The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] This book of Goddis heestis, and the lawe which is withouten ende. Alle that holden it, schulen come to lijf. But thei that han forsake it, schulen come in to deth. [verse 2] Jacob, be thou conuertid, and take thou it; go thou bi the weie at the briȝt|nesse
therof, aȝens the liȝt therof. Ȝyue thou not thi glorie to another, and thi dignyte to an alien folc. Israel, we ben blessid; for tho thingis that plesen God, ben open to vs. [verse 5] The puple of God, Israel worthi to be had in mynde, be thou `of betere coumfort [pacienter, ether of betere coumfort CEFGHIKMNPQRSUXY.] . [verse 6] Ȝe ben seeld to hethene men, not in to perdicioun; but for that that ȝe in ire terreden God to wrathful|nesse, ȝe ben bitakun to aduersaries. [verse 7] For ȝe wraththiden thilke God euerlastynge, that made ȝou; and ȝe offriden to fendis, and not to God. [verse 8] For ȝe forȝaten hym that nurschide ȝou, and ȝe maden sori ȝoure nurse, Jerusalem. [verse 9] For it siȝ wrathfulnesse of God comynge to ȝou, and it seide, Ȝe niȝ coostis of Sion, here; forsothe God hath brouȝte greet morenyng to me. [verse 10] For Y siȝ the caitiftee of my puple, of my sones and douȝtris, which he that is with out bigynnyng and ende brouȝte on hem. [verse 11] For Y nurschide hem with myrthe; but Y lefte hem with wepyng and morenyng. [verse 12] No [And no N.] man haue ioye on me, a wedewe and desolat. Y am forsakun of manye for the synnes [synne U.] of my sones [sone A pr. m. et alii.] ; for thei bowiden awei fro the lawe of God. [verse 13] Forsothe thei knewen not `the riȝtfulnessis [riȝtwisnesses I.] of hym; nether thei ȝeden bi the weies of Goddis heestis, nether bi the pathis of his treuthe thei entriden with riȝtfulnesse. [verse 14] The niȝ coostis of Sion come, and haue thei mynde on the caitifte of my sones and douȝtris, which he that is with out bigynnyng and ende brouȝte on hem. [verse 15] For [Om. N.] he brouȝte on hem a folk fro fer, an yuel folk, and of an other [verse 16] langage; that reuerensiden not an eld man, nether hadden merci on [of U.] children; and thei ledden awei the dereworthe sones of a wi|dewe, and maden a womman aloone deso|lat of sones. [verse 17] But what mai Y helpe ȝou? [verse 18] For he that brouȝte on ȝou yuels, shal de|lyuer ȝou fro the hondis of ȝoure enemyes. [verse 19] Go ȝe, sones, go ȝe; for Y am forsakun [left I.] aloone. Y haue vnclothid me of the stoole [stole, ether long roobe, ceteri.]
of pees; but Y haue clothid me with a sak of bisechyng, and Y schal crie to the hiȝeste in my daies. [verse 21] Sones, be ȝe of betere comfort; crie ȝe to the Lord, and he schal delyuere ȝou fro the hond of princes, that ben ȝoure enemyes. [verse 22] For Y hopide ȝoure helthe with outen ende, and ioye cam to me fro the hooli on merci [ȝoure merci A pr. m. I.] , that schal come to ȝou fro ȝoure sauyour without bigynnyng and ende. [verse 23] For Y sente ȝou out with mourenyng and wepyng; but God schal brynge ȝou aȝen to me with ioye and myrthe with outen ende. [verse 24] For as the [Om. I.] neiȝboressis of Sion sien ȝoure caitifte maad of God, so thei schulen se and in swiftnesse ȝoure helthe of God, which helthe schal come to ȝou fro aboue with greet onour and euerlastynge schynyng. [verse 25] Sones, suffre ȝe pacientli ire, that cam on ȝou; for thin enemy pursuede thee, but thou schalt se soone the perdicioun of hym, and thou schalt stie [steie sone F.] on [vpon I.] the neckes of hym. [verse 26] My delicat men ȝeden scharp weies; for thei as a floc `that is [Om. ceteri.] rauyschid weren led of enemyes. [verse 27] Sones, be ȝe pa|cientere, and crie ȝe fer to the Lord; for whi ȝoure mynde schal be of hym that ledith ȝou. [verse 28] For as ȝoure wit [witnesse N.] was, that ȝe erriden fro God, ȝe schulen conuerte eft, and schulen seke hym tensithis so myche. [verse 29] For he that brouȝte in yuels to ȝou, schal brynge eft euerlastynge myrthe to ȝou with ȝoure helthe. [verse 30] Jerusalem, be thou of betere coumfort; for he that nemyde thee, excitith thee. [verse 31] Thei that traueliden thee, schulen perische gilti; and thei that thankiden in thi fallyng, schulen be punyschid. [verse 32] Citees to which thi sones serueden [fledden I.] , `schulen be punyschid [Om. I.] , and that citee that took thi sones, schal be pu|nyschid. [verse 33] For as Babiloyne made ioie in thi hurlyng doun, and was glad in thi fal, so it schal be maad sori in his desolacioun. [verse 34] And the ful out ioye of the multitude therof schal be kit awei, and the ioie therof schal be in to mourenyng. [verse 35] For whi
fier schal come on it fro hym that is with|out bigynnyng and ende, in ful long daies; and it schal be enhabitid of fendis, in to the multitude of tyme. [verse 36] Jerusalem, biholde aboute to the eest, and se thou myrthe comynge of God to thee. [verse 37] For lo! thi sones comen, which thou leftist scatered; thei comen gaderid fro the eest `til to [vnto I.] the west in the word of the hooli, and maken ioie to the onour of God.