The Holy Bible, containing the Old and New Testaments, with the Apocryphal books,

CAP. III.

[verse 1] Aleph. I am a man seynge my pouert in the ȝerde of his indignacioun. [verse 2] Aleph. He droof me, and brouȝte in to derk|nessis, and not in to liȝt. [verse 3] Aleph. Oneli he turnede in to me, and turnede togidere his hond al dai. [verse 4] Beth. He made eld my skyn, and my fleisch; he al to-brak my boonys. [verse 5] Beth. He bildid in my cumpas, and he cumpasside me with galle and tra|uel. [verse 6] Beth. He settide me in derk places, as euerlastynge deed men. [verse 7] Gymel. He bildide aboute aȝens me, that Y go not out; he aggregide my gyues. [verse 8] Gymel. But and whanne Y crie and preye, he hath excludid my preier. [verse 9] Gymel. He closide togidere my weies with square stoonus; he distriede my pathis. [verse 10] Deleth. He is maad a bere settinge aspies to me, a lioun in hid places. [verse 11] Deleth. He dis|triede my pathis, and brak me; he set|tide

me desolat. [verse 12] Deleth. He bente his bowe, and settide me as a signe to an arowe. [verse 13] He. He sente in my reynes the douȝtris of his arowe caas. [verse 14] He. Y am maad in to scorn to al the puple, the song of hem al dai. [verse 15] He. He fillide me with bitternesses; he gretli fillide me with wermod. [verse 16] Vau. He brak at noumbre my teeth; he fedde me with aische. [verse 17] Vau. And my soule is putte awei; Y haue for|ȝete goodis. [verse 18] Vau. And Y seide, Myn ende perischide, and myn hope fro the Lord. [verse 19] Zai. Haue thou mynde on my pouert and goyng ouer, and on wermod and galle. [verse 20] Zai. Bi mynde Y schal be myndeful; and my soule schal faile in me. Zai. [verse 21] Y bithenkynge [bithenke EP.] these thingis in myn herte, schal [I shal NS.] hope in God. [verse 22] Heth. The mercies of the Lord ben manye, for we ben not wastid; for whi hise merciful doyngis failiden not. [verse 23] Heth. Y knew in the morewtid; thi feith is miche. [verse 24] Heth. My soule seide, The Lord is my part; therfor Y schal abide hym. [verse 25] Teth. The Lord is good to hem that hopen in to hym, to a soule sekynge hym. [verse 26] Teth. It is good to abide with stilnesse the helthe of God. [verse 27] Teth. It is good to a man, whanne he hath bore the ȝok fro [of N.] his ȝongthe. [verse 28] Joth. He schal sitte aloone [solitarie, ether aloone C et ceteri.] , and he schal be stille; for he reiside hym silf aboue hym silf. [verse 29] Joth. He schal sette his mouth in dust, if perauenture hope is. [verse 30] Joth. He schal ȝyue the cheke to a man that smytith hym; he schal be fillid with schenschipis. [verse 31] Caph. For the Lord schal not putte awei with outen ende. [verse 32] Caph. For if he castide awei, and he schal do merci bi [aftir I.] the multitude of hise mercies. [verse 33] Caph. For he makide not low of his herte; and castide not awei the sones of men. La|meth. [verse 34] That he schulde al to-foule vndur hise feet alle the boundun men of erthe. La|meth [From X. Om. A.] . [verse 35] That he schulde bowe doun the dom of

man, in the siȝt of the cheer of the hiȝeste. Lameth. [verse 36] That he schulde peruerte a man in his dom, the Lord knew not. [verse 37] Men [From X. Lameth. A.] . Who is this that seide, that a thing schulde be don, whanne the Lord comaundide [comaundith CEFGHIKMNPQRSUVX.] not? [verse 38] Men. Nether goodis nether yuels schulen go out of the mouth of the hiȝeste. [verse 39] Men. What grutchide a man lyuynge, a man for hise synnes? [verse 40] Nun [From X. Men. A.] . Serche we oure weies, and seke we, and turne we aȝen to the Lord. [verse 41] Nun. Reise we oure hertis with hondis, to the Lord in to heuenes. Nun. [verse 42] We han do wickidli, and han terrid thee to wraththe; therfor thou art not able to be preied. [verse 43] Sameth [From X. Nun. A.] . Thou hilidist in stronge veniaunce, and smitidist vs; thou killidist, and sparidist not. [verse 44] Sameth. Thou settidist a clowde to thee, that preier passe not. [verse 45] Sameth. Thou settidist me, drawing vp bi the roote, and castynge out, in the myddis of puplis. [verse 46] Ayn [From X. Sameth. A.] . Alle enemyes openyden her mouth on vs. [verse 47] Ayn. In|ward drede and snare is maad to vs, pro|fesie and defoulyng. [verse 48] Ayn. Myn iȝen led|den doun departyngis of watris, for the defoulyng of the douȝter of my puple. Phe [From X. Ayn. A.] . [verse 49] Myn iȝe was turmentid, and was not stille; for no reste was. [verse 50] Phe [From X. Om. A.] . Vntil [Til CEFHKMQRSUX.] the Lord bihelde, and siȝ [sauȝ I fere passim.] fro heuenes. [verse 51] Phe. Myn iȝe robbide my soule in alle the douȝ|tris of my citee. [verse 52] Sade [From X. Phe. A.] . Myn enemyes token me with out cause, bi huntyng as a brid. Sade [From X. Phe. A.] . [verse 53] My lijf slood in to a lake; and thei puttiden a stoon on me. [verse 54] Sade. Watris flowiden ouer myn heed; Y seide, Y pe|rischide [perishe N.] . Coph [From X. Sade. A.] . [verse 55] Lord, Y clepide to help thi name, fro the laste lake. [verse 56] Coph [From X. Sade. A.] . Thou herdist my vois; turne thou not awei thin eere fro my sobbyng [snobbyng CFGHIKMNPQRSUVX.] and cries. [verse 57] Coph. Thou neiȝidist to me in the dai, wherynne Y clepide thee to help; thou seidist, Drede thou not. [verse 58] Res [From X. Coph. A.] . Lord, aȝenbiere of my lijf, thou demydist the cause of my soule. Res [From X. Coph. A.] . [verse 59] Lord, thou siest [sauȝest I.] the wickidnesse

of hem aȝens me; deme thou my doom. [verse 60] Res. Thou siest al the woodnesse, alle the thouȝtis of hem aȝenus me. [verse 61] Syn [From X. Om. A.] . Lord, thou herdist the schenshipis of hem; alle the thouȝtis of hem aȝens me. [verse 62] Syn [From X. Res. A.] . The lippis of men risynge aȝens me, and the thouȝtis of hem aȝens me al dai. [verse 63] Syn. Se thou the sittynge and risyng aȝen of hem; Y am [am mad FNS sec. m.] the salm of hem. [verse 64] Thau [From X. Syn. A.] . Lord, thou schalt ȝelde while to hem, bi the werkis of her hondis. [verse 65] Tau [From X. Syn. A.] . Thou schalt ȝyue to hem the scheeld of herte, thi trauel. [verse 66] Tau. Lord, thou schalt pursue hem in thi strong veniaunce, and thou schalt defoule hem vndur heuenes.