horsmen, alle clothid with haburiouns, a greet multitude of men, takynge spere, and scheeld, and swerd. [verse 5] Perseis, Ethiopiens, and Libiens with hem, alle ben araied with scheeldis and helmes. [verse 6] Gomer, and alle the cum|penyes of hym, the hous of Togorma, the sidis of the north, and al the strengthe therof, and many puplis ben with thee. [verse 7] Make redi, and araye thee, and al thi multitude which is gaderid to thee, and be thou in to comaundement to hem. [verse 8] Aftir many daies thou schalt be visitid, in the laste of ȝeeris thou schalt come to the lond, that turnede aȝen fro swerd, and was gaderid of many puplis, to the hillis of Israel that weren desert ful ofte; this was led out of puplis, and alle men dwellide tristili ther ynne. [verse 9] Forsothe thou schalt stie [stie vp I.] , and schalt come as a tempest, and as a cloude, for to hile the lond, thou,

and alle thi cumpanyes, and many puplis with thee. [verse 10] The Lord God seith these thingis, In that dai wordis schulen stie on thin herte, and thou schalt thenke the [verse 11] worste thouȝt; and schalt seie, Y schal stie [stie vp I.] to the lond with out wal, and [Om. I.] Y schal come to hem that resten and dwellen sikirli; alle these dwellen with out wal, [verse 12] barris and ȝatis ben not to hem; that thou rauysche spuylis, and asaile prei; that thou brynge in thin hond on hem that weren forsakun, and afterward re|storid, and on the puple which is gaderid of hethene men, that bigan to welde, and to be enhabitere of the nawle of erthe. [verse 13] Saba, and Dedan, and the marchauntis of Tharsis, and alle the liouns therof schulen seie to thee, Whether thou comest to take spuylis? Lo! to rauysche prey thou hast gaderid thi multitude, that thou take awei gold and siluer, and do awei purtenaunce of houshold and catel, and that thou rauysche preyes with out noumbre. [verse 14] Ther|for profesie thou, sone of man; and thou schalt seie to Gog, The Lord God seith these thingis, Whether not in that dai, whanne my puple Israel schal dwelle [verse 15] tristili, thou schalt wite; and schalt come fro thi place, fro the sidis of the north, thou, and many puplis with thee, alle stieris of horsis, a greet cumpany, and [verse 16] an huge oost; and thou as a cloude schalt stie on my puple Israel, that thou hile the erthe? Thou schalt be in [on N.] the laste daies, and Y schal brynge thee on my lond, that my folkis wite, whanne Y schal be ha|lewid in thee, thou Gog, bifor the iȝen of them. [verse 17] The Lord God seith these thingis, Therfor thou art he of whom Y spak in elde daies, in the hond of my seruauntis, profetis of Israel, that profesieden in the daies of tho tymes, that Y schulde bringe thee on hem. [verse 18] And it schal be, in that dai, in the dai of the comyng of Gog on the lond of Israel, seith the Lord God, myn indignacioun schal stie in my strong

[verse 19] veniaunce, and in my feruour; Y spak in the fier of my wraththe. [verse 20] For in that dai schal be grete mouyng on the lond of Israel; and fischis of the see, and beestis of erthe, and briddis of the eir, and ech crepynge beeste which is mouyd on erthe, and alle men that ben on the face of erthe, schulen be mouyd fro my face; and hillis schulen be vndurturned, and heggis schu|len falle doun, and ech wal schal falle doun in to erthe [the erthe IS.] .

CAP. XXXIX.

[verse 21] And Y schal clepe togidere a swerd aȝens hym in alle myn hillis, seith the Lord God; the swerd of ech man schal be dressid aȝens his brother. [verse 22] And thanne Y schal deme hym bi pestilence, and blood, and greet reyn, and bi greet stoonys; Y schal reyn fier and brymstoon on hym, and on his oost, and on many puplis that ben with hym. [verse 23] And Y schal be magne|fied, and Y [Om. A.] shal be halewid, and Y shal be knowun bifore the iȝen of many folkis; and thei schulen wite, that Y am the Lord. [verse 1] But profesie thou, sone of man, aȝens Gog; and thou schalt seie, The Lord God seith these thingis, Lo! Y on thee, thou Gog, prince of the heed of Mosoch and of Tubal. [verse 2] And Y schal lede thee aboute, and Y schal disseyue thee, and Y schal make thee to stie [stie vp I.] fro the sidis of the north, and Y schal brynge thee on the hillis of Israel. [verse 3] And Y schal smyte thi bouwe in thi left hond, and Y schal caste doun thin arowis fro thi riȝt hond. [verse 4] Thou schalt falle doun on the hillis of Israel, thou, and alle thi cumpenyes, and puplis that ben with thee; Y ȝaf thee for to be deuourid to wielde beestis, to briddis, and to ech volatil, and to the beestis of erthe [the erthe IS.] . [verse 5] Thou schalt falle doun on the face of the feeld; for Y the Lord haue spoke, seith the Lord God. [verse 6] And Y schal sende fier in Magog, and in hem that dwellen tristili in ilis; and thei

schulen wite, that Y am the Lord God of Israel. [verse 7] And Y schal make myn hooli name knowun in the myddis of my puple Israel, and Y schal no more defoule myn hooli name; and hethene men schulen wite, that Y am the Lord God, the hooli of Israel. [verse 8] Lo! it cometh, and it is don, seith the Lord God. [verse 9] This is the day of which Y spak. And dwelleris schulen go out of the citees of Israel, and thei schulen set a fier, and schulen brenne armuris, scheeld and spere, bouwe and arowis, and stauys of hond, and schaftis with out irun; and thei schulen brenne tho in fier bi seuene ȝeer. [verse 10] And thei schulen not bere trees of cuntries, nether schulen kitte doun of forestis, for thei schulen brenne armu|ris bi fier; and thei schulen take preies of hem, to whiche [whom I.] thei weren preies, and thei schulen rauysche her wasteris, seith the Lord God. [verse 11] And it schal be in that dai, Y schal ȝyue to Gog a named place, a sepulcre in Israel, the valei of weigoeris at the eest of the see, that schal make hem that passen forth for to wondre; and thei schulen birie there Gog, and al the multitude of hym, and it schal be clepid the valei of the multitude of Gog. [verse 12] And the hous of Israel schulen birie hem, that thei clense the lond in seuene monethis. [verse 13] Forsothe al the puple of the lond schal byrie hym, and it schal be a named dai to hem, in which Y am glorified, seith the Lord God. [verse 14] And thei schulen ordeyne bi|sili men cumpassynge the lond, that schu|len birie and seke hem that weren left on the face of the lond, that thei clense it. Forsothe aftir seuene monethis thei schu|len [verse 15] bigynne to seke, and thei schulen cum|pas goynge aboute the lond; and whanne thei schulen se the boon of a man, thei schulen sette a `notable signe [title, ether [or I] a notable signe CEFGHIKMNPQRSUXY.] bisidis it, til the birieris of careyns birie it in the valei of the multitude of Gog. [verse 16] Sotheli the name of the cite is Amona; and thei schulen clense the lond. [verse 17] Forsothe, thou,

