The Holy Bible, containing the Old and New Testaments, with the Apocryphal books,

JEREMIAH.

[Prologue on Jeremiah [This prologue is from M.] .]

This profete Jeremye tolde openli thingis to comynge, and not in derk speche, as Ysaie and othere profetis; for he telde vtterli the destruccioun of Jerusalem to be doon of Caldeis, and the cite and the hous of God to be brent with fijr; but warnynge hem bifore to leue her synnes, and her idolatrie, and to come aȝen to the trewe wurschiping of God, schewinge the grete merci of God, not willinge ony man to perische, that wole come to amendement.

[Here biginnith the book of Jeremie, the profete [From EPY. Here bigynneth the book of Jeremye. M. No initial rubric in the other Mss.] .] CAP. I.

[verse 1] THE wordis of Jeremye, sone of Helchie, of the preestis that weren in Anathot, in the lond of Beniamyn. [verse 2] For the word of the Lord was maad to hym in the daies of Josie, the sone of Amon, kyng of Juda, in the threttenethe ȝeer of his rewme. [verse 3] And it was don in the daies of Joachym, the sone of Josie, the king of Juda, til to [vnto I.] the endyng of the enleuenthe ȝeer of Sede|chie, sone of Josie, kyng of Juda, til [til to F.] the passyng ouer, ether caitifte, of Jerusalem, in the fyuethe monethe. [verse 4] And the word of [verse 5] the Lord was maad to me, and seide, Bi|for that Y fourmede thee in the wombe, Y knewe thee; and bifor that thou ȝedist out of the wombe, Y halewide thee; and Y ȝaf thee [thee to be I.] a profete among folkis. [verse 6] And Y seide, A! A! A! Lord God, lo! Y kan not speke, for Y am a child. [verse 7] And the Lord seide to me, Nyle thou seie, that Y am a child; for thou schalt go to alle thingis, to whiche Y schal sende thee, and thou schalt speke alle thingis, what euer thingis Y schal comaunde to thee. [verse 8] Drede thou not of the face of hem, for Y am with thee, to delyuere thee, seith the Lord. [verse 9] And the Lord sente his hond, and touch|ide my mouth; and the Lord seide to me, Lo! Y haue ȝoue my wordis in thi mouth; [verse 10] lo! Y haue ordeynede thee to day on folkis, and on rewmes, that thou drawe vp, and distrie, and leese, and scatere, and bilde, and plaunte. [verse 11] And the word of the Lord was maad to me, and seide, What seest thou, Jeremye? [verse 12] And Y seide, Y se a ȝerde wakynge. And the Lord seide to me, Thou hast seen wel, for Y schal wake on my word, to do it. [verse 13] And the word of the Lord was maad the secounde tyme to me, and seide, What seest thou? Y se a pot buyl|ynge,

and the face therof fro the face of the north. [verse 14] And the Lord seide to me, Fro the north schal be schewid al yuel on alle the dwelleris of the lond. [verse 15] For lo! Y schal clepe togidere alle the naciouns of rewmes of the north, seith the Lord, and thei schulen come, and sette ech man his seete in the entryng of the ȝatis of Jerusalem, and on alle the wallis therof in cumpas, and on alle the citees of Juda. [verse 16] And Y schal speke my domes with hem on al the malice of hem, that forsoken me, and maden sacrifice to alien goddis, and wor|schipiden the werk of her hondis. [verse 17] Ther|for girde thou thi leendis, and rise thou, and speke to hem alle thingis whiche Y comaunde to thee; drede thou not of the face of hem, for Y schal not make thee for to drede the cheer of hem. [verse 18] For Y ȝaf thee to dai in to a strong citee, and in to an yrun piler, and in to a brasun wal, on al the lond, to the kyngis of Juda, and to the princis therof, and to the preestis therof, and to al the puple of the lond. [verse 19] And thei schulen fiȝte aȝens thee, and thei schulen not haue the maistrie; for Y am with thee, seith the Lord, that Y delyuere thee.

CAP. II.

[verse 1] And the word of the Lord was maad [verse 2] to me, and seide, Go thou, and crye in the eeris of Jerusalem, and seie, The Lord seith these thingis, Y hadde mynde on thee, and Y hadde merci on thee in thi ȝong wexynge age, and on the charite of thi spousyng, whanne thou suedist me in desert, in the lond which is not sowun. [verse 3] Israel was hooli to the Lord, the firste of fruytis of hym; alle men that [whiche I.] deuouren that Israel, trespassen; yuelis schulen come on hem, seith the Lord. [verse 4] The hous of Ja|cob, and alle the [Om. plures.] lynagis of the hous of Israel, here ȝe the word of the Lord. [verse 5] The Lord seith these thingis, What of wickid|nesse

foundun ȝoure fadris in me, for thei ȝeden fer awey fro me, and ȝeden after vanyte, and weren maad veyn? [verse 6] And thei seiden not, Where is the Lord, that made vs to stie fro [vp fro I.] the lond of Egipt, that ledde vs ouer thorou desert, bi the lond vnabitable and with out weie, bi the lond of thirst, and bi the ymage of deeth, bi the lond in whiche a man ȝede not, nether a man dwellide. [verse 7] And Y brouȝte ȝou in to the lond of Carmele, that ȝe schulden ete the fruyt therof, and the goodis therof; and ȝe entriden, and defouliden my lond, and settiden myn eritage in to abhomynacioun. [verse 8] Preestis seiden not, Where is the Lord? and thei that helden the lawe, knewen not me; and scheepherdis trespassiden aȝens me, and profetis profesieden in Baal, and sueden idols. [verse 9] Therfor ȝit Y schal stryue with ȝou in doom, seith the Lord, and Y schal dispute with ȝoure sones. [verse 10] Go ȝe to the ilis of Cethym, and se ȝe; and sende ȝe in to Cedar, and biholde ȝe greetli; and [verse 11] se ȝe, if siche a thing is doon, if a folk chaungide hise goddis; and certeynli thei ben no goddis; but my puple chaungide hise glorie in to an ydol. [verse 12] Heuenes, be ȝe astonyed on this thing, and, ȝe ȝatis of heuene, be ȝe desolat greetli, seith the Lord. [verse 13] For whi my puple hath don tweyne yuels; thei han forsake me, the welle of quyke watir, and han diggid to hem cis|ternes, `that weren [Om. CEFGHIKMNPQRSUVX.] distried, that moun not holde watris. [verse 14] Whether [Wher ceteri passim.] Israel is a boond man, ether is borun boonde? [verse 15] Whi therfor is he maad in to prey? Liouns roriden on hym, and ȝauen her vois; thei han set the londe of hym in to wilder|nesse, the citees of him ben brent, and noon is [ther is I.] that dwellith in tho. [verse 16] Also the sones of Menfis and of Tafnys han de|foulid thee, `til to [vnto I.] the cop of the heed. [verse 17] Whether this is not don to thee, for thou forsokist thi Lord God, in that tyme in

which he ledde thee bi the weie? [verse 18] And now what wolt thou to thee in the weie of Egipt, that thou drynke troblid watir? And what is to thee with the weie of As|siriens, that thou drynke water of the flood? [verse 19] Thi malice schal repreue thee, and thi turnyng awei schal blame thee; wite thou and se, that it is yuel and bittir that thou hast forsake thi Lord God, and that his drede is not at thee, seith the Lord God of oostis. [verse 20] Fro the world thou hast broke my ȝok, thou hast broke my bondis, and seidist, Y schal not serue. For thou hoore didist hordom in ech hiȝ litil hil, and vndur ech tree ful of bowis. [verse 21] Forsothe Y plauntide thee a chosun vyner, al trewe seed; hou therfor art thou, alien [an alien A pr. m.] vyner, turned to me in to a schrewid thing? [verse 22] Thouȝ thou waischist [waische I.] thee with fulleris clei, and multypliest to thee the erbe borith, thou art defoulid in thi wickid|nesse bifore me, seith the Lord God. [verse 23] Hou seist thou, Y am not defoulid, Y ȝede not aftir Baalym? Se thi weies in the greet valei, wite thou what thou hast do; a swifte rennere ordeynynge hise weies. [verse 24] A wielde asse customable in wildirnesse drow the wynd of his loue in the desire of his soule; no man schal turne awei it. Alle that seken it, schulen not faile; thei schu|len fynde it in the flux of vncleene blood therof. [verse 25] Forbede thi foot fro nakidnesse, and thi throte fro thirst; and thou seidist, Y dispeiride, Y schal not do; for Y louede brennyngli alien goddis, and Y schal go aftir hem. [verse 26] As a theef is schent, whanne he is takun, so the hous of Israel ben schent; thei, and kyngis of hem, the princes, and prestis, and the prophetis of [verse 27] hem, that seien to a tree, Thou art my fadir; and to a stoon, Thou hast gendrid me. Thei turneden to me the bak, and not the face; and in the tyme of her tur|ment thei schulen seie, Ryse thou, and delyuere vs. [verse 28] Where ben thi goddis, whiche

thou madist to thee? Rise thei, and dely|uere thee in the tyme of thi turment; for aftir the noumbre of thi citees weren thi goddis, thou Juda. [verse 29] What wolen ȝe stryue with me in doom? Alle ȝe han forsake me, seith the Lord. [verse 30] In veyn Y smoot ȝoure sones, thei resseyueden not chastis|yng; ȝoure swerd deuouride ȝoure pro|phetis, ȝoure generacioun is distried as a lioun. [verse 31] Se ȝe the word of the Lord, whe|ther Y am maad a wildirnesse to Israel, ether a lond late bryngynge forth fruyt? Whi therfor seide my puple, We han go awei, we schulen no more come to thee? [verse 32] Whethir a virgyn schal forȝete hir ourne|ment? and a spousesse `schal forȝete [Om. I.] hir brest girdil? But mi puple hath forȝete me bi daies with out noumbre. [verse 33] What enforsist thou to schewe thi weie good to seke loue, which ferthermore bothe hast [verse 34] tauȝt thi malices thi weies, and the blood of pore men and innocentis is foundun in thi wyngis? Y fond not hem in dichis, but in alle thingis whiche Y remembride bifore. [verse 35] And thou seidist, Y am with out synne and innocent; and therfor thi stronge veniaunce be turned awei fro me. Lo! Y schal stryue with thee in doom; for thou seidist, Y synnede not. [verse 36] Hou vijl art thou maad, rehersynge thi weies? and thou schalt be schent of Egipt, as thou were schent of Assur. [verse 37] For whi and thou schalt go out of this lond, and thin hondis schulen be on thin heed; for whi the Lord hath al to-broke thi trist, and thou schalt haue no thing to prosperite.

CAP. III.

[verse 1] It is seid comunli, If a man forsakith his wijf, and sche go [goith I.] awei fro hym, and be weddid to an othere hosebonde, whe|ther he schal turne aȝen more to hir? whether thilke womman schal not be de|foulid, and maad vncleene? Forsothe thou hast do fornycacioun with many

loueris; netheles turne thou aȝen to me, `seith the Lord [Om. A pr. m. CEFGHKMNPQRSUVX pr. m.] , and Y schal resseyue thee. [verse 2] Reise thin iȝen in to streiȝt, and se, where thou art not cast doun. Thou hast setun in weies, abidynge hem as a theef in wildirnesse, and thou hast defoulid the erthe in thi fornicaciouns and in thi ma|lices. [verse 3] Wherfor the dropis of reynes weren forbodun, and no late reyn was. The forhed of a womman hoore is maad to thee; thou noldist [woldist not I.] be aschamed. [verse 4] Nameli fro this tyme forth clepe thou me, Thou art my fadir, the ledere of my virginyte. [verse 5] Whether thou schalt be wrooth with outen ende, ether schalt contynue in to the ende? Lo! thou hast spoke, and hast do yuels, and thou were myȝti. And for wordis of penaunce thou blasfemydist bi wordis of pride; and thou fillidist thin yuel thouȝt, and schewidist thi strengthe aȝens thi hosebonde, that thou maist do that thing that thou tretidist bi word. [verse 6] And the Lord seide to me, in the daies of Josie, the kyng, Whether thou hast seyn what thing the aduersarie, Israel, hath do? Sche ȝede to hir silf on ech hiȝ hil, and vndur ech tre ful of boowis, and dide fornycacioun there. [verse 7] And Y seide, whanne sche hadde do alle these thingis, Turne thou aȝen to me; and sche turnede not aȝen. And hir sistir, Juda, [verse 8] brekere of the lawe, siȝ, that for the ad|uersarie, Israel, dide auowtrie, Y hadde left hir, and Y hadde ȝoue to hir a libel of forsakyng; and Juda, hir sistir, brekere of the lawe, dredde not, but also sche ȝede, and dide fornycacioun. [verse 9] And bi liȝt|nesse of hir fornicacioun sche defoulide the erthe, and dide auowtrie with a stoon, and with a tree. [verse 10] And in alle these thingis hir sistir, Juda, brekere of the lawe, turn|ede not aȝen to me, in al hir herte, but in a leesyng, seith the Lord God. [verse 11] And the Lord seide to me, The aduersarie, Israel, hath iustified hir soule, in comparisoun of

Juda, brekere of the lawe. [verse 12] Go thou, and crye these wordis aȝens the north; and thou schalt seie, Thou aduersarie, Israel, turne aȝen, seith the Lord, and Y schal not turne awei my face fro ȝou; for Y am hooli, seith the Lord, and Y schal not be wrooth with outen ende. [verse 13] Netheles knowe thou thi wickidnesse; for thou hast tres|passid aȝens thi Lord God, and thou hast spred abrood thi weies to aliens vndur ech tre ful of bowis; and thou herdist not my vois, seith the Lord. [verse 14] Be ȝe conuertid, sones, turnynge aȝen, seith the Lord, for Y am ȝoure hosebonde; and Y schal take ȝou oon of a citee, and tweyne of a kyn|rede, and Y schal lede ȝou in to Sion; [verse 15] and Y schal ȝyue to ȝou scheepherdis after myn herte, and thei schulen feede ȝou with kunnyng and teching. [verse 16] And whanne ȝe schulen be multiplied, and en|creesse in the lond, in tho daies, seith the Lord, thei schulen no more seie, The arke of testament of the Lord; nether it schal stie on [in N.] the herte, nether thei schulen thenke on it, nether it schal be visitid, nether it schal be ferthere. [verse 17] In that tyme thei schulen clepe Jerusalem The seete of the Lord, and alle hethene men schulen be gaderid togidere to it, in the name of the Lord, in Jerusalem; and thei schulen not go aftir the schrewidnesse of her worste herte. [verse 18] In tho daies the hous of Juda schal go to the hous of Israel; and thei schulen come togidere fro the lond of the north to the lond which Y ȝaf to ȝoure fadris. [verse 19] Forsothe Y seide, Hou schal Y sette thee among sones, and schal ȝyue to thee a desirable lond, a ful cleer eritage of the oostis of hethene men? And Y seide, Thou schalt clepe me fadir, and thou schalt not ceesse to entre aftir me. [verse 20] But as if a womman dispisith hir louyere, so the hous of Israel dispiside me, seith the Lord. [verse 21] A vois is herd in weies, the weping and ȝellyng of the sones of Israel; for thei maden wickid her weie, thei for|ȝaten

her Lord God. [verse 22] Be ȝe conuertid, sones, turnynge aȝen, and Y schal heele ȝoure turnyngis awei. Lo! we comen to thee; for thou art oure Lord God. [verse 23] Verili litil hillis weren lieris, the multitude of mounteyns was fals; verili in oure Lord God is the helthe of Israel. [verse 24] Schenschipe eete the trauel of oure fadris, fro oure ȝongthe; schenschipe eet the flockis of hem, and the droues of hem, the sones of hem, and the douȝtris of hem. [verse 25] We schu|len slepe in oure schenschipe, and oure sclaundir schal hile vs; for we synneden to oure Lord God, bothe we and oure fa|dris, fro oure ȝongthe `til to [vnto I.] this dai; and we herden not the vois of oure Lord God.

CAP. IV.

[verse 1] Israel, if thou turnest aȝen, seith the Lord, turne thou to me; if thou takist awei thin offendyngis fro my face, thou schalt not be mouyd. [verse 2] And thou schalt swere, The Lord lyueth, in treuthe and in doom and in riȝtfulnesse; and alle folkis schulen blesse hym, and schulen preise hym. [verse 3] For the Lord God seith these thingis to a man of Juda and to a dwellere of Jerusalem, Make ȝe newe to ȝou a lond tilid of the [Om. I.] newe [newe, ether a falowe I.] , and nyle ȝe sowe on thornes. [verse 4] Men of Juda, and dwelleris of Jerusalem, be ȝe circumcidid to the Lord, and do ȝe awey the filthis [prepucies, ether filthis CEFGHIKMNPQRSUVXY.] of ȝoure hertis; lest perauenture myn in|dignacioun go out as fier, and be kyndlid, and noon be [ther be I.] that quenche, for the malice of ȝoure thouȝtis. [verse 5] Telle ȝe in Juda, and make ȝe herd in Jerusalem; speke ȝe, and synge ȝe with a trumpe in the lond; crye ȝe strongli, and seie ȝe, Be ȝe gaderid to|gidere, and entre we in to stronge citees. [verse 6] Reise ȝe a signe in Sion, coumforte ȝe, and nyle ȝe stonde; for Y bringe yuel fro the north, and a [Om. I.] greet sorewe. [verse 7] A lioun schal `rise vp [stie up I. stie CEFGHKMNPQRSUVX.] fro his denne, and the rob|bere

of folkis schal reise hym silf. He is goon out of his place, to sette thi lond in to wildirnesse; thi citees schulen be dis|tried, abidynge stille with out dwellere. [verse 8] On this thing girde ȝou with heiris; weile ȝe, and ȝelle, for the wraththe of the strong veniaunce of the Lord is not turned awei fro ȝou. [verse 9] And it schal be, in that dai, seith the Lord, the herte of the king schal perische, and the herte of princis; and the prestis schulen wondre, and the prophetis schulen be astonyed. [verse 10] And Y seide, Alas! alas! alas! Lord God; therfor whether thou hast disseyued this puple and Jeru|salem, seiynge, Pees schal be to ȝou, and lo! a swerd is comun `til to [vnto I.] the soule? [verse 11] In that tyme it schal be seide to this pu|ple and to Jerusalem, A brennynge wynd in the weies that ben in desert, ben the weies of the douȝtir of my puple, not to wyndewe [wynewe I.] , and not to purge. [verse 12] A spirit ful of hem schal come to me; and now Y, but Y schal speke my domes with hem. [verse 13] Lo! he schal stie as a cloude, and hise charis as a tempest; hise horsis ben swifter than eglis; wo to vs, for we ben distried. [verse 14] Thou Jerusalem, waische thin herte fro malice, that thou be maad saaf. Hou long schulen noiful thouȝtis dwelle in thee? [verse 15] For whi the vois of a tellere fro Dan, and makynge knowun an idol fro the hil of Effraym. [verse 16] Reise, ȝe folkis; lo! it is herd in Jerusalem that keperis ben comun fro a fer lond, and ȝyuen her vois on the citees of Juda. [verse 17] As the keperis of feeldis thei ben maad on it in cumpas; for it stiride me to wrathfulnesse, seith the Lord. [verse 18] Thi weyes and thi thouȝtis han maad this to thee; this malice of thee, for it is bittir, for it touchide thin herte. [verse 19] Mi wombe akith, my wombe akith; the wittis of myn herte ben disturblid in me. Y schal not be stille, for my soule herde the vois of a trumpe, the cry of batel. [verse 20] Sorewe is clepid on sorewe, and al the

long is distried; my tabernaclis ben wastid sudeynli, my skynnes ben wastid sudeynli. [verse 21] Hou longe schal Y se hem that fleen, schal Y here the vois of a clarioun? [verse 22] For my fonned puple knew not me; thei ben vn|wise sones, and cowardis; thei ben wise to do yuels, but thei kouden [knowen I.] not do [to do I.] wel. [verse 23] Y bihelde the lond, and lo! it was void, and nouȝt; and Y bihelde heuenes, and no liȝt was [ther was I.] in tho [hem N.] . [verse 24] Y siȝ [sauȝe I passim.] munteyns, and lo! tho [thei N.] weren mouyd, and all litle hillis weren disturblid. [verse 25] Y lokide, and no man was [ther was I.] , and ech brid of heuene was gon a wey. [verse 26] Y bihelde, and lo! Carmele is forsakun, and alle citees therof ben dis|tried fro the face of the Lord, and fro the face of the ire of his strong veniaunce. [verse 27] For the Lord seith these thingis, Al the lond schal be forsakun, but netheles Y schal not make an endyng. [verse 28] The erthe schal mourne, and heuenys aboue schulen make sorewe, for that Y spak; Y thouȝte, and it repentide not me, nether Y am turned awei fro it. [verse 29] Ech citee fledde fro the vois of a [Om. C.] knyȝt, and of a [Om. E.] man schet|ynge [sendinge CEFGHIKMNPQRSUVX.] an arowe; thei entriden in to hard places, and stieden in to roochis of stoon; alle citees ben forsakun, and no man dwellith in tho [hem N.] . [verse 30] But what schalt thou `destried do [distrie tho H.] ? Whanne thou schalt clothe thee with reed scarlet, whanne thou schalt be ourned with a goldun broche, and schalt anoynte thin iȝen with wommans oynement, thou schalt be araied in veyn; thi louyeris han dispisid thee, thei schu|len seke thi soule. [verse 31] For Y herd a vois as of a womman trauelynge of child, the angwischis as [Om. KX.] of a [Om. CEFGHMNPQSUV.] womman childynge; the vois of the douȝter of Sion among hem that dien, and spreden abrood her hondis; Wo to me, for my soule failide for hem that ben slayn.

CAP. V.

[verse 1] Cumpasse ȝe the weies of Jerusalem, and loke, and biholde ȝe, and seke ȝe in the stretis therof, whether ȝe fynden a man doynge doom, and sekynge feith; and Y schal be merciful to hem. [verse 2] That if also thei seien, The Lord lyueth, ȝhe, thei schulen swere this falsli. [verse 3] Lord, thin iȝen biholden feith; thou hast smyte hem, and thei maden not sorewe; thou hast al to|broke hem, and thei forsoken to take chastisyng; thei maden her faces hardere than a stoon, and nolden [wolden not I.] turne aȝen. [verse 4] Forsothe Y seide, In hap thei ben pore men, and foolis, that knowen not the weie of the Lord, and the doom of her God. [verse 5] Therfor Y schal go to the principal men, and Y schal speke to hem; for thei knewen the weie of the Lord, and the doom of her God. And lo! thei han more broke togidere the ȝok, and han broke boondis. [verse 6] Therfor a lioun of the wode smoot hem; a wolf at euentid wastide hem, a parde wakynge on the citees of hem. Ech man that goith out of hem, schal be takun; for the tres|passyngis of hem ben multiplied, the turnyngis awei of hem ben coumfortid. [verse 7] On what thing mai Y be merciful to thee? Thi sones han forsake me, and sweren bi hem that ben not goddis. Y fillide hem, and thei diden auowtrie, and in the hous of an hoore thei diden letcherie. [verse 8] Thei ben maad horsis, and stalouns, louyeris to wymmen; ech man neiȝede to the wijf of his neiȝbore. [verse 9] Whether Y schal not visite on these thingis, seith the Lord, and schal not my soule take veniaunce in [on N.] siche a folk? [verse 10] Stye ȝe on [up on I.] the wallis ther|of, and distrie ȝe; but nyle ȝe make an endyng. Do ȝe awei the siouns therof, for thei ben not seruauntis of the Lord. [verse 11] For whi the hous of Israel and the hous of Juda hath trespassid bi trespassyng [verse 12] aȝens me, seith the Lord; thei denyeden

the Lord, and seiden, He is not, nether yuel schal come on vs; we schulen not se swerd and hungur. [verse 13] The profetis spaken aȝens the wynd, and noon answer was in hem; therfor these thingis schulen come to hem. [verse 14] The Lord God of oostis seith these thingis, For ȝe spaken this word, lo! Y ȝyue my wordis in thi mouth in to fier, and this puple in to trees, and it schal deuoure hem. [verse 15] Lo! thou hous of Israel, seith the Lord, Y schal brynge on ȝou a folk fro fer; a strong folk, an eeld folk, `a folk [Om. I.] whos langage thou schalt not knowe, nether schalt vndurstonde what it spekith. [verse 16] The arowe caas therof is as [Om. CFGMQ.] an opyn sepulcre; alle ben stronge men. [verse 17] And it schal ete thi cornes, and it schal deuoure thi breed, thi sones and thi douȝtris; it schal ete thi flok, and thi droues, it schal ete also thi vyner, and thi fige tre; and it schal al to-breke thi stronge citees bi [with I.] swerd, in whiche thou hast trist. [verse 18] Netheles in tho daies, seith the Lord, Y schal not make ȝou in to endyng. [verse 19] That if ȝe seien, Whi hath oure Lord God do alle these thingis to vs? thou schalt seie to hem, As ȝe forsoken me, and serueden an alien god in ȝoure lond, so ȝe schulen serue alien goddis in a lond not ȝoure. [verse 20] Telle ȝe this to the hous of Jacob, and make ȝe herd in Juda, and [verse 21] seie ȝe, Here, thou fonned puple, that hast noon herte; whiche han iȝen, and seen not, and eeris, and heren not. [verse 22] Therfor schulen not ȝe drede me, seith the Lord, and schulen not ȝe make sorewe for my face? Whiche haue set grauel a [to be a I.] terme, ether ende, to the see, an euerlastynge comaundement, whiche it schal not passe; and the wawis therof schulen be mouyd, and schulen not haue power; and schulen wexe greet, and schulen not passe it. [verse 23] Forsothe an herte vnbileueful and ter|rynge to wraththe is maad to this puple; [verse 24] thei departiden, and ȝeden awei, and thei

seiden not in her herte, Drede we oure Lord God, that ȝiueth to vs reyn tymeful, and lateful in his tyme; that kepith to vs the plente of heruest of the ȝeer. [verse 25] Ȝoure wickidnessis diden awei these thingis, and ȝoure synnes forbediden good fro ȝou. [verse 26] For ther ben foundun in my puple wickid men, settynge tresoun, as fouleres settynge snaris and trappis, to take men. [verse 27] As a net, ether a trap, ful of briddis, so the housis of hem ben ful of gile. Therfor [verse 28] thei ben magnefied, and maad riche, maad fat with ynne, and maad fat with out|forth, and thei passiden worst my wordis; thei demyden not a [the I.] cause of a widewe, thei dressiden not the cause of a fadirles child, and thei demyden not the doom of pore men. [verse 29] Whether Y schal not visite on these thingis, seith the Lord, ether schal not my soule take veniaunce on sich a folk? [verse 30] Wondur and merueilouse thingis [verse 31] ben maad in the lond; profetis profesi|eden leesyng, and prestis ioieden with her hondis, and my puple louyde siche thingis. What therfor schal be don in the laste thing therof?

CAP. VI.

[verse 1] Sones of Beniamyn, be ȝe coumfortid in the myddil of Jerusalem, and make ȝe noise with a clarioun in Thecua, and reise ȝe a baner on Bethecarem; for whi yuel and greet sorewe is seyn fro the north. [verse 2] Y haue licned the douȝtir of Sion to a fair womman and delicat. [verse 3] Scheepherdis and her flockis schulen come to it; thei han piȝt tentis in it in cumpas; ech man schal feede hem, that ben vndur his hond. Halewe ȝe batel on it. [verse 4] Rise ȝe togidire, and stie we in myddai. Wo to vs, for the dai is [hath CEFGHIKMNPQRSUVX.] bowid doun, for shadewis ben maad lengere in the euentid. [verse 5] Rise ȝe, and stie we in the niȝt, and distry we the housis therof. [verse 6] For the Lord of oostis seith these thingis, Kitte ȝe doun the tre

therof, and schede ȝe erthe aboute Jeru|salem; this is the citee of visitacioun; al fals caleng is in the myddis therof. [verse 7] As a cisterne makith his water coold, so it made his malice coold; wickidnesse and distriyng schal euer be herd ther ynne bifore me, sikenesse and wounde. [verse 8] Jeru|salem, be thou tauȝt, lest perauenture my soule go awei fro thee; lest perauen|ture Y sette thee forsakun, a loond vnha|bitable. [verse 9] The Lord of oostis seith these thingis, Thei schulen gadere til to a ra|cyn, thei schulen gadere the remenauntis of Israel as in a vyner; turne thin hond, as a gaderer of grapis to the bascat. [verse 10] To whom schal Y speke, and to whom schal Y seie witnessing, that he here? Lo! the eeris of hem ben vncircumcidid, and thei moun not here; lo! the word of the Lord is maad to hem in to dispit, and thei schulen not resseiue it. [verse 11] Therfor Y am ful of the strong veniaunce [wodenesse A sec. m. marg.] of the Lord, and Y trauelide suffrynge. Schede thou out on [veniaunce on I marg.] a litil child with outforth, and on the counsel of ȝonge men togidere; for a man with his wijf schal be takun, and an eeld man with him that is ful of daies. [verse 12] And the housis of hem, the feeldis and wyues [vynes A pr. m. the vines EGP.] togidere, schulen go to othere men; for Y schal stretche forth myn hond on the dwelleris of the lond, seith the Lord. [verse 13] For fro the lesse `til to [vnto I.] the grettere, alle studien to auerise; and alle doon gile, fro the profete `til to [vnto I.] the preest. [verse 14] And thei heeliden the sorewe of the douȝter of my puple with yuel fame, seiynge, Pees, pees, and no pees was. [verse 15] Thei ben schent, that diden abhomynacioun; ȝhe, rathere thei weren not schent bi confusioun, and thei kouden not be aschamed. Wherfor thei schulen falle doun among hem that schu|len falle doun; thei schulen falle doun in the tyme of her visitacioun, seith the Lord. [verse 16] The Lord seith these thingis, Stonde ȝe

on weies, and se ȝe, and axe ȝe of elde pathis, which is the good weie; and go ȝe ther ynne, and ȝe schulen fynde refreisch|yng to ȝoure soulis. And thei seiden, We schulen not go. [verse 17] And Y ordeynede aspi|eris [aspieris, ether biholderis CEFGHIKMNPQRSUVX.] on ȝou, and Y seide, Here ȝe the vois of a trumpe. And thei seiden, We schulen not here. [verse 18] Therfor, hethene men, here ȝe, and, thou congregacioun, knowe, hou grete thingis Y schal do to hem. [verse 19] Thou erthe, here, lo! Y schal brynge yuels on this puple, the fruit of her thouȝtis; for thei herden not my wordis, and castiden awei my lawe. [verse 20] Wherto bryngen ȝe to me en|cense fro Saba, and a tre of spicerie smellynge swetli fro a fer lond? Ȝoure brent sacrifices ben not acceptid, and ȝoure slayn sacrifices plesiden not me. [verse 21] Therfor the Lord God seith these thingis, Lo! Y schal ȝyue fallyngis in to this puple, and fadris and sones togidere, a neiȝbore and kynesman, schulen falle in hem, and schu|len perische. [verse 22] The Lord God seith these thingis, Lo! a puple cometh fro the lond of the north [Lord I.] , and a greet folk schal rise togidere fro the endis of erthe. [verse 23] It schal take an [Om. I.] arowe and scheld; it is cruel, and schal not haue merci; the vois therof schal sowne as the [a N.] see, and thei maad redi as a man to batel schulen stie on horsis aȝens thee, thou douȝter of Sion. [verse 24] We herden the fame therof, oure hondis ben `a clum|sid [acumblid P.] ; tribulacioun hath take vs, sorewis han take vs as a womman trauelinge of child. [verse 25] Nyle ȝe go out to the feeldis, and go ȝe not in the weie, for the swerd of the enemye, drede in cumpas. [verse 26] The douȝtir of my puple, be thou gird with heire, and be thou spreynt togidere with aische; make to thee mourenyng of oon aloone gendrid [gotun I.] sone, a bitter weilyng, for whi a wastere schal come sodenli on ȝou. [verse 27] I ȝaf thee a [to be a I.] strong preuere in my puple, and thou schalt knowe, and preue the weie of hem,

[verse 28] Alle these princis bowynge awei, goynge gilefuli, ben metal and irun; alle ben cor|rupt. [verse 29] The belu [bely A sec. m. lesu G. belw KMPV. belu, ether blower X sec. m. marg.] failide, leed is waastid in the fier, the wellere wellide in veyn; for the malices of hem ben not wastid. [verse 30] Clepe ȝe hem repreuable siluer, for the Lord hath cast hem awei.