sone of man, the Lord God seith these thingis, Seie thou to ech brid, and to alle foulis, and to alle beestis of the feeld, Come ȝe to gidere, and haste ȝe, renne ȝe togidere on ech side to my sacrifice, which Y sle to ȝou, a greet sacrifice on the hillis of Israel, that ȝe ete fleischis and drynke blood. [verse 18] Ȝe schulen ete the fleischis of stronge men, and ȝe schulen drynke the blood of prynces of erthe, of wetheris, of lambren, and of buckis of geet, and of bolis, and of beestis maad fat, and of alle fat thingis. [verse 19] And ȝe schulen ete the yn|nere fatnesse in to fulnesse, and ȝe schulen drynke the blood in to drunkenesse, of the sacrifice which Y schal sle to ȝou. [verse 20] And ȝe schulen be fillid on my boord, of hors, and of strong horse man, and of alle men werriours, seith the Lord God. [verse 21] And Y schal sette my glorie among hethene men, and alle hethene men schulen se my doom, which Y haue do, and myn hond, which Y haue set on hem. [verse 22] And the hous of Israel schulen wite, that Y am her Lord God, fro that dai and afterward. [verse 23] And he|then men schulen wite, that the hous of Israel is takun in her wickidnesse, for that that thei forsoken me; and Y hidde my face fro hem, and Y bitook hem into the hondis of enemyes, and alle thei fellen [felden C et alii.] doun bi swerd. [verse 24] Bi the unclennes and greet trespasse of hem Y dide to hem, and Y hidde my face fro hem. [verse 25] Therfor the Lord God seith these thingis, Now Y schal leede aȝen the caitiftee of Jacob, and Y schal haue merci on al the hous of Israel; and Y schal take feruoure for myn hooli name. [verse 26] And thei schulen bere here schen|schipe, and al the [her I.] trespassing bi which thei trespassiden aȝens me, whanne thei dwelliden in her lond tristili, and dredden [verse 27] no man; and whanne Y schal bringe hem aȝen fro puplis, and schal gadere fro the londis of her enemyes, and schal be ha|lewid in hem, bifor the iȝen of ful many folkis. [verse 28] And thei schulen wite, that Y am

the Lord God of hem, for that Y trans|latide hem in to naciouns, and haue ga|derid hem on her lond, and Y lefte not ony of hem there. [verse 29] And Y schal no more hide my face fro hem, for Y haue schede out my spirit on al the hous of Israel, seith the Lord God.

CAP. XL.

[verse 1] In the fyue and twentithe ȝeer of oure passyng ouer, in the bigynnyng of the ȝeer, in the tenthe dai of the monethe, in the fourtenthe ȝeer after that the citee was smytun, in this same dai the hond of the Lord was maad on me, and he brouȝte me thidur in the reuelaciouns of God. [verse 2] And he brouȝte me in to the lond of Israel, and he leet [ledde N.] me doun on a ful hiȝ hil, on which was as the bildyng of a citee goynge to [verse 3] the south; and he ledde me in thidur. And lo! a man, whos licnesse was as the licnesse of bras, and a coorde of flex was in his hond, and a reed of mesure in his hond; forsothe he stood in the ȝate. [verse 4] And the same man spak to me, Thou sone of man, se with thin iȝen, and here with thin eeris, and sette thin herte on alle thingis, whiche Y schal schewe to thee, for thou art brouȝt hidur, that tho be schewid to thee; telle thou alle thingis whiche thou seest to the hous of Israel. [verse 5] And lo! a wal withouteforth, in the cum|pas of the hous on ech side; and in the hond of the man was a rehed of mesure of sixe cubitis and a spanne, that is, an handibreede; and he mat the breede of the bildyng with o rehed, and the hiȝnesse bi o rehed. [verse 6] And he cam to the ȝate that bihelde the weie of the eest, and he stiede bi degrees of it; and he mat the lyntil of the ȝate bi o rehed the breede, that is, o [verse 7] lyntil bi o rehed in breede; and he mat o chaumbre bi o rehed in lengthe, and bi o rehed in breed, and fyue cubitis bitwixe [verse 8] chaumbris; and he mat the lyntil of the ȝate bisidis the porche of the ȝate with

ynne, bi o rehed. [verse 9] And he mat the porch of the ȝate of eiȝte cubitis, and the frount therof bi twei cubitis; sotheli the porche of the ȝate was with ynne. [verse 10] Certis the chaumbris of the ȝate at the weie of the eest weren thre on this side, and thre on that side; o mesure of thre, and o mesure of the frountis on euer ethir side. [verse 11] And he mat the breede of the lyntel of the ȝate of ten cubitis, and the lengthe of the ȝate of threttene cubitis. [verse 12] And he mat a mar|gyn of a [O C et alii.] cubit bifor the chaumbris, and o cubit was the ende on ech side; forsothe the chaumbris weren of [on N.] sixe cubitis on this side and on that side. [verse 13] And he mat the ȝate fro the roof of the chaumbre til to the roof therof, the breede of fyue and twenti cubitis, a dore aȝens a dore. [verse 14] And he made frountes bi sixti cubitis, and at the frount an halle [forȝerd CEFGHIKMNPQRSUX.] of the ȝate on ech [verse 15] side bi cumpas; and bifor the face of the ȝate that stretchith forth til to the face of the porche of the ynner ȝate, he mat fifti cubitis. [verse 16] And he mat wyndows naraw with out and large with ynne, in the chaumbris and frountis of tho, that weren with ynne the ȝate on ech side bi cumpas. Sotheli in lijk maner also wyndows weren in the porchis bi cumpas with ynne; and the peynture of palm trees was grauun bifor the frountis. [verse 17] And he ledde me out to the outermere halle [forȝerd CEFGHIKMNPQRSUX.] , and lo! tresories, and pawment arayed with stoon in the halle [forȝerd ceteri passim.] bi cumpas; thretti tresories in the [verse 18] cumpas of the pawment; and the paw|ment was bynethe in the front of the ȝatis, bi the lengthe of the ȝatis. [verse 19] And he mat the breede fro the face of the lowere ȝate til to the frount of the ynnere halle with outforth, an hundrid cubitis at the eest, and at the north. [verse 20] And he mat bothe in lengthe and in breede the ȝate that bihelde the weie of the north, of the outermore halle. [verse 21] And he mat the chaumbris therof, thre on this side, and thre on that side, and the frount therof, and the porche

therof, bi the mesure of the formere ȝate; the lengthe therof of fifti cubitis, and the breede therof of [Om. N sec. m.] fyue and twenti cubitis. [verse 22] Sotheli the wyndows therof, and the porche, and the grauyngis, weren bi the mesure of the ȝate that bihelde to the eest; and the stiyng therof was of seuene degrees, and a porche was bifore it. [verse 23] And the ȝate of the ynnere halle was aȝens the ȝate of the north, and aȝens the eest ȝate; and he mat fro the ȝate til to the ȝate an hundrid cubitis. [verse 24] And he ledde me out to the weie of the south, and lo! the ȝate that bihelde to the south; and he mat the frount therof, and the porche therof, bi [verse 25] the formere mesuris; and the wyndows therof, and the porchis [porche A.] in cumpas, as othere wyndows; the lengthe of fifti cu|bitis, and the breede of fyue and twenti cubitis. [verse 26] And bi seuene degrees me stiede to it, and `an halle [a forȝerd CEFGHIKMNPQRSUX.] was bifor the ȝatis therof; and palme trees weren grauun, oon in this side, and another in that side in the frount therof. [verse 27] And the ȝate of the ynnere halle was in the weie of the south; and he mat fro the ȝate til to the ȝate in the weie of the south, an hundrid cubitis. [verse 28] And he ledde me in to the yn|nere halle [forȝerd ceteri passim.] , to the south ȝate; and he [verse 29] mat the ȝate bi the formere mesuris; the chaumbre therof, and the frount therof, and the porche therof bi the same me|suris; and he mat the wyndows therof, and the porche therof in cumpas; fifti cubitis of lengthe, and fyue and twenti cubitis of breede. [verse 30] And he mat the halle bi cum|pas, the lengthe of fyue and twenti cu|bitis, and the breede therof of [Om. E.] fyue cubitis. [verse 31] And the porche therof was to the outer|mere halle, and the palm trees therof in the frount; and eiȝte degrees weren, bi whiche me stiede thorouȝ it. [verse 32] And he ledde me in to the ynnere halle [forȝerdis S. forȝerd ceteri.] , bi the eest weie; and he mat the ȝate by the

[verse 33] formere mesures; the chaumbre therof, and the frount therof, and the porchis therof, as aboue; and he mat the wyn|dows therof, and the porchis therof in cumpas; the lengthe of fifti cubitis, and the breede of fyue and twenti cubitis; [verse 34] and the porche therof, that is, of the outermore halle; and palme trees grauun in the frount therof, on this side [Om. N.] and on that side; and in eiȝte degrees was the stiyng therof. [verse 35] And he ledde me in to the ȝate that bihelde to the north; and [verse 36] he mat bi the formere mesuris [mesure A.] ; the chaumbre therof, and the frount therof, and the porche therof, and the wyndows therof bi cumpas; the lengthe of fifti cu|bitis, and the breede of fyue and twenti cubitis. [verse 37] The porche therof bihelde to the outermore halle; and the grauyng of palm trees was in the frount therof, on this side and on that side; and in eiȝte degrees was the stiyng therof. [verse 38] And bi alle tresories a dore was in the frountis of ȝatis; and there thei waischiden brent sacrifice. [verse 39] And in the porche of the ȝate weren twei boordis on this side, and twei boordis on that side, that brent sacrifice be offrid on tho, `bothe for [Om. CEFGHIKQSX. and for M pr. m. NPRU.] synne and for trespasse. [verse 40] And at the outermore side, which stieth to the dore of the ȝate that goith to the north, weren twei boordis; and at `the tother [that oother I.] side, bifor the porche of the ȝate, weren twei boordis. [verse 41] Foure boordis on this side, and foure boordis on that side; bi the sidis of the ȝate weren eiȝte boordis, on whiche thei offriden. [verse 42] Forsothe foure boordis to brent sacrifice weren bildid of square stoonys, in the lengthe of o cubit and an half, and in the breed of o cubit and an half, and in the hiȝthe of o cubit; on whiche boordis thei schulen sette ves|sels, in whiche brent sacrifice and slayn sacrifice is offrid. [verse 43] And the brenkis of tho [the I.] boordis ben of oon [an I.] handibreede, and ben bowid aȝen with ynne bi cumpas;

forsothe on the boordis weren fleischis of offryng. [verse 44] And with out the ynnere ȝate weren tresories of chauntours, in the yn|nere halle, that was in the side of the ȝate biholdynge to the north; and the faces of tho weren aȝens the south weie; oon of the side of the eest ȝate, that bihelde to the weie of the north. [verse 45] And he seide to me, This treserie, that biholdith the south weie, is of the prestis that waken in the [verse 46] kepyngis of the temple, Sotheli the tre|sorye that biholdith to the weie of the north, schal be of the preestis that waken to the seruice of the auter; these ben the sones of Sadoch, whiche of the sones of Leuy neiȝen to the Lord, for to mynystre to hym. [verse 47] And he mat the halle, the lengthe of an hundrid cubitis, and the breede of an hundrid cubitis, bi square, and the auter bifore the face of the temple. [verse 48] And he ledde me in to the porche of the temple; and he mat the porche bi fyue cubitis on this side, and bi [Om. I.] fyue cubitis on that side; and he mat the breede of the ȝate, of thre cubitis on this side, and of thre cubitis on that side. [verse 49] But he mat the lengthe of the porche of twenti cubitis, and the breede of eleuene cubitis, and bi eiȝte degrees me stiede to it; and pileris weren in the frountis, oon [Om. EFNP.] on this side, and `another on that [on that other N. oon other on that S.] side.

CAP. XLI.

[verse 1] And he ledde me in to the temple, and he mat the frountis, sixe cubitis of breede on this side, and sixe cubitis of breede on that side, the breede of the tabernacle. [verse 2] And the breede of the ȝate was of ten cubitis; and he mat the sidis of the ȝate bi fyue cubitis on this side, and bi fyue cubitis on that side; and he mat the lengthe therof of [bi I.] fourti cubitis, and the breede of twenti cubitis. [verse 3] And he entride with ynne, and he mat in the frount of the ȝate twei cubitis; and he mat the ȝate of sixe cubitis, and the breede of the ȝate

of seuene cubits. [verse 4] And he mat the lengthe therof of twenti cubitis, and the breede of twenti cubitis, bifor the face of the [Om. N.] tem|ple. [verse 5] And he seide to me, This is the hooli thing of hooli thingis. And he mat the wal of the hous of sixe cubitis, and the breede of the side of foure cubitis, on ech side bi cumpas of the hous. [verse 6] For|sothe the sidis weren tweies thre and thretti, the side to the side; and tho weren stondynge an hiȝ, that entriden bi the wal of the hous, in the [tho I.] sidis bi cumpas, that tho helden togidere, and touchiden not the wal of the temple. [verse 7] And a street was in round, and stiede vpward bi a vijs, and bar in to the soler of the temple bi cum|pas; therfor the temple was braddere in the hiȝere thingis; and so fro the lowere thingis me stiede to the hiȝere thingis, and in to the myddis. [verse 8] And Y siȝ in the hous an hiȝnesse bi cumpas, the sidis foundid at the mesure of a rehed in the [verse 9] space of sixe cubitis; and the breede by [of A pr. m. I.] the wal of the side with outforth, of fyue cubitis; and the ynnere hous was in the sidis of the hous. [verse 10] And bitwixe treseries Y siȝ the breede of twenti cubitis in the [verse 11] cumpas of the hous on [of EFHIMQU.] ech side; and Y siȝ the dore of the side to preier; o dore to the weie of the north, and o dore to the weie of the south; and Y siȝ the breede of place to preier, of fyue cubitis in cumpas. [verse 12] And the bildyng that was ioyned to the place departid, and turned to the weie biholdynge to the see, of the breede of seuenti cubitis; sotheli the wal of the bildyng of fyue cubitis of breede bi cumpas, and the lengthe therof of [is I.] nynti cubitis. [verse 13] And he mat the lengthe of the hous, of an hundrid cubitis; and that that was departid, the bildyng and the wallis therof, of lengthe [the lengthe CEFGHIKMNPQRSUX.] of an hundrid cubitis. [verse 14] Forsothe the breede of the street bifor the face of the hous, and of that that was departid aȝens the eest, was of an [Om. U.] hundrid cubitis. [verse 15] And he mat the lengthe

of the bildyng aȝens the face of that, that was departid [partid I.] at the bak; he mat the boteraces on euer either side of an hun|drid cubitis. And he mat the ynnere tem|ple, [verse 16] and the porchis of the halle, lyntels, and wyndows narowe withoutforth and broode with ynne; boteraces in cumpas bi thre partis, aȝenst the lintel of ech, and araied with tree bi cumpas al aboute; so|theli fro the erthe til to the wyndows, and the wyndows weren closid on the [verse 17] doris, and til to the ynnere hous, and withoutforth bi al the wal in cumpas, with ynne and with outforth at mesure. [verse 18] And cherubyns and palm trees weren maad craftili, and a palm tree bitwixe cherub and cherub; and cherub hadde [verse 19] twei faces, the face of a man bisidis the palm tree on this side, and the face of a lioun expressid bisidis the palm tree on `the tother [that oother IS.] side. Bi al the hous in cum|pas, [verse 20] fro the erthe til to the hiȝere part, cherubyns and palm trees weren grauun in the wal of the temple. [verse 21] A threisfold foure [was foure I.] cornerid; and the face of the bi|holdyng of the seyntuarie was aȝens the [verse 22] biholding of the auter of tree; the heiȝthe therof was of thre cubitis, and the lengthe therof of [Om. I.] twei cubitis; and the corneris therof, and the lengthe therof, and the wallis therof, weren of tree. And he spak to me, This is the boord bifor the Lord. [verse 23] And twei doris weren in the temple, and in the seyntuarie. [verse 24] And in the [Om. I.] twei doris on euer either side weren twei litle doris, that weren foldun togidere in hem silf; for whi twei doris weren on [oon on N.] euer either side of the doris. [verse 25] And cherubyns [the cherubyns I.] and the grauyng of palm trees weren grauun in tho [the I.] doris of the temple, as also tho weren expressid in the [tho N.] wallis. Wherfor and grettere trees weren in the frount of [verse 26] the porche with outforth, on whiche the wyndows narowe with out and large with ynne, and the licnesse of palm trees weren

on this side and on that syde; in the litle vndursettyngis [schuldris, ether vndursettingis CDEFGHIKNPQRSUXY.] of the porche, bi the sidis of the hous, and bi the breede of the [Om. CEFGHIKMNPQRSUX.] wallis.

CAP. XLII.

[verse 1] And he ledde me out in to the [Om. CEGHNPSX pr. m.] outer|mere halle [forȝerd ceteri passim.] , bi the weie ledynge to the north; and he ledde me in to the treserie, that was aȝens the bildyng departid, and [verse 2] aȝens the hous goynge to the north; in the face an hundrid cubitis of lengthe of the dore of the north, and fifti cubitis of [verse 3] breede, aȝens twenti cubitis of the ynnere halle, and aȝens the pawment araied with stoon of the outermere halle, where a porche was ioyned to thre fold porche. [verse 4] And bifor the tresories was a walkyng of ten cubitis of breede, biholdynge to the ynnere thingis of the weie of o cubit. And [verse 5] the doris of tho to the north, where tre|sories weren lowere in the hiȝere thingis; for tho baren vp the porchis that apperiden an hiȝ of tho fro the lowere thingis, and fro the myddil thingis of the bildyng. [verse 6] For tho weren of thre stagis, and hadden not pileris, as weren the [Om. I.] pilers of hallis [forȝerdis ceteri passim.] ; therfor tho stoden an hiȝ fro the lowere thingis, and fro the myddil thingis fro erthe, bi fifti cubitis. [verse 7] And the outermore halle closynge the walkynge place was bi the treseries, that weren in the weie of the outermore halle, bifor the treseries; the lengthe therof was of fifti cubitis. [verse 8] For the lengthe of the tresories of the outer|more halle was of fifti cubitis, and the lengthe bifor the face of the temple was of an hundrid cubitis. [verse 9] And vndur these [the I.] tresories was an entring fro the eest, of [and N.] men entringe in to [Om. N.] tho, fro the outer|mere [verse 10] halle, in the brede of the wal of the halle, that was aȝens the eest weie in the face of the bilding departid. And tre|series [verse 11] weren bifore the bilding, and a weie was bifor the face of tho, bi the licnesse

of treseries that weren in the weie of the north; bi the lengthe of tho, so was also the breede of tho. And al the entryng of tho, and the licnessis and doris [the doris NS.] of tho, [verse 12] weren lijk the doris of treseries that weren in the weye biholdynge to the south; a dore was in the heed of the weye, which weie was bifor the porche departid to men entringe bi the eest weie. [verse 13] And he seide to me, The treseries of the north, and the treseries of the south, that ben bifor the bildyng departid, these ben hooli treseries, in whiche the preestis ben clothid, that neiȝen to the Lord in to the hooli of hooli thingis; there thei schulen putte the hooli of hooli thingis, and offryngis for synne, and for trespas; for it is an hooli place. [verse 14] Sotheli whanne prestis han entrid, thei schulen go [not go K sec. m. S sec. m.] out of hooli thingis in to the outermore halle; and there thei schulen putte vp her clothis, in whiche thei myny|stren [mynystriden NS sec. m.] , for tho ben hooli; and thei schulen be clothid in othere clothis, and so thei schulen go forth to the puple. [verse 15] And whanne he hadde fillid the mesuris of the ynnere hous, he ledde me out bi the weie of the ȝate that biheelde to the eest weie; and he mat it on ech side bi cumpas. [verse 16] For|sothe he mat aȝens the eest wynd with the rehed of mesure bi cumpas fyue hun|drid rehedis, in a rehed of mesure bi cum|pas. [verse 17] And he mat aȝens the wynd of the north fiue hundred rehedis, in the rehed of mesure bi cumpas. [verse 18] And at the south wynd he mat fyue hundrid rehedis, with a rehed of mesure bi cumpas. [verse 19] And at the west wynd he mat fyue hundrid rehedis, with [in CIUX.] the [a FH.] rehed of mesure. [verse 20] Bi foure wyndis he mat the wal therof on ech side bi cumpas, the lengthe of fyue hundrid, and the breede of fyue hundrid, depart|ynge bitwixe the seyntuarie and the place of the comyn puple.

CAP. XLIII.

[verse 1] And he ledde me out to the ȝate, that bihelde to the eest weie. [verse 2] And lo! the

glorie of God of Israel entride bi the eest weie; and a vois was to it, as the vois of many watris, and the erthe schynede of the mageste of hym. [verse 3] And Y siȝ a visioun, bi the licnesse whiche Y hadde seyn, whanne he cam to distrie the citee; and the lic|nesse was lijc the biholdyng whiche Y hadde seyn bisidis the flood Chobar. [verse 4] And Y felle doun on my face, and the mageste of the Lord entride in to the temple, bi the weie of the ȝate that biheeld [biholdith A.] to the eest. [verse 5] And the Spirit reiside me, and ledde me in to the ynnere halle; and lo! the hous was fillid of the glorie of the Lord. [verse 6] And Y herde oon spekynge to me of the hous. And the man that stood bisidis [verse 7] me, seide to me, Thou, son of man, this is the place of my seete, and the place of the steppis of my feet, where Y dwelle in the myddis of the sones of Israel with|outen ende; and the hous of Israel schulen no more defoule myn hooli name, thei, and the kyngis of hem in her fornica|ciouns, and in the fallyngis of her kyngis, and in hiȝ places. [verse 8] Whiche maden her threisfold bisidis my threisfold, and her postis bisidis my postis, and a wal was bitwixe me and hem; and thei defouliden myn hooli name in abhomynaciouns whiche thei diden; wherfor Y wastide hem in my wraththe. [verse 9] Now therfor putte thei awei fer her fornicacioun, and the fallyng [fallyngis I.] of her kyngis fro me; and Y schal dwelle euere in the myddis of hem. [verse 10] But thou, sone of man, schewe the temple to the hous of Israel, and be thei schent of her wickidnessis; and mete thei the bilding, [verse 11] and be thei aschamed of alle thingis whiche thei diden. Thou schalt schewe to hem, and thou schalt write bifore the iȝen of hem the figure of the hous, and of the bildyng therof; the outgoyngis, and the [Om. CEFHIKMQRU.] entryngis, and al the discryuyng [discryuyngis ENP.] therof, and alle the [the lawis theroff, and alle I. Om. FS.] comaundementis therof, and al the ordre therof, `and alle the lawis therof [Om. I.] ; that thei kepe alle the discryu|yngis

therof, and comaundementis therof, and do tho. [verse 12] This is the lawe of the hous, in the hiȝnesse of the hil; alle the coostis therof in cumpas is the hooli of hooli thingis; therfor this is the lawe of the hous. [verse 13] Forsothe these ben the mesuris of the auter, in a verieste cubit, that hadde a cubit and a spanne; in the bosum therof was a cubit in lengthe, and a cubit in breede; and the ende therof til to the brenke, and o spanne in cumpas; also this was the diche of the auter. [verse 14] And fro the bosum of the [Om. CEFGHIMNPQRUX.] erthe til to the laste heiȝthe weren twei cubitis, and the breede of o cubit; and fro the lesse heiȝthe til to the grettere heiȝthe were foure [fourti N.] cubitis, and the breede was of o cubit; forsothe thilke ariel, that is, the hiȝere part of the auter, was of foure cubitis; and fro the auter `til to [vnto I.] aboue weren foure hornes. [verse 16] And the auter of twelue cubitis in lengthe was foure cornerid with euene sidis, bi twelue cubitis of breede. [verse 17] And the heiȝthe of fourtene cubitis of lengthe was bi four|tene cubitis of breede, in foure corneris therof. And a coroun of half a cubit was in the cumpas therof, and the bosum ther|of was of o cubit bi cumpas; forsothe the degrees therof weren turned to the eest. [verse 18] And he seide to me, Thou, sone of man, the Lord God seith these thingis, These ben the customs of the auter, in what euer dai it is maad, that me offre on it brent sacrifice, and blood be sched out. [verse 19] And thou schalt ȝyue to preestis and dekenes, that ben of the seed of Sadoch, that neiȝen to me, seith the Lord God, that thei offre to me a calf of the drooue for synne. [verse 20] And thou schalt take of the blood therof, and schalt putte on foure hornes therof, and on foure corneris of heiȝthe, and on the coroun in cumpas; and thou schalt clense it, and make clene. [verse 21] And thou schalt take the calf which is offrid for synne, and thou schalt brenne it in a [Om. I.] departid place

of the hous, with out the seyntuarie. [verse 22] And in the secounde dai thou schalt offre a buk of geet, which is with out wem, for synne; and thei schulen clense the auter, as thei clensiden in the calf. [verse 23] And whanne thou hast fillid that clensyng, thou schalt offre a calf of the drooue, which calf is without wem, and a wether with out wem of the floc. [verse 24] And thou schalt offre tho in the siȝt of the Lord; and prestis schulen putte [sende CEFGHIKMNPQRSUX.] salt on tho, and schulen offre tho in to brent sacrifice to the Lord. [verse 25] Bi se|uene daies thou schalt make a buk of geet for synne, ech dai; and thei schulen offre a calf of the drooue, and a wether vn|wemmed of scheep. [verse 26] Bi seuene daies thei schulen clense the auter, and schulen make it cleene, and thei schulen fille the hond therof. [verse 27] Forsothe whanne seuene daies ben fillid, in the eiȝthe [eiȝte A.] dai and ferther prestis schulen make on the auter ȝoure brent sa|crifices, and tho thingis whiche thei offren for pees; and Y schal be plesid to ȝou, seith the Lord God.

CAP. XLIV.

[verse 1] And he turnede me to the weie of the ȝate of the outermore seyntuarie, which ȝate byhelde to the eest, and was closid. [verse 2] And the Lord seide to me, This ȝate schal be closid, and schal not be opened, and a man schal not passe thorou it; for the Lord God of Israel entride bi it, and it schal be closid to the prince. [verse 3] The prince hym silf schal sitte ther ynne, that he ete breed bifor the Lord; he schal go yn bi the weie of the ȝate of the porche, and he schal go out bi the weie therof. [verse 4] And he ledde me bi the weie of the north ȝate, in the siȝt of the hous [hous of Juda A sec. m.] ; and Y siȝ, and lo! the glorie of the Lord fillide the hous of the [Om. N.] Lord; and Y felle doun on my face. [verse 5] And the Lord seide to me, Thou, sone of man, sette thin herte, and se with thin iȝen, and here with thin eeris alle thingis

whiche Y speke to thee, of al the cere|monyes of the hous of the Lord, and of alle the lawis therof; and thou schalt sette thin herte in the weies of the temple, bi alle the goyngis out of the seyntuarie. [verse 6] And thou schalt seie to the hous of Israel ter|rynge me to wraththe, The Lord God seith these thingis, Ȝe hous of Israel, alle [verse 7] ȝoure grete trespassis suffice to ȝou, for ȝe bryngen in alien sones, vncircumcidid in herte, and vncircumcidid in fleisch, that thei be in my seyntuarie, and defoule myn hous. And ȝe offren my looues, ynnere fat|nesse, and blood, and breken my coue|naunt in alle ȝoure grete trespassis. [verse 8] And ȝe kepten not the comaundementis of my seyntuarie, and ȝe settiden keperis of my [and N.] kepyngis in my seyntuarye to ȝou silf. [verse 9] The Lord God seith these thingis, Ech alien `that is [Om. CEFHIKMQRSU.] vncircumcidid in herte, and vncircumcidid in fleisch, schal not entre in to my seyntuarie; ech alien sone, which is in the myddis of the sones of Israel. [verse 10] But also Leuytis, `ether men of the lynage of Leuy [Om. N.] , that ȝeden fer a wei fro me in the [Om. S.] errour [errouris I.] of the sones of Israel, and erriden fro me aftir her idols, and baren [verse 11] her wickidnesse, thei schulen be kepers of housis in my seyntuarye, and porteris of ȝatis of the hous, and mynystris of the hous; thei schulen sle brent sacrifices, and sacrifices for victorie of the puple; and thei schulen stonde in the siȝt of the prestis, for to mynystre to hem. [verse 12] For that that thei mynystriden to tho in the siȝt of her idols, and weren maad to the hous of Is|rael in to offendyng [offending, ether hirting CEFGHIKMNPQRSUXY.] of wickidnesse; ther|for Y reiside myn hond on them, seith the Lord God, and thei baren her wickid|nesse. [verse 13] And thei schulen not neiȝe to me, that thei vse preesthod to me, nether thei schulen neiȝe to al my seyntuarie bisidis hooly of hooli thingis, but thei schulen bere her schenschipe, and her grete tres|passis whiche thei diden. [verse 14] And Y schal make [ȝyue CEFHIKMQRSU.] hem [hem to be I.] porteris of the hous, in al the

seruyce therof, and in alle thingis that ben don ther ynne. [verse 15] Forsothe preestis and de|kenes, the sones of Sadoch, that kepten the [Om. I.] cerymonyes of my seyntuarie, whanne the sones of Israel erriden fro me, thei schulen neiȝe to me, for to mynystre to me; and thei schulen stonde in my siȝt, that thei offre to me ynnere fatnesse and blood, seith the Lord God. [verse 16] Thei schulen entre in to my seyntuarie, and thei schulen neiȝe to my boord, that thei mynystre to me, and kepe my ceremonyes. [verse 17] And [Om. A.] whanne thei schulen entre in to the ȝatis [verse 18] of the ynnere halle, thei schulen be clothid with lynnun clothis, nether ony wollun thing schal `be do [stie CEFGHIKMNPQRSUX.] on hem, whanne thei mynystren in the ȝatis of the ynnere halle, and with ynne; lynnun cappis, ether mytris, schulen be in the heedis of hem, and lyn|nun brechis schulen be in the leendis of hem, and thei schulen not be gird in swoot. [verse 19] And whanne thei schulen go out at the outermere halle to the puple, thei schulen dispuyle hem of her clothis, in whiche thei mynystriden, and thei schulen leie tho vp in the treserie of seyntuarie [the seyntuarie I sec. m.] ; and thei schulen clothe hem silf in othere clothis, and thei schulen not halewe my puple in her clothis. [verse 20] Forsothe thei schulen not schaue her heed, nether thei schulen nursche long heere, but thei clippynge schulen clippe her heedis. [verse 21] And ech preest schal not drynke wyn, whanne he schal entre in to the ynnere halle. [verse 22] And preestis schulen not take wyues a widewe, and a forsakun womman, but virgyns of the seed of the hous of Israel; but also thei schulen take a widewe, which is the widewe of a preest. [verse 23] And thei schulen teche my puple, what is bitwixe hooli thing and defoulid; and thei schulen schewe to hem, what is bitwixe cleene thing and vncleene. [verse 24] And whanne [what N.] debate is, thei schulen stonde in my domes, and schulen deme my lawis; and thei schulen kepe my comaundementis in alle my solempnytees, and thei schulen

halewe my sabatis. [verse 25] And thei schulen not entre to a deed man, lest thei be defoulid, no but to fadir, and modir, and to sone, and [or N.] douȝter, and to brother, and sister that hadde not an hosebonde, in whiche thei schulen be defoulid. [verse 26] And after that he is clensid, seuene daies schulen be noum|brid to hym. [verse 27] And in the dai of his en|tryng in to the seyntuarie, to the ynnere halle [forȝerd ceteri præter I.] , that he mynystre to me in the seyntuarie, he schal offre for his synne, seith the Lord God. [verse 28] Forsothe noon eri|tage schal be to hem, Y am the eritage of hem; and ȝe schulen not ȝyue to hem pos|sessioun in Israel, for Y am the possessioun of hem. [verse 29] Thei schulen ete sacrifice, bothe [and CEFGHKMNPQRSUX.] for synne and for trespasse, and ech avow of Israel schal be hern. [verse 30] And the firste thingis of alle firste gendrid thingis, and alle moiste sacrifices, of alle thingis that ben offrid, schulen be the prestis part; and ȝe schulen ȝyue the firste thingis of ȝoure metis to the prest, that he leie vp blessyng to his hous. [verse 31] Preestis [Therfore preestis NS sec. m.] schulen not ete ony thing deed bi it silf, and takun of a beeste, of foulis, and of scheep.

CAP. XLV.

[verse 1] And whanne ȝe schulen bigynne to de|parte the lond bi partis, departe ȝe the firste thingis to the Lord, an halewid thing of the lond, fyue and twenti thou|synde of rehedis in lengthe, and ten thou|synde of rehedis in breede; it schal be halewid in al the coost therof by cum|pas. [verse 2] And it schal be halewid on ech part in fyue hundrid rehedis bi fyue hundrid, in foure sidis bi cumpas, and in fifti cu|bitis in to the subarbis therof bi cumpas. [verse 3] And fro this mesure thou schalt mete the lengthe of fyue and twenti thousynde of rehedis, and the breede of ten thousynde; and the temple and the hooli of hooli thingis schal be in it. [verse 4] An halewid thing of the lond schal be to prestis, the [Om. X.] myn|ystris

of seyntuarie [the seyntuarie X sec. m.] , that neiȝen to the seruyce of the Lord; and a place schal be to hem in to housis, and in to the seyn|tuarie of hoolynesse. [verse 5] Sotheli fyue and twenti thousynde of lengthe schulen be, and ten thousynde of breede; but the de|kenes that mynystren to the hous, thei schulen haue in possessioun twenti tre|series. [verse 6] And ȝe schulen ȝyue the posses|sioun of the citee, fyue thousynde rehedis of breede, and fyue and twenti thousynde of lengthe, bi the departyng of the [Om. N.] seyn|tuarie, to al the hous of Israel. [verse 7] And ȝe schulen ȝyue a porcioun to the prince on this side and on that side, bisidis the de|partyng of the [Om. N.] seyntuarie, and bisidis the possessioun of the citee, aȝens the face of departynge of seyntuarie [the seyntuarie X sec. m.] , and aȝens the face of possessioun of the citee; fro the side of the se til to the see, and fro the side of the eest `til to [vnto I.] the eest, schal be of the possessioun of the prince. Forsothe the lengthe bi ech of the partis, fro the [verse 8] west ende til to the eest ende of the lond, schal be possessioun to hym in Israel; and the princes schulen no more robbe my puple, but thei schulen ȝyue the [Om. N.] lond to the hous of Israel, bi the lynagis of hem. [verse 9] The Lord God seith these thingis, O [A! CEFGHKMNPQRSUX.] ! princes of Israel, suffice it to [Om. I.] ȝou, leue ȝe wickidnesse `and raueyns [of rauein EY. and rauein P.] , and do ȝe doom and riȝtfulnesse; departe ȝe ȝoure niȝ coostis fro my puple, seith the Lord God. [verse 10] A iust balaunce, and a iust mesure clepid ephi [Ephi is a mesure of drie thingis, as of wheete, and barli, and lijk thingis, and it conteyneth thre buyschelis. Bathus is a me|sure of moiste thingis, as of wyn, and oile, and lijk thingis, and conteyneth as miche as ephi. Corus is a mesure bothe in drie thingis and in moiste thingis, and con|teyneth thretti buyschelis. ACEGPQUY. XX. siclis and xxv. siclis, and xv. siclis maken sixti siclis, and sixti siclis maken a besaunt. Lire here. CEGPQUY. Ephi is a me|sure of drye thingis, and conteyneth thre bushelis. Ba|thus, a mesure of moiste thingis, and conteyneth thre bushelis also, or foure and twenti galouns. Corus, a me|sure both of drie thingis and moiste, and conteyneth thretti bushelis. N.] , and a iust mesure clepid bathus, schulen be to ȝou. [verse 11] Ephi and bathus schulen be euene, and [Om. ENPY.] of o mesure, that bathus take the tenthe part of the mesure clepid corus, and that ephi take the tenthe part of the [Om. PY.] mesure corus [of corus S.] ; bi the mesure of corus schal be euene weiynge of tho. [verse 12] Forsothe a sicle schal haue twenti halpens; certis twenti siclis, and fyue and twenti siclis, and fiftene siclis maken a besaunt. [verse 13] And these ben the firste fruytis whiche ȝe

schulen take awei; the sixte part of ephi of a corus of wheete, and the sixte part of ephi of a corus of barli. [verse 14] Also the me|sure of oile; a bathus of oile is the tenthe part of corus, and ten bathus maken o corus; for ten bathus fillen o corus. [verse 15] And `a ram [o ram, ether wethir CEFGHIMPQRSUXY. o ram N.] of the floc of twei hundrid, of these whiche the men of Israel nurschen, in to sacrifice, and in to brent sacrifice, and in to pesible sacrifices, to clense for hem, seith the Lord God. [verse 16] Al the puple of the lond schal be boundun in these firste fruytis to the prince of [in CEFHKMPQRUY.] Israel. [verse 17] And on the prince schulen be brent sacrifices, and sacrifice, and moiste sacrifices, in so|lempnytees, and in kalendis, ether bigyn|nyngis of monethis, and in sabatis, and in alle the solempnytees of the hous of Israel; he schal make sacrifice for synne, and brent sacrifice, and pesible sacrifices, to clense for the hous of Israel. [verse 18] The Lord God seith these thingis, In the firste mo|neth, in the firste dai of the monethe, thou schalt take a calf with out wem of the drooue, and thou schalt clense the seyntuarie. [verse 19] And the preest schal take of the blood of the beeste, that schal be for synne; and he schal putte in the postis of the hous, and in foure corneris of the heiȝthe of the auter, and in the postis of the ȝate of the ynnere halle. [verse 20] And thus thou schalt do in the seuenthe dai of the monethe, for ech that knew not, and was disseyued bi errour, and thou schalt clense for the hous. [verse 21] In the firste monethe, in the fourtenthe dai of the monethe, the solempnytee of pask schal be to ȝou; therf looues schulen be etun bi seuene daies. [verse 22] And the prince schal make a calf for synne in that dai, for hym silf and for al the puple of the lond. [verse 23] And in the so|lempnytee of seuene daies he schal make brent sacrifice to the Lord; he schal offre seuene caluys and seuene wetheris with out wem ech dai, bi seuene daies, and ech dai a buc of geet, for synne. [verse 24] And

he schal make the sacrifice of ephi by a calf, and of ephi by [with I.] a wether, and of oile the mesure hyn, bi ech ephi. [verse 25] In the seuenthe monethe, in the fiftenthe dai of the monethe, in the solempnytee, he schal make as tho ben biforseid, bi seuene daies, as wel for synne as for brent sacrifice, and in sacrifice, and in oile.

CAP. XLVI.

[verse 1] The Lord God seith these thingis, The ȝate of the ynnere halle, that biholdith to the eest, schal be closid bi [Om. K.] sixe [seuene A pr. m. EFGHIK pr. m. MNPQRSUX.] daies, in whiche werk is doon; for [forsothe A sec. m.] it schal be openid in the dai of sabat, but also it schal be openyd in the dai of kalendis. [verse 2] And the prince schal entre bi the weie of the porche of the ȝate withoutforth, and he schal stonde in the threisfold of the ȝate; and preestis schulen make the brent sacrifice of hym, and the pesible sacrifices of hym; and he schal worschipe on the threisfold [frexfoold K.] of the ȝate, and he schal go out; forsothe the ȝate schal not be closid til to the [Om. C et ceteri.] euentid. [verse 3] And the puple of the lond schal worschipe at the dore of that ȝate, in sabatis, and in calendis, bifor the Lord. [verse 4] Forsothe the prince schal offre this brent sacrifice to the Lord in the dai of sabat, sixe lambren with out wem, and [verse 5] a wether with out wem, and the sacrifice of ephi bi a wether; but in the lambren he schal offre the sacrifice which his hond schal ȝiue, and of oile the [of I.] mesure hyn, bi ech ephi. [verse 6] But in the dai of calendis he schal offre a calf with out wem of the droue; and sixe lambren, and wetheris [verse 7] schulen be with out wem, and ephi bi a calf. Also he schal make the [Om. I.] sacrifice ephi bi a wether; but of lambren as his hond fyndith, and of oile the mesure hyn, bi ech ephi. [verse 8] And whanne the prince schal entre, entre he bi the weie of the porche of the ȝate, and go he out bi the same weie. [verse 9] And whanne the puple of the lond [same lond N.] schal entre in the siȝt of the