CAP. VII.

[verse 1] The word that was maad of the Lord [verse 2] to Jeremye, and seide, Stonde thou in the ȝate of the hous of the Lord, and preche there this word, and seie, Al Juda, that entren bi these ȝatis for to worschipe the Lord, here ȝe the word of the Lord. [verse 3] The Lord of oostis, God of Israel, seith these thingis, Make ȝe good ȝoure weies, and ȝoure studies, and Y schal dwelle with ȝou in this place. [verse 4] Nyle ȝe triste in the wordis of leesyng, and seie, The temple of the Lord, the temple of the Lord, the temple of the Lord is. [verse 5] For if ȝe blessen ȝoure weies, and ȝour studies; if ȝe doon doom [verse 6] bitwixe a man and his neiȝbore; if ȝe maken not fals caleng to a comelyng, and to a fadirles child, and to a widewe; ne|ther scheden out innocent blood in this place, and goen not after alien goddis, in [verse 7] to yuel to ȝou [ȝour EP.] silf, Y schal dwelle with ȝou in this place, in the lond which Y ȝaf to ȝoure fadris, fro the world and til in to the world. [verse 8] Lo! ȝe trusten to ȝou in the wordis of leesyng, that shulen not profite to [verse 9] ȝou; to stele, to sle, to do auowtrie, to swere falsli, to make sacrifice to Baalym, and to go aftir alien goddys, whiche ȝe knowen not. [verse 10] And ȝe camen, and stoden bifor me in this hous, in which my name is clepid to help; and ȝe seiden, We ben delyuered, for we han do alle these abhomynaciouns. [verse 11] Whether therfor this hous, wherynne my name is clepid to help bifore ȝoure iȝen, is maad a denne of theues [Thes synnes shewen, that in veyn thei had|den trist in the temple. What profitith it to entre booldli into Goddis hous, and stonde with reysid nol, and to haue not oonly the herte defoulid, but also the hondis? As if he seide, It profitith no|thing. No man doutith, that this bifallith goostli in the chirche, whanne men biholden the prosperite of present tyme, and amenden not her synnes, but thei gessen that God seeth not, for veniaunce sueth not anoon; and thei breken out in to so greet woodnesse, that thei boosten hem silf dely|uerid, that han go awei fro the verie worship|ing of God. The glose here. v text.] ? I, Y am, Y siȝ,

seith the Lord. [verse 12] Go ȝe to my place in Silo, where my name dwellide at the bigyn|nyng, and se ȝe what thingis Y dide to it, for the malice of my puple Israel. [verse 13] And now, for ȝe han do alle these werkis, seith the Lord, and Y spak to ȝou, and roos eerli, and Y spak, and ȝe herden not, and [verse 14] Y clepide ȝou, and ȝe answeriden not; Y schal do to this hous, wherynne my name is clepid to help, and in which hous ȝe han trist, and to the place which Y ȝaf to ȝou and to ȝoure fadris, as Y dide to Silo. [verse 15] And Y schal caste ȝou forth fro my face, as Y castide [cast I.] forth alle ȝoure britheren, al the seed of Effraym. [verse 16] Therfor nyl thou preie for this puple, nether take thou heriyng and preier for hem; and aȝen|stonde thou not me, for Y schal not here thee. [verse 17] Whether thou seest not, what these men don in the citees of Juda, and in the stretis of Jerusalem? [verse 18] The sones gaderen stickis, and the fadris kyndlen a fier; and wymmen sprengen togidere ynnere fat|nesse, to make kakis to the queen of he|uene, to make sacrifice to alien goddis, and to terre me to wrathfulnesse. [verse 19] Whe|ther thei stiren me to wrathfulnesse? seith the Lord; whether thei stiren not hem silf in to schenschip of her cheer? [verse 20] Ther|for the Lord God seith these thingis, Lo! my strong veniaunce and myn indigna|cioun is wellid togidere on this place, on men, and on beestis, and on the tree of the cuntrei, and on the fruitis of erthe; and it schal be kyndlid, and it schal not be quenchid. [verse 21] The Lord of oostis, God of Israel, seith these thingis, Heepe ȝe ȝoure brent sacrifices to ȝoure slayn sacrifices, and ete ȝe fleischis. [verse 22] For Y spak not with ȝoure fadris, and Y comaundide not to hem of the word of brent sacrifices, and of slayn sacrifices, in the dai in which Y ledde hem out of the lond of Egipt. [verse 23] But Y comaundide this word to hem, and Y seide, Here ȝe my vois, and Y schal be God to ȝou, and ȝe schulen be a puple to

me; and go ȝe in al the weie which Y comaundide to ȝou, that it be wel to ȝou. [verse 24] And thei herden not, nether bowiden doun her eere, but thei ȝeden in her lustis, and in the schrewidnesse of her yuel herte; and thei ben put [maad CEFGHIKMNPQRSUVX.] bihynde, and not bifore, [verse 25] fro the dai in which her fadris ȝeden out of the lond of Egipt til to this dai. And Y sente to ȝou alle my seruauntis profetis, and Y roos eerli bi the dai, and Y sente. [verse 26] And thei herden not me, nether bowiden doun her eere; but thei maden hard her nol, and wrouȝten worse than the fadris of hem. [verse 27] And thou schalt speke to hem alle these wordis, and thei schulen not heere thee; and thou schalt clepe hem, and thei schul not answere to thee. [verse 28] And thou schalt seie to hem, This is the folc, that herde not the vois of her Lord God [Om. N.] , nether resseyuede chastysyng; feith pe|rischide, and is takun awei fro the mouth of hem. [verse 29] Clippe thin heer, and cast awei, and take thou weilyng streiȝtli; for the Lord hath cast awei, and hath forsake the generacioun of his strong veniaunce. [verse 30] For the sones of Juda han do yuel [yuel thing I.] bifor myn iȝen, seith the Lord; thei han set her of|fendyngis in the hous, in which my name is clepid to help, that thei schulden defoule [verse 31] that hous; and thei bildiden hiȝe thingis in Tophet, which is in the valei of the sone of Ennon, that thei schulden brenne her sones and her douȝtris bi fier, whiche thingis Y comaundide not, nether thouȝte in myn herte. [verse 32] Therfor lo! daies comen, seith the Lord, and it schal no more be seid Tophet, and the valei of the sone of Ennon, but the valey of sleyng; and thei schulen birie in Tophet, for ther is no place. [verse 33] And the deed careyn of this puple schal be in to mete to the briddis of he|uene, and to the beestis of erthe; and noon schal [ther schal I.] be that schal dryue awei. [verse 34] And Y schal make to ceesse the vois of ioye, and the vois of gladnesse, and the vois of spouse, and the vois of spousesse fro the

citees of Juda, and fro the stretis of Jeru|salem; for the lond schal be in desola|cioun.

CAP. VIII.

[verse 1] In that tyme, seith the Lord, thei schu|len caste out the boonys of the kingis of Juda, and the boonys of princes therof, and the boonys of prestis, and the boonys of profetis, and the boonys of hem that dwelliden in Jerusalem fro her sepulcris; [verse 2] and thei schulen leie abrood tho boonys to the sunne, and moone, and to al the knyȝthod of heuene, which thei louyden, and which thei seruyden, and aftir whiche thei ȝeden, and whiche thei souȝten, and worschipiden; tho [thei N.] schulen not be gaderid, and schulen not be biried; tho [thei N.] schulen be in to a dunghil on the face of erthe. [verse 3] And alle men schulen cheese deth more than lijf, whiche ben left [residue, ether left CEFGHIKMNPQRSUVXY.] of this worst kyn|rede, in alle places that ben left, to whiche [the whiche I.] places Y castide hem out, seith the Lord of oostis. [verse 4] And thou schalt seie to hem, The Lord seith these thingis, Whether he that schal falle, schal not rise aȝen? and whether he that is turned awei, schal not turne aȝen? [verse 5] Whi therfor is this puple in Jerusalem turned awei bi turnyng awei ful of strijf? Thei han take leesyng, and nolden [wolden not I.] turne aȝen. [verse 6] Y perseyuede, and herknede; no man spekith that that is good, noon is [ther is I.] that doith penaunce for his synne, and seith, What haue Y do? Alle ben turnede togidere to her cours, as an hors goynge bi fersnesse to batel. [verse 7] A kite in the eir knew his tyme; a turtle, and a swalewe, and a siconye, kepten [kepen N.] the tyme of her comyng; but my puple knew not the doom of the Lord. [verse 8] Hou seien ȝe, We ben wise men, and the lawe of the Lord is with vs? Verili the fals writyng [styl, ether writing CEFGHIKMNPQRSUVX.] of scribis wrouȝte leesyng. [verse 9] Wise men ben

schent, ben [thei ben I.] maad [Om. N.] aferd and takun. For thei castiden [casten I.] awei the word of the Lord, and no wisdom is in hem. [verse 10] Therfor Y schal ȝyue the wymmen of hem to straun|geris, and the feeldis of hem to alien eiris; for fro the leeste `til to [vnto I.] the mooste alle suen aueryce, fro a profete `til to [vnto I.] the [verse 11] preest alle maken leesyng; and thei heel|iden the sorowe of the douȝtir of my pu|ple to schenschipe, seiynge, Pees, pees, whanne no pees was. [verse 12] Thei ben schent, for thei diden abhomynacioun; ȝhe, rather thei weren not schent bi schenschipe, and kouden not be aschamed. Therfor thei schulen falle among falleris, in the tyme of her visitacioun thei schulen falle, seith the Lord. [verse 13] I gaderynge schal gadere hem, seith the Lord; no grape is in the vynes, and figis ben not in the fige tre; a leef felle doun, and Y ȝaf to hem tho thingis that ben go out ouer. [verse 14] Whi sitten we? come ȝe togidere, entre we in to a strong citee, and be we stille there; for oure Lord hath maad vs to be stille, and ȝaf to vs drynk the watir of galle; for we han synned to the Lord. [verse 15] We abididen [abiden IS.] pees, and no good was; we abididen [abiden IS.] tyme of medicyn, and lo! drede is. [verse 16] Gnastyng of horsis therof is herd fro Dan; al the lond is moued of the vois of neiyngis of hise werriours; and thei camen, and deuour|iden the lond, and the plente therof, the citee, and the dwelleris therof. [verse 17] For lo! Y schal sende to ȝou the werste serpentis, to whiche is no charmyng; and thei schu|len bite ȝou, seith the Lord. [verse 18] My sorewe is on sorewe, myn herte is mourenynge in me. [verse 19] And lo! the vois of cry of the douȝ|ter of my puple cometh fro a fer lond. Whether the Lord is not in Sion, ethir the kyng therof is not therynne? Whi therfor stiriden thei me to wrathfulnesse bi her grauun ymagis, and bi alien vany|tees? [verse 20] Heruest is passid, somer is endid;

and we ben not sauyd. [verse 21] Y am turmentid, and sori on the sorewe of the douȝter of my puple; astonying helde me. [verse 22] Whether resyn [resyn, is a gumme of greet odour, and me|dicynable. A et plures.] is not in Galaad, ether a leche is not there? Whi therfor the wounde of the douȝtir of my puple is not heelid perfitli?

CAP. IX.

[verse 1] Who schal ȝyue watir to myn heed, and a welle of teeris to myn iȝen? And Y schal biwepe dai and niȝt the slayn men of the douȝter of my puple. [verse 2] Who schal ȝyue me in to a wildirnesse of dyuerse weigoeris? And I schal forsake my puple, and Y schal go awei fro hem. For whi alle ben auowteris, and the cumpenyes of tres|passouris [verse 3] aȝens the lawe; and thei helden forth her tunge as a bouwe of leesyng, and not of treuthe Thei ben coumfortid in erthe, for thei ȝeden out fro yuel to yuel, and thei knewen not me, seith the Lord. [verse 4] Ech man kepe hym fro his neiȝ|bore, and haue no trist in ony brother of hym; for whi ech brother disseyuyng schal disseyue, and ech frend schal go gilefuli. [verse 5] And a man schal scorne his brother, and schal not speke treuthe; for thei tauȝten her tunge to speke leesyng; thei traueliden to do wickidli. [verse 6] Thi dwell|yng is in the myddis of gile; in gile thei forsoken to knowe me, seith the Lord. [verse 7] Therfor the Lord of oostis seith these thingis, Lo! Y schal welle togidere, and Y schal preue hem; for whi what other thing schal Y do fro the face of the douȝ|ter of my puple? [verse 8] The tunge of hem is an arowe woundynge, and spak gile; in his mouth he spekith pees with his frend, and priueli he settith tresouns to hym. [verse 9] Whether Y schal not visite on these thingis, seith the Lord, ether schal not my soule take veniaunce on siche a folc? [verse 10] On hillis Y schal take wepyng and mourn|yng, and weilyng on the faire thingis of

desert, for tho [thei N.] ben brent; for no man is passynge forth, and thei herden not the vois of hym that weldith; fro a brid of the eir `til to [vnto I.] scheep, tho [thei N.] passiden ouer, and ȝeden awei. [verse 11] And Y schal ȝyue Jeru|salem in to heepis of grauel, and in to dennes of dragouns; and Y schal ȝyue the citees of Juda in to desolacioun, for ther is no dwellere. [verse 12] Who is a wise man that schal vndurstonde these thingis, and to whom the word of the mouth of the Lord schal be maad, that he telle this? Whi the erthe perischide, it is brent as desert, for noon is that passith? [verse 13] And the Lord seide, For thei forsoken my lawe, which Y ȝaf to hem, and thei herden not my [verse 14] vois, and thei ȝeden not therynne; and thei ȝeden aftir the schrewidnesse of her herte, and aftir Baalym, which thei lern|eden [verse 15] of her fadris; therfor the Lord of oostis, God of Israel, seith these thingis, Lo! Y schal fede this puple with wermod, and Y schal ȝyue to hem drynke the watir of galle. [verse 16] And Y schal scatere hem among hethene men, whiche thei and her fadris knewen not; and Y schal sende swerd aftir hem, til thei ben wastid. [verse 17] The Lord of oostis, God of Israel, seith these thingis, Biholde ȝe, and clepe ȝe wymmen `that weilen [weileressis CEFGHKMNPQRSUVX. weilsteris I.] , and come thei; and sende ȝe to tho wymmen that ben wise, and haste thei. [verse 18] Haste thei, and take thei weilynge on ȝou; ȝoure iȝen brynge doun teeris, and [verse 19] ȝoure iȝelidis flowe with watris; for the vois of weilyng is herd fro Sion. Hou ben we distried, and schent greetli? for we han forsake the lond, for oure tabernaclis ben forsakun. [verse 20] Therfor, wymmen, here ȝe the word of the Lord, and ȝoure eeris take the word of his mouth; and teche ȝe ȝoure douȝtris weilyng, and ech womman teche hir neiȝbore mournyng. [verse 21] For whi deth stiede bi ȝoure wyndows, it entride in to ȝoure housis, to leese litle children with

outforth, and ȝonge men fro the stretis. [verse 22] Speke thou, the Lord seith, these thingis, And the deed bodi of a man schal fal doun as a toord on the face of the cun|trei, and as hei bihynde [aftir CEFGHIKMNPQRSUVX.] the bak of the mowere, and noon is [ther is I.] that gaderith. [verse 23] The Lord seith these thingis, A wise man haue not glorie in his wisdom, and a strong man haue not glorie in his strengthe, and a riche man haue not glorie in hise rich|essis; [verse 24] but he that hath glorie, haue glorie in this, to wite and knowe me, for Y am the Lord, that do merci and dom and riȝtfulnesse in erthe. For whi these thingis plesen me, seith the Lord. [verse 25] Lo! daies comen, seith the Lord, and Y schal visite on ech man that hath prepucie vncircum|cidid; [verse 26] on Egipt, and on Juda, and on Edom, and on the sones of Amon, and on Moab, and on alle men that ben clippid on long heer, and dwellen in desert; for whi alle hethene men han prepucie, for|sothe al the hous of Israel ben vncircum|cidid [circumcidid N.] in herte.

CAP. X.

[verse 1] The hous of Israel, here ȝe the word which the Lord spak on ȝou. [verse 2] The Lord seith these thingis, Nyle ȝe lerne aftir the weies of hethene men, and nyle ȝe drede of the signes of heuene, whiche signes hethene men dreden. [verse 3] For the lawis of puplis ben veyn, for whi the werk of hondis of a crafti man hath kit doun with an axe a tre of the forest. [verse 4] He made it fair with siluer and gold; with naylis and hameris he ioynede it [Om. CEFGHIKMNPQRSUVX.] togidere, that it be not loosid. [verse 5] Idols ben maad in the lic|nesse of a palm tree, and schulen not speke; tho schulen be takun and be bo|run, for tho moun not go; therfor nyle

ȝe drede tho, for tho [thei N.] moun nether do yuel, nethir wel. [verse 6] Lord, noon is lijk thee; thou art greet, and thi name is greet in strengthe. [verse 7] A! thou king of folkis, who schal not drede thee? for whi onour is thin among alle wise men of hethene men, and in alle the rewmes of hem noon is lijk thee. [verse 8] Thei schulen be preued, vnwise and foolis togidere; the techyng of her vanyte is a tre. [verse 9] Siluer wlappid is brouȝt fro Tharsis, and gold fro Ophaz; it is the werk of a crafti man, and of the hond of a worchere in metel; iacynct and purpur ben the clothing of tho [hem N.] ; alle these thingis ben the werk of werk men. [verse 10] Forsothe the Lord is veri God; he is God lyuynge, and a kyng euerlastynge; the erthe schal be mouyd togidere of his indignacioun, and hethene men schulen not suffre the manaassing of hym. [verse 11] Therfor thus ȝe schulen seie to hem, Goddis that maden not heuene and erthe, perische fro erthe [the erthe I.] , and fro these thingis that ben vndur he|uene. [verse 12] He is God, that makith the erthe in his strengthe, makith [that makith I.] redi the world in his wisdom, and stretchith forth he|uenes bi his prudence. [verse 13] At his vois he ȝyueth the multitude of watris in heuene, and he reisith mystis fro the endis of erthe; he makith leitis into reyn, and ledith out wynd of his tresouris. [verse 14] Ech man is maad a fool of kunnyng, ech crafti man is schent in a grauun ymage; for whi that that [Om. N.] he wellide togidere is fals, and no spirit is in tho [hem N.] . [verse 15] Tho ben veyn, and a werk worthi of scorn; tho schulen perische in the tyme of her visitacioun. [verse 16] The part of Jacob is not lijk these, for he that formede alle thingis is God of Jacob, and Israel is the ȝerde of his eritage; the Lord of oostis is name to hym. [verse 17] Thou that dwellist in bisegyng, gadere fro the [verse 18] lond thi schenschipe; for the Lord seith these thingis, Lo! Y schal caste awei fer

the dwelleris of the loond in this while; and Y schal ȝyue tribulacioun to hem, so that thei be not foundun. [verse 19] Wo to me on my sorewe, my wounde is ful yuel; for|sothe Y seide, Pleynli this is my sike|nesse, and Y schal bere it. [verse 20] My tabernacle is distried, alle my roopis ben brokun; my sones ȝeden out fro me, and ben not; noon is that schal stretche forth more my tente, and schal reyse my skynnes. [verse 21] For the scheepherdis diden folili, and souȝten not the Lord; therfor thei vndurstoden not, and alle the flok of hem is scaterid. [verse 22] Lo! the vois of hering cometh, and a greet mouynge togidere fro the lond of the north, that it sette the citees of Juda in to wildirnesse, and a dwellynge place of dragouns. [verse 23] Lord, Y woot, that the weie of a man is not of hym, nether it is of a man that he go, and dresse hise steppis. [verse 24] Lord, chastise thou me; netheles in doom and not in thi strong veniaunce, lest per|auenture thou dryue me to nouȝt. [verse 25] Schede [Heelde I.] out [thou N.] thin indignacioun on hethene men that knewen not thee, and on prouynces that clepiden [clepen I.] not thi name to help; for thei eeten Jacob, and deuouriden hym, and wastiden hym, and destrieden the onour of hym.

CAP. XI.

[verse 1] The word that was maad of the Lord [verse 2] to Jeremye, and seide, Here ȝe the wordis of this couenaunt, and speke ȝe to the men of Juda, and to the dwelleris of Jerusa|lem; [verse 3] and thou schalt seie to hem, The Lord God of Israel seith these thingis, Cursid be the man that herith not the [verse 4] wordis of this couenaunt, which Y co|maundide to ȝoure fadris, in the dai in which Y ledde hem out of the lond of Egipt, fro the irone furneis; and Y seide, Here ȝe my vois, and do ȝe alle thingis whiche Y comaundide to ȝou, and ȝe schu|len be in to a puple to me, and Y schal be [verse 5] in to God to ȝou; that Y reise the ooth which Y swoor to ȝoure fadris, that Y

schulde ȝyue to hem a lond flowynge with mylk and hony, as this dai is. And Y answeride, and seide, Amen, Lord. [verse 6] And the Lord seide to me, Crye thou alle these wordis in the citees of Juda, and with out Jerusalem, and seie thou, Here ȝe the wordis [verse 7] of this couenaunt, and do ȝe tho [hem N.] ; for Y witnessynge haue witnessid to ȝoure fa|dris, in the dai in which Y ledde hem out of the lond of Egipt, `til to [vnto I.] this dai; Y roos eerli, and witnesside, and seide, Here ȝe my vois. [verse 8] And thei herden not, nether bowiden doun her eere, but thei ȝeden forth ech man in the schrewidnesse of his yuel herte; and Y brouȝte in on hem alle the wordis of this couenaunt, which Y comaundide that thei schulden do, and thei diden not. [verse 10] And the Lord seide to me, Sweryng togidere is foundun in the men of Juda, and in the dwelleris of Je|rusalem; thei turneden aȝen to the for|mere wickidnessis of her fadris, that nol|den [wolden not I.] here my wordis; and therfor these men ȝeden aftir alien goddis, for to serue hem; the hous of Israel and the hous of Juda maden voide my couenaunt, which Y made with the fadris of hem. [verse 11] Wher|for the Lord seith these thingis, Lo! Y schal bringe in on hem yuels, of whiche thei schulen not mow go out; and thei schulen crie to me, and Y schal not here hem. [verse 12] And the citees of Juda and the dwellers of Jerusalem schulen go, and schulen crye to hem, to whiche thei offren sacrifices; and thei schulen not saue hem in the tyme of her turment. [verse 13] For thou, Juda, thi goddis weren bi the noumbre of thi citees, and thou settidist auters of schenschipe, bi the noumbre of the weies of Jerusalem, auters to offre sacrifices to Baalym. [verse 14] Therfor nyle thou preie for this puple, and take thou not heriyng and preier for hem; for Y schal not here in the [Om. I.] tyme of the cry of hem to me, in the [Om. I.] tyme of the turment of hem. [verse 15] What is it,

that my derlyng doith many greet tres|passis in myn hous? whether hooli fleischis schulen do awei fro thee thi ma|lice, in which thou hast glorie? [verse 16] The Lord clepide thi name an olyue tre, fair, ful of fruyt, schapli; at the vois of a greet speche fier brent an hiȝ ther ynne, and the buyschis therof ben brent. [verse 17] And the Lord of oostis that plauntide thee, spak yuel on thee, for [fro I.] the yuels of the hous of Israel, and of the hous of Juda, whiche thei diden to hem silf, and offriden to Baalym, to terre me to wraththe. [verse 18] Forsothe, Lord, thou schewidist to me, and Y knew; thou schewidist to me the studies of hem. [verse 19] And Y am as a mylde lomb, which is borun to slayn sacrifice; and Y knew not, that thei thouȝten counsels on me, and seiden, Sende we a tre in to the brede of hym, and rase we hym awei fro the lond of lyueris, and his name be no more hadde in mynde. [verse 20] But thou, Lord of oostis, that demest iustli, and preuest reynes and hertis, se Y thi veniaunce of hem; for to thee Y schewide my cause. [verse 21] Therfor the Lord seith these thingis to the men of Anathot, that seken thi lijf, and seien, Thou schalt not prophesie in the name of the Lord, and thou schalt not die in oure hondis. [verse 22] Therfor the Lord of oostis seith these thingis, Lo! Y schal visite on hem; the ȝonge men of hem schulen die bi swerd, the sones of hem and the douȝtris of hem [verse 23] schulen die for hungur; and no relifs, ether children abidynge [left I.] , schulen be of hem; for Y schal bringe ynne yuel [yuel thing I.] on the men of Anathot, the ȝeer of the visitacioun of hem.

CAP. XII.

[verse 1] Forsothe, Lord, thou art iust; if Y dis|pute with thee, netheles Y schal speke iust thingis to thee. Whi hath the weie of wickid men prosperite? It is wel to alle men that breken the lawe, and doen wick|idli? [verse 2] Thou hast plauntid hem, and thei

senten roote; thei encreessen, and maken fruyt; thou art niȝ to the mouth of hem, and fer fro the reynes of hem. [verse 3] And thou, Lord, hast knowe me, thou hast seyn me, and hast preued myn herte with thee. Gadere thou hem togidere as a flok to slayn sacrifice, and halewe thou hem in the dai of sleyng. [verse 4] Hou long schal the erthe mourne, and ech eerbe of the feeld schal be dried, for the malice of hem that dwellen ther ynne? A beeste is wastid, and a brid, for thei seiden, The Lord schal not se oure laste thingis. [verse 5] If thou trauelist rennynge with foot men, hou schalt thou mow stryue with horsis? but whanne thou art sikur in the lond of pees, what schalt thou do in the pride of Jordan? [verse 6] For whi bothe thi britheren and the hous of thi fadir, ȝhe, thei fouȝten aȝens thee, and crieden with ful vois aftir thee; bileue thou not to hem, whanne thei speken goodis to thee. [verse 7] I haue left myn hous, Y haue forsake myn eritage; Y ȝaf my loued soule in to the hondis of enemyes therof. [verse 8] Myn eritage is maad as a lioun in the wode to me; it ȝaf vois aȝens me, therfor Y hate [hatide A sec. m.] it. [verse 9] Whether myn eritage is a brid of dyuerse colours to me? whether it is a brid died thorou out? Alle beestis of the feeld, come ȝe, be ȝe gaderid togi|dere; haste ȝe for to deuoure. [verse 10] Many scheepherdis distrieden my vyner, defoul|iden my part, ȝauen my desirable porcioun [verse 11] in to desert of wildirnesse; thei settiden it in to scateryng, and it mourenyde on me; al the lond is desolat bi desolacioun, for noon is that aȝenthenkith in herte. [verse 12] Alle distrieris of the lond camen on alle the weies of desert, for the swerd of the Lord schal deuoure fro the laste part of the lond `til to [vnto I.] the laste part therof; no pees is to al fleisch. [verse 13] Thei sowiden wheete, and repiden thornes; thei token erytage, and it schal not profite to hem. Ȝe schu|len

be schent of ȝoure fruytis, for the wraththe of the stronge veniaunce of the Lord. [verse 14] The Lord seith these thingis aȝens alle my worst neiȝboris, that touchen the eritage which Y departide to my puple Israel, Lo! Y schal drawe hem out of her lond, and Y schal drawe the hous of Juda out of the myddis of hem. [verse 15] And whanne Y schal drawe out thilke Jewis, Y schal conuerte, and haue merci on hem; and Y schal lede hem aȝen, a man to his eritage, and a man in to his lond. [verse 16] And it schal be, if thei `that ben [Om. C et ceteri.] tauȝt lernen the weies of my puple, that thei swere in my name, The Lord lyueth, as thei tauȝten my puple to swere in Baal, thei schulen be bildid in the myddis of my puple. [verse 17] That if thei heren not, Y schal drawe out that folk by drawyng out and perdicioun, seith the Lord.

CAP. XIII.