Lord, in [into I.] solempnytees, which puple en|trith bi the ȝate of the north, for to wor|schipe, go it out bi the wei of the south ȝate. Certis the puple that entrith bi the weie of the south ȝate, go out bi the weie of the north ȝate. It schal not turne aȝen bi the weie of the ȝate, bi which it en|tride, but euene aȝens that weie it schal go out. [verse 10] Forsothe the prince schal be in the myddis of hem; he [and he CFHIMQSU.] schal entre with hem that entren, and he schal go out with hem that goen out. [verse 11] And in feiris and in solempnytees, the sacrifice of ephi schal be bi a calf, and ephi bi a wether; in lambren schal be sacrifice as his hond fyndith, and of oile the [that I.] mesure hyn, bi ech ephi. [verse 12] For|sothe whanne the prince makith a wilful brent sacrifice, ether wilful pesible sacri|fice to the Lord, the ȝate that biholdith to the eest, schal be openyd to hym; and he schal make his brent sacrifice, and hise pesible sacrifices, as it is wont to be doon in the dai of sabat; and he schal go out, and the ȝate schal be closid after that he ȝede out. [verse 13] And he schal make brent sa|crifice ech day to the Lord, a lomb with out wem of the same ȝeer; euere he schal [verse 14] make it in the morewtid, and he schal make sacrifice on it ful eerli; eerli he schal make the sixte part of ephi, and of oile the thridde part of hyn, that it be meddlid with the floure of wheete; it is a lawful sacrifice, contynuel and euerlastinge, to the Lord. [verse 15] He schal make a lomb, and sacri|fice, and oile, ful eerli; he schal make eerli brent sacrifice euerlastynge. [verse 16] The Lord God seith these thingis, If the prince ȝyueth an hous to ony of hise sones, the eritage of hym schal be of hise sones; thei schulen welde it bi eritage. [verse 17] Forsothe if he ȝyueth a biquest of his eritage to oon of hise seruauntis, it schal be his `til to [vnto I.] the ȝeer of remyssioun, and it schal turne aȝen to the prince; forsothe the eritage of hym schal be to hise sones. [verse 18] And the prince schal not take bi violence of the

eritage of the puple, and of the posses|sioun of hem; but of his owne possessioun he schal ȝyue eritage to hise sones, that my puple be not scaterid, ech man fro his possessioun. [verse 19] And he ledde me in bi the entryng, that was on the side of the ȝate, in to the treseries of the seyntuarie to the [Om. I.] preestis, whiche [the whiche I.] treseries bihelden to the north; and there was a place go|ynge to the west. [verse 20] And he seide to me, This is the place where prestis schulen sethe, bothe for synne and for trespas; where thei schulen sethe sacrifice, that thei bere not out in to the outermere halle, and the puple be halewid. [verse 21] And he ledde me out in to the outermere halle [forȝerd ceteri passim.] , and ledde me aboute bi the foure corneris of the halle; and lo! a litil halle was in the corner of the halle, alle litle hallis [forȝerdis ceteri passim.] bi [verse 22] the corneris of the halle; in foure corneris of the halle litle hallis weren disposid, of fourti cubitis bi lengthe, and of thretti bi [verse 23] breede; foure weren of o mesure; and a wal bi cumpas ȝede aboute foure litle hallis; and kychenes weren maad vndur the porchis bi cumpas. [verse 24] And he seide to me, This is the hous of kichenes, in which the mynystris of the hous of the Lord schulen sethe the [Om. CX.] sacrifices [sacrifice N.] of the puple.

CAP. XLVII.

[verse 1] And he turnede me to the ȝate of the hous; and lo! watris ȝeden out vndur the threisfold of the hous to [of N.] the eest; for the face of the hous bihelde to the eest; for|sothe the watris camen doun in to the riȝt side of the temple, to the south part of the auter. [verse 2] And he ledde me out bi the weie of the north ȝate, and he turnede me to the weie with out the outermere ȝate, to the weie that biholdith [biheld C sec. m.] to the eest; and lo! watris flowynge fro the riȝt side, [verse 3] whanne the [a A.] man that hadde a coord in his hond, ȝede out to the eest. And he mat a thousynde cubitis, and ledde me ouer thorou the water til to the heelis.

[verse 4] And eft he mat a thousynde, and ledde [he ledde NX sec. m.] me ouer thorouȝ the watir `til to [vnto I.] the knees. [verse 5] And eft he mat a thousynde, and ledde [he ledde CEFHIKMNPQRSUX.] me ouer thorouȝ the watir `til to [vnto I.] the reynes. And he mat a thousynde, the [bi the I.] stronde which Y myȝte not passe; for the depe watris of the stronde hadden wexe greet, that mai not be waad ouer. [verse 6] And he seide to me, Certis, sone [thou, sone NS sec. m.] of man, thou hast seyn. And he seide to me; and he turnede me to the ryuere of the stronde. [verse 7] And whanne Y hadde turned me, lo! in the ryuer of the stronde ful many trees on euer either side. [verse 8] And he seide to me, These watris that goon out to [of I.] the heepis of soond of the eest, and [that I.] goen doun to [in to S pr. m.] pleyn [the playn I.] places of desert, schulen entre in to the see, and schulen go out; and the wa|tris schulen be heelid. [verse 9] And ech lyuynge beeste that creepith, schal lyue, whidur euere the stronde schal come; and fischis many ynow schulen be, aftir that these watris comen thidur, and schulen be heel|id, and schulen lyue; alle thingis to whiche the stronde schal come, schulen lyue. [verse 10] And fisshers schulen stonde on tho watris; fro Engaddi `til to [vnto I.] Engallym schal be driyng of nettis; ful many kyndis [spices, ether kindis CEFGHIKM NPQRSUXY.] of fischis therof schulen be, as the fischis of the greet see, of ful greet multitude; [verse 11] but in brynkis [the brynkis CEFGHIKNPQRSUXY. the brynke M.] therof and in maraisis watris shulen not be heelid, for tho `schu|len be [ben A pr. m. Om. C pr. m. EH.] ȝouun in to places of makynge of salt. [verse 12] And ech tree berynge fruit schal growe on the stronde, in the ryueris ther|of on ech side; a leef therof schal not falle doun, and the fruyt therof schal not faile; bi alle monethis it schal bere firste fruytis, for the watris therof schulen go out of the seyntuarie; and the fruytis therof schulen be in to mete, and the leeuys therof to medicyn. [verse 13] The Lord God seith these thingis, This is the ende, in which ȝe schulen welde the lond, in the [Om. I.] twelue lynagis of Israel; for Joseph hath

double part. [verse 14] Forsothe ȝe schulen welde it, ech man euenli as his brother; on which Y reiside myn hond, that Y schulde ȝyue to ȝoure fadris; and this lond schal falle to ȝou in to possessioun. [verse 15] This is the ende of the lond at the north coost fro the grete see, the weie of Bethalon to men [verse 16] comynge to Sedala, Emath, Beroth, Sa|barym, which is in the myddis bitwixe Damask and niȝ coostis of Emath, the hous of Thichon, which is bisidis the endis of Auran. [verse 17] And the ende schal be fro the see `til to [vnto I.] the porche of Ennon, the ende of Damask, and fro the north til to the north, the ende of Emath; for|sothe this is the north coost. [verse 18] Certis the eest coost fro the myddis of Auran, and fro the myddis of Damask, and fro the myddis of Galaad, and fro the myddis of the lond of Israel, is Jordan departynge at the eest see, also ȝe schulen mete the eest coost. [verse 19] Forsothe the south coost of myd|dai is fro Thamar til to the watris of aȝenseiyng of Cades; and the stronde til to the greet see, and the south coost at myddai. [verse 20] And the coost of the see is the greet see, fro the niȝ coost bi streiȝt, til thou come to Emath; this is the coost of the see. [verse 21] And ȝe schulen departe this lond [verse 22] to ȝou bi the lynagis of Israel; and ȝe schulen sende it in to eritage to ȝou, and to comelyngis that comen to ȝou, that gen|driden sones in the myddis of ȝou; and thei schulen be to ȝou as men borun in the lond among the sones of Israel; with ȝou thei schulen departe possessioun, in the myddis of the lynages of Israel. [verse 23] For|sothe in what euer lynage a comelyng is, there ȝe schulen ȝyue possessioun to hym, seith the Lord God [Om. FIS.] .

CAP. XLVIII.

And these ben the names of lynagis, fro [verse 1] the endis of the north, bisidis the weie Ethalon, to men goynge to Emath, the porche of Ennon, the terme of Damask,

to the north bisidis Emath; and the eest coost schal be to it the see, o part schal be of Dan. [verse 2] And fro the ende of Dan, fro the eest coost til to the coost of the see, o part schal be of Aser. [verse 3] And on the ende of Azer, fro the eest coost til to the coost of the see, oon of Neptalym. [verse 4] And on the terme of Neptalym, fro the eest coost til to the coost of the see, oon of Manasses. [verse 5] And on the ende of Manasses, fro the eest coost til to the coost of the see, oon of Effraym. [verse 6] And on the ende of Effraym, fro the eest coost til to the coost of the see, oon of Ruben. [verse 7] And on the ende of Ruben, fro the eest coost til to the coost of the see, oon of Juda. [verse 8] And on the ende of Juda, fro the eest coost til to the coost of the see, schulen be the firste fruytis, whiche ȝe schulen departe bi fyue and twenti thousynde reheedis of breede and of lengthe, as alle partis ben, fro the eest coost til to the coost of the see; and the seyntuarie schal be in the myddis therof. [verse 9] The firste fruytis whiche ȝe schu|len departe to the Lord, the lengthe schal be in fyue and twenty thousynde, and the breed in ten thousynde. [verse 10] Forsothe these schulen be the firste fruytis of the seyn|tuarie of preestis; to the north fyue and twenti thousynde of lengthe, and to the see ten thousinde of breede; but to the eest ten thousynde of breede, and to the south fyue and twenti thousynde of lengthe; and the seyntuarie of the Lord schal be in the myddis therof. [verse 11] The seyn|tuarie schal be to prestis of the sones of Sadoch, that kepten my cerymonyes, and erriden not, whanne the sones of Israel erriden, as also dekenes erriden. [verse 12] And the firste fruytis schulen be to hem of the firste fruytis of the lond, the hooli of hooli thingis, bi the terme of dekenes [Leuitis, ether dekens CEFGHIKMNPQRSUXY.] . [verse 13] But also to dekenes in lijk maner bi the coostis of preestis schulen be fyue and twenti thousynde of lengthe, and ten thousynde

of breede; al the lengthe of fiue and twenti thousynde, and the breede of ten thou|synde. [verse 14] And thei schulen not sille therof, nether schulen chaunge; and the firste fruytis of the lond schulen not be trans|latid, for tho ben halewid to the Lord. [verse 15] Sotheli the fyue thousynde, that ben left ouer in breede, bi fyue and twenti thou|synde, schulen be the vnhooli thingis, ether comyn thingis, of the citee, in to dwellyng place, and in to subarbis; and the citee schal be in the myddis therof. [verse 16] And these schulen be the mesuris therof; at the north coost, fyue hundrid and foure thousynde of rehedis, and at the south coost, fyue hundrid and foure thousynde, and at the eest coost, fyue hundrid and foure thousynde, and at the west coost, fyue hundrid and foure thousynde. [verse 17] For|sothe the subarbis of the citee at the north schulen be twei [two I.] hundrid and fifti, and at the southe twei [two I.] hundrid and fifti, and at the eest twei [two I.] hundrid and fifti, and at the see, that is, the west, twei hundrid and fifti. [verse 18] But that that is residue in lengthe, bi the firste fruytis of the seyntuarie, ten thousynde in to the eest, and ten thou|synde in to the west, schulen be as the firste fruitis of the seyntuarie; and the fruitis schulen be in to looues to hem that seruen the citee. [verse 19] Forsothe thei that seruen the citee schulen worche, of alle the lynagis of Israel. [verse 20] Alle the firste fruitis of fyue and twenti thousynde, bi fyue and twenti thousynde in [Om. A.] square, schulen be departid in to the firste fruytis of seyntuarie, and in to possessioun of the citee. [verse 21] Forsothe that that is residue, schal be the [to the I.] princes part, on ech side of [on I.] the firste fruitis of seyn|tuarie, and of the possessioun of the citee, euene aȝens fyue and twenti thousynde of the firste fruytis, til to the eest ende; but also to the see euene aȝens fyue and twenti thousynde, til to the ende of the see, schal be in lijk maner in the partis of

the prince; and the firste fruytis of the seyntuarye, and the seyntuarie of the tem|ple schulen be in the myddis of it. [verse 22] For|sothe fro the possessioun of dekenes, and fro the possessioun of the citee, which [that I.] is in the myddis of partis of the prince, schal be in to the porcioun [terme, ether porcioun CEFGHIKMPQRSUXY.] of Juda, and in to the porcioun [terme, ether porcioun EFGHI pr. m. KNPQRSUXY. terme I sec. m. M.] of Beniamyn; and it schal perteyne to the prince. [verse 23] And to other lynagis, fro the eest coost `til to [vnto I.] the west coost, oon to Beniamyn. [verse 24] And aȝens the porcioun [terme, ether porcioun CEFGHI pr. m. KMNPQRSUXY. terme I sec. m.] of Beniamyn, fro the eest coost til to the west coost, oon to Symeon. [verse 25] And on the terme of Symeon, fro the eest coost til to the west coost, oon to Isacar. [verse 26] And on the terme of Isa|car, fro the eest coost til to the west coost, oon to [of I.] Zabulon. [verse 27] And on the terme of Zabulon, fro the eest coost til [Om. K pr. m.] to the coost [west coost GNS pr. m. X pr. m.] of the see, oon to Gad. [verse 28] And on the terme of Gad, to the coost of the south in to [the N.] myddai; and the ende schal be fro Thamar til to the watris of aȝen|seying of Cades, and the eritage aȝens the grete see. [verse 29] This is the lond which ȝe schu|len sende in to part to the lynagis of Is|rael, and these ben the partyngis [departingis K sec. m.] of tho, seith the Lord God. [verse 30] And these ben the goyngis out of the citee; fro the north coost thou schalt mete fyue hundrid and foure thousynde rehedis. [verse 31] And ȝatis of the citee schulen be in alle the lynagis of Israel, thre ȝatis at the north; o ȝate of Ruben, o ȝate of Juda, o ȝate of Leuy. [verse 32] And at the eest coost, fyue hundrid and foure thousynd [thou|sandis A.] rehedis, and thre ȝatis; o ȝate of Joseph, o ȝate of Beniamyn, o ȝate of Dan. [verse 33] And at the south coost thou schalt mete fyue hundrid and foure thousynde rehedis, and thre ȝatis schulen be of tho; o ȝate of [to N.] Symeon, o ȝate of [to N.] Isacar, o ȝate of Zabulon. [verse 34] And at the west coost, fyue hundrid and foure thou|synde

of [Om. U.] rehedis, thre ȝatis of tho; o ȝate of Gad, o ȝate of Aser, o ȝate of Nepta|lym. [verse 35] Bi cumpas eiȝtene miles; and the name [name of the citee I.] schal be fro that dai, The Lord there. Amen.

Here endith Ezechiel, and here by|gynneth Danyel [From CFIU. Here endith Ezechiel, and bigynnith Danyel. GHQS. Here endeth Ezechiel, the prophete; se now Danyel, the prophete. K. Here endith Ezechiel, and here bigynneth the prologe of Danyel. M. Here endith the book of Ezechiel, and bigynneth the book of Daniel. N. Heere eendith Ezechiel, and bigynneth the prologe vpon Daniel. R. Here endith Ezechiel, the profete, and bigynneth Danyel, the profete. X. No final rubric in AEPY.] .