[verse 1] The Lord seith these thingis to me, Go, and take in possessioun to thee a lynnun breigirdil; and thou schalt putte it on thi leendis, and thou schalt not bere it in to watir. [verse 2] And Y took in possessioun a brei|girdil, bi the word of the Lord; and Y puttide aboute my leendis. [verse 3] And the word of the Lord was maad to me in the se|counde [verse 4] tyme, and seide, Take the brigir|dil, which thou haddist in possessioun, which is aboute thi leendis; and rise thou, and go to Eufrates, and hide thou it there, in the hoole of a stoon. [verse 5] And Y ȝede, and hidde it in Eufrates, as the Lord co|maundide to me. [verse 6] And it was don aftir ful many daies, the Lord seide to me, Rise thou, and go to Eufrates, and take fro thennus the brigirdil, whiche Y comaund|ide to thee, that thou schuldist hide it there. [verse 7] And Y ȝede to Eufrates, and [and I C et ceteri.] diggide out, and Y took the breigirdil fro the place, where Y hadde [Om. A.] hidde it; and lo! the breigirdil was rotun, so that it was not

able to ony vss. [verse 8] And the word of the [verse 9] Lord was maad to me, and seide, The Lord seith these thingis, So Y schal make rotun the pride of Juda, and the myche [verse 10] pride of Jerusalem, and this worste puple, that nylen [wole not I.] here my wordis, and goen in the schrewidnesse of her herte; and thei ȝeden aftir alien goddis, to serue hem, and to worschipe hem; and thei schulen be as this breigirdil, which is not able to ony vss. [verse 11] For as a breigirdil cleueth to the leendis of a man, so Y ioynede faste to me al the hous of Israel, and al the hous of Juda, seith the Lord, that thei schulden be to me in to a puple, and in to name, and in to heriyng, and in to glorie; and thei herden not. [verse 12] Therfor thou schalt seie to hem this word, The Lord God of Israel seith these thingis, Ech potel schal be fill|id of wyn. And thei schulen seie to thee, Whether we witen not, that ech potel schal be fillid of wyn? [verse 13] And thou schalt seie to hem, The Lord seith these thingis, Lo! Y shal fille with drunkenesse alle the dwelleris of this lond, and the kyngis of the generacioun of Dauith, that sitten on his trone, and the prestis, and profetis, and alle the [Om. C sec. m. FGHKMNPQRSUV.] dwelleris of Jerusalem. [verse 14] And Y schal scatere hem, a man fro his bro|ther, and the fadris and sones togidere, seith the Lord; Y schal not spare, and Y schal not graunte, nether Y schal do mer|cy, that I leese not hem. [verse 15] Here ȝe, and perseyue with eeris; nyle ȝe be reisid, for the Lord spak. [verse 16] Ȝyue ȝe glorie to ȝoure Lord God, bifore that it wexe derk, and bifor that ȝoure feet hirte at derk hillis; ȝe schulen abide liȝt, and he schal sette it in to the schadewe of deeth, and in to derknesse. [verse 17] That if ȝe heren not this, my soule schal wepe in hid place for the face of pride; it wepynge schal wepe, and myn iȝe shal caste out a teer, for the floc of the Lord is takun. [verse 18] Seye thou to the kyng, and to the ladi, Be ȝe mekid, sitte

ȝe, for the coroun of ȝoure glorie schal go doun fro [of I.] ȝoure heed. [verse 19] The cities of the south ben closid, and noon is that open|ith; al Juda is translatid bi perfit pass|yng ouere, ether goynge out of her lond. [verse 20] Reise ȝe ȝoure iȝen, and se ȝe, what men comen fro the north; where is the floc which is ȝouun to thee, thi noble scheep? [verse 21] What schalt thou seie, whanne he schal visite thee? for thou hast tauȝt hem aȝens thee, and thou hast tauȝt aȝens thin heed. Whether sorewis han not take thee, as a womman trauelynge of child? [verse 22] That if thou seist in thin herte, Whi camen these thingis to me? for the multitude of thi wickidnesse thi schamefulere thingis ben schewid, thi feet ben defoulid. [verse 23] If a man of Ethiopie mai chaunge his skyn, ether a pard mai chaunge hise dyuersitees, and ȝe moun do wel, whanne ȝe han lerned yuel. [verse 24] And Y schal sowe hem abrood, as stobil which is rauyschid [rauyschid, or take awei I.] of the [Om. CFGHKMNPQRSUVX.] wynd in desert. [verse 25] This is thi [the I.] lot, and the part of thi mesure of me, seith the Lord; for thou forȝetidist me, and tristidist in a leesyng. [verse 26] Wherfor and Y made nakid thin hipis aȝens thi face, and thi [the A pr. m. CFGHIMNPQRU.] schenschipe [verse 27] apperide, thin auowtries, and thin neyyng, and the felonye of thi fornycacioun on litle hillis in the feeld; Y siȝ thin abho|mynaciouns. Jerusalem, wo to thee, thou schalt not be clensid after me til ȝit.

CAP. XIV.

[verse 1] The word of the Lord, that was maad to Jeremye, of the wordis of dryenesse. [verse 2] Jude weilide, and the ȝatis therof fellen doun, and ben maad derk in erthe, and the cry of Jerusalem stiede [stiede vp I.] . [verse 3] Grettere men senten her lesse men to water; thei camen to drawe watir, and thei foundun no water, thei brouȝten aȝen her vessels voide; thei weren schent and turmentid, [verse 4] and thei hiliden her heedis for distriyng

of the lond, for reyn cam not in the lond. Erthe tilieris weren schent, thei hiliden her heedis. [verse 5] For whi and an hynde caluyde in the feeld, and lefte her calues, for noon [verse 6] eerbe was [ther was I.] ; and wield assis stoden in rochis, and drowen wynde as dragouns; her iȝen failiden, for noon eerbe was. [verse 7] If oure wickidnessis answeren to vs, Lord, do thou for thi name, for oure turnyngis awei ben manye; we han synned aȝens thee. [verse 8] Thou abidyng of Israel, the sauyour [verse 9] therof in the tyme of tribulacioun, whi schalt thou be as a comelyng in the lond, and as a weigoere bowynge to dwelle? whi schalt thou be as a man of vnstable dwellyng, as a strong man that mai not saue? Forsothe, Lord, thou art in vs, and thin hooli name is clepid to help on vs; forsake thou not vs. [verse 10] The Lord seith these thingis to this puple, that louede to stire hise feet, and restide not, and pleside not the Lord; now he schal haue mynde on the wickidnesses of hem, and he schal visite the synnes of hem. [verse 11] And the Lord seide to me, Nyle thou preie for this puple in to good. [verse 12] Whanne thei schulen faste, Y schal not here the preieris of hem; and if thei offren brent sacrifices and slayn sacri|fices, Y schal not resseyue tho [hem N.] , for Y schal waste hem bi swerd and hungur and pestilence. [verse 13] And Y seide, A! A! A! Lord God, profetis seien to hem, Ȝe schulen not se swerd, and hungur schal not be in ȝou, but he schal ȝyue to ȝou veri pees in this place. [verse 14] And the Lord seide to me, The profetis profesien falsli in my name; Y sente not hem, and Y comaundide not to hem, nether Y spak to hem; thei profe|sien to ȝou a [Om. I.] fals reuelacioun, and a gile|ful dyuynyng, and the disseyuyng of her herte. [verse 15] Therfor the Lord seith these thingis of the profetis that profesien in my name, whiche Y sente not, and seien, Swerd and hungur schal not be in this lond; Tho [Thilke I.] profetis schulen be wastid bi swerd and

hungur. [verse 16] And the puplis, to whiche thei profesieden, schulen be cast forth in the weies of Jerusalem, for hungur and swerd, and noon schal [ther schal I.] be, that schal birie hem; they and the wyues of hem, the sones and the douȝtris of hem `schulen be cast forth [Om. I.] ; and Y schal schede out on hem her yuel. [verse 17] And thou schalt seie to hem this word, Myn iȝen lede doun a teer bi niȝt and dai, and be [be it I.] not stille, for the virgyn, the douȝ|ter of my puple, is defoulid bi greet de|foulying, with the worste wounde greetli. [verse 18] If Y go out to feeldis, lo! men ben slayn bi [with I.] swerd; and if Y entre in to the citee, lo! men ben maad leene for hungur; also a profete and a prest ȝeden in to the lond which thei knewen not. [verse 19] Whether thou castynge awei hast cast awei Juda, ether thi soule hath wlatid Sion? whi therfor hast thou smyte vs, so that noon [no I.] heelthe is [ther is I.] ? We abididen [abooden EP. abyden FS. abeden I.] pees, and no good is; and we abididen [abooden EP. abeden I. abyden S.] time of heeling, and lo! disturbling is. [verse 20] Lord, we han [haue I pass.] know oure vnfeithfulnessis, and the wickidnessis of oure fadris, for we han synned to thee. [verse 21] Ȝyue thou not vs in to schenschip, for thi name, nether do thou dispite to vs; haue thou mynde on the seete of thi glorie, make thou not voide thi boond of pees with vs. [verse 22] Whether in grauun ymagis of hethene men ben thei that reynen, ethir heuenes moun ȝyue reynes? whether thou art not oure Lord God, whom we abididen [abooden EP. abyden S.] ? For thou madist alle these thingis.

CAP. XV.

[verse 1] And the Lord seide to me, Thouȝ Moi|ses and Samuel stoden bifore me, my soule is not to this puple; caste thou hem out fro my face, and go thei out. [verse 2] That if thei seien to thee, Whidur schulen we go out? thou schalt seie to hem, The Lord seith these thingis, Thei that to deth, to deth, and thei that to swerd, to swerd, and thei

that to hungur, to hungur, and thei that to caitiftee, to caitifte. [verse 3] Y schal visite on hem foure spices, seith the Lord; a swerd to sleeynge, and doggis for to reende, and volatilis of the eir, and beestis of the erthe to deuoure and to distrie. [verse 4] And Y schal ȝyue hem in to feruour to alle rewmes of erthe, for Manasses, the sone of Ezechie, king of Juda, on alle thingis whiche he dide in Jerusalem. [verse 5] For whi who schal haue merci on thee, Jerusalem, ethir who schal be sori for thee, ether who schal go to preie for thi pees? [verse 6] Thou hast forsake me, seith the Lord, thou hast go abac; and Y schal stretche [arecche I.] forth myn hond on thee, and Y schal sle thee; Y trauelide preiyng. [verse 7] And Y schal scatere hem with a wyndewynge [wynewynge I.] instrument in the ȝatis of erthe; Y killide, and loste my puple, and netheles thei turneden not aȝen fro her weies. [verse 8] The widewis therof ben mul|tiplied to me aboue the grauel of the see; and Y brouȝte in to hem a distriere in myddai on the modir of a ȝonge man, Y sente drede sudeynli on citees. [verse 9] Sche was sijk that childide seuene, hir soule fail|ide; the sunne ȝede doun to hir, whanne dai was ȝit. Sche was schent, and was aschamed; and Y schal ȝyue the residue therof in to swerd in the siȝt of her ene|myes, seith the Lord. [verse 10] Mi modir, wo to me; whi gendridist thou me a man of chidyng, a man of discord in al the lond? Y lente not, nether ony man lente to me; alle men cursen me, the Lord seith. [verse 11] No man bileue to me, if thi remenauntis be not in to good, if Y ranne not to thee in the tyme of turment, and in the tyme of tribulacioun and of anguysch, aȝens the enemye. [verse 12] Whether yrun and metal schal be ioyned bi pees to irun fro the north? [verse 13] And Y schal ȝyue freli thi ritchessis and thi tresouris in to rauyschyng, for alle thi synnes, and in alle thin endis. [verse 14] And Y schal brynge thin enemyes fro the lond which thou knowist not; for fier is kyndlid

in my strong veniaunce, and it schal brenne on ȝou. [verse 15] Lord, thou knowist, haue thou mynde on me, and visite me, and delyuere me fro hem that pursuen me; nyle thou take me in thi pacience, knowe thou, that Y suffride schenschipe for thee. [verse 16] Thi wordis ben foundun, and Y eet tho; and thi word was maad to me in to ioye, and in to glad|nesse of myn herte; for thi name, Lord God of oostis, is clepid to help on me. [verse 17] Y sat not in the counsel of pleieris, and Y hadde glorie for the face of thin hond; Y sat aloone, for thou fillidist me with bittirnesse. [verse 18] Whi is my sorewe maad euer|lastinge, and my wounde dispeirid forsook to be curid? it is maad to me, as a leesyng of vnfeithful watris. [verse 19] For this thing the Lord seith these thingis, If thou turnest, Y schal turne thee, and thou schalt stonde bifore my face; and if thou departist pre|ciouse thing fro vijl thing, thou schalt be as my mouth; thei schulen be turned to thee, and thou schalt not be turned to hem. [verse 20] And Y schal ȝyue thee in to a brasun wal and strong to this puple, and thei schulen fiȝte aȝens thee, and schulen [thei schul I.] not haue the victorie; for Y am with thee, to saue thee, and to delyuere thee, seith the Lord. [verse 21] And Y schal delyuere thee fro the hond of the worste men, and Y schal aȝenbie thee fro the hond of stronge men.

CAP. XVI.

[verse 1] And the word of the Lord was maad to [verse 2] me, and seide, Thou schalt not take a wijf, and sones and douȝtris schulen not be to thee in this place. [verse 3] For the Lord seith these thingis on sones and douȝtris, that ben gendrid in this place, and on the modris of hem, that gendride hem, and on the fadris of hem, of whos generacioun thei ben borun in this lond. [verse 4] Thei schulen die bi dethis of sikenessis, thei schulen not be biweilid, and thei schulen not be biried; thei schulen be in to a dunghil on the face of erthe, and thei schulen be wastid bi

swerd and hungur; and the careyn of hem schal be in to mete to the volatilis of he|uene, and to beestis of erthe [the erthe IS.] . [verse 5] For the Lord seith these thingis, Entre thou not in to an hous of feeste, nethir go thou to biweile, nether comfourte thou hem; for Y haue take awei my pees fro this puple, seith the Lord, `Y haue take awei [Om. I.] merci [and merci I.] and merciful doyngis. [verse 6] And greete and smalle schulen die in this lond; thei schulen not be biried, nethir schulen be biweilid; and thei schulen not kitte hem silf, nethir ballidnesse schal be maad for hem. [verse 7] And thei schulen not breke breed among hem to hym that mourneth, to coumforte on a deed man, and thei schu|len not ȝyue to hem drynk of a cuppe, to coumforte on her fadir and modir. [verse 8] And thou schalt not entre in to the hous of feeste, that thou sitte with hem, and ete, and drynke. [verse 9] For whi the Lord of oostis, God of Israel, seith these thingis, Lo! Y schal take awei fro this place, bifore ȝoure iȝen and in ȝoure daies, the vois of ioie, and the vois of gladnesse, and [Om. N.] the vois of spouse [the spouse S pr. m.] , and the vois of spousesse. [verse 10] And whanne thou schalt telle alle these wordis to this puple, and thei schulen seie to thee, Whi spak the Lord al this greet yuel on vs? what is oure wickidnesse, ether what is oure synne which we synneden to oure [verse 11] Lord God? thou schalt seie to hem, For ȝoure fadris forsoken me, seith the Lord, and ȝeden aftir alien goddis, and seruyden hem, and worschipiden hem, and thei for|soken me, and kepten not my lawe. [verse 12] But also ȝe wrouȝten worse than ȝoure fadris; for lo! ech man goith aftir the schrewid|nesse [schrewisnesse A.] of his yuel herte, that he here not me. [verse 13] And Y schal caste ȝou out of this lond, in to the lond which ȝe and ȝoure fadris knowen not; and ȝe schulen serue there to alien goddis dai and niȝt, whiche schulen not ȝiue reste to ȝou. [verse 14] Therfor lo! daies comen, seith the Lord, and it schal no more be seid, The Lord lyueth, that

ledde the sones of Israel out of the lond [verse 15] of Egipt; but the Lord lyueth, that ledde the sones of Israel fro the lond of the north, and fro alle londis to whiche Y castide hem out; and Y schal lede hem aȝen in to her lond which Y ȝaf to the fadris of hem. [verse 16] Lo! Y schal sende many fischeris to hem, seith the Lord, and thei schulen fische hem; and aftir these thingis Y schal sende many hunteris to hem, and thei schulen hunte hem fro ech mounteyn, and fro ech litil hil, and fro the caues of stoonys. [verse 17] For myn iȝen ben on alle the weies of hem; tho [thilke I. the N.] weies ben not hid fro my face, and the wickidnesse of hem was not priuy fro myn iȝen. [verse 18] And Y schal ȝelde first the double wickidnessis and synnes of hem, for thei defouliden my lond in the slayn beestis of her idols, and filliden myn eritage with her abhomynaciouns. [verse 19] Lord, my strengthe, and my stalworthnesse, and my refuyt in the dai of tribulacioun, he|thene men schulen come to thee fro the fertheste places of erthe, and schulen seie, Verili oure fadris helden a leesyng in pos|sessioun, vanyte that profitide not to hem. [verse 20] Whether a man schal make goddis to hym silf? and tho ben no goddis. [verse 21] Therfor lo! Y schal schewe to hem bi this while, Y schal schewe to hem myn hond, and my vertu; and thei schulen wite, that the name to me is Lord.

CAP. XVII.

[verse 1] The synne of Juda is writun with an irone poyntel [poynte N.] , in a nail of adamaunt; it is writun on the breede of the herte of hem, and in the hornes of the auteris of hem. [verse 2] Whanne the sones of hem bithenken on her auteris, and woodis, and on the trees ful of boowis, makynge sacrifice in the [verse 3] feld in hiȝe munteyns, Y schal ȝyue thi strengthe and alle thi tresouris in to ra|uyschyng, thin hiȝe thingis for synnes in alle thin endis. [verse 4] And thou schalt be left aloone fro thin eritage which Y ȝaf to

thee; and Y schal make thee to serue thin enemyes, in the lond which thou knowist not; for thou hast kyndlid fier in my strong veniaunce, it schal brenne til in to with outen ende. [verse 5] The Lord seith these thingis, Cursid is the man that trestith in man, and settith fleisch his arm, and his herte goith awei fro the Lord. [verse 6] For he schal be as bromes in desert, and he schal not se, whanne good schal come; but he schal dwelle in drynesse in desert, in the lond of saltnesse, and vnabitable. [verse 7] Blessid is the man that tristith in the Lord, and the Lord schal be his trist. [verse 8] And he schal be as a tre, which is plauntid ouer watris, which sendith hise rootis to moisture; and it schal not drede, whanne heete schal come; and the leef therof schal be greene, and it schal not be moued in the tyme of dry|nesse, nether ony tyme it schal faile to make fruyte. [verse 9] The herte of man is schrew|id, and `may not be souȝt [vnserchable I. vnserchable, ether mai not be souȝt CEFGHKMNPQRSUVXY.] ; who schal knowe it? [verse 10] Y am the Lord sekynge the herte, and preuynge the reynes [reynes, ether kydeneris CEFGHIKMNPQRSUVXY.] , and Y ȝyue to ech man after his weye, and aftir the fruyt of his fyndyngis. [verse 11] A partriche nurschide tho thingis whiche sche bredde not; he made richessis, and not in doom; in the myddis of hise daies he schal forsake tho [hem N.] , and in hise laste tyme he schal be vnwijs. [verse 12] The seete of glorie of hiȝnesse was at the bigynnyng the place of oure halewyng, the abidyng of Israel. [verse 13] Lord, alle thei that forsaken thee, schulen be schent; thei that goen aweie fro thee, schulen be writun in erthe, for thei han forsake the Lord, a veyne of quyk watirs. [verse 14] Lord, heele thou me, and Y schal be heelid; make thou me saaf, and Y schal be saaf; for thou art myn heriyng. [verse 15] Lo! thei seien to me, Where is the word of the Lord? come it. [verse 16] And Y am not dis|turblid, suynge thee [the A pr. m.] scheepherd, and Y de|siride

not the dai of man, thou woost. That that ȝede out of my lippis was riȝtful in thi siȝt. [verse 17] Be thou not to drede to me; thou art myn hope in the dai of turment. [verse 18] Be thei schent, that pursuen me, and be Y not schent; drede thei, and drede not Y; brynge in on hem a dai of turment, and defoule thou hem bi double defouling. [verse 19] The Lord seith these thingis to me, Go thou, and stonde in the ȝate of the sones of the puple, bi whiche the kingis of Juda entren and goen out, and in alle the ȝatis of Jerusalem. [verse 20] And thou schalt seie to hem, Here the word of the Lord, ȝe kingis of Juda, and al Judee, and alle the dwell|eris of Jerusalem, that entren bi these ȝatis. [verse 21] The Lord God seith these thingis, Kepe ȝe ȝoure soulis, and nyle ȝe bere birthuns in the dai of sabat, nether bringe in bi the ȝatis of Jerusalem. [verse 22] And nyle ȝe caste birthuns out of ȝoure housis in the dai of sabat, and ȝe schulen not do ony werk; halewe ȝe the dai of sabat, as Y comaundide to ȝoure fadris. [verse 23] And thei herden not, nether bowiden doun her eere, but thei maden hard her nol, that thei schulden not here me, and that thei schul|den not take chastisyng. [verse 24] And it schal be, if ȝe heren me, seith the Lord, that ȝe bere not in birthuns bi the ȝatis of this citee in the dai of sabat, and if ȝe halewen the dai of sabat, that ȝe do not werk ther [verse 25] ynne, kingis and princes sittynge on the seete of Dauid schulen entre bi the ȝatis of this citee, and stiynge in charis and horsis; thei, and the princis of hem, the men of Juda, and the dwelleris of Jeru|salem; and this citee schal be enhabitid withouten ende. [verse 26] And thei schulen come fro the citees of Juda, and fro the cumpas of Jerusalem, and fro the lond of Benia|myn, and fro feeldi places, and fro hilli places, and fro the south, beringe brent sacrifice, and slayn sacrifice, and encense; and thei schulen bringe offring in to the hous of the Lord. [verse 27] Forsothe if ȝe heren

not me, that ȝe halewe the dai of sabat, and that ȝe bere not a birthun, and that ȝe bringe not in bi the ȝatis of Jerusalem in the dai of sabat, Y schal kyndle fier in the ȝatis therof; and it schal deuoure the housis of Jerusalem, and it schal not be quenchid.

CAP. XVIII.

[verse 1] The word that was maad of the Lord [verse 2] to Jeremye, and seide, Rise thou, and go doun in to the hous of a pottere, and there thou schalt here my wordis. [verse 3] And Y ȝede doun in to the hous of a pottere, and lo! he made a werk on a wheel. [verse 4] And the vessel was distried, which he made of clei with hise hondis; and he turnede it, and made it another vessel, as it pleside in hise iȝen to make. [verse 5] And the word of the Lord [verse 6] was maad to me, and he seide, Whether as this pottere doith, Y mai not do to ȝou, the hous of Israel? seith the Lord. Lo! as cley is in the hond of a pottere, so ȝe, the hous of Israel, ben in myn hond. [verse 7] Su|denli Y schal speke aȝens a folk, and aȝens a rewme, that Y drawe out, and distrie, and leese it. [verse 8] If thilke folk doith penaunce of his yuel, which Y spak aȝens it, also Y schal do penaunce on the yuel, which Y thouȝte to do to it. [verse 9] And Y schal speke sudenli of a folk, and of a rewme, that Y bilde, and plaunte it. [verse 10] If it doith yuel bi|fore myn iȝen, that it here not my vois, Y schal do penaunce on the good which Y spak, that Y schulde do to it. [verse 11] Now ther|for seie thou to a man of Juda, and to the dwellere of Jerusalem, and seie, The Lord seith these thingis, Lo! Y make yuel aȝens ȝou, and Y thenke a thouȝte aȝens ȝou; ech man turne aȝen fro his yuel weie, and dresse ȝe ȝoure weies and ȝoure studies. [verse 12] Whiche [The whiche I.] seiden, We han dispeirid, for we schulen go after oure thouȝtis, and we schulen do ech man the schrewidnesse of his yuel herte. [verse 13] Therfor the Lord seith these thingis, Axe ȝe he|thene

men, who herde siche orible thingis, whiche the virgyn of Israel hath do greetli? [verse 14] Whether snow of the Liban schal fail fro the stoon of the feeld? ether coolde watris brekynge out, and fletynge doun moun be takun awei? [verse 15] For my puple hath forȝete me, and offriden [thei offriden I.] sacrifices in veyn, and snaperiden in her weies, and in the pathis of the world, that thei ȝeden bi tho in a [verse 16] weie not trodun; that the lond of hem schulde be in to desolacioun, and in to an hissyng euerlastinge; for whi ech that passith bi it, schal be astonyed, and schal moue his heed. [verse 17] As a [Om. N.] brennynge wynd Y schal scatere hem bifor the enemy; Y schal schewe to hem the bak and not the face, in the dai of the perdicioun of hem. [verse 18] And thei seiden, Come ȝe, and thenke we thouȝtis aȝens Jeremye; for whi the lawe schal not perische fro a preest, nether coun|cel schal perische fro a wijs man, nether word schal perische fro a profete; come ȝe, and smyte we hym with tunge, and take we noon heede to alle the wordis of hym. [verse 19] Lord, ȝyue thou tent to me, and here thou the vois of myn aduersaries. [verse 20] Whether yuel is ȝoldun for good, for thei han diggid a pit to my soule; haue thou mynde, that Y stoode in thi siȝt, to speke good for hem, and to turne awei thin in|dignacioun fro hem. [verse 21] Therfor ȝyue thou the sones of hem in to hungur, and lede forth hem in to the hondis of swerd; the wyues of hem be maad with out children, and be maad widewis, and the hosebondis of hem be slayn bi deth; the ȝonge men of hem be persid togidere bi [with I.] swerd in batel. [verse 22] Cry be herd of the housis of hem, for thou schalt bringe sudenli a theef on hem; for thei diggiden a pit to take me, and hidden [thei hidden I.] snaris to my feet. [verse 23] But thou, Lord, knowist al the councel of hem aȝens me in to deth; do thou not merci to the wickidnesse of hem, and the synne of hem be not doon awei fro thi face; be thei

maad fallynge doun in thi siȝt, in the tyme of thi stronge veniaunce; vse thou hem to othir thing than thei weren ordeyned.

CAP. XIX.

[verse 1] The Lord seith these thingis, Go thou, and take an erthene potel of a pottere, of the eldre men of the puple, and of the [Om. I.] eldre men of preestis [the prestis F pr. m. I.] . [verse 2] And go thou out to the valei of the sones of Ennon, which is bisidis the entring of the erthene ȝate; and there thou schalt preche the wordis [verse 3] whiche Y schal speke to thee; and thou schalt seie, Kyngis of Juda, and the dwel|leris of Jerusalem, here ȝe the word of the Lord. The Lord of oostis, God of Israel, seith these thingis, Lo! Y schal bringe in turment on this place, so that ech man that herith it, hise eeris tyngle. [verse 4] For thei han forsake me, and maad alien this place, and offriden [thei offriden I.] sacrifices to alien goddis ther ynne, whiche thei, and the fadris of hem, and the kingis of Juda, knewen not; and thei filliden this place [verse 5] with the blood of innocentis, and bild|iden hiȝ thingis to Baalym, to brenne her sones in fier, in to brent sacrifice to Baa|lym; whiche thingis Y comaundide not, nether spak, nether tho stieden in to myn herte. [verse 6] Therfor the Lord seith, Lo! daies comen, and this place schal no more be clepid Tophet, and the valei of the sone of Ennon, but the valei of sleyng. [verse 7] And Y schal distrie the councel of Juda and of Jerusalem in this place, and Y schal dis|trie hem bi swerd, in the siȝt of her ene|myes, and in the hond of men sekynge the lyues of hem; and Y schal ȝyue her deed bodies mete [to be mete I.] to the briddis of the eir, and to beestis of erthe. [verse 8] And Y schal sette this citee in to wondring, and in to hissing; ech that passith bi it, schal won|dre, and hisse on al the veniaunce therof. [verse 9] And Y schal feede hem with the fleischis

of her sones, and with the fleischis of her douȝtris; and ech man schal ete the fleischis of his frend in the bisegyng and angwisch, in which the enemyes of hem, and thei that seken the lyues of hem, schulen close hem togidere. [verse 10] And thou schalt al to|breke the potel bifore the iȝen of the men, that schulen go with thee. [verse 11] And thou schalt seie to hem, The Lord of oostis seith these thingis, So Y schal al to-breke this puple, and this citee, as the vessel of a pottere is al to-brokun, which mai no more be restorid; and thei schulen be biried in Tophet, for noon other place is to birie. [verse 12] So Y schal do to this place, seith the Lord, and to dwelleris therof, that Y sette this citee as Tophet. [verse 13] And the housis of Jerusalem, and the housis of the kingis of Juda, schulen be as the place of Tophet; alle the vncleene housis, in whose roouys thei sacrifieden [sacrifiseden CEFGHIKMNPQRSUVX.] to al the chyualrie of heuene, and offriden moist sacrifices to alien goddis. [verse 14] Forsothe Jere|mye cam fro Tophet, whidur the Lord hadde sente hym for to profesie; and he stood in the porche of the hous of the [verse 15] Lord, and seide to al the puple, The Lord of oostis, God of Israel, seith these thingis, Lo! Y schal bringe in on this citee, and on alle the citees therof, alle the yuelis whiche Y spak aȝens it; for thei maden hard her nol, that thei herden not my wordis.

CAP. XX.

[verse 1] And Phassur, the sone of Emyner, the preest, that was ordeyned prince in the hous of the Lord, herde Jeremye profesi|ynge these wordis. [verse 2] And Phassur smoot Jeremye, the profete, and sente hym in to the stockis, that weren in the hiȝere ȝate of Beniamyn, in the hous of the Lord. [verse 3] And whanne it was cleer in the morewe, Phassur ledde Jeremye out of the stockis. And Jeremye seide to hym, The Lord clepide not Phassur thi name, but Drede

on ech side. [verse 4] For the Lord seith these thingis, Lo! Y schal ȝyue thee and alle thi freendis in to drede, and thei schulen falle doun bi the swerd of her enemyes; and thin iȝen schulen se; and Y schal ȝyue al Juda in the hond of the king of Babiloyne, and he schal lede hem ouer in to Babiloyne, and he schal smyte hem bi [with I.] swerd. [verse 5] And Y schal ȝyue al the catel of this citee, and al the trauel therof, and al the prijs; and Y schal ȝyue alle the tre|sours of the kingis of Juda in the hond of her enemyes; and thei schulen rauysche tho [hem N.] , and schulen take, and lede forth in to Babiloyne. [verse 6] Forsothe thou, Phassur, and alle the dwelleris of thin hous, schu|len go in to caitifte; and thou schalt come in to Babiloyne, and thou schalt die there; and thou schalt be biried there, thou and alle thi freendis, to whiche thou profesied|ist a [Om. I.] leesyng. [verse 7] Lord, thou disseyuedist me, and Y am disseyued; thou were strongere than Y, and thou haddist the maistrie; Y am maad in to scorn al dai. [verse 8] Alle men bymowen me, for now a while ago Y speke criynge wickidnesse, and Y criede distriynge. And the word of the Lord is maad to me in to schenschip, and in to scorn al dai. [verse 9] And Y seide, Y schal not haue mynde on hym, and Y schal no more speke in his name. And the word of the Lord was maad, as fier swalynge in myn herte, and cloosid in my boonys; and Y failide, not suffryng to bere. [verse 10] For Y herde dispisyngis of many men, and drede in cumpas, Pursue ȝe, and pursue we hym, of alle men that weren pesible to me, and kepynge my side; if in ony maner he be disseyued, and we haue the maistrie aȝens hym, and gete veniaunce of hym. [verse 11] Forsothe the Lord as a stronge werriour is with me, therfor thei that pursuen me schulen falle, and schulen [thei schul I.] be sijk; and thei schulen be schent greetli, for thei vndurstoden not euerlastynge schenschip,

that schal neuere be don awei. [verse 12] And thou, Lord of oostis, the preuere of a iust man, which seest the reynes and herte, Y bi|seche, se Y thi veniaunce of hem; for Y haue schewid my cause to thee. [verse 13] Synge ȝe to the Lord, herie ȝe the Lord, for he delyueride the soule of a pore man fro the hond of yuel men. [verse 14] Cursid be the dai [Cursed be the dai, etc. These ben not wordis of Jeremie, vn|pacient and dis|peiringe, but in this he declar|eth the hidous|nesse of sensu|alite, in compa|risoun of euil neiȝinge, whech euil, that is, peyne, the re|soun suffrede pacientli, as Seint Joob, ensaumpler of pacience, seide, The dai pershe in whech I was born; and this is the sentence, Cursid be the dai, etc.; that is, if I suede the hidousnesse of sensualite, I shulde curse the time of my birthe. Lire here. EGHKLPQUY.] where ynne Y was borun, the dai where ynne my modir childide me, be not bless|id [That is, if I suyde the hid|ousnesse of sen|sualite, I shulde curse the tyme of my birthe. N.] . [verse 15] Cursid be the man, that telde to my fadir, and seide, A knaue child is borun to thee, and made hym glad as with ioye. [verse 16] Thilke man be as the citees ben, whiche the Lord distriede, and it repentide not [verse 17] hym; he that killide not me fro the wombe, here cry eerli, and ȝellynge in the tyme of myddai; that my modir were a sepulcre to me, and hir wombe were euer|lastinge [an euerlastinge I.] conseyuyng. [verse 18] Whi ȝede Y out of the wombe, that Y schulde se trauel and sorewe, and that mi daies schulen be waastid in schenschipe?

CAP. XXI

[verse 1] The word which was maad of the Lord to Jeremye, whanne king Sedechie sente to hym Phassur, the sone of Helchie, and Sofonye, the preest, the sone of Maasie, [verse 2] and seide, Axe thou the Lord for vs, for Nabugodonosor, the kyng of Babiloyne, fiȝtith aȝens vs; if in hap the Lord do with vs bi alle hise merueilis, and he go awei fro vs. [verse 3] And Jeremye seide to hem, [verse 4] Thus ȝe schulen seie to Sedechie, The Lord God of Israel seith these thingis, Lo! Y schal turne the instrumentis of batel that ben in ȝoure hondis, and with which ȝe fiȝten aȝens the king of Babi|loyne, and aȝens Caldeis, that bisegen ȝou in the cumpas of wallis; and Y schal ga|dere tho togidere in the myddis of this citee. [verse 5] And Y schal ouercome ȝou in hond stretchid forth, and in strong arm, and in stronge veniaunce, and indignacioun [in indignacioun A pr. m.] , and

[verse 6] in greet wraththe; and Y schal smyte the dwelleris of this citee, men and beestis schulen die bi greet pestilence. [verse 7] And after these thingis, seith the Lord, Y schal ȝyue Sedechie, kyng of Juda, and hise ser|uauntis, and his puple, and that ben left in this citee fro pestilence, and swerd, and hungur, in the hond of Nabugodonosor, kyng of Babiloyne, and in the hond of her enemyes, and in the hond of men sekynge the lijf of hem; and he schal smyte hem bi the scharpnesse of swerd; and he schal not be bowid, nether schal spare, nether schal haue mercy. [verse 8] And thou schalt seie to this puple, The Lord God seith these thingis, Lo! Y ȝyue bifore ȝou the weie of lijf, and the weie of deth. [verse 9] He that dwellith in this citee, schal die bi swerd, and hungur, and pestilence; but he that goith out, and fleeth ouer to Caldeis that bisegen ȝou, schal lyue, and his lijf schal be as a prey [spuyl, ether prey CEFGHIKMNPQRSUVXY.] to hym. [verse 10] For Y haue set my face on this citee in to yuel, and not in to good, seith the Lord; it schal be ȝouun in the hond of the king of Ba|biloyne, and he schal brenne it with fier. [verse 11] And thou schalt seie to the hous of the king of Juda, the hous of Dauid, Here ȝe the word of the Lord. [verse 12] The Lord seith these thingis, Deme ȝe eerli doom, and delyuere ȝe hym that is oppressid bi vio|lence fro the hond of the [Om. I.] fals chalenger [caleng F.] ; lest perauenture myn indignacioun go out as fier, and be kyndlid, and noon be that quenche, for the malice of ȝoure studies. [verse 13] Lo! Y to [do to I.] thee [the F.] , dwelleresse [dwelstere I.] of the sad valei and pleyn, seith the Lord, which seien, Who schal smyte vs, and who schal entre in to oure housis? [verse 14] And Y schal visite on ȝou bi the fruyt of ȝoure studies, seith the Lord; and Y schal kyndle fier in the forest therof, and it schal deuoure alle thingis in the cumpas therof.

CAP. XXII.

[verse 1] The Lord seith these thingis, Go thou doun in to the hous of the kyng of Juda, and thou schalt speke there this word, [verse 2] and schalt seie, Thou kyng of Juda, that sittist on the seete of Dauid, here the word of the Lord, thou, and thi ser|uauntis, and thi puple, that entren bi these ȝatis. [verse 3] The Lord seith these thingis, Do ȝe doom, and riȝtfulnesse, and delyuere ȝe hym that is oppressid bi violence fro the hond of the fals chalenger; and nyle ȝe make sori, nether oppresse ȝe wickidli a comelyng, and a fadirles child, and a wi|dewe, and schede ȝe not out innocent blood in this place. [verse 4] For if ȝe doynge don this word, kyngis of the kyn of Dauid sit|tynge on his trone schulen entre bi the ȝatis of this hous, and schulen [thei schul I.] stie on charis and horsis, thei, and the seruauntis, and the puple of hem. [verse 5] That if ȝe heren not these wordis, Y swoore in my silf, seith the Lord, that this hous schal be in to wildirnesse. [verse 6] For the Lord seith these thingis on the hous of the kyng of Juda, Galaad, thou art to me the heed of the Liban; credence be not ȝouun to me, if Y sette not thee a wildirnesse, citees vn|habitable. [verse 7] And Y schal halewe on thee a man sleynge, and hise armuris; and thei schulen kitte doun thi chosun cedris, and schulen caste doun in to fier. [verse 8] And many folkis schulen passe bi this citee, and ech man schal seie to his neiȝbore, Whi dide the Lord thus to this greet citee? [verse 9] And thei schulen answere, For thei forsoken the couenaunt of her Lord God, and wor|schipiden alien goddis, and serueden hem. [verse 10] Nyle ȝe biwepe hym that is deed, nether weile ȝe on hym bi wepyng; biweile ȝe hym that goith out, for he schal no more turne aȝen, nether he schal se the lond of his birthe. [verse 11] For the Lord seith these thingis to Sellum, the sone of Josie, the

kyng of Juda, that regnede for Josye, his fadir, He that ȝede out of this place, schal [verse 12] no more turne aȝen hidur; but in the place to which Y [Y haue I.] translatide him, there he schal die, and he schal no more se this lond. [verse 13] Wo to him that bildith his hous in vnriȝtfulnesse, and his soleris not in doom; he schal oppresse his freend in veyn, and he schal not ȝelde his hire to hym. [verse 14] Which [The which I.] seith, Y schal bilde to me a large hous, and wide soleris; which openeth wyndows to hym silf, and makith couplis of cedre, and peyntith with reed colour. [verse 15] Whether thou schalt regne, for thou comparisonest thee to a cedre? whe|ther thi fadir eet not, and drank, and dide doom and riȝtfulnesse thanne, whanne it was wel to hym? [verse 16] He demyde the cause of a pore man, and nedi, in to his good; whether not therfor for he knew me? seith the Lord. [verse 17] Forsothe thin iȝen and herte ben to aueryce, and to schede inno|cent blood, and to fals caleng, and to the perfourmyng of yuel werk. [verse 18] Therfor the Lord seith these thingis to Joachym, the [Om. N.] sone of Josie, the kyng of Juda, Thei schulen not biweile hym, Wo brother! and wo sistir! thei schulen not sowne togidere to hym, Wo lord! and wo noble man! [verse 19] He schal be biried with the biriyng of an asse, he schal be rotun, and cast forth without the ȝatis of Jerusalem. [verse 20] Stie thou on the Liban, and cry thou, and ȝyue thi vois in Basan, and cry to hem that passen forth, for alle thi louyeris ben al to-brokun. [verse 21] Y spak to thee in thi plentee, and thou seidist, Y schal not here; this is thi weie fro thi ȝongthe, for thou herdist not my vois. [verse 22] Wynd schal feede alle thi scheepherdis, and thi louyeris schulen go [verse 23] in to caitifte; and thanne thou that sittist in the Liban, and makist nest in cedris, schalt be schent, and be [Om. I.] aschamed of al thi malice. Hou weilidist thou, whanne sorewis weren comun to thee, as the so|rew

of a womman trauelynge of child? [verse 24] I lyue, seith the Lord, for thouȝ Jeconye, the sone of Joachym, kyng of Juda, were a ring in my riȝt hond, fro thennus Y schal drawe awei hym. [verse 25] And Y schal ȝyue thee in the hond of hem that seken thi lijf, and in the hond of hem whos face thou dredist, and in the hond of Nabugo|donosor, kyng of Babiloyne, and in the hond of Caldeis. [verse 26] And Y schal sende thee, and thi moder that gendride thee, in to an alien lond, in which ȝe weren not [verse 27] borun, and there ȝe schulen die; and thei schulen not turne aȝen in to the lond, to which thei reisen her soule, that thei turne aȝen thidur. [verse 28] Whether this man Jeconye is an erthene vessel, and al to|brokun? whether a vessel withouten al likyng? Whi ben he and his seed cast awei, and cast forth in to a lond which thei knewen not? [verse 29] Erthe, erthe, erthe, here thou the word of the Lord. [verse 30] The Lord seith these thingis, Write thou this man bareyn, a man that schal not haue prosperite in hise daies; for of his seed schal be no man, that schal sitte on the seete of Dauid, and haue powere ferthere in Juda.

CAP. XXIII.

[verse 1] Wo to the scheepherdis, that scateren and to-drawen the floc of my lesewe, seith the Lord. [verse 2] Therfor the Lord God of Is|rael seith these thingis to the scheepherdis, that feeden my puple, Ȝe han scaterid my floc, and han cast hem out, and han not visitid hem; lo! Y schal visite on ȝou the malice of [on N.] ȝoure studies, seith the Lord. [verse 3] And Y schal gadere togidere the reme|nauntis of my floc fro alle londis, to whiche Y schal caste hem out thidur; and Y schal turne hem to her feeldis, and thei schulen encreesse, and schulen be multi|plied. [verse 4] And Y schal reise [reise vp I.] schepherdis on hem, and thei schulen feede hem; thei schulen no more drede, and schulen not be aferd; and noon schal be souȝt of the

noumbre seith the Lord. [verse 5] Lo! daies comen, seith the Lord, and Y schal reise a iust buriownyng [buriouning, ether seed EFGHIKMNPQRSUVX.] to Dauid; and he schal regne a [Om. CEFGHKMNPQRSUVX.] kyng, and he schal be wijs, and he schal make doom and riȝt|fulnesse in erthe. [verse 6] In tho daies Juda schal be sauid, and Israel schal dwelle tristili; and this is the name which thei schulen clepe hym, The Lord oure riȝtful. [verse 7] For this thing lo! daies comen, seith the Lord, and thei schulen no more seie, The Lord lyueth, that ledde the sones of Israel out [verse 8] of the lond of Egipt; but, The Lord lyueth, that ledde out, and brouȝte the seed of the hous of Israel fro the lond of the north, and fro alle londis to whiche Y hadde cast hem out thidur; and thei schulen dwelle in her lond. [verse 9] To the prophetis; Myn herte is contrit [contrit, ether al to|brokun for sorewe CEFGHIKMNPQRSUVXY.] in the myddis of me, alle my boonys trembliden togidere; Y am maad as a man drunkun, and as a man weet of wyn, of the face of the Lord, and of the [verse 10] face of the hooli wordis of hym; for the lond is fillid with auowteris. For the erthe mourenede of the face of cursyng; the feeldis of desert ben maad drie, the cours of hem is maad yuel, and her strengthe is vnlijk. [verse 11] For whi the profete and the prest ben defoulid; and in myn hous, seith the Lord, Y foond the yuel of hem. [verse 12] Therfor the weie of hem schal be as slidur [slidur thing I.] in derknessis, for thei schulen be hurtlid [hurtlid, ether schouun CEFGHIKMNPQRSUVX.] , and schulen [thei schul I.] falle doun therynne; for Y schal bringe on hem yuels, the ȝeer of visitacioun of hem, seith the Lord. [verse 13] And in the profetis of Samarie Y siȝ fonned|nesse, and thei profesieden in Baal, and disseyueden my puple Israel. [verse 14] And in the profetis of Jerusalem Y siȝ licnesse, auou|trie, and the weie of leesyng; and thei confortiden the hondis of the worste men, that ech man schulde not conuerte fro his malice; alle thei ben maad as Sodom to me, and alle the dwellers therof `ben

maad [Om. I.] as Gommorre. [verse 15] Therfor the Lord of oostis seith these thingis to the pro|phetis, Lo! Y schal feed hem with wermod, and Y schal ȝyue drynke to hem with galle; for whi defoulyng is goen out of the profetis of Jerusalem on al the lond. [verse 16] The Lord of oostis seith these thingis, Nyle ȝe here the wordis of profetis, that profesien to ȝou, and disseyuen ȝou; thei speken the visioun of her herte, not of the mouth of the Lord. [verse 17] Thei seien to hem that blasfemen me, The Lord spak, Pees schal be to ȝou; and thei seiden to ech man that goith in the schrewidnesse of his herte, Yuel schal not come on ȝou. [verse 18] For whi who is present in the councel of the Lord, and siȝ, and herde his word? who bihelde, and herde the word of hym? [verse 19] Lo! the whirlewynd of the Lordis indigna|cioun schal go out, and tempest brekynge schal come on the heed of wickid men. [verse 20] The strong veniaunce of the Lord schal not turne aȝen, til that he do, and til that he fille the thouȝt of his herte. In the laste daies ȝe schulen vndurstonde the councel of hym. [verse 21] Y sente not the pro|fetis, and thei runnen; Y spak not to hem, and thei profesieden. [verse 22] If thei hadden stonde in my councel, and hadde maad knowun my wordis to my puple, forsothe Y hadde turned hem awei fro her yuel weie, and fro her worste thouȝtis. [verse 23] Gessist thou, whether Y am God of niȝ, seith the Lord, and not God afer? [verse 24] A man schal not be priuy in hid places, and Y schal not se hym, seith the Lord. Whether Y fille not heuene and erthe? seith the Lord. [verse 25] Y herde what thingis the profetis seiden, profesiynge a [Om. I.] leesyng in my name, and seiynge, Y dremede dremes. [verse 26] Hou longe is this thing in the herte of profetis, pro|fesiynge a [Om. I.] leesyng, and profesiynge the disseite of her herte? [verse 27] Whiche [the whiche I.] wolen make, that my puple forȝete my name for the dremes of hem, which [the whiche I.] ech man tell|ith to his neiȝbore, as the fadris of hem

forȝaten my name for Baal. [verse 28] A profete that hath a dreme, telle a dreem; and he that hath my word, speke verili my word. What is with chaffis to the wheete? seith the Lord. [verse 29] Whether my wordis ben not as fier brennynge, seith the Lord, and as an hamer al to-brekynge a stoon? [verse 30] Therfor lo! Y am redi to the profetis, seith the Lord, that stelen my wordis, ech man fro his neiȝbore. [verse 31] Lo! Y to the profetis, seith the Lord, that taken her tungis, and seien, The Lord seith. [verse 32] Lo! Y to the profetis, dremynge a [Om. I.] leesyng, seith the Lord; which telden tho [tho lesyngis I. hem N.] , and disseyueden my puple in her leesyng, and in her myraclis, whanne Y hadde not sente hem, nether hadde comaundide to hem; whiche pro|fitiden no thing to this puple, seith the Lord. [verse 33] Therfor if this puple, ether pro|fete, ether prest, axith thee, and seith, What is the birthun of the Lord? thou schalt seie to hem, Ȝe ben the birthun, for [verse 34] Y schal caste ȝou awei, seith the Lord; and a profete, and a prest, and the puple, that seith, The birthun of the Lord, Y schal visite on that man, and on his hous. [verse 35] Ȝe schulen seie these thingis, ech man to his neiȝbore, and to his brother, What an|sweride the Lord? and what spak the Lord? [verse 36] For the birthun of the Lord schal no more be remembrid, and the word of ech man schal be birthun to hym; and ȝe han peruertid the wordis of lyuynge God, of the Lord of oostis, ȝoure God. [verse 37] Thou schalt seie these thingis to the profete, What answeride the Lord to thee? and what spak the Lord? [verse 38] Forsothe if ȝe seien, The birthin of the Lord, for this thing the Lord seith these thingis, For ȝe seiden this word, The birthun of the Lord, and Y sente to ȝou, and Y seide, Nyle ȝe [verse 39] seie, The birthun of the Lord; therfor lo! Y schal take ȝou awei, and schal bere, and Y schal forsake ȝou, and the citee which Y ȝaf to ȝou, and to ȝoure fadris, fro my

face. [verse 40] And Y schal ȝyue ȝou in to euer|lastynge schenschipe, and in to euerlast|ynge sclaundir, that schal neuere be doon awei bi forȝetyng.

CAP. XXIV.

[verse 1] The Lord schewide to me, and lo! twei panyeris ful of figys weren set bifor the temple of the Lord, aftir that Nabugodo|nosor, kyng of Babiloyne, translatide Je|conye, the sone of Joachym, the kyng of Juda, and the princes of hym, and a sutil crafti man, and a goldsmith fro Jerusalem, and brouȝte hem in to Babiloyne. [verse 2] And o panyere hadde ful good figis, as figis of the firste tyme ben wont to be; and o panyere hadde ful yuel figis, that miȝten not be etun, for tho weren yuel figis. [verse 3] And the Lord seide to me, Jeremye, what thing seest thou? And Y seide, Figis, goode figis, ful goode, and yuele figis, ful yuele, that moun not be etun, for tho ben yuele figis. [verse 4] And the word of the Lord was maad to [verse 5] me, and seide, The Lord God of Israel seith these thingis, As these figis ben goode, so Y schal knowe the transmygracioun of Juda, which I sente out fro this place in to the lond of Caldeis, in to good. [verse 6] And Y schal sette myn iȝen on hem to plese, and Y schal brynge hem aȝen in to this lond; and Y schal bilde hem, and Y schal not distrie hem [Om. CEFGHIKMNPQRSUVX.] ; and Y schal plaunte hem, and Y schal not drawe vp bi the roote. [verse 7] And Y schal ȝyue to hem an herte, that thei knowe me, for Y am the Lord; and thei schulen be in to a puple to me, and Y schal be in to God to hem, for thei schulen turne aȝen to me in al her herte. [verse 8] And as the worste figis ben, that moun not be etun, for tho ben yuele figis, the Lord seith these thingis, So Y schal ȝyue Sedechie, the kyng of Juda, and the princes of hym, and other men of Jerusalem, that dwelliden [dwellen G.] in this citee, and that dwellen [dwelliden NP pr. m.] in the lond of Egipt. [verse 9] And Y schal ȝyue hem into trauelyng and turment in alle

rewmes of erthe, in to schenschipe, and in to parable, and in to a [Om. I.] prouerbe, and in to cursyng, in alle places to whiche Y castide hem out. [verse 10] And Y schal sende in hem a [Om. I.] swerd, and hungur, and pestilence, til thei be wastid fro the lond which Y ȝaf to hem, and to the fadris of hem.

CAP. XXV.

[verse 1] The word of the Lord, that was maad to Jeremye, of al the puple of Juda, in the fourthe ȝeer of Joachym, the sone of Josie, the king of Juda, aftir that Jeconye was translatid in to Babiloyne; thilke is the firste ȝeer of Nabugodonosor, kyng of Ba|biloyne; [verse 2] which word Jeremy, the pro|phete, spak to al the puple of Juda, and to alle the dwelleris of Jerusalem, and [verse 3] seide, Fro the threttenthe ȝeer of the rewme of Josie, the sone of Amon, the kyng of Juda, `til to [vnto I.] this dai, this is the three and twentithe ȝeer, the word of the Lord was maad to me; and Y spak to ȝou, and Y roos bi niȝt and spak, and ȝe herden not. [verse 4] And the Lord sente to ȝou alle hise seruauntis profetis, and roos ful eerli, and sente, and ȝe herden not, nether [verse 5] ȝe bowiden ȝoure eeris, for to here; whanne he seide, Turne ȝe aȝen, ech man fro his yuel weie, and fro ȝoure worste thouȝtis, and ȝe schulen dwelle in the lond whiche the Lord ȝaf to ȝou, and to ȝoure fadris, fro the world and til in to the world. [verse 6] And nyle ȝe go aftir alien goddis, that ȝe serue hem, and worschipe hem, nether terre ȝe me to wrathfulnesse, in the werkis of ȝoure hondis, and Y schal not turmente ȝou. [verse 7] And ȝe herden not me, seith the Lord, that ȝe terreden me to wrathfulnesse in the werkis of ȝoure hondis, in to ȝoure yuel. [verse 8] Therfor the Lord of oostis seith these thingis, For [verse 9] that that ȝe herden not my wordis, lo! Y schal sende, and take alle the kynredis of the north, seith the Lord, and Nabugodo|nosor, my seruaunt, the kyng of Babi|loyne; and Y schal bringe hem on this

lond, and on the dwelleris therof, and on alle naciouns, that ben in the cumpas therof; and Y schal sle hem, and Y schal sette hem in to wondryng, and in to hiss|yng, and in to euerlastynge wildirnessis. [verse 10] And Y schal leese of hem the vois of ioye, and the vois of gladnesse, the vois of spouse, and the vois of spousesse, the vois of queerne [querns S sec. m.] , and the liȝt of the [Om. ceteri.] lanterne. [verse 11] And al the lond therof schal be in to wildirnesse, and in to wondring; and alle these folkis schulen serue the king of Ba|biloyne seuenti ȝeer. [verse 12] And whanne seuenti ȝeer ben fillid, Y schal visite on the kyng of Babiloyne, and on that folc the wickid|nesse of hem, seith the Lord, and on the lond of Caldeis, and Y schal set it in to euerlastynge wildirnesses. [verse 13] And Y schal brynge on that lond alle my wordis whiche Y spak aȝens it, al thing that is writun in this book; what euer thingis Jeremye pro|feside [verse 14] aȝens alle folkis; for thei serueden to hem, whanne thei weren many folkis, and grete kingis; and Y schal ȝelde to hem aftir the werkis of hem, and aftir the dedis of her hondis. [verse 15] For the Lord of oostis, God of Israel, seith thus, Take thou the cuppe of wyn of this woodnesse fro myn hond, and thou schal birle therof to alle hethene men, to whiche Y schal sende thee. [verse 16] And thei schulen drynke, and schu|len be disturblid, and schulen be woode of the face of swerd, which Y schal sende among hem. [verse 17] And Y took the cuppe fro the hond of the Lord, and Y birlide to alle [verse 18] folkis, to whiche the Lord sente me; to Jerusalem, and to alle the citees of Juda, and to the kyngis therof, and to the princes therof; that Y schulde ȝyue hem in to wil|dirnesse, and in to wondring, and in to hissyng, and in to cursing, as this dai is; [verse 19] to Farao, the king of Egipt, and to hise seruauntis, and to hise princes, and to al [verse 20] hise puple; and to alle men generali, to alle the kyngis of the lond Ansitidis, and to alle the kyngis of the lond of Filistiym,

and to Ascalon, and to Gaza, and to Aco|ron, [verse 21] and to the residues of Azotus; to Idumee, and to Moab, and to the sones of [verse 22] Amon; and to alle the kyngis of Tirus, and to alle the kingis of Sidon, and to the kingis of the lond of ilis that ben biȝendis [verse 23] the see; and to Dedan, and Theman, and Buz, and to alle men that ben clippid on [verse 24] the long heer; and to alle the kingis of Arabie, and to alle the [Om. S.] kingis of the west, [verse 25] that dwellen in desert; and to alle the [Om. CEFGHIKMNPQRSUX pr. m.] kingis of Zambri, and to alle the kingis of Elam, and to alle the kyngis of Medeis; [verse 26] and to alle the kingis of the north, of niȝ and of fer, to ech man aȝens his brothir; and to alle the rewmes of erthe, that ben on the face therof; and kyng Sesac schal drynke after hem. [verse 27] And thou schalt seie to hem, The Lord of oostis, God of Israel, seith these thingis, Drynke ȝe, and be ȝe drunkun, and spue ȝe, and falle ȝe doun, and nyle ȝe rise fro the face of swerd which Y schal sende among ȝou. [verse 28] And whanne thei nylen [wolen not I.] take the cuppe fro thin hond, that thei drynke, thou schalt seie to hem, The Lord of oostis seith these [verse 29] thingis, Ȝe drynkynge schulen drynke [drinkynge I.] ; for lo! in the citee in which my name is clepid to help, Y bigynne to turmente, and schu|len ȝe [be A pr. m. ȝhe ENPS sec. m. U.] as innocentis be with out peyne? ȝe schulen not be with out peyne, for Y clepe swerd on alle the dwelleris of erthe, seith the Lord of oostis. [verse 30] And thou schalt pro|fesie to hem alle these wordis, and thou schalt seie to hem, The Lord schal rore fro an hiȝ, and fro his hooli dwellyng place he schal ȝyue his vois; he rorynge schal rore on his fairnesse; a myry song [celeuma; a myri fairing song, ethir customable. X marg. sec. m.] , as of men tredynge in pressouris, schal be sungun aȝens alle dwelleris of erthe. [verse 31] Sown is comun til to [vnto I.] the laste partis of erthe, for whi doom is to the Lord with folkis, he is demed with ech fleisch; the Lord seith, Y haue ȝoue wickid men to the swerd. [verse 32] The Lord of oostis seith these

thingis, Lo! turment schal go out fro folk in to folk, and a greet whirlwynd schal go out fro the endis of erthe. [verse 33] And the slayn men of the Lord schulen be in that dai fro the ende of the erthe `til to [vnto I.] the ende therof; thei schulen not be biweilid, ne|ther schulen be gaderid togidere, nether schulen be biried; thei schulen ligge in to a dunghil on the face of erthe. [verse 34] Ȝelle, ȝe scheepherdis, and crye, and, ȝe princypals of the floc, bispreynge ȝou with aische; for ȝoure daies ben fillid, that ȝe be slayn, and ȝoure scateryngis ben fillid, and ȝe schulen falle as precious vessels. [verse 35] And fleyng schal perische fro scheepherdis, and sauyng schal perische fro the principals of the floc. [verse 36] The vois of the crye of scheepherdis, and the ȝellyng of the principals of the floc, for the Lord hath wastid the lesewis of hem. [verse 37] And the feeldis of pees weren stille, for the face of wraththe of the strong ven|iaunce of the Lord. [verse 38] He as a lion hath forsake his tabernacle, for the lond of hem is maad in to desolacioun, of the face of wraththe of the culuer, and of the face of wraththe of the strong veniaunce of the Lord.

CAP. XXVI.

[verse 1] In the bigynnyng of the rewme of Jo|achym, the sone of Josie, kyng of Juda, this word was maad of the Lord, and [verse 2] seide, The Lord seide these thingis, Stonde thou in the porche [forȝerd CEFGHIKMNPQRSUVX.] of the hous of the Lord, and thou schalt speke to alle the citees of Juda, fro whiche thei comen for to worschipe in the hous of the Lord, alle the wordis whiche Y comaundide [comaunde N.] to thee, that thou speke to hem; nyle thou with|drawe [verse 3] a word; if perauenture thei heren, and ben conuertid, ech man fro his yuele weie, and it repente me of the yuel which Y thouȝte to do to hem for the malices of her studies. [verse 4] And thou schalt seie to hem, The Lord seith these thingis, If ȝe heren

not me, that ȝe go in my lawe which Y [verse 5] ȝaf to ȝou, that ȝe here the wordis of my seruauntis, profetis, whiche Y risynge bi niȝte, and dressynge, sente to ȝou, and ȝe [verse 6] herden not; Y schal ȝyue this hous as Silo, and Y schal ȝyue this citee in to cursyng to alle folkis of erthe. [verse 7] And the prestis, and profetis, and al the puple herden Je|remye spekynge these wordis in the hous of the Lord. [verse 8] And whanne Jeremye hadde fillid spekynge alle thingis, whiche the Lord hadde comaundid to hym, that he schulde speke to al the puple, the prestis, and profetis, and al the puple token hym, [verse 9] and seiden, Die he bi deeth; whi profesiede he in the name of the Lord, and seide, This hous schal be as Silo, and this citee schal be desolat, for no dwellere is [ther is I.] ? And al the puple was gaderid togidere aȝens Jeremye, in the hous of the Lord. [verse 10] And the princes of Juda herden alle these wordis; and thei stieden fro the kyngis hous in to the hous of the Lord, and saten in the entryng of the newe ȝate of the hous of the Lord. [verse 11] And the prestis and profetis spaken to the princes, and to al the puple, and seiden, Doom of deth is to this man, for he profesiede aȝens this citee, as ȝe herden with ȝoure eeris. [verse 12] And Jere|mye seide to alle the princes, and to al the puple, `and seide [seiynge I.] , The Lord sente me, that Y schulde prophesie to this hous, and to this citee, alle the wordis whiche ȝe herden. [verse 13] Now therfor make ȝe good ȝoure weies, and ȝoure studies, and here ȝe the vois of ȝoure Lord God; and it schal re|pente the Lord of the yuel which he spak aȝens ȝou. [verse 14] Lo! forsothe Y am in ȝoure hondis; do ȝe to me, as it is good and riȝtful bifore ȝoure iȝen. [verse 15] Netheles wite ȝe, and knowe, that if ȝe sleen me, ȝe schulen bitraie innocent blood aȝens ȝou silf, and aȝens this citee, and the dwelleris therof; for in trewthe the Lord sente me to ȝou, that Y schulde speke in ȝoure eeris alle these wordis. [verse 16] And the princes and al the

puple seiden to the preestis and profetis, Doom of deth is not to this man; for he spak to vs in the name of oure Lord God. [verse 17] Therfor men of the eldere men of the lond rysiden [resen I.] vp, and seiden to al the cumpanye [verse 18] of the puple, and spaken, Mychee of Mo|rasten was a profete in the daies of Eze|chie, king of Juda; and he seide to al the puple of Juda, and [Om. I.] seide [seiynge I.] , The Lord of oostis seith these thingis, Sion schal be erid as a feeld, and Jerusalem schal be in to an heep of stoonys, and the hil of the hous of the Lord schal be in to hiȝ thingis of woodis. [verse 19] Whether Ezechie, kyng of Juda, and al Juda condempnede hym bi deth? Whether thei dredden not the Lord, and bisouȝten the face of the Lord? and it re|pentide the Lord of the yuel which he spak aȝens hem. Therfor do we not greet yuel aȝens oure soulis. [verse 20] Also Vrye, the sone of Semey, of Cariathiarym, was a man profesiynge in the name of the Lord; and he profesiede aȝens this citee, and aȝens this lond, bi alle the wordis of Jere|mye. [verse 21] And kyng Joachym, and alle the myȝti men, and princes of hem, herden these wordis; and the kyng souȝte to sle hym; and Vrye herde, and dredde, and he fledde, and entride in to Egipt. [verse 22] And kyng Joachym sente men in to Egipt, Elnathan, the sone of Achobor, and men [verse 23] with hym, in to Egipt; and thei ledden Vrye out of Egipt, and brouȝten hym to kyng Joachym; and the kyng killide hym bi [with I.] swerd, and castide forth his careyn in the sepulcris of the comyn puple vnnoble. [verse 24] Therfor the hond of Aicham, sone of Sa|phan, was with Jeremye, that he was not bitakun in to the hondis of the puple, and that it killide not hym.

CAP. XXVII.

[verse 1] In the bigynnyng of the rewme of Joa|chym, the sone of Josie, kyng of Juda, this word was maad of the Lord to Jere|mye,

[verse 2] and seide, The Lord seith these thingis to me, Make thou to thee boondis and chaynes, and thou schalt putte tho [hem N.] [verse 3] in thi necke; and thou schalt sende tho [hem N.] to the kyng of Edom, and to the kyng of Moab, and to the kyng of the sones of Amon, and to the kyng of Tyre, and to the kyng of Sidon, bi the hond of mes|sangeris that camen to Jerusalem, and to Sedechie, kyng of Juda. [verse 4] And thou schalt comaunde to hem, that thei speke to her lordis, The Lord of oostis, God of Israel, seith these thingis, Ȝe schulen seie these [verse 5] thingis to ȝoure lordis, Y made erthe, and man, and beestis that ben on the face of al erthe, in my greet strengthe, and in myn arm holdun forth; and Y ȝaf it to hym that plesyde bifore myn iȝen. [verse 6] And now therfor Y ȝaf alle these londis in the hond of Nabugodonosor, my seruaunt, the kyng of Babiloyne; ferthermore and Y ȝaf to hym the beestis of the feeld, that thei serue hym. [verse 7] And alle folkis schulen serue hym, and his sone, and the sone of his sone, til the tyme of his lond and of hym come; and many folkis and grete kyngis schulen serue hym. [verse 8] Forsothe the folk and rewme that serueth not Nabugodonosor, kyng of Babiloyne, and whoeuer bowith not his necke vndur the ȝok of the kyng of Babiloyne, Y schal visite on that folk in swerd, and hungur, and pestilence, seith the Lord, til Y waaste hem in his hond. [verse 9] Therfor nyle ȝe here ȝoure profetis, and false dyuynouris, and dremeris, and dy|uyneris bi chiteryng and fleyng of briddis, and witchis, that seien to ȝou, Ȝe schulen [verse 10] not serue the kyng of Babiloyne; for thei profesien a leesyng to ȝou, that thei make ȝou fer fro ȝoure lond, and caste out ȝou, and ȝe perische. [verse 11] Certis the folk that mak|ith suget her nol vndur the ȝok of the kyng of Babiloyne, and serueth hym, Y schal dismytte [leeue, ether dismitte CEFGHIKMNPQRSUVXY.] it in his lond, seith the Lord; and it schal tile that lond, and schal dwelle therynne. [verse 12] And Y spak bi alle these

wordis to Sedechie, kyng of Juda, and Y seide, Make ȝe suget ȝoure neckis vndur the ȝok of the kyng of Babiloyne, and serue ȝe hym, and his puple, and ȝe schulen lyue. [verse 13] Whi schulen ȝe die, thou and thi puple, bi swerd, and hungur, and pesti|lence, as the Lord spak to the folk [lord omnes præter C sup. ras et X.] , that nolde [wolde not I.] serue to the kyng of Babiloyne? [verse 14] Nyle ȝe here the wordis of profetis seiynge to ȝou, Ȝe schulen not serue the kyng of Ba|biloyne; for thei speken [spaken A.] leesyng [a leesing C.] to ȝou, [verse 15] for Y sente not hem, seith the Lord; and thei profesien falsly in my name, that thei caste out ȝou, and that ȝe perische, bothe ȝe and the profetis that profesien to ȝou. [verse 16] And Y spak to the preestis, and to this puple, and Y seide, The Lord God seith these thingis, Nyle ȝe here the wordis of ȝoure profetis, that profesien to ȝou, and seien, Lo! the vessels of the Lord schulen turne aȝen now soone fro Babiloyne; for thei profesien a [Om. I.] leesyng to ȝou. [verse 17] Therfor nyle ȝe here hem, but serue ȝe to [Om. CFGIKMNPQRSUVX.] the kyng of Babiloyne, that ȝe lyue; whi is this citee ȝouun in to wildirnesse? [verse 18] And if thei ben profetis, and if [Om. I.] the word of God is in hem, renne thei to the Lord of oostis, that the vessels whiche weren left in the hous of the Lord, and in the hous of the kyng of Juda, and in Jerusalem, come not in to Babiloyne. [verse 19] For the Lord of oostis seith these thingis to the pilers, and to the see, that is, a greet waischyng vessel, and to the foundementis, and to the re|menauntis [remenaunt C.] of vessels, that weren left in [verse 20] this citee, whiche Nabugodonosor, king of Babiloyne, took not, whanne he translatide Jeconye, the sone of Joachim, king [the kyng CEFGHIKMNPQRSUVX.] of Ju|da, fro Jerusalem in to Babiloyne, and alle the principal men of Juda and of Jerusa|lem. [verse 21] For the Lord of oostis, God of Israel, seith these thingis to the vessels that ben left in the hous of the Lord, and in the hous of the king of Juda, and in Jerusa|lem, [verse 22] Tho [Thei N.] schulen be translatid [translatid, ether led ouer C. translatid, ether born ouer EFGHIKMNPQRSUVX.] in to Ba|biloyne, and schulen be there `til to [vnto I.] the

dai of her visitacioun, seith the Lord; and Y schal make tho to be brouȝt, and to be restorid in this place.

CAP. XXVIII.

[verse 1] And it was don in that ȝeer, in the bigynnyng of the rewme of Sedechie, kyng of Juda, in the fourthe ȝeer, in the fyuethe monethe, Ananye, the sone of Azur, a profete of Gabaon, seide to me in the hous of the Lord, bifor the preestis, and al the [verse 2] puple, `and seide [seiynge I.] , The Lord of oostis, God of Israel, seith these thingis, Y haue al to-broke the ȝok of the kyng of Babiloyne. [verse 3] Ȝit twei [two I.] ȝeeris of daies ben [ther ben I.] , and Y schal make to be brouȝt aȝen to this place alle the vessels of the Lord, whiche Nabugo|donosor, kyng of Babiloyne, took fro this place, and translatide tho [hem N.] in to Babiloyne. [verse 4] And Y schal turne to this place, seith the Lord, Jeconye, the sone of Joachym, the kyng of Juda, and al the passyng ouer of Juda, that entriden in to Babiloyne; for Y schal al to-breke the ȝok of the kyng of Babiloyne. [verse 5] And Jeremye, the profete, seide to Ananye, the profete, bifore the iȝen of preestis, and bifore the iȝen of al the puple that stoden in the hous of the Lord. [verse 6] And Jeremye, the profete, seide to Ananye, Amen! so do the Lord; the Lord reise thi wordis whiche thou profesiedist, that the vessels be brouȝt aȝen in to the hous of the Lord, and al the passyng ouer fro Babiloyne, to this place. [verse 7] Netheles here thou this word, which Y speke in thin eeris, and in the eeris of al the puple. [verse 8] Profetis that weren bifore me, and bifor thee, fro the bigynnyng, and profesieden on many londis, and on many rewmes, of batel, and of turment, and of hungur. [verse 9] The profete that profesiede pees, whanne his word cometh, shal be knowun the pro|fete whom the Lord sente in treuthe. [verse 10] And Ananye, the profete, took the chayne fro

the necke of Jeremye, the profete, and brak it. [verse 11] And Ananye, the profete, seide [spak N.] in the siȝt of al the puple, `and seide [seiynge I.] , The Lord seith these thingis, So Y schal breke the ȝok of Nabugodonosor, kyng of Babi|loyne, aftir twei [two I.] ȝeeris of daies, fro the necke of alle folkis. [verse 12] And Jeremye, the profete, ȝede in to his weie. And the word of the Lord was maad to Jeremye, aftir that Ananye, the profete, brak the chayne fro the necke of Jeremye; and the Lord [verse 13] seide, Go thou, and seie to Ananye, The Lord seith these thingis, Thou hast al to|broke the chaynes of tre, and thou schalt make yrun chaynes for tho [hem N.] . [verse 14] For the Lord of oostis, God of Israel, seith these thingis, Y haue set an yrun ȝok on the necke of alle these folkis, that thei serue Nabugo|donosor, the king of Babiloyne, and thei schulen serue hym; ferthermore and Y ȝaf to hym the beestis of erthe. [verse 15] And Je|remye, the profete, seide to Ananye, the profete, Ananye, here thou; the Lord sente not thee, and thou madist this puple for to triste in a [Om. I.] leesyng. [verse 16] Therfor the Lord seith these thingis, Lo! Y schal sende thee out fro the face of erthe; in this ȝeer thou schalt die, for thou spakest aȝens the Lord. [verse 17] And Ananye, the pro|fete, diede in that ȝeer, in the seuenthe monethe.

CAP. XXIX.

[verse 1] And these ben the wordis of the book, whiche Jeremye, the profete, sente fro Je|rusalem to the residues of eldere men of passyng ouer, and to the preestis, and to the profetis, and to al the puple, whom Nabugodonosor hadde ledde ouer fro Je|rusalem [verse 2] in to Babiloyne, after that Jeco|nye, the kyng, ȝede out, and the ladi, and the onest seruauntis and chast, and the princis of Juda ȝeden out of Jerusalem, and a sutel crafti man, and a goldsmyth [verse 3] of Jerusalem, in the hond of Elasa, sone of Saphan, and of Gamalie, the sone of

Elchie, whiche [the whiche I.] Sedechie [Ezechie I.] , the [Om. I.] kyng of Juda, sente to Nabugodonosor, the kyng of Babiloyne, in to Babiloyne. [verse 4] And Je|remye seide, The Lord of oostis, God of Israel, seith these thingis to al the pass|yng ouer, which Y translatide fro Jeru|salem [verse 5] in to Babiloyne, Bilde ȝe housis, and enhabite, and plaunte ȝe orcherdis, and ete ȝe [ete ȝe the CIMV.] fruyt [fruytis G.] of tho [hem N.] ; take ȝe [verse 6] wyues, and gendre ȝe sones and douȝtris, and ȝyue ȝe wyues to ȝoure sones, and ȝyue ȝe ȝoure douȝtris to hosebondis, and bere [childe CEFGHIKMNPQRSUVX.] thei sones and douȝtris; and be ȝe multiplied there, and nyle ȝe be fewe in noumbre. [verse 7] And seke ȝe pees of the citees, to whiche Y made ȝou to passe ouer; and preie ȝe the Lord for it, for in the pees therof schal be pees to ȝou. [verse 8] The Lord of oostis, God of Israel, seith these thingis, Ȝoure profetis, that ben in the myddis of ȝou, and ȝoure dyuynours disseyue ȝou not; and take ȝe noon heede to ȝoure [verse 9] dremes, whiche ȝe dremen; for thei pro|fesien falsli to ȝou in my name, and Y sente not hem, seith the Lord. [verse 10] For the Lord seith thes thingis, Whanne seuenti ȝeer bigynnen to be fillid in Babiloyne, Y schal visite ȝou, and Y schal reise on ȝou my good word, and Y schal brynge ȝou aȝen to this place. [verse 11] For Y knowe the thouȝtis whiche Y thenke on ȝou, seith the Lord, the thouȝtis of pees, and not of turment, that Y ȝyue to ȝou an ende and pacience. [verse 12] And ȝe schulen clepe me to help, and ȝe schulen go, and schulen wor|schipe [verse 13] me, and Y schal here ȝou; ȝe schu|len seke me, and ȝe schulen fynde, whanne ȝe seken me in al ȝoure herte. [verse 14] And Y schal be foundun of ȝou, seith the Lord, and Y schal brynge aȝen ȝoure caitifte, and Y schal gadere ȝou fro alle folkis, and fro alle places, to whiche Y castide out ȝou, seith the Lord; and Y schal make ȝou to turne aȝen fro the place, to which Y

made ȝou to passe ouer. [verse 15] For ȝe seiden, The Lord schal reise profetis to vs in Babiloyne. [verse 16] For the Lord seith these thingis to the kyng, that sittith on the seete of Dauid, and to al the puple, dwellere of this citee, to ȝoure britheren, that ȝeden not out with ȝou in to the [verse 17] passyng ouer, The Lord of oostis seith these thingis, Lo! Y schal sende among hem swerd, and hungur, and pestilence; and Y schal sette hem as yuele figis, that moun not be etun, for tho ben ful yuele. [verse 18] And Y schal pursue hem in swerd, and in hungur, and in pestilence; and Y schal ȝyue hem in to trauelyng in alle rewmes of erthe, in to cursyng, and in to won|dryng, and in to scornyng, and in to schenschipe to alle folkis, to whiche Y castide hem out. [verse 19] For thei herden not my wordis, seith the Lord, which Y sente to hem bi my seruauntis, profetis, and roos bi nyȝt, and sente, and ȝe herden not, seith the Lord. [verse 20] Therfor al the passyng ouer, which Y sente out fro Jerusalem in to Babiloyne, here ȝe the word of the Lord. [verse 21] The Lord of oostis, God of Israel, seith these thingis to Achab, the [Om. N.] sone of Chu|lie, and to Sedechie, the [Om. N.] sone of Maasie, that profesien to ȝou a [Om. I.] leesyng in my name, Lo! Y schal bitake hem in to the hond of Nabugodonosor, kyng of Babi|loyne, and he schal smyte hem bifore ȝoure iȝen. [verse 22] And cursyng schal be takun of hem to al the passyng ouer of Juda, which is in Babiloyne, of men seiynge, The Lord sette thee as Sedechie, and as Achab, whiche the kyng of Babiloyne [verse 23] friede in fier, for thei diden foli in Israel, and diden auowtrie on the wyues of her frendis; and thei spaken a word falsli in my name, which Y comaundide not to hem; Y am iuge and witnesse, seith the Lord. [verse 24] And thou schalt seie to Semei [verse 25] Neelamyte, The Lord of oostis, God of Israel, seith these thingis, For that that thou sentist bookis in my name to al the

puple, which is in Jerusalem, and to So|fony, the [Om. N.] sone of Maasie, the preest, and [verse 26] to alle the prestis, and seidist, The Lord ȝaf thee the [Om. N.] preest for Joiada, the preest, that thou be duyk in the hous of the Lord on ech man `that is [Om. C et ceteri.] trauelid of the fend, and profesiynge, that thou sende hym in to stockis, and in to prisoun. [verse 27] And now whi blamest thou not Jeremye of Anathot, that profesieth to ȝou? [verse 28] For on this thing he sente to vs in to Babiloyne, and seide, It is long; bielde ȝe housis, and enhabite, and plaunte ȝe orcherdis, and ete ȝe the fruit of tho [hem N.] . [verse 29] Therfor Sofonye, the preest, redde this book in the eeris of Jeremye, the prophete. [verse 30] And the word of the Lord [verse 31] was maad to Jeremye, and seide, Sende thou to al the passyng ouer, and seie, The Lord seith these thingis to Semeye Nee|lamite, For that that Semeye profesiede to ȝou, and Y sente not hym, and he made [verse 32] ȝou to triste in a leesyng; therfor the Lord seith thes thingis, Lo! Y schal visite on Semeye Neelamyte, and on his seed; and no man sittynge in the myddis of this puple schal be to hym; and he schal not se the good, which Y schal do to my puple, seith the Lord, for he spak trespassyng aȝens the Lord.

CAP. XXX.

[verse 1] This is the word, that was maad of the [verse 2] Lord to Jeremye, and seide, The Lord God of Israel seith these thingis, and spekith, Write to thee in a book, alle these wordis whiche Y spak to thee. [verse 3] For lo! daies comen, seith the Lord, and Y schal turne the turnyng of my puple Is|rael and Juda, seith the Lord; and Y schal turne hem to the lond which Y ȝaf to the fadris of hem, and thei schulen haue it in possessioun. [verse 4] And these ben the wordis, whiche the Lord spak to Israel, and to [verse 5] Juda, For the Lord seith these thingis, We herden a word of drede; inward drede

is, and pees is not. [verse 6] Axe ȝe, and se, if a male berith child; whi therfor siȝ Y the hond of ech man on his leende, as of a womman trauelynge of child, and alle faces ben turned in to ȝelow colour? [verse 7] Wo! for thilke day is greet, nether ony is lyk it; and it is a tyme of tribulacioun to Jacob, and of hym schal be sauyd. [verse 8] And it schal be, in that dai, seith the Lord of oostis, Y schal al to-breke the ȝok of hym fro thi necke, and Y schal breke hise boondis; and aliens schulen no more be [verse 9] lordis of it, but thei schulen serue to her Lord God, and to Dauid, her kyng, whom Y schal reyse for hem. [verse 10] Therfor, Jacob, my seruaunt, drede thou not, seith the Lord, and Israel, drede thou not; for lo! Y schal saue thee fro a fer lond, and thi seed fro the lond of the caitiftee of hem. And Jacob schal turne aȝen, and schal reste, and schal flowe with alle goodis; and noon schal be whom he schal drede. [verse 11] For Y am with thee, seith the Lord, for to saue thee. For Y schal make endyng in alle folkis, in whiche Y scateride thee; sotheli Y schal not make thee in to end|yng, but Y schal chastise thee in doom, that thou be not seyn to thee to be gilteles. [verse 12] For the Lord seith these thingis, Thi brekyng is vncurable, thi wounde is the worste. [verse 13] Noon is, that demeth thi doom to bynde togidere; the profit of heelyngis is not to thee. [verse 14] Alle thi louyeris han forȝete thee, thei schulen not seke thee; for Y haue smyte thee with the wounde of an enemy, with cruel chastisyng; for the multitude of thi wickidnesse, thi synnes ben maad hard. [verse 15] What criest thou on thi brekynge? thi sorewe is vncurable; for the multitude of thi wickidnesse, and for thin hard synnes, Y haue do these thingis to thee. [verse 16] Therfor alle that eeten thee, schulen be deuourid, and alle thin ene|myes schulen be led in to caitifte; and thei that distrien thee, schulen be distried, and Y schal ȝyue alle thi robberis in to

raueyn. [verse 17] For Y schal heele perfitli thi wounde, and Y schal make thee hool of thi woundis, seith the Lord; for thou, Sion, thei clepeden thee cast out; this is it that hadde no sekere. [verse 18] The Lord seith these thingis, Lo! Y schal turne the turn|yng of the tabernaclis of Jacob, and Y schal haue merci on the housis of hym; and the citee schal be bildid in his hiȝ|nesse, and the temple schal be foundid bi his ordre. [verse 19] And heriyng and the vois of pleiers schal go out of hem, and Y schal multiplie hem, and thei schulen not be decreessid; and Y schal glorifie hem, and thei schulen not be maad thynne. [verse 20] And the sones therof schulen be as at the bigyn|nyng, and the cumpeny therof schal dwelle bifore me; and Y schal visite aȝens alle that doon tribulacioun to it. [verse 21] And the duyk therof schal be of it, and a prince schal be brouȝt forth of the myddis ther|of; and Y schal applie hym, and he schal neiȝe to me; for who is this, that schal applie his herte, that he neiȝe to me? seith the Lord. [verse 22] And ȝe schulen be in to a puple to me, and Y schal be in to God to ȝou. [verse 23] Lo! the whirlewynd of the Lord, a strong veniaunce goynge out, a tempest fallynge doun, schal reste in the heed of wickid men. [verse 24] The Lord schal not turne awey the ire of indignacioun, til he do, and fille the thouȝt of his herte; in the laste [laste tyme I.] of [Om. S sec. m.] daies ȝe schulen vndurstonde tho thingis. [verse 1] In that tyme, seith the Lord, Y schal be God to alle the kynredis of Israel; and thei schulen be in to a puple to me.

CAP. XXXI.

[verse 2] The Lord seith these thingis, The puple that was left of swerd, foond grace in de|sert; Israel schal go to his reste. [verse 3] Fer the Lord apperide to me, and in euerlastynge charite Y louede thee; therfor Y doynge merci drow thee. [verse 4] And eft Y schal bilde

thee, and thou, virgyn Israel, schalt be bildid; ȝit thou schalt be ourned with thi tympans, and schalt go out in the cum|penye [queer, ether cumpeny CEFGHIKMNPQRSUVXY.] of pleieris. [verse 5] Ȝit thou schalt plaunte vynes in the hillis of Samarie; men plauntynge schulen plaunte, and til the tyme come, thei schulen not gadere grapis. [verse 6] For whi a dai schal be, wherynne keperis schulen crye in the hil of Samarie, and in the hil of Effraym, Rise ȝe, and stie we in to Sion, to oure Lord God. [verse 7] For the Lord seith these thingis, Jacob, make ȝe ful out ioye in gladnesse, and neye ȝe aȝens the heed of hethene men; sowne ȝe, synge ȝe, and seie ȝe, Lord, saue thi puple, the resi|dues of Israel. [verse 8] Lo! Y schal brynge hem fro the loond of the north, and Y schal gadere hem fro the fertheste partis of erthe; among whiche schulen be a blynd man, and crokid, and a womman with childe, and trauelynge of child togidere, a greet cumpeny of hem that schulen turne aȝen hidur. [verse 9] Thei schulen come in wepyng, and Y schal brynge hem aȝen in merci; and Y schal brynge hem bi the strondis of watris in a riȝtful weie, thei schulen not spurne therynne; for Y am maad a fadir to Israel, and Effraym is my gendrid sone. [verse 10] Ȝe hethene men, here ȝe [Om. C sec. m. EFGHIMNPQRVX.] the word of the Lord, and telle ȝe in ylis that ben fer, and seie, He that scateride Israel, schal gadere it, and schal kepe it, as a scheepherde kepith his floc. [verse 11] For the Lord aȝenbouȝte Jacob, and delyuerede hym fro the hond of the myȝtiere. [verse 12] And thei schulen come, and herye in the hil of Sion; and thei schulen flowe togidere to the goodis of the Lord, on wheete, wyn, and oile, and on the fruyt of scheep, and of neet; and the soule of hem schal be as a watri gardyn, and thei schulen no more hungre. [verse 13] Thanne a virgyn schal be glad in a cumpenye, ȝonge men and elde togi|dere; and Y schal turne the morenyng of hem in to ioie, and Y schal coumforte

hem, and Y schal make hem glad of her sorewe. [verse 14] And Y schal greetli fille the soule of prestis with fatnesse, and my puple schal be fillid with my goodis, seith the Lord. [verse 15] The Lord seith these thingis, A vois of weilyng [a weilyng A pr. m.] , and of wepyng, and of mourenyng, was herd an hiȝ; the vois of Rachel biwepynge hir sones, and not willynge to be coumfortid on hem, for thei ben not. [verse 16] The Lord seith these thingis, Thi vois reste of wepyng, and thin iȝen reste of teeres; for whi mede is to thi werk, seith the Lord; and thei schulen turne aȝen fro the lond of the enemy. [verse 17] And hope is to thi laste thingis, seith the Lord, and thi sones schulen turne aȝen to her endis. [verse 18] I heringe herde Effraym passinge ouer; thou chastisidist me, and Y am lerned as a ȝong oon vn|temyd [vntemyd, ether wielde CEFGHIKMNPQRSUVXY.] ; turne thou me, and Y schal be conuertid, for thou art my Lord God. [verse 19] For aftir that thou conuertidist me, Y dide penaunce; and aftir that thou schew|idist to me, Y smoot myn hipe; Y am schent, and Y schamede, for Y suffride the schenschipe of my ȝongthe. [verse 20] For Ef|fraym is a worschipful sone to me, for he is a delicat child; for sithen Y spak of hym, ȝit Y schal haue mynde on hym; therfor myn entrails ben disturblid on him, Y doynge merci schal haue merci on hym [hem N.] , seith the Lord. [verse 21] Ordeyne to thee an hiȝ totyng place, sette to thee bitter|nesses; dresse thin herte in to a streiȝt weie, in which thou ȝedist; turne aȝen, thou virgyn of Israel, turne aȝen to these thi citees. [verse 22] Hou longe, douȝter of vnstid|fast dwellyng, art thou maad dissolut in delices? for the Lord hath maad a newe thing on erthe, a womman schal cumpasse a man. [verse 23] The Lord of oostis, God of Israel, seith these thingis, Ȝit thei schulen seie this word in the lond of Juda, and in the citees therof, whane Y schal turne the caytifte of hem, The Lord blesse thee,

thou fairnesse of riȝtfulnesse, thou hooli hil. [verse 24] And Juda, and alle citees [the citees I.] therof schulen dwelle in it togidere, erthetilieris, and thei that dryuen flockis. [verse 25] For Y fill|ide greetli a feynt soule, and Y haue fillid ech hungri soule. [verse 26] Therfor Y am as reisid fro sleep, and Y siȝ; and my sleep was swete to me. [verse 27] Lo! daies comen, seith the Lord, and Y schal sowe the hous of Israel and the hous of Juda with the seed of men, and with the seed of werk beestis. [verse 28] And as Y wakide on hem, to drawe vp bi the roote, and to distrie, and to scatere, and to leese, and to turmente; so Y schal wake on hem, to bilde, and to plaunte, seith the Lord. [verse 29] In tho daies thei schulen no more seie, The fadres eeten a sour grape, and the teeth of sones weren asto|nyed; [verse 30] but ech man schal die in his wick|idnesse, ech man that etith a sour grape, hise teeth schulen be astonyed. [verse 31] Lo! daies comen, seith the Lord, and Y schal smyte a newe boond of pees to the hous of Is|rael, [verse 32] and to the hous of Juda; not bi the couenaunte which Y made with ȝoure fadris, in the dai in which Y took the hond of hem, to lede hem out of the lond of Egipt, the couenaunte which thei made voide; and Y was Lord of hem, seith the Lord. [verse 33] But this schal be the couenaunte, which Y schal smyte with the hous of Israel aftir tho daies, seith the Lord; Y schal ȝyue my lawe in the entrails of hem, and Y schal write it in the herte of hem, and Y schal be in to God to hem, and thei schulen be in to a puple to me. [verse 34] And a man schal no more teche his neiȝbore, and a man his brother, and seie, Knowe thou the Lord; for alle schulen knowe me, fro the leeste of hem `til to [vnto I.] the mooste, seith the Lord; for Y schal be merciful to the wickidnessis of hem, and Y schal no more be myndeful on the synne of hem. [verse 35] The Lord seith these thingis, that ȝyueth the sunne in the liȝt of dai, the ordre of the moone and of sterris [the sterris N.] in the liȝt of the

niȝt, whiche disturblith the see, and the wawis therof sownen, the Lord of oostis is name to hym. [verse 36] If these lawis failen bifore me, seith the Lord, thanne and the seed of Israel schal faile, that it be not a folk bifore me in alle daies. [verse 37] The Lord seith these thingis, If heuenes aboue moun be mesurid, and the foundementis of erthe bynethe be souȝt out, and Y schal caste awei al the seed of Israel, for alle thingis whiche thei diden, seith the Lord. [verse 38] Lo! daies comen, seith the Lord, and a citee schal be bildid to the Lord, fro the tour of Ananeel `til to [vnto I.] the ȝate of the corner. [verse 39] And it schal go out ouer the reule of me|sure, in the siȝt therof, on the hil Gareb, [verse 40] and it schal cumpasse Goatha, and al the valei of careyns, and it schal cumpasse aischis, and al the cuntrei of deth, `til to [vnto I.] the stronde of Cedron, and til [Om. I.] to the cor|ner of the eest ȝate of horsis; the hooli thing of the Lord schal not be drawun out, and it schal no more be destried with outen ende.

CAP. XXXII.

[verse 1] The word that was maad of the Lord to Jeremye, in the tenthe ȝeer of Sedechie, kyng of Juda; thilke is the eiȝtenthe ȝeer of Nabugodonosor. [verse 2] Thanne the oost of the kyng of Babiloyne bisegide Jerusalem; and Jeremye, the profete, was closid in the porche of the prisoun, that was in the hous of the kyng of Juda. [verse 3] For whi Sede|chie, the kyng of Juda, hadde closid hym, and seide, Whi profesiest thou, seiynge, The Lord seith these thingis, Lo! Y schal ȝyue this citee in the hond of the kyng of Babyloyne, and he schal take it; [verse 4] and Sedechie, the [Om. I.] kyng of Juda, schal not ascape fro the hond of Caldeis, but he schal be bitake in to the hond of the kyng of Babiloyne; and his mouth schal speke with the mouth of hym, and hise iȝen [verse 5] schulen se the iȝen of hym; and he schal

lede Sedechie in to Babiloyne, and he schal be there, til Y visyte hym, seith the Lord; forsothe if ȝe fiȝten aȝens Caldeis, ȝe schulen haue no thing in prosperite? [verse 6] And Jeremye seide, The word of the Lord [verse 7] was maad to me, and seide, Lo! Ananeel, the sone of Sellum, the sone of thi fadris brothir, schal come to thee, and seie, Bi thou to thee my feeld, which is in Ana|thot; for it bifallith to thee by niȝ kyn|rede, that thou bie it. [verse 8] And Ananeel, the sone of my fadris brothir, cam to me, bi the word of the Lord, to the porche of the prisoun, and seide to me, Welde thou my feeld, which is in Anathot, in the lond of Beniamyn; for whi the erytage bifallith to thee, and thou art the next of blood, that thou welde it. Forsothe Y vndirstood, that it was the word of the Lord. [verse 9] And Y bouȝte the feeld, which is in Anathot, of Ananeel, the sone of my fadris brothir. And Y paiede to hym siluer, seuene sta|teris [a stater is half an ounce, as Isidere seith, in the xviij. book of Ethy|mologies. A et plures.] , [verse 10] and ten platis of siluer; and Y wroot in a book, and Y seelide, and Y ȝaf witnessis. And Y weiede siluer in a ba|launce; [verse 11] and Y took the book aseelid of possessioun, and axingis and answerys of the seller and bier, and couenauntis, and seelis withoutforth. [verse 12] And Y ȝaf the book of possessioun to Baruc, the sone of Neri, sone of Maasie, bifore the iȝen of Ananeel, the sone of my fadris brother, and bifore the iȝen of witnessis that weren writun in the book of biyng, bifore the iȝen of alle Jewis, that saten in the porche of the prisoun. [verse 13] And Y comaundide to Baruc bi|fore [verse 14] hem, and Y seide, The Lord of oostis, God of Israel, seith these thingis, Take thou these bookis, this seelid book of bi|yng, and this book which is opyn, and putte thou tho in an erthen vessel, that tho [thei N.] moun dwelle bi [Om. N.] many daies. [verse 15] For whi the Lord of oostis, God of Israel, seith these thingis, Ȝit housis, and feeldis, and vynes schulen be weldid in this lond. [verse 16] And

Y preiede to the Lord, aftir that Y bitook the book of possessioun to Baruc, the sone [verse 17] of Nery; and Y seide, Alas! alas! alas! Lord God, Lord, thou madist heuene and erthe in thi greet strengthe, and in thin arm stretchid forth; ech word schal not [verse 18] be hard to thee; which doist merci in thousyndis, and ȝeldist the wickidnesse of fadris in to the bosum of her sones aftir hem. Thou strongeste, greet, myȝti, Lord [verse 19] of oostis is name to thee; greet in coun|cel, and vncomprehensible in thouȝt, whose iȝen ben open on alle the weies of the sones of Adam, that thou ȝelde to ech aftir hise weies, and aftir the fruyt of hise fynd|yngis; [verse 20] which settidist signes and greet woundris in the lond of Egipt, `til to [vnto I.] this dai, bothe in Israel and in men; and madist to thee a name, as this dai is. [verse 21] And thou leddist thi puple Israel out of the lond of Egipt, in signes and in greet woundris, and in a [Om. I.] strong hond, and in an arm holdun forth, and in greet dreed; [verse 22] and thou ȝauest to hem this lond, which thou sworist to the fadris of hem, that thou woldist ȝyue to hem, a lond flowynge with milk and hony. [verse 23] And thei entriden, and hadden it in possessioun; and thei obeieden not to thi vois, and thei ȝeden not in thi lawe; alle thingis whiche thou comaundidist to hem to do, thei diden not; and alle these yuels bifellen [bifelde CI et alii passim.] to hem. [verse 24] Lo! strengthis ben bildid aȝens the citee, that it be takun, and the citee is ȝouun in to the hondis of Caldeis, and in to the hondis of the kyng of Babiloyne, that fiȝten aȝens it, of the face of swerd, and of hungur, and of pestilence; and what euer thingis thou spakest, bifellen, as thou thi silf seest. [verse 25] And Lord God, thou seist to me, Bie thou a feeld for siluer, and ȝyue thou witnessis, whanne the citee is ȝouun in the hondis of Caldeis. [verse 26] And the word of the Lord was maad to Jeremye, [verse 27] and seide, Lo! Y am the Lord God of `al

fleisch. Whether [ech man, wher I.] ony word schal be hard to me? [verse 28] Therfor the Lord seith these thingis, Lo! Y schal bitake this citee in to the hondis of Caldeis, and in to the hond of the kyng of Babiloyne, and he schal take it. [verse 29] And Caldeis schulen come, and fiȝte aȝens this citee, and thei schulen brenne it with fier, and thei schulen brenne it, and housis, in whose rooues thei sacri|fieden [sacrifiseden CEFGHKNPQRSUVX.] to Baal, and offriden moist sacrifices to alien goddis, to [and to F.] terre me to wraththe. [verse 30] For whi the sones of Israel and the sones of Juda diden yuel contynueli, fro her ȝonge waxynge age, bifore myn iȝen, the sones of Israel, whiche [the whiche I.] `til to [vnto I.] now wrath|then me bi the werk of her hondis, seith the Lord. [verse 31] For whi this citee is maad to me in my strong veniaunce and indigna|cioun, fro the day in which thei bildiden it, `til to [vnto I.] this dai, in which it schal be [verse 32] takun awei fro my siȝt; for the malice of the sones of Israel, and of the sones of Juda, which thei diden, terrynge me to wrathfulnesse, thei, and the kyngis of hem, the princes of hem, and the prestis, and profetis of hem, the men of Juda, and the dwelleris of Jerusalem. [verse 33] And thei turn|eden to me the backis, and not the faces, whanne Y tauȝte, and enformede hem erli; and thei nolden [wolden not I.] here, that thei schulden take techyng. [verse 34] And thei settiden her idols in the hous, in which my name is clepid to help, that thei schulden defoule it. [verse 35] And thei bildiden hiȝ thingis to Baal, that ben in the valei of the sones of Ennon, that thei schulden halewe her sones and her douȝtris to Moloc, which thing Y comaund|ide not to hem, nether it stiede in to myn herte, that thei schulden do this abhomy|nacioun, and brynge Juda in to synne. [verse 36] And now for these thingis, the Lord God of Israel seith these thingis to this citee, of whiche ȝe seien, that it schal be bitakun in to the hondis of the kyng of Babiloyne, in swerd, and in [Om. A.] hungur, and in pestilence,

[verse 37] Lo! Y schal gadere hem fro alle londis, to whiche Y castide hem out in my strong veniaunce, and in my wraththe, and in greet indignacioun; and Y schal brynge hem aȝen to this place, and Y schal make hem to dwelle tristili. [verse 38] And thei schulen be in to a puple to me, and Y schal be in to God to hem. [verse 39] And Y schal ȝyue to hem oon herte and o soule, that thei drede me in alle daies, and that it be wel to hem, and to her sones aftir hem. [verse 40] And Y schal smyte to hem a couenaunt euerlastynge, and Y schal not ceese to do wel to hem, and Y schal ȝyue my drede in the herte of hem, that thei go not awey fro me. [verse 41] And Y schal be glad on hem, whanne Y schal do wel to hem; and Y schal plaunte hem in this lond in treuthe, in al myn herte, and in al my soule. [verse 42] For the Lord seith these thingis, As Y brouȝte on this puple al this greet yuel, so Y schal brynge on hem al the good, which Y schal speke to hem. [verse 43] And feeldis schulen be weldid in this lond, of which ȝe seien, that it is de|sert, for no man and beeste is left; and it is ȝouun in to the hondis of Caldeis. [verse 44] Feeldis schulen be bouȝt for money, and schulen be writun in a book, and a seel schal be preentid; and witnessis schulen be ȝouun, in the lond of Beniamyn, and in the cumpas of Jerusalem, and in the citees of Juda, and in the citees in hilli places, and in the citees in feeldi places, and in the citees that ben at the south; for Y schal turne the caitiftee of hem, seith the Lord.

CAP. XXXIII.

[verse 1] And the word of the Lord was maad to Jeremye, in the secounde tyme, whanne he was closid ȝit in the porche of the pri|soun, and seide, [verse 2] The Lord seith these thingis, The Lord is name of hym, that schal do, and fourme, and make redi that thing; [verse 3] Crye thou to me, and Y schal here thee, and Y schal telle to thee grete thingis, and stidfast, whiche thou knowist

not. [verse 4] For the Lord God of Israel seith these thingis to the housis of this citee, and to the housis of the kyng of Juda, that ben distried, and to the strengthingis, [verse 5] and to the swerd of men comynge to fiȝte with Caldeis, and to fille tho housis with careyns of men, which Y smoot in my strong veniaunce, and in myn indigna|cioun; and Y hidde my face fro this citee, for al the malice of hem. [verse 6] Lo! Y schal close togidere to hem a wounde and helthe, and Y schal make hem hool, and Y schal schewe to hem the bisechyng of pees and [verse 7] of treuthe; and Y schal conuerte the con|uersioun of Juda, and Y schal conuerte the conuersioun of Jerusalem, and Y schal bilde hem, as at the bigynnyng. [verse 8] And Y schal clense hem fro al her [Om. N.] wickidnesse, in which thei synneden to me, and Y schal be merciful to alle the wickidnessis of hem, in which thei trespassiden to me, and for|soken me. [verse 9] And thei schulen be to me in to a name, and in to ioye, and in to heriyng, and in to ful out ioiyng to alle folkis of erthe, that herden alle the goodis whiche Y schal do to hem; and thei schulen drede, and schulen be disturblid in alle goodis, and in al the pees, which Y schal do to hem. [verse 10] The Lord seith these thingis, Ȝit in this place, which ȝe seien to be forsakun, for no man is [ther is I.] nether beeste in the citees of Juda, and in the ȝatis of Jerusalem, that ben desolat, without man, and with out [verse 11] dwellere, and with out beeste, the vois of ioye schal be herd, and the vois of glad|nesse, the vois of spouse, and the vois of spousesse, the vois of men, seiynge, Know|leche ȝe to the Lord of oostis, for the Lord is good, for his merci is with outen ende, and of men berynge vowis in to the hous of the Lord; for Y schal brynge aȝen the conuersioun of the lond, as at the bigyn|nyng, seith the Lord. [verse 12] The Lord of oostis seith these thingis, Ȝit in this forsakun place, with out man, and with out beeste,

and in alle citees therof, schal be a dwell|yng place of scheepherdis, of flockis lig|gynge. [verse 13] And in the citees in hilli places, and in the citees in feeldi places, and in the citees that ben at the south, and in the lond of Beniamyn, and in the cumpas of Jerusalem, and in the citees of Juda, ȝit flockis schulen passe, at the hond of the noumbrere, seith the Lord. [verse 14] Lo! daies comen, seith the Lord, and Y schal reise the good word, which Y spak to the hous of Israel, and to the hous of Juda. [verse 15] In tho daies, and in that tyme, Y schal make the seed of riȝtfulnesse to buriowne to Dauid, and he schal make doom and riȝtfulnesse in erthe. [verse 16] In tho daies Juda schal be sauyd, and Israel schal dwelle tristili; and this is the name which thei schulen clepe hym, Oure riȝtful Lord. [verse 17] For the Lord seith these thingis, A man of Dauid schal not perische, that shal sitte on the [verse 18] trone of the hous of Israel; and of preestis and dekenes a man schal not perische fro my face, that schal offre brent sacrifices, and brenne sacrifice [sacrifices I.] , and sle sacrifice, in alle daies. [verse 19] And the word of the Lord was maad to Jeremye, and seide, [verse 20] The Lord seith these thingis, If my couenaunt with the dai and my couenaunt with the niȝt mai be maad voide, that the dai and the [Om. CEFGHIKMNPQRSUVX.] [verse 21] niȝt be not in his tyme; and my couenaunt with Dauid, my seruaunt, mai be voide, that of hym be no sone, that schal regne in his trone, and no dekenes, and preestis, [verse 22] my mynistris; as the sterris of heuene moun not be noumbrid, and the grauel of the see mai not be metun, so Y schal mul|tiplie the seed of Dauid, my seruaunt, and dekenes, my mynystris. [verse 23] And the word of the Lord was maad to Jeremye, and seide, [verse 24] Whether thou hast not seyn, that this pu|ple spak, seiynge, Twei kynredis whiche the Lord chees, ben cast awei, and thei dispisiden my puple, for it is no more a folc bifore hem. [verse 25] The Lord seith these

thingis, If Y settide not my couenaunt bi|twixe dai and niȝt, and if Y settide not [verse 26] lawis to heuene and erthe; sotheli and Y schal caste awei the seed of Jacob, and of Dauid, my seruaunt, that Y take not of the seed of hym princes, of the seed of Abraham, of Isaac, and of Jacob; for Y schal brynge aȝen the conuersioun of hem, and Y schal haue merci on hem.

CAP. XXXIV.

[verse 1] The word that was maad of the Lord to Jeremye, whanne Nabugodonosor, kyng of Babiloyne, and al his oost, and alle the rewmes of erthe, that weren vndur the power of his hond, and alle puplis fouȝten aȝens Jerusalem, and aȝens alle citees ther|of; [verse 2] and he seide, The Lord God of Israel seith these thingis, Go thou, and speke to Sedechie, kyng of Juda; and thou schalt seie to hym, The Lord seith these thingis, Lo! Y schal bitake this citee in to the hond of the kyng of Babiloyne, and he schal brenne it bi fier. [verse 3] And thou schalt not ascape fro his hond, but thou schalt be takun bi takyng, and thou schalt be bitakun in to his hond; and thin iȝen schulen se the iȝen of the kyng of Babi|loyne, and his mouth schal speke with thi mouth, and thou schalt entre in to Babiloyne. [verse 4] Netheles Sedechie, the kyng of Juda, here thou the word of the Lord; the Lord seith these thingis to thee, Thou [verse 5] schalt not die bi swerd, but thou schalt die in pees, and bi the brennyngis of thi fadris, the formere kyngis that weren bi|fore thee [Om. N.] , so thei schulen brenne thee, and thei schulen biweile thee, Wo! lord; for Y spak a word, seith the Lord. [verse 6] And Jeremye, the profete, spak to Sedechie, kyng [the kyng IS.] of Juda, alle these wordis in Jeru|salem. [verse 7] And the oost of the kyng of Babi|loyne fauȝt aȝens Jerusalem, and aȝens alle the citees of Juda, that weren left [residue, ether left CEFGHIKMNPQRSUVXY.] ; aȝens Lachis, and aȝens Azecha; for whi these

strong citees weren left of the citees of Juda. [verse 8] The word that was maad of the Lord to Jeremye, aftir that kyng Sedechie smoot boond of pees with al the puple in [verse 9] Jerusalem, and prechide, that ech man schulde delyuere his seruaunt, and ech man his handmaide, an Ebreu man and an [Om. A.] Ebru womman fre, and that thei schulden not be lordis of hem, that is, in a Jew, and her brothir. [verse 10] Therfor alle the princes and al the puple herden, whiche [the whiche I.] maden couenaunt, that thei schulden dely|uere ech man his seruaunt, and ech man his handmaide fre, and schulde no more be lordis of hem; therfor thei herden, and [verse 11] delyueriden; and thei weren turned aftir|ward, and drowen aȝen her seruauntis, and handmaidis, whiche thei hadden left fre, and thei maden [maden hem I.] suget in to seruauntis, and in to seruauntessis. [verse 12] And the word of the Lord was maad of the Lord to Jere|mye, [verse 13] and seide, The Lord God of Israel seith these thingis, Y smoot a boond of pees with ȝoure fadris, in the dai in which Y ledde hem out of the lond of Egipt, out of the hous of seruage; and Y seide, [verse 14] Whanne seuene ȝeeris ben fillid, ech man delyuere his brother, an Ebreu man, which is seeld to hym, and he schal serue thee sixe ȝeer, and thou schalt delyuere hym fro thee; and ȝoure fadris herden not me, nether bowiden her eere. [verse 15] And ȝe ben con|uertid to dai, and ȝe diden that, that is riȝtful bifore myn iȝen, that ȝe precheden [prechen A pr. m.] ech man fredom to his frend, and ȝe maden couenaunt in my siȝt, in the hous wher|ynne my name is clepid to help on that fredom. [verse 16] And ȝe turneden aȝen, and de|fouliden [ȝe defouliden CEFGHIKMNPQRSUVX.] my name, and ȝe brouȝten aȝen ech man his seruaunt, and ech man his handmaide, whiche ȝe delyueriden, that thei schulden be fre, and of her owne power; and ȝe maden hem suget, that thei be seruauntis and haundmaidis to ȝou. [verse 17] Therfor the Lord seith thes thingis, Ȝe herden not me, that ȝe prechiden fre|dom,

ech man to his brothir, and ech man to his freend; lo! Y preeche to ȝou fre|dom, seith the Lord, and to swerd, and to hungur, and to pestilence, and Y schal ȝyue ȝou in to stiryng to alle rewmes of erthe. [verse 18] And Y schal ȝyue the men, that breken my boond of pees, and kepten not the wordis of boond of pees, to whiche thei assentiden in my siȝt, and kepten not the calf, which thei kittiden in to twei partis; [verse 19] and the princes of Juda, and the princes of Jerusalem, and the onest seruauntis, and preestis ȝeden bytwixe [bitwene I.] the partyngis therof, and al the puple of the lond, that ȝeden bitwixe the departyngis of the calf; [verse 20] and Y schal ȝyue hem in to the hond of her enemyes, and in to the hond of hem that seken her lijf; and the deed careyn of hem schal be in to mete to the volatilis of the eir, and to the beestis of erthe. [verse 21] And Y schal ȝyue Sedechie, the kyng of Juda, and hise princes, in to the hond of her enemyes, and in to the hond of hem that seken her lijf, and in to the hond of the oostis of the kyng of Babiloyne, that ȝeden awei fro ȝou. [verse 22] Lo! Y comaunde, seith the Lord, and Y schal brynge hem aȝen in to this citee, and thei schulen fiȝte aȝens it, and schulen take it, and schulen [thei schulen I.] brenne it with fier; and Y schal ȝyue the citees of Juda in to wildirnesse, for ther is no dwellere.

CAP. XXXV.

[verse 1] The word that was maad of the Lord to Jeremye, in the daies of Joachym, sone [verse 2] of Josie, kyng of Juda, and seide, Go thou to the hous of Recabitis, and speke thou to hem; and thou schalt brynge hem in to the hous of the Lord, in [and in F.] to o [a IN.] chaumbre of tresouris, and thou schalt ȝyue to hem to drynke wyn. [verse 3] And Y took Jeconye, the sone of Jeremye, sone of Absanye, and hise britheren, and alle the sones of hym, and al the hous of Recabitis. [verse 4] And Y ledde hem in to the hous of the Lord, to the

treserie of the sones of Eman, sone of Godolie, the man of God; which [the whiche I.] treserie was bisidis the treserie of princes, aboue the tresour of Maasie, sone of Sellum, that was kepere of the vestiarie. [verse 5] And Y set|tide bifore the sones of the hous of Recab|itis pecis, and grete cowpis ful of wyn; and Y seide to hem, Drinke ȝe wyn. [verse 6] And thei answeriden, We schulen not drinke wyn; for whi Jonadab, oure fadir, the sone of Recab, comaundide to vs, and seide, Ȝe schulen not drinke wyn, ȝe and ȝoure [verse 7] sones, `til in to [vnto I.] withouten ende; and ȝe schulen not bilde an hous, and ȝe schulen not sowe seed, and ȝe schulen not plaunte vynes, nether schulen haue, but ȝe schulen dwelle in tabernaclis in alle ȝoure daies, that ȝe lyue many daies on the face of erthe, in which ȝe goen in pilgrymage. [verse 8] Therfor we obeieden to the vois of Jona|dab, oure fadir, the sone of Recab, in alle thingis whiche he comaundide to vs; so that we drunken not wyn in alle oure dayes, we, and oure wymmen, oure sones, [verse 9] and douȝtris; and we bildiden not housis to dwelle, and we hadden not a vyner, and [verse 10] a feeld, and seed; but we dwelliden in ta|bernaclis, and weren obeiynge, and diden bi alle thingis, whiche Jonadab, oure fa|dir, comaundide to vs. [verse 11] But whanne Nabu|godonosor, kyng of Babiloyne, hadde stied to this lond, we seiden, Come ȝe, and entre we in to Jerusalem, fro the face of the oost of Caldeis, and fro the face of the oost of Sirie; and we dwelliden in Jeru|salem. [verse 12] And the word of the Lord was [verse 13] maad to Jeremye, and seide, The Lord of oostis, God of Israel, seith these thingis, Go thou, and seie to the men of Juda, and to the dwelleris of Jerusalem, Whether [Wher I.] ȝe schulen not take techyng, that ȝe obeie to my wordis, seith the Lord? [verse 14] The wordis of Jonadab, sone of Rechab, hadden the maistrie, whiche he comaundide to hise sones, that thei schulden not drynke wyn; and thei drynken not, `til to [vnto I.] this dai; for

thei obeieden to the comaundement of her fadir; but Y spak to ȝou, and Y roos ful eerli, and spake, and ȝe obeieden not to me. [verse 15] And Y sente to ȝou alle my ser|uauntis profetis, and Y roos ful eerli, and Y sente, and seide, Be ȝe conuertid, ech man fro his worste weye, and make ȝe good ȝoure studies, and nyle ȝe sue alien goddis, nether worschipe ȝe hem, and ȝe schulen dwelle in the lond, which Y ȝaf to ȝou, and to ȝoure fadris; and ȝe bow|iden not ȝoure eere, nether herden me. [verse 16] Therfor the sones of Jonadab, sone of Re|cab, maden stidfast the comaundement of her fadir, which he comaundide to hem; but this puple obeiede not to me. [verse 17] Therfor the Lord of oostis, God of Israel, seith these thingis, Lo! Y schal bringe on Juda, and on alle the dwelleris of Jerusalem, al the turment which Y spak aȝens hem; for Y spak to hem, and thei herden not; Y clepide hem, and thei answeriden not to me. [verse 18] Forsothe Jeremye seide to the hous of Recabitis, The Lord of oostis, God of Israel, seith these thingis, For that that ȝe obeieden to the comaundement of Jona|dab, ȝoure fadir, and kepten alle hise co|maundementis, and diden alle thingis, [verse 19] whiche he comaundide to ȝou; therfor the Lord of oostis, God of Israel, seith these thingis, A man of the generacioun of Jo|nadab, sone of Recab, schal not faile stond|ynge in my siȝt in alle daies.

CAP. XXXVI.

[verse 1] And it was don, in the fourthe ȝeer of Joachym, sone of Josie, kyng of Juda, this word was maad of the Lord to Jere|mye, [verse 2] and seide, Take thou the volym of a book, and thou schalt write therynne alle the wordis, whiche Y spake to thee aȝens Israel and Juda, and aȝens alle folkis, fro the dai in whiche Y spak to thee, fro the daies of Josie `til to [vnto I.] this dai. [verse 3] If perauenture whanne the hous of Juda herith alle the yuels whiche Y thenke to

do to hem, ech man turne aȝen fro his worste weye, and Y schal be merciful to the wickidnesse and synne of hem. [verse 4] Ther|for Jeremye clepide Baruk, the sone of Nerye; and Baruk wroot of the mouth of Jeremye in the volym of a book alle the [Om. N.] wordis of the Lord, whiche he spak to hym. [verse 5] And Jeremye comaundide to Ba|ruk, and seide, Y am closid, and Y may not entre in to the hous of the Lord. [verse 6] Therfor entre thou, and rede of the book, in which thou hast write of my mouth the wordis of the Lord, in hering of the puple, in the hous of the Lord, in the dai of fastyng; ferthermore and in heryng of al Juda, that comen fro her citees, thou [verse 7] schalt rede to hem; if perauenture the preier of hem falle in the siȝt of the Lord, and eche man turne aȝen fro his worste weie; for whi the strong veniaunce and indignacioun is greet, which the Lord spak aȝens this puple. [verse 8] And Baruk, the sone of Nerie, dide aftir alle thingis, which Jeremye, the prophete, comaundide to hym; and he redde of the book the wordis of the Lord, in the hous of the Lord. [verse 9] Forsothe it was doon, in the fyu|eth ȝeer of Joachym, sone of Josie, kyng of Juda, in the nynthe monethe, thei prechiden fastynge in the siȝt of the Lord, to al the puple in Jerusalem, and to al the multitude, that cam togidere fro the citees of Juda in to Jerusalem. [verse 10] And Baruc redde of the volym the wordis of Jeremye, in the hous of the Lord, in the treserie of Gamarie, sone [the I.] of Saphan, scryuen, in the hiȝere porche, in the en|tring of the newe ȝate of the hous of the Lord, in audience of al the puple. [verse 11] And whanne Mychie, the sone of Gamarie, sone of Saphan, hadde herd alle the wordis [verse 12] of the Lord, of the book, he ȝede doun in to the hous of the kyng, to the treserye of the scryuen. And lo! alle the princes saten there, Elisama, the scryuen, and Dalaie, the sone of Semeye, and Elnathan,

the sone of Achabor, and Gamarie, the sone of Saphan, and Sedechie, the sone of Ananye, and alle princes. [verse 13] And Mychee telde to hem alle the wordis, whiche he herde Baruc redynge of the book, in the eeris of the puple. [verse 14] Therfor alle the princes senten to Baruc Judi, the sone of Nathathie, sone of Selemye, sone of Chusi, and seiden, Take in thin hond the book, of which thou reddist in audience of the puple, and come thou. Therfor Baruc, the sone of Nereie, took the book in his hoond, and cam to hem. [verse 15] And thei seiden to hym, Sitte thou, and rede these thingis in oure eeris; and Baruc redde in the eeris of hem. [verse 16] Therfor whanne thei had|den herd alle the wordis, thei wondriden ech man to his neiȝbore, and thei seiden to Baruc, Owen we to telle to the kyng alle these wordis? [verse 17] And thei axiden hym, and seiden, Schewe thou to vs, hou thou hast write alle these wordis of his mouth. [verse 18] Forsothe Baruc seide to hem, Of his mouth he spak, as redynge to me, alle these wordis; and Y wroot in a book with enke. [verse 19] And alle the princes seiden to Baruc, Go, be thou hid, thou and Jeremye; and no man wite where ȝe ben. [verse 20] And thei en|triden to the kyng, in to the halle; for|sothe thei bitoken the book to be kept in to the treserie of Elisame, the scryuen. And thei telden alle the wordis, in audi|ence of the kyng. [verse 21] Therfor the kyng sente Judi, that he schulde take the book. Which took the book fro the treserie of Elysame, the scryuen, and redde in audi|ence of the kyng, and of [Om. N.] alle the princes, that stoden aboute the kyng. [verse 22] Forsothe the kyng sat in the wyntir hous, in the nynthe monethe; and a panne ful of coolis was set bifore hym. [verse 23] And whanne Judi hadde red thre pagyns [pagyn C pr. m. F pr. m. H.] , ethir foure, he kittide it with the knyf of a scryueyn, and castide in to the fier, `that was [Om. S.] in [on CEFGHIKMNPQRUVX. of S.] the panne, til al the book was wastid bi

the fier, that was on [in CEFGHKMNPQRSUVX.] the panne. [verse 24] And the kyng and alle hise seruauntis, that herden alle these wordis, dredden not, ne|thir to-renten her clothis. [verse 25] Netheles El|nathan, and Dalaie, and Gamarie aȝen|seiden the kyng, that he schulde not brenne the book; and he herde not hem. [verse 26] And the kyng comaundide to Jeremyel, sone of Amalech, and to Saraie, sone of Esreel, and to Selemye, sone of Abdehel, that thei schulden take Baruc, the writer, and Jeremye, the profete; forsothe the Lord hidde hem. [verse 27] And the word of the Lord was maad to Jeremye, the profete, aftir that the kyng hadde brent the book and wordis, whiche Baruc hadde write [verse 28] of Jeremyes mouth; and he seid, Eft take thou another book, and write therynne alle the former wordis, that weren in the firste book, which Joachym, the kyng of Juda, brente. [verse 29] And thou schalt seie to Joachym, kyng [the kyng A pr. m.] of Juda, The Lord seith these thingis, Thou brentist that book, and seidist, What hast thou write ther|ynne, tellynge, The kyng of Babiloyne schal come hastynge, and schal distrie this lond, and schal make man and beeste to ceesse therof? [verse 30] Therfor the Lord seith these thingis aȝens Joachym, king of Juda, Noon schal [ther schal I.] be of hym, that schal sitte on the seete of Dauid; and his careyn schal be cast forth to the heete bi dai, and to the forst bi niȝt. [verse 31] And Y schal visite aȝens hym, and aȝens his seed, and aȝens hise seruauntis, her wickidnessis. And Y schal bryng on hem, and on the dwelleris of Jerusalem, and on the men of Juda, al the yuel which Y spak to hem, and thei herden not. [verse 32] Forsothe Jeremye took an other book, and ȝaf it to Baruc, the writer, the sone of Nerie, which [the which I.] wroot therynne of Jeremyes mouth alle the wordis of the book, which book Joachym, the [Om. I.] kyng of Juda, hadde brent bi fier; and ferther|more many mo wordis weren addid than weren bifore.

CAP. XXXVII.

[verse 1] And kyng Sedechie, the sone of Josie, regnede for Jeconye, the sone of Joachym, whom Nabugodonosor, kyng of Babiloyne, made kyng in the lond of Juda. [verse 2] And he, and hise seruauntis, and his puple obei|eden not to the wordis of the Lord, whiche he spak in the hond of Jeremye, the pro|fete. [verse 3] And kyng Sedechie sente Jothal, the sone of Selemye, and Sofonye, the preest, the sone of Maasie, to Jeremye, the profete, and seide, Preie thou for vs oure Lord God. [verse 4] Forsothe Jeremye ȝede freli in the myddis of the puple; for thei hadden not sente hym in to the kepyng of the prisoun. Therfor the oost of Farao ȝede out of Egipt, and Caldeis, that biseg|iden Jerusalem, herden sich a message, and ȝeden awei fro Jerusalem. [verse 5] And the word of the Lord was maad to Jeremye, the [verse 6] profete, and seide, The Lord God of Israel seith these thingis, Thus ȝe schulen seie to the kyng of Juda, that sente ȝou to axe me, Lo! the oost of Farao, which ȝede out to ȝou in to help, schal turne aȝen in to his lond, in to Egipt. [verse 7] And Caldeis schulen come aȝen, and schulen [thei schulen I.] fiȝte aȝens this citee, and schulen take it, and schulen brenne it [Om. CEFGHKMNPQRSUVX.] bi [with I.] fier. [verse 8] The Lord seith these thingis, Nyle ȝe disseyue ȝoure soulis, sei|ynge, Caldeis goynge schulen go awey, and schulen departe fro vs; for thei schu|len not go awei. [verse 9] But thouȝ ȝe sleen al the oost of Caldeis, that fiȝten aȝens ȝou, and summe woundid men of hem be left, ech man schal rise fro his tente, and thei schulen brenne this citee bi [with I.] fier. [verse 10] Therfor whanne the oost of Caldeis hadde goon awei fro Jerusalem, for the oost of Farao, [verse 11] Jeremye ȝede out of Jerusalem, to go in to the lond of Beniamyn, and to departe there the possessioun in the siȝt of cite|seyns. [verse 12] And whanne he was comun to the ȝate of Beniamyn, ther was a kepere of the ȝate bi whiles, Jerie bi name, the sone

of Selemye, sone of Ananye; and he took Jeremye, the prophete, and seide, Thou fleest to Caldeis. [verse 13] And Jeremye answeride, It is fals; Y fle not to Caldeis. And he herde not Jeremye, but Jerie took Jere|mye, and brouȝte hym to the princes. [verse 14] Wherfor the princes weren wrooth aȝens Jeremye, and beeten [thei beeten I.] hym, and senten hym in to the prisoun, that was in the hous of Jonathas, the scryuen; for he was souereyn on the prisoun. [verse 15] Therfor Jeremye entride in to the hous of the lake, and in to the prisoun of trauel; and Jeremye sat there manye daies. [verse 16] Therfor kyng Sedechie sente, and took hym a wei, and axide hym priuyli in his hous, and seide, Gessist thou, whether a word is of the Lord? And Jeremye seide, Ther is. And Jeremye seide, Thou schalt be bi|takun in to the hond of the kyng of Babi|loyne. [verse 17] And [And eft I.] Jeremye seide to Sedechie, the kyng, What haue Y synned to thee, and to thi seruauntis, and to thi puple, for thou hast sent me in to the hous of prisoun? [verse 18] Where ben ȝoure profetis, that profesieden to ȝou, and seiden, The king of Babiloyne schal not come on [to N.] ȝou, and on this lond? [verse 19] Now therfor, my lord the kyng, Y biseche, here thou, my preier be worth in thi siȝt, and sende thou not me aȝen in to the hous of Jonathas, the scryuen, lest Y die there. [verse 20] Therfor Sede|chie comaundide, that Jeremye schulde be bitakun in to the porche of the prisoun, and that a cake of breed schulde be ȝouun to hym ech dai, outakun [withouten I.] seew, til alle [Om. S.] looues [the looues I.] of the citee weren wastid; and Jeremye dwellide in the porche of the prisoun.

CAP. XXXVIII.

[verse 1] Forsothe Safacie, sone of Nathan, and Jedelie, sone of Fassur, and Jothal, sone of Selemye, and Fassour, sone of Melchie, herden the wordis whiche Jeremye spak [verse 2] to al the puple, `and seide [seiynge I.] , The Lord seith these thingis, Who euer dwellith in this

citee, schal die bi swerd, and hungur, and pestilence; but he that flieth to Caldeis, shal lyue, and his soule schal be hool and lyuynge. [verse 3] The Lord seith these thingis, This citee to be bitakun schal be bitakun in to the hond of the oost of the kyng of Babiloyne, and he schal take it. [verse 4] And the princes seiden to the kyng, We preien, that this man be slayn; for of bifore castyng he discoum|fortith the hondis of men werriours, that dwelliden in this citee, and the hondis of al the puple, and [and he I.] spekith to hem bi alle these wordis. For whi this man sekith not pees to this puple, but yuel. [verse 5] And kyng Sedechie seide, Lo! he is in ȝoure hondis, for it is not leueful that the kyng denye ony thing to ȝou. [verse 6] Therfor thei token Je|remye, and castiden hym doun in to the lake of Elchie, sone [the sone I.] of Amalech, which was in the porche of the prisoun; and thei senten doun Jeremye bi cordis in to the lake, wherynne was no watir, but fen; therfor Jeremye ȝede doun in to the filthe. [verse 7] Forsothe Abdemalech Ethiopien, a chast man and oneste, herde, that was in the kyngis hous, that thei hadden sent Jeremye in to the lake; sotheli the king sat in the ȝate of Beniamyn. [verse 8] And Abde|malech ȝede out of the kyngis hous, and [verse 9] spak to the kyng, and seide, My lord the kyng, these men diden yuele alle thingis, what euer thingis thei diden aȝens Jere|mye, the profete, sendynge hym in to the lake, that he die there for hungur; for whi looues ben no more in the citee. [verse 10] Therfor the kyng comaundide to Abde|melech Ethiopien, and seide, Take with thee thretti men fro hennus, and reise thou Jeremye, the profete, fro the lake, bifor that he die. [verse 11] Therfor whanne Abde|melech hadde take men with hym, he entride in to the hous of the kyng, that was vndur the celer; and he took fro thennus elde clothis, and elde ragges, that weren rotun; and he sente tho [hem N.] doun to Jeremye, in to the lake, bi cordis. [verse 12] And

Abdemelech Ethiopien seide to Jeremye, Putte thou elde clothis, and these to-rent and rotun thingis vndur the cubit of thin hondis, and on the cordis. Therfor Jere|mye dide so. [verse 13] And thei drowen out Jere|mye with cordis, and ledden hym out of the lake. Forsothe Jeremye dwellide in the porche of the prisoun. [verse 14] And kyng Sedechie sente, and took hym Jeremye, the profete, at the thridde dore that was in the hous of the Lord. And the kyng seide to Jeremye, Y axe of thee a word; hide thou not ony thing fro me. [verse 15] Forsothe Jeremye seide to Sedechie, If Y telle to thee, whether thou schalt not sle me? And if Y ȝyue councel to thee, thou schalt not here me. [verse 16] Therfor Sedechie the king swoor to Jeremye priueli, and seide, The Lord lyueth, that maad to vs this soule, Y schal not sle thee, and Y schal not bi|take thee in to the hondis of these men, that seken thi lijf. [verse 17] And Jeremye seide to Sedechie, The Lord of oostis, God of Israel, seith these thingis, If thou goest forth, and goest out to the princes of the kyng of Babiloyne, thi soule schal lyue, and this citee schal not be brent with fier, and thou schalt be saaf, thou and thin hous. [verse 18] Forsothe if thou goest not out to the princes of the kyng of Babiloyne, this citee schal be bitakun in to the hondis of Caldeis; and thei schulen brenne it with fier, and thou schalt not ascape fro the hond of hem. [verse 19] And kyng Sedechie seide to Jeremye, Y am angwischid for the Jewis that fledden ouer to Caldeis, lest perauenture Y be bi|takun in to the hondis of hem, and thei scorne me. [verse 20] Forsothe Jeremye answeride, and seide to hym, Thei schulen not bitake thee; Y biseche, here thou the vois of the Lord, which Y schal speke to thee, and it schal be wel to thee, and thi soule schal lyue. [verse 21] That if thou wolt not go out, this is the word [verse 22] which the Lord schewide to me, Lo! alle the wymmen, that weren left in the hous of the kyng of Juda, schulen be led out to the princes of the kyng of Babiloyne; and tho wymmen schulen seie, Thi pesible men

disseyueden thee, and hadden the maistrye aȝens thee; thei drenchiden thee in filthe, and thi feet in slidirnesse, and ȝeden awei fro thee. [verse 23] And alle thi wyues and thi sones schulen be led out to Caldeis, and thou schalt not ascape the hondis of hem; but thou schalt be bitakun in to the hondis of the kyng of Babiloyne, and he schal brenne this citee bi [with I.] fier. [verse 24] Therfore Sede|chie seide to Jeremye, No man wite these wordis, and thou schalt not die. [verse 25] Sotheli if the princes heren, that Y spak with thee, and comen [thei comen I.] to thee, and seien to thee, Schewe thou to vs what thou spak|est with the kyng, hide thou not fro vs, and we schulen not sle thee; and what the [verse 26] kyng spak with thee, thou schalt seie to hem, Knelyngli Y puttide [settide CEFGHIKMNPQRSUVX.] forth my preiris bifore the kyng, that he schulde not co|maunde me to be led aȝen in to the hous of Jonathan, and Y schulde die there. [verse 27] Therfor alle the princes camen to Jere|mye, and axiden hym; and he spak to hem bi alle the wordis whiche the kyng hadde comaundid to hym, and thei ceess|iden fro hym; for whi no thing was herd. [verse 28] Therfor Jeremye dwellide in the porche of the prisoun, til to the dai wherynne [in whiche I.] Jerusalem was takun; and it was don, that Jerusalem schulde be takun.

CAP. XXXIX.

[verse 1] In the nynethe ȝeer of Sedechie, kyng of Juda, in the tenthe monethe, Nabugo|donosor, kyng of Babiloyne, and al his oost cam to Jerusalem, and thei bisegiden it. [verse 2] Forsothe in the enleuenthe ȝeer of Sedechie, in the fourthe monethe, in the fyuethe day of the monethe, the citee was [verse 3] opened; and alle the princes of the kyng of Babiloyne entriden, and saten in the myddil ȝate, Veregel, Fererer, Semegar, Nabusarrachym, Rapsaces, Neregel, Sere|ser, Rebynag, and alle othere princes of the kyng of Babiloyne. [verse 4] And whanne Sede|chie, the kyng of Juda, and alle the men

werriouris hadden seien hem, thei fledden, and ȝeden out bi niȝt fro the citee, bi the weie of the gardyn of the kyng, and bi the ȝate that was bitwixe twei wallis; and thei ȝeden out to the weie of desert. [verse 5] Forsothe the oost of Caldeis pursueden hem, and thei token Sedechie in the feeld of wildirnesse of Jericho; and thei token hym, and brouȝten to Nabugodonosor, kyng of Babiloyne, in Reblatha, which is in the lond of Emath; and Nabugodo|nosor spak domes to [with I.] hym. [verse 6] And the kyng of Babiloyne killide the sones of Sedechye in Reblatha, bifor hise iȝen; and the kyng of Babyloyne killide alle the noble men of Juda. [verse 7] Also he puttide out the iȝen of Sedechie, and boond hym in feteris, that he schulde be led in to Babiloyne. [verse 8] And Caldeis brenten with fier the hous of the kyng, and the hous of the comun puple, and distrieden [thei distrieden I.] the wal of Jerusalem. [verse 9] And Nabusardan, the maister of knyȝtis, translatide in to Babiloyne the residues of the puple, that dwelliden in the citee, and the fleeris awei, that hadden fled ouer to hym, and the superflue men of the comyn puple, that weren left. [verse 10] And Nabusardan, the maistir of knyȝtis, lefte in the lond of Juda, of the puple of pore men, and ȝaf to hem vyneris and cisternes in that dai. [verse 11] Forsothe Nabugodonosor, kyng of Babi|loyne, hadde comaundid of Jeremye to Nabusardan, maister of chyualrie [the chyualrie I.] , and [verse 12] seide, Take thou him, and sette thin iȝen on hym, and do thou no thing of yuel to him; but as he wole, so do thou to hym. [verse 13] Therfor Nabusardan, the prynce of chy|ualrie, sente Nabu, and Lesban, and Rap|sases, and Veregel, and Sereser, and Re|bynag, and alle the principal men of the [verse 14] kyng of Babiloyne, senten, and token Je|remye fro the porche of the prisoun, and bitokun [thei bitokun I.] hym to Godolie, the sone of Aicham, sone of Saphan, that he schulde entre in to the hous, and dwelle among the puple. [verse 15] Forsothe the word of the Lord

was maad to Jeremye, whanne he was closid in the porche of the prisoun, and [verse 16] seide, Go thou, and seie to Abdemelech Ethiopien, and speke thou, The Lord of oostis, God of Israel, seith these thingis, Lo! Y schal brynge my wordis on this citee in to yuel, and not in to good; and tho schulen be in thi siȝt in that dai. [verse 17] And Y schal delyuere thee in that day, seith the Lord, and thou schalt not be bitakun in to the hondis of men, whiche thou [verse 18] dreddist; but Y delyuerynge schal dely|uere thee, and thou schalt not falle doun bi swerd; but thi soule schal be in to helthe to thee, for thou haddist trist in me, seith the Lord.

CAP. XL.

[verse 1] The word that was maad of the Lord to Jeremye, aftir that he was delyuered of Nabusardan, maister of chyualrie [the chyualrie I.] , fro Rama, whanne he took hym boundun with chaynes, in the myddis of alle men that passiden fro Jerusalem, and fro Juda, and weren led in to Babyloyne. [verse 2] Therfor the prince of chyualrie [the chyualrie I.] took Jeremye, and seide to hym, Thi Lord God spak this [verse 3] yuel on this place, and the Lord hath brouȝt, and hath do, as he spak; for ȝe synneden to the Lord, and herden not the vois of hym, and this word is doon to ȝou. [verse 4] Now therfor lo! Y haue releessid thee to dai fro the chaynes that ben in thin hondis; if it plesith thee to come with me in to Babiloyne, come thou, and Y schal sette myn iȝen on thee; sotheli if it displesith thee to come with me in to Babiloyne, sitte thou here; lo! al the lond is in thi siȝt, that that thou chesist, and whidur it plesith thee to go, thidur [verse 5] go thou, and nyle thou come with me. But dwelle thou with Godolie, sone of Aicham, sone of Saphan, whom the kyng of Babiloyne made souereyn to the citees of Juda; therfor dwelle thou with hym in the myddis of the puple, ether go thou,

whidir euer it plesith thee to go. And the maister of chyualrie ȝaf to hym metis, and ȝiftis, and lefte hym. [verse 6] Forsothe Jere|mye cam to Godolie, sone of Aicham, in to Masphat, and dwellide with hym, in the myddis of the puple that was left in the lond. [verse 7] And whanne alle princes of the oost hadden herd, that weren scatered bi cuntreis, thei and the felowis of hem, that the kyng of Babiloyne hadde maad Go|dolie souereyn of the lond, the sone of Aicham, and that he hadde bitake to Go|dolie men, and wymmen, and litle children, and of [the I.] pore men of the lond, that weren [verse 8] not translatid in to Babiloyne, thei camen to Godolie in Masphat; and Ismael, the sone of Nathanye, and Johannan, the sone of Caree, and Jonathan, and Sareas, the sone of Tenoemeth, and the sones of Offi, that weren of Nethophati, and Jeconye, the sone of Machati; bothe thei and her men camen to Godolie. [verse 9] And Godolie, sone [the sone CFHIKMNQSUVX.] of Aicham, sone of Saphan, swoor to hem, and to the felowis of hem, and seide, Nyle ȝe drede to serue Caldeis; but dwelle ȝe in the lond, and serue ȝe the kyng of Babiloyne, and it schal be wel to ȝou. [verse 10] Lo! Y dwelle in Mesphath, for to answere to the comaundement of Caldeis, that ben sent to vs; forsothe gadere ȝe vyndage, and ripe corn, and oile, and kepe ȝe in ȝoure vessels, and dwelle ȝe in ȝoure citees whiche ȝe holden. [verse 11] But also alle the Jewis, that weren in Moab, and in the oostis of Amon, and in Ydumee, and in alle the cuntreis, whanne it is herd, that the kyng of Babiloyne hadde ȝoue resi|dues, ether remenauntis, in Judee, and that he hadde maad souereyn on hem Go|dolie, the sone of Aicham, sone of Saphan, [verse 12] sotheli alle Jewis turneden aȝen fro alle places, to whiche thei hadden fled; and thei camen in to the lond of Juda, to Go|dolie in Masphat, and gaderiden wyn and ripe corn ful myche. [verse 13] Forsothe Johannan, the sone of Caree, and alle the princes of

the oost, that weren scaterid in the cun|treis, [verse 14] camen to Godolie in Masphath, and seiden to hym, Wite thou, that Bahalis, kyng of the sones of Amon, hath sent Ismael, the sone of Nathanye, to smyte thi lijf. And Godolie, the sone of Aicham, bileuyde not to hem. [verse 15] Forsothe Johannan, the sone of Caree, seide to Godolie asidis half in Masphath, and spak, Y schal go, and sle Ismael, the sone of Nathanye, while no man knowith, lest he sle thi lijf, and alle the Jewis ben scatered, that ben gaderid to thee, and the remenauntis of Juda schulen perische. [verse 16] And Godolie, the sone of Aicham, seide to Johannan, the sone of Caree, Nyle thou do this word, for thou spekist fals of Ismael.

CAP. XLI.

[verse 1] And it was don in the seuenthe monethe, Ismael, the sone of Nathanye, sone of Eli|sama, of the kingis seed, and the principal men of the kyng, and ten men with hym, camen to Godolie, the sone of Aicham, in Masphath; and thei eeten there looues to|gidere in Masphath. [verse 2] Forsothe Ismael, the sone of Nathanye, and the ten men that weren with hym, risiden [resin E. risen F. resen I.] vp, and killiden bi [with I.] swerd Godolie, the sone of Aicham, sone of Saphan; and thei killiden hym, whom the kyng of Babiloyne hadde maad soue|reyn of the lond. [verse 3] Also Ismael killide alle the Jewis, that weren with Godolie in Masphath, and the Caldeis, that weren foundun there, and the men werriours. [verse 4] Forsothe in the secounde dai, aftir that he hadde slayn Godolie, while no man [verse 5] wiste ȝit, foure scoor men with schauen beerdis, and to-rent clothis, and pale men, camen fro Sichem, and fro Silo, and fro Samarie; and thei hadden ȝiftis and en|cense in the hond, for to offre in the hous of the Lord. [verse 6] Therfor Ismael, the sone of Nathanye, ȝede out of Masphath in to the metyng of hem; and he ȝede goynge and wepynge. Sotheli whanne he hadde met

hem, he seide to hem, Come ȝe to Godolie, [verse 7] the sone of Aicham; and whanne thei weren comun to the myddis of the citee, Ismael, the sone of Nathanye, killide hem aboute the myddis of the lake, he and the men that weren with hym `killiden hem [Om. I.] . [verse 8] But ten men weren foundun among hem, that seiden to Ismael, Nyle thou sle vs, for we han tresour of wheete, and of barli, and of oile, and of hony, in the feeld. And he ceesside, and killide not hem with her britheren. [verse 9] Forsothe the lake in to which Ismael castide forth alle the careyns of men, whiche he killide for Godolie, is thilke lake, which kyng Asa made for Baasa, the kyng of Israel; Is|mael, the sone of Nathanye, fillide that lake with slayn men. [verse 10] And Ismael ledde prisoneris alle the remenauntis of the pu|ple, that weren in Mesphath, the douȝtris of the kyng, and al the puple that dwell|iden in Masphath, whiche Nabusardan, the prince of chyualrie, hadde bitakun to kepyng to Godolie, the sone of Aicham. And Ismael, the sone of Nathanye, took hem, and ȝede to passe ouer to the sones of Amon. [verse 11] Forsothe Johannan, the sone of Caree, and alle the princes of werriouris, that weren with hym, herden al the yuel, which Ismael, the sone of Nathanye, hadde do. [verse 12] And whanne thei hadden take alle men, thei ȝeden forth to fiȝte aȝens Ismael, the sone of Nathanye; and thei foundun hym at the many watris, that ben in Ga|baon. [verse 13] And whanne al the puple, that was with Ismael, hadden seyn Johannan, the sone of Caree, and alle the princes of wer|riouris, that weren with hym, thei weren glad. [verse 14] And al the puple, whom Ismael hadde take in Masphath, turnede aȝen; and it turnede aȝen, and ȝede to Johannan, the sone of Caree. [verse 15] Forsothe Ismael, the sone of Nathanye, fledde with eiȝte men fro the face of Johannan, and ȝede to the sones of Amon. [verse 16] Therfor Johannan, the [Om. N.] sone of Caree, and alle the princes of wer|riours,

that weren with hym, token alle the remenauntis of the comyn puple, whiche thei brouȝten aȝen fro Ismael, the sone of Nathanye, that weren of Masphat, aftir that he killide Godolie, the sone of Aicham; he took strong men to batel, and wymmen, and children, and geldyngis, whiche he hadde brouȝt aȝen fro Gabaon. [verse 17] And thei ȝeden, and saten beynge pil|gryms in Canaan, which is bisidis Beth|leem, that thei schulden go, and entre in [verse 18] to Egipt fro the face of Caldeis; for thei dredden thilke Caldeis, for Ismael, the sone of Nathanye, hadde slayn Godolie, the sone of Aicham, whom the kyng Nabugodono|sor hadde maad souereyn in the lond of Juda.

CAP. XLII.

[verse 1] And alle the princes of werriours neiȝ|iden, and Johannan, the sone of Caree, and Jeconye, the sone of Josie, and the residue comyn puple, fro a litil man `til to [vnto I. to RV.] a [Om. FHNQRSU.] greet man. [verse 2] And thei seiden to Jere|mye, the profete, Oure preier falle in thi siȝt, and preie thou for vs to thi Lord God, for alle these remenauntis; for we ben left a fewe of manye, as thin iȝen biholden vs; [verse 3] and thi Lord God telle to vs the weie, bi which we schulen go, and the word which we schulen do. [verse 4] Forsothe Jeremye, the profete, seide to hem, Y haue herd; lo! Y preye to oure Lord God, bi ȝoure wordis; Y schal schewe to ȝou ech word, what euere word the Lord schal answere to me, ne|ther Y schal hide ony thing fro ȝou. [verse 5] And thei seiden to Jeremye, The Lord be wit|nesse of treuthe and of feith bitwixe vs; if not bi ech word, in which thi Lord God schal sende thee to vs, so we schulen do, whether it be good ether yuel. [verse 6] We schulen obeie to the vois of oure Lord God, to whom we senden thee, that it be wel to vs, whanne we han herd the vois of oure Lord God. [verse 7] Forsothe whanne ten daies weren fillid, the word of the Lord was maad to Jeremye. [verse 8] And he clepide Johan|nan,

the sone of Caree, and alle the princes of werriours, that weren with hym, and al the puple fro the leste `til to [vnto I.] the mooste; [verse 9] and he seide to hem, The Lord God of Is|rael seith these thingis, to whom ȝe senten me, that Y schulde mekeli sette forth ȝoure preyeris in his siȝt. [verse 10] If ȝe resten, and dwellen in this lond, Y schal bilde ȝou, and Y schal not distrie; Y schal plaunte, and Y schal not drawe out; for now Y am plesid on the yuel which Y dide to ȝou. [verse 11] Nyle ȝe drede of the face of the kyng of Babiloyne, whom ȝe `that ben [Om. plures.] ferdful [feerful P.] , dreden; nyle ȝe drede hym, seith the Lord, for Y am with ȝou, to make ȝou saaf, and to delyuere fro his hond. [verse 12] And Y schal ȝyue mercies to ȝou, and Y schal haue merci on ȝou, and Y schal make ȝou dwelle in ȝoure lond. [verse 13] Forsothe if ȝe seien, We schulen not dwelle in this lond, nether we schulen here the vois of oure Lord God, [verse 14] and seie, Nai, but we schulen go to the lond of Egipt, where we schulen not se batel, and schulen not here the noise [vois K text sec. m. ether soun K marg. sec. m.] of trumpe, and we schulen not suffre hungur, [verse 15] and there we schulen dwelle; for this thing, ȝe remenauntis of Juda, here now the word of the Lord. The Lord of oostis, God of Israel, seith these thingis, If ȝe setten ȝoure face, for to entre in to Egipt, [verse 16] and if ȝe entren, to [for to NV pr. m.] dwelle there, the swerd whiche ȝe dreden schal take ȝou there in the lond of Egipt, and the hungur for which ȝe ben angwischid schal cleue to ȝou in Egipt; and there ȝe schulen die. [verse 17] And alle [Om. I.] the men that settiden her face, to [for to CEFGHIKMNPQRSUVX.] entre in to Egipt, and to dwelle there, schulen die bi swerd, and hungur, and pestilence; no man of hem schal dwelle stille, nether schal aschape fro the face of yuel, which Y schal brynge on hem. [verse 18] For why the Lord of oostis, God of Israel, seith these thingis, As my strong veniaunce and myn indignacioun is wellid togidere on the dwelleris of Jerusalem, so myn indig|nacioun

schal be wellid togidere on ȝou, whanne ȝe han entrid in to Egipt; and ȝe schulen be in to sweryng, and in to wondring, and in to cursyng, and in to schenschipe; and ȝe schulen no more se this place. [verse 19] The word of the Lord is on ȝou, ȝe remenauntis of Juda; nyle ȝe entre in to Egipt; ȝe witinge schulen wite, that [verse 20] Y haue witnessid to ȝou to dai; for ȝe han disseyued ȝoure soulis, for ȝe senten me to ȝoure Lord God, and seiden, Preye thou for vs to oure Lord God, and bi alle thingis what euer thingis oure Lord schal seie to thee, so telle thou to vs, and we schulen do. [verse 21] And Y telde to ȝou to dai, and ȝe herden not the vois of ȝoure Lord God, on alle thingis for whiche he sente me to ȝou. [verse 22] Now therfor ȝe witynge schu|len wite, for ȝe schulen die bi swerd, and hungur, and pestilence, in the place to which ȝe wolden entre, to dwelle there.

CAP. XLIII.

[verse 1] Forsothe it was don, whanne Jeremye spekinge to the puple hadde fillid alle the wordis of the Lord God of hem, for whiche the Lord God of hem sente hym to hem, [verse 2] alle these wordis, Azarie, the sone of Josie, seide, and Johanna, the sone of Caree, and alle proude men, seiynge to Jeremye, Thou spekist a [Om. I.] leesyng; oure Lord God sente not thee, and seide, Entre ȝe not in to [verse 3] Egipt, to dwelle there; but Baruc, the sone of Nerie, stirith thee aȝens vs, that he bitake vs in the hondis of Caldeis, that he sle vs, and make to be led ouer in to Babiloyne. [verse 4] And Johanna, the sone of Caree, and alle the princes of werriours, and al the puple, herden not the vois of the Lord, that thei dwellen [dwelliden CEFGHKMNPQRSUVX.] in the lond of Juda. [verse 5] But Johanna, the sone of Caree, and alle the princes of werriours, token alle of the remenauntis of Juda, that turn|eden aȝen fro alle folkis, to whiche thei weren scatered bifore, that thei schulden [verse 6] dwelle in the lond of Juda; thei token

men, and wymmen, and litle children, and the douȝtris of the kyng, and ech persoone, whom Nabusardan, the prince of chyual|rie, hadde left with Godolie, the sone of Aicham, sone of Saphan. And thei token Jeremye, the profete, and Baruc, the sone [verse 7] of Nerie, and thei entriden in to the lond of Egipt; for thei obeieden not to the vois of the Lord, and thei camen `til to [vnto I.] Taph|nys. [verse 8] And the word of the Lord was maad [verse 9] to Jeremye in Taphnys, and seide, Take in thin hond grete stoonys, and hide thou tho in a denne, which is vndur the wal of tiil stoon, in the ȝate of the hous of Farao, in Taphnys, while alle Jewis [the Jewis I.] seen [seen it I.] . [verse 10] And thou schalt seie to hem, The Lord of oostis, God of Israel, seith these thingis, Lo! Y schal sende, and Y schal take Nabugodo|nosor, my seruaunt, the kyng of Babi|loyne; and Y schal sette his trone on these stoonys, whiche Y hidde; and he schal sette his seete on tho stoonys. [verse 11] And he schal come, and smyte the lond of Egipt, whiche in deth in to deth, and whiche in caitiftee in to caitiftee, and whiche in swerd in to swerd. [verse 12] And he schal kindle fier in the templis of goddis of Egipt, and he schal brenne tho templis, and schal lede hem prisoneris; and the lond of Egipt schal be wlappid, as a scheepherd is wlappid in his mentil; and he schal go out fro thennus in pees. [verse 13] And he schal al to-breke the ymagis of the hous of the sunne, that ben in the lond of Egipt; and he schal brenne in fier the templis of the goddis of Egipt.

CAP. XLIV.

[verse 1] The word that was maad to Jeremye, and to alle the Jewis, that dwelliden in the lond of Egipt, dwellinge in Magdalo, and in Taphnys, and in Memphis, and in [verse 2] the lond of Phatures, and seide, The Lord of oostis, God of Israel, seith these thingis, Ȝe sien [sauȝen I passim.] al this yuel, which Y brouȝte on Jerusalem, and on alle the citees of Juda;

and lo! tho ben forsakun to dai, and no [verse 3] dwellere is [ther is I.] in tho [hem N.] ; for the malice which thei diden, to terre me to wrathfulnesse, and that thei ȝeden, and maden sacrifice, and worschipiden alien goddis, whiche thei knewen not, bothe ȝe, and thei, and ȝoure fadris. [verse 4] And Y sente to ȝou alle my seruauntis profetis; and Y roos bi nyȝte, and sente, and seide, Nyle ȝe do the word of sich abhomynacioun. [verse 5] And thei herden not, nether bowiden doun her eere, that thei schulen be conuertid fro her yuels, and schulden not make sacrifice to alien goddis. [verse 6] And myn indignacioun and my strong veniaunce is wellid togidere, and is kindlid in the citees of Juda, and in the stretis of Jerusalem; and tho [thei N.] ben turned in to wildirnesse, and wastnesse, bi this dai. [verse 7] And now the Lord of oostis, God of Israel, seith these thingis, Whi doon ȝe this greet yuel aȝens ȝoure soulis, that a man of ȝou perische and a womman a litil child and soukynge perische [Om. I.] , fro the myddis of Juda, nether ony residue thing [verse 8] be left in ȝou, that terre me to wraththe bi the werkis of ȝoure hondis, in makynge sacrifice to alien goddis in the lond of Egipt, in to which ȝe entriden, that ȝe dwelle there, and that ȝe perische, and be in to cursyng, and in to schenschipe to alle the folkis of erthe? [verse 9] Whether ȝe han forȝete the yuels of ȝoure fadris, and the yuels of the kingis of Juda, and the yuels of her wiues, and ȝoure yuels, and the yuels of ȝoure wyues, whiche thei diden in the lond of Juda, and in the cuntreis of Jerusalem? [verse 10] Thei ben not clensid `til to [vnto I.] this dai, and thei dredden not, and thei ȝeden not in the lawe of the Lord, and in myn heestis, whiche Y ȝaf bifore ȝou, and bifore ȝoure fadris. [verse 11] Therfor the Lord of oostis, God of Israel, seith these thingis, Lo! Y schal sette my face in ȝou [verse 12] in to yuel, and Y schal leese al Juda, and Y schal take the remenauntis of Juda, that settiden her faces, to go in to the lond of

Egipt, and to dwelle there; and alle schu|len be waastid in the lond of Egipt, thei schulen falle doun bi swerd, and schulen be wastid in hungur, fro the leeste `til to [vnto I.] the mooste, thei schulen die bi swerd and hungur, and schulen be in to swering, and in to myracle [myracle, or wondir EPY.] , and in to cursyng, and in to schenschipe. [verse 13] And Y schal visite on the dwelleris of Egipt, as Y visitide on Jeru|salem, in swerd, and in hungur, and in pestilence. [verse 14] And noon schal [ther schal I.] be, that schal ascape, and be residue of the remenauntis of Jewis, that goen to be pilgrimys in the lond of Egipt, and to turne aȝen to the lond of Juda, to which thei reisen her soulis, that thei turne aȝen, and dwelle there; thei schulen not turne aȝen thidir, no [Om. I.] but thei that fledden. [verse 15] Forsothe alle men answeriden to Jeremye, and wisten, that her wyues maden sacrifice to alien goddis, and alle wymmen, of whiche a greet multitude stood, and alle the puple of dwelleris in the lond of Egipt, in Fa|tures, [verse 16] and seiden, We schulen not here of thee the word which thou spekist to vs [verse 17] in the name of oure Lord God, but we doynge schulen do ech word that schal go out of oure mouth, that we make sacrifice to the queen of heuene, and that we offre to it moist sacrifices, as we diden, and oure fadris, oure kingis, and oure princes, in the citees of Juda, and in the stretis of Jerusalem; and we weren fillid with looues, and it was wel to vs, and we sien noon yuel. [verse 18] But fro that tyme, in which we ceessiden to make sacrifice to the queen of heuene, and to offre to it moist sacri|fices, we hadden nede to alle thingis, and we weren wastid bi swerd and hungur. [verse 19] That if we maken sacrifice to the queen of heuene, and offren to it moist sacrifices, whether withouten oure hosebondis we maden to it cakis, to worschipe it, and looues to be offrid? [verse 20] And Jeremye seide to al the puple, aȝens the men, and aȝens the

wymmen, and aȝens al [Om. N.] the puple, that an|sweriden to hym the word, and he seide, [verse 21] Whether not the sacrifice [sacrefices S.] which ȝe sacri|fisiden in the citees of Juda, and in the stretis of Jerusalem, ȝe, and ȝoure fadris, ȝoure kyngis, and ȝoure princes, and the puple of the lond, terriden God to ven|iaunce? The Lord hadde mynde on these [verse 22] thingis, and it stiede on his herte; and the Lord myȝte no more bere, for the malice of ȝoure studies, and for abhomy|naciouns [the abhomynaciouns I.] whiche ȝe diden. And ȝoure lond is maad in to desolacioun, and in to won|dryng, and in to curs, for no dwellere is, as this dai is. [verse 23] Therfor for ȝe maden sacri|fice to idols, and synneden to the Lord, and herden not the vois [word N.] of the Lord, and ȝeden not in the lawe, and in the co|mandementis, and in the witnessis of hym, therfor these yuels bifellen to ȝou, as this dai is. [verse 24] Forsothe Jeremye seide to al the puple, and to alle the wymmen, Al Juda, that ben in the lond of Egipt, here ȝe the word of the Lord. [verse 25] The Lord of oostis, God of Israel, seith these thingis, and spekith, Ȝe and ȝoure wyues spaken with ȝoure mouth, and filliden with ȝoure hondis, and seiden, Make we oure vowis whiche we vowiden, that we make sacri|fice to the queen of heuene, and offre to it moist sacrifices; ȝe filliden ȝoure vowis, and diden tho in werk. [verse 26] Therfor, al Juda, that dwellen in the lond of Egipt, here ȝe the word of the Lord; Lo! Y swoor in my greet name, seith the Lord, that my name schal no more be clepid bi the mouth of ech man Jew, seiynge, The Lord God lyueth, in al the lond of Egipt. [verse 27] Lo! Y schal wake on hem in to yuel, and not in to good; and alle the men of Juda, that ben in the lond of Egipt, schulen be waastid, bi swerd and hungur, til thei be wastid outerli. [verse 28] And a fewe men that fled|den the swerd, schulen turne aȝen fro the lond of Egipt in to the lond of Juda; and alle the remenauntis of Juda, of hem that

entren in to the lond of Egipt, to dwelle there, schulen wite, whos word schal be fillid, myn ether hern. [verse 29] And this schal be a signe to ȝou, seith the Lord, that Y schal visite on ȝou in this place, that ȝe wite, that verili my wordis schulen be fillid aȝens ȝou in to yuel. [verse 30] The Lord seith these thingis, Lo! Y schal bitake Farao, the kyng of Egipt, in to the hond of hise enemyes, and in to the hond of hem that seken his lijf, as Y bitook Sedechie, the [Om. I.] kyng of Juda, in to the hond of Nabugodonosor, kyng of Babiloyne, his enemye, and sek|ynge his lijf.

CAP. XLV.

[verse 1] The word that Jeremye, the profete, spak to Baruc, the sone of Nerie, whanne he hadde write these wordis in the book, of the mouth of Jeremye, in the fourthe ȝeer of Joachym, the sone of Josie, kyng [verse 2] of Juda, and seide, The Lord God of Israel seith these thingis to thee, Baruc. [verse 3] Thou seidist, Wo to me wretche, for the Lord encreesside sorewe to my sorewe; Y tra|uelide in my weilyng, and Y foond not reste. [verse 4] The Lord seith these thingis, Thus thou schalt seye to hym, Lo! Y distrie hem, whiche Y bildide, and Y drawe out hem, whiche Y plauntide, and al this lond. [verse 5] And sekist thou grete thingis to thee? nyle thou seke, for lo! Y schal brynge yuel on ech man, seith the Lord, and Y schal ȝyue to [Om. N.] thee thi lijf in to helthe, in alle places, to whiche euer places thou schalt go.

CAP. XLVI.

[verse 1] The word of the Lord, that was maad to Jeremye, the profete, aȝens hethene [verse 2] men; to Egipt, aȝens the oost of Farao Nechao, kyng of Egipt, that was bisidis the flood Eufrates, in Charchamys, whom Nabugodonosor, kyng of Babiloyne, smoot, in the fourthe ȝeer of Joachym, sone of

Josie, kyng of Juda. [verse 3] Make ȝe redi scheeld and targat, and go ȝe forth to batel. [verse 4] Ioyne ȝe horsis, and stie, ȝe knyȝtis; stonde ȝe in helmes [helmes, ether basynetis CEFGHKMNPQRSUVX.] , polische ȝe speris, clothe ȝe ȝou in haburiowns. [verse 5] What therfor? Y siȝ hem dredeful [dredeful, ether aferd CEFGHIKMNPQRSUVX.] , and turnynge the backis, the stronge men of hem slayn; and thei fled|den swiftli and bihelden not; drede was on ech side, seith the Lord. [verse 6] A swift man schal not fle, and a strong man gesse not hym silf to be saued; at the north, bisidis the flood Eufrates, thei weren ouer comun, and fellen doun. [verse 7] Who is this, that stieth as a flood, and hise swelewis wexen greet as of floodis? [verse 8] Egipte stiede at the lic|nesse of a flood, and hise wawis schulen be mouyd as floodis; and it schal seie, Y schal stie, and hile the erthe; Y schal leese the citee, and dwelleris therof. [verse 9] Stie ȝe on [upon I.] horsis, and make ȝe ful out ioie in charis; and stronge men, come forth, E|thiopie and Libie, holdynge scheeld, and Lidii, takynge and schetynge arowis. [verse 10] For|sothe that dai of the Lord God of oostis is a dai of veniaunce, that he take ven|iaunce of hise enemyes; the swerd schal deuoure, and schal be fillid, and schal greetli be fillid with the blood of hem; for whi the slayn sacrifice of the Lord of oostis is in the lond of the north, bisidis the flood Eufrates. [verse 11] Thou virgyn, the douȝ|ter of Egipt, stie [stie up I.] in to Galaad, and take medicyn. In veyn thou schalt multiplie medecyns; helthe schal not be to thee. [verse 12] Hethene men herden thi schenschipe, and thi ȝellyng fillide the erthe; for a strong man hurtlide aȝens a strong man, and bothe fellen doun togidere. [verse 13] The word which the Lord spak to Jeremye, the pro|fete, on that that Nabugodonosor, kyng of Babiloyne, was to comynge, and to smytynge the lond of Egipt. [verse 14] Telle ȝe to Egipt, and make ȝe herd in Magdalo, and sowne it in Memphis, and seie ȝe in Taph|nys,

Stonde thou, and make thee redi, for a swerd schal deuoure tho thingis that ben bi thi cumpas. [verse 15] Whi hath thi strong man wexe rotun? He stood not, for the Lord vndurturnede hym. [verse 16] He multipliede falleris, and a man felle doun to his neiȝ|bore; and thei schulen seie, Rise ȝe, and turne we aȝen to oure puple, and to the lond of oure birthe, fro the face of swerd of the culuer. [verse 17] Clepe ȝe the name of Farao, kyng of Egipt; the tyme hath brouȝt noise. [verse 18] Y lyue, seith the kyng, the Lord of oostis is his name; for it schal come as Thabor in hillis, and as Carmele in the see. [verse 19] Thou dwelleresse [dwellere G. dwelstere I.] , the [thou G.] douȝter of Egipt, make to thee vessels of passyng ouer; for whi Memfis schal be in to wil|dirnesse, and schal [it schal I.] be forsakun vnhabit|able. [verse 20] Egipt is a schapli cow calf, and fair; a prickere fro the north schal come to it. [verse 21] Also the hirid men therof, that liueden as caluys maad fatte in the myddis therof, ben turned, and fledden togidere, and miȝten not stonde; for the dai of sleynge of hem schal come on hem, the tyme of the [Om. I.] visityng of hem. [verse 22] The vois of hem schal sowne as of bras, for thei schulen haste with oost, and with axis thei schulen come to it. As men kittynge doun trees [verse 23] thei kittiden doun the forest therof, seith the Lord, which mai not be noumbrid; thei ben multiplied ouer locustis, and no noumbre is in hem. [verse 24] The douȝtir of Egipt is schent, and bitakun in to the hond of [verse 25] the puple of the north, seide the Lord of oostis, God of Israel. Lo! Y schal visite on the noise of Alisaundre, and on Farao, and on Egipt, and on the goddis therof, and on the kyngis therof, and on hem that tristen in hym. [verse 26] And Y schal ȝyue hem in to the hondis of men that seken the lijf of hem, and in to the hondis of Nabugodonosor, kyng of Babiloyne, and in to [Om. N.] the hondis of hise seruauntis; and aftir these thingis it schal be enhabitid, as in the formere daies, seith the Lord.

[verse 27] And thou, Jacob, my seruaunt, drede thou not, and Israel, drede thou not; for lo! Y schal make thee saaf fro fer place, and thi seed fro the lond of his caitiftee; and Jacob schal turne aȝen, and schal reste, and schal haue prosperite, and noon schal be, that schal make hym aferd. [verse 28] And Ja|cob, my seruaunt, nyle thou drede, seith the Lord, for Y am with thee; for Y schal waste alle folkis, to whiche Y castide thee out; but Y schal not waste thee, but Y schal chastise thee in doom, and Y schal not spare thee as innocent.

CAP. XLVII.

[verse 1] The word of the Lord, that was maad to Jeremye, the profete, aȝens Palestyns, bifor that Farao smoot Gaza. [verse 2] The Lord seith these thingis, Lo! watris schulen stie fro the north, and tho [thei N.] schulen be as a stronde flowynge, and tho [thei N.] schulen hile the lond, and the fulnesse therof, the citee, and the dwelleris therof. Men schulen crie, and alle the dwelleris of the lond schulen [verse 3] ȝelle, for the noise of boost of armed men, and of werriours of hym, and for mou|yng of hise cartis, and multitude of hise wheelis. Fadris bihelden not sones with [verse 4] clumsid hondis, for the [Om. I.] comyng of the dai in which alle Filisteis schulen be de|stried; and Tirus schal be destried, and Sidon with alle her othere helpis. For the Lord hath destried Palestyns, the reme|nauntis of the ile of Capadocie. [verse 5] Ballid|nesse cam on Gaza; Ascolon was stille, and the remenauntis of the valei of tho [hem N.] . [verse 6] Hou longe schalt thou falle doun, O [A! CEFGHIKMNPQRSUVX.] ! swerd of the Lord, hou long schalt thou not reste? Entre thou in to thi schethe, be thou refreischid, and be stille. [verse 7] Hou schal it reste, whanne the Lord comaund|ide to it aȝens Ascalon, and aȝens the see coostis therof, and there hath seide to it?

CAP. XLVIII.

[verse 1] To Moab the Lord of oostis, God of Israel, seith these thingis. Wo on Nabo, for it is destried, and schent; Cariathia|rym is takun, the stronge citee is schent, and tremblide. [verse 2] And ful out ioiyng is no more in Moab, thei thouȝten yuel aȝens Esebon. Come ȝe, and leese we it fro folk. Therfor thou beynge stille, schalt be stille, and swerd schal sue thee. [verse 3] A vois of cry fro Oronaym, distriynge, and greet sorewe. [verse 4] Moab is defoulid, telle ȝe cry to litil chil|dren therof. [verse 5] For a man wepynge stiede with wepyng bi the stiyng of Luyth, for in the comyng doun of Oronaym enemyes herden the ȝellyng of sorewe. [verse 6] Fle ȝe, saue ȝe ȝoure lyues; and ȝe schulen be as bromes in desert. [verse 7] For that that thou haddist trist in thi strengthis, and in thi tresouris, also thou schalt be takun. And Chamos schal go in to passyng ouer, the preestis therof and the princes therof togidere. [verse 8] And a robbere schal come to ech citee, and no citee schal be sauyd; and valeis schulen perische, and feeldi places schulen be dis|tried, for the Lord seide. [verse 9] Ȝyue ȝe the flour of Moab, for it schal go out flourynge; and the citees therof schulen be forsakun, and vnhabitable. [verse 10] He is cursid, that doith the werk of God gilefuli; and he is cursid, that forbedith his swerd [swerd; that is, Goddis word. V.] fro blood [blood; that is, penaunce for synnes. V.] . [verse 11] Moab was plenteuouse fro his ȝong wexynge age, and restide in hise drastis, nether was sched out fro vessel in to vessel, and ȝede not in to passyng ouer; therfor his taaste dwellide in hym, and his odour is not chaungid. [verse 12] Therfor lo! daies comun, seith the Lord, and Y schal sende to it ordeyn|ours, and arayeris of potels; and thei schulen araye it, and thei schulen waste the vessels therof, and hurtle togidere the potels of hem. [verse 13] And Moab schal be schent of Chamos, as the hous of Israel was schent of Bethel, in which it hadde trist.

[verse 14] Hou seien ȝe, We ben stronge, and stal|worthe men to fiȝte? [verse 15] Moab is distried, and thei han brent the citees therof, and the chosun ȝonge men therof ȝeden doun in to sleynge, seith the kyng, the Lord of oostis is his name. [verse 16] The perischyng of Moab is nyȝ, that it come, and the yuel therof renneth ful swiftli. [verse 17] Alle ȝe that ben in the cumpas therof, coumforte it; and alle ȝe that knowen the name therof, seie, Hou is the stronge ȝerde brokun, the gloriouse staaf? [verse 18] Thou dwellyng of the douȝtir of Dibon, go doun fro glorie, sitte thou in thirst; for the distriere of Moab schal stie to thee, and he schal destrie thi strengthis. [verse 19] Thou dwellyng of Aroer, stonde in the weie, and biholde; axe thou hym that fleeth, and hym that ascapide; seie thou, What bifelle? [verse 20] Moab is schent, for he is ouercomun; ȝelle ȝe, and crye; telle ȝe in Arnon, that Moab is destried. [verse 21] And doom is comun to the lond of the feeld, on Elon, and on Jesa, and on Me|phat, [verse 22] and on Dibon, and on Nabo, and on [verse 23] the hous of Debalthaym, and on Cariathia|rym, and on Bethgamul, and on Beth|maon, [verse 24] and on Scarioth, and on Bosra, and on alle the citees of the lond of Moab, that ben fer, and that ben niȝ. [verse 25] The horn of Moab is kit awei, and the arm therof is al to-brokun, seith the Lord. [verse 26] Fille ȝe him greetli, for he is reisid aȝens the Lord; and he schal hurtle doun the hond [lond A pr. m. CEFGHMNPQRSVX.] of Moab in his spuyng, and he also schal be in to scorn. [verse 27] For whi, Israel, he was in to scorn to thee, as if thou haddist founde hym among theues; therfor for thi wordis whiche thou spakist aȝens hym, thou schalt be led prisoner. [verse 28] Ȝe dwelleris of Moab, for|sake [forsaketh I.] citees, and dwelle [dwelle ȝe I.] in the stoon, and be ȝe as a culuer makynge nest in the hiȝeste mouth of an hool. [verse 29] We han herd the pride of Moab; he is ful proud. [verse 30] Y knowe, seith the Lord, the hiȝnesse therof, and pride in word, and pride in beryng,

and the hiȝnesse of herte, and the boost therof, and that the vertu therof is not niȝ, ethir lijk it, nethir it enforside to do bi [aftir I.] that that it miȝte. [verse 31] Therfor Y schal weile on Moab, and Y schal crie to al Moab, to the men of the erthene wal, that weilen. [verse 32] Of the weilyng of Jaser Y schal wepe to thee, thou vyner of Sabama; thi siouns passiden the see, tho camen `til to [vnto I.] the see of Jazer; a robbere felle in on thi ripe corn, and on thi vyndage. [verse 33] Ful out ioye and gladnesse is takun awei fro Car|mele, and fro the lond of Moab, and Y haue take awei wyn fro pressouris; a stampere of grape schal not synge a cus|tomable myri song. [verse 34] Of the cry of Esebon `til to [vnto I.] Eleale and Jesa thei ȝauen her vois, fro Segor `til to [vnto I.] Oronaym a cow calf of thre ȝeer; forsothe the watris of Nemrym schulen be ful yuele. [verse 35] And Y schal take awei fro Moab, seith the Lord, him that offrith in hiȝ places, and him that makith sacrifice to the goddis therof. [verse 36] Therfor myn herte schal sowne as a pipe of bras to Moab, and myn herte schal ȝyue sown of pipis to the men of the erthene wal; for it dide more than it myȝte, therfor thei perischiden. [verse 37] For whi ech heed schal be ballidnesse, and ech beerd schal be scha|uun; in alle hondis schal be bindyng to|gidere, and an heir schal be on ech bak. [verse 38] And al weilyng schal be on alle the roouys of Moab, and in the stretis therof, for Y haue al to-broke Moab as an vnprofitable vessel, seith the Lord. [verse 39] Hou is it ouer|comun, and thei ȝelliden [ȝeldiden N.] ? hou hath Moab cast doun the nol, and is schent? And Moab schal be in to scorn, and in to ensaumple to alle men in his cumpas. [verse 40] The Lord seith these thingis, Lo! as an egle he schal fle out, and he schal stretche forth hise wyngis to Moab. [verse 41] Carioth is takun, and stronge holdis ben takun; and the herte of stronge men of Moab schal be in that dai, as the herte of a womman trauel|ynge

of child. [verse 42] And Moab schal ceesse to be a puple, for it hadde glorie aȝens the Lord. [verse 43] Drede, and diche, and snare is on thee, thou dwellere of Moab, seith the Lord. [verse 44] He that fleeth fro the face of drede, schal falle in to a diche; and thei that stien fro the dyche, schulen be takun with a snare. For Y schal brynge on Moab the ȝeer of the visitacioun of hem, seith the Lord. [verse 45] Men fleynge fro the snare stoden in the schadewe of Esebon, for whi fier ȝede out of Esebon, and flawme fro the myddis of Seon; and deuouride a part of Moab, and the cop of the sones of noise. [verse 46] Moab, wo to thee; thou puple of Chamos, hast perischid, for whi thi sones and thi douȝtris ben takun in to caitiftee. [verse 47] And Y schal conuerte the caitiftee of Moab in the laste daies, seith the Lord. Hidur to ben the [Om. I.] domes of Moab.

CAP. XLIX.

`Go ȝe [Om. I.] to the sones [sones also I.] of Amon. [verse 1] The Lord seith these thingis. Whether no sones ben of Israel, ether an eir is not to it? whi therfor weldide Melchon the eritage of Gad, and the puple therof dwellide in the citees of Gad? [verse 2] Lo! daies comen, seith the Lord, and Y schal make the gnaisting of batel herd on Rabath of the sones of Amon; and it schal be distried in to noise, and the vilagis therof schulen be brent with fier, and Israel schal welde hise welderis, seith the Lord. [verse 3] Ȝelle ȝe, Esebon, for Hay is distried; crie, ȝe douȝ|tris of Rabath, girde ȝou with heiris, weile ȝe, and cumpasse [cumpasseth I.] bi heggis; for whi Melchon schal be lad in to passyng ouer, the prestis therof and princes therof to|gidere. [verse 4] What hast thou glorie in valeis? Thi valeis fleet [fletiden I. fleetith S.] awei, thou delicat douȝter, that haddist trist in thi tresours, and seid|ist, Who schal come to me? [verse 5] Lo! Y schal

bringe in drede on thee, seith the Lord God of oostis, God of Israel, of alle men that ben in thi cumpasse; and ȝe schulen be scaterid, ech bi hym silf, fro ȝoure siȝt, and noon schal be, that gadere hem that fleen. [verse 6] And after these thingis Y schal make the fleeris and prisoneris of the sones of Amon to turne aȝen, seith the Lord. [verse 7] To Ydumee the Lord God of oostis seith these thingis. Whether wisdom is no more in Theman? Councel perischide fro sones, the wisdom of hem is maad vnpro|fitable. [verse 8] Fle ȝe, and turne ȝe backis [the backis I.] ; go doun in to a swolowe, ȝe dwelleris of De|dan, for Y haue brouȝt the perdicioun of Esau on hym, the tyme of his visitacioun. [verse 9] If gadereris of grapis hadden come on thee, thei schulden haue left a clustre; if theues in the niȝt, thei schulden haue rauyschid that that suffiside to hem. [verse 10] For|sothe Y haue vnhilid Esau, and Y haue schewid the hid thingis of hym, and he mai not mow be hid; his seed is distried, and hise britheren, and hise neiȝboris, and it schal not be. [verse 11] Forsake thi fadirles chil|dren, and Y schal make hem to lyue, and thi widewis schulen hope in me. [verse 12] For the Lord seith these thingis, Lo! thei drynk|ynge schulen drynke, to whiche [whom I.] was no doom, that thei schulden drynke the cuppe. And `schalt thou [thou schalt C.] be left as innocent? thou schalt not be innocent, but thou drynk|ynge schalt drynke. [verse 13] For Y swoor bi my silf, seith the Lord, that Bosra schal be in to wildirnesse, and in to schenschipe, and in to forsakyng, and in to cursyng; and alle the citees therof schulen be in to euerlastynge wildirnessis. [verse 14] I herde an heryng of the Lord, and Y am sent a messanger to hethene men; be ȝe gaderid togidere, and come ȝe aȝens it [hem AI.] , and rise we togidere in to batel. [verse 15] For lo! Y haue ȝoue thee a litil oon among hethene men, despisable among men. [verse 16] Thi boost, and the pride of thin herte, hath disseyued

thee, that dwellist in the caues of stoon, and enforsist to take the hiȝnesse of a litil hil; whanne thou as an egle hast reisid thi nest, fro thennus Y schal drawe thee doun, seith the Lord. [verse 17] And Ydumee schal be forsakun; ech man that schal passe bi it, schal wondre, and schal hisse on alle [verse 18] the woundis therof; as Sodom and Gom|mor is distried, and the niȝ citees therof, seith the Lord. A man schal not dwelle there, and the sone of man schal not en|habite it. [verse 19] Lo! as a lioun he schal stie, fro the pride of Jordan to the strong fair|nesse; for Y schal make hym renne sudenli to it; and who schal be the chosun man, whom Y schal sette bifore hym? For who is lijk to me, and who schal suffre me? and who is this scheepherde, that schal aȝenstonde my cheer? [verse 20] Therfor here ȝe the councel of the Lord, which he took of Edom, and his thouȝtis, whiche he thouȝte of the dwelleris of Theman. If the litle of the floc caste not hem doun, if thei distrien not with hem the dwellyng of hem, ellis no man ȝyue credence to me. [verse 21] The erthe was mouyd of the vois of fall|yng of hem; the cry of vois therof was herd in the reed see. [verse 22] Lo! as an egle he schal stie, and fle out, and he schal sprede abrood hise wynges on Bosra; and the herte of the strong men of Idumee schal be in that dai, as the herte of a womman trauelynge of child. [verse 23] To Damask. Emath is schent, and Arphath, for thei herden a ful wickid heryng; thei weren disturblid in the see, for angwisch thei miȝten not haue reste. [verse 24] Damask was discoumfortid, it was turned in to fliȝt; tremblyng took it, angwischis and sorewis helden it, as a womman trauelynge of child. [verse 25] How forsoken thei a preisable citee, the citee of gladnesse? [verse 26] Therfor the ȝonge men therof schulen falle in the stretis therof, and alle men of batel schulen be stille in that dai, seith the Lord of oostis. [verse 27] And Y schal

kyndle fier in the wal of Damask, and it schal deuoure the bildyngis of Benadab. [verse 28] To Cedar, and to the rewme of Azor, which Nabugodonosor, kyng of Babiloyne, smoot, the Lord seith these thingis. Rise ȝe, and stie [stieth I.] to Cedar, and distrie ȝe the sones of the eest. [verse 29] Thei schulen take the tabernaclis of hem, and the flockis of hem; thei schulen take to hem the skynnes of hem, and alle the vessels of hem, and the camels of hem; and thei schulen clepe on hem inward drede in cumpas. [verse 30] Fle ȝe, go ȝe awei greetli, ȝe that dwellen in Asor, sitte [sitteth I.] in swolewis, seith the Lord. For whi Nabugodonosor, kyng of Babiloyne, hath take councel aȝens ȝou, and he thouȝte thouȝtis aȝens ȝou. [verse 31] Rise ȝe togidere, and stie ȝe to a pesible folk, and dwellinge tristili, seith the Lord; not doris nether [ne I.] barris ben to it, thei [and thei A pr. m.] dwellen aloone. [verse 32] And the camels of hem schulen be in to ra|uyschyng, and the multitude of her beestis in to prey; and Y schal schatere hem in to ech wynd, that ben biclippid on the long heer, and bi ech coost of hem Y schal brynge perischyng on hem, seith the Lord. [verse 33] And Asor schal be in to a dwellyng place of dragouns; it schal be forsakun `til in to [vnto I.] withouten ende; a man schal not dwelle there, nether the sone of man schal enhabite it. [verse 34] The word of the Lord that was maad to Jeremye, the profete, aȝens Elam, in the bigynnyng of the rewme of [verse 35] Sedechie, kyng of Juda, and seide, The Lord of oostis, God of Israel, seith these thingis, Lo! Y schal breke the bowe of Elam, and Y schal take the strengthe of hem. [verse 36] And I schal bringe on Elam foure wyndis; fro foure coostis of heuene, and Y schal wyndewe [wynewe I.] hem in to alle these wyndis, and no folc schal be, to which [whom I.] the fleeris of Elam schulen not come. [verse 37] And Y schal make Elam for to drede bifore her enemyes, and in the siȝt of men sek|ynge the lijf of hem; and Y schal brynge on hem yuel, the wraththe of my strong

veniaunce, seith the Lord; and Y schal sende after hem a swerd, til Y waste hem. [verse 38] And Y schal sette my kyngis seete in Elam, and Y schal leese therof kyngis, and princes, seith the Lord. [verse 39] But in the laste daies Y schal make the prisoneris of Elam to turne aȝen, seith the Lord.

CAP. L.

[verse 1] The word which the Lord spak of Ba|biloyne, and of the lond of Caldeis, in the hond of Jeremye, the profete. [verse 2] Telle ȝe among hethene men, and make ȝe herd; reise ȝe a signe; preche ȝe, and nyle ȝe holde stille; seie ȝe, Babiloyne is takun, Bel is schent, Maradach is ouer comun; the grauun ymagis therof ben schent, the idols of hem ben ouer comun. [verse 3] For a folk schal stie fro the north aȝenus it, which folk schal sette the lond therof in to wil|dirnesse; and noon schal be that schal dwelle therynne, fro man `til to [vnto I.] beeste; and thei ben moued, and ȝeden awei. [verse 4] In tho daies, and in that tyme, seith the Lord, the sones of Israel schulen come, thei and the sones of Juda togidere, go|ynge and wepynge; thei schulen haaste, [verse 5] and seke her Lord God in Sion, and thei schulen axe the weie. Hidur the faces of hem schulen come, and thei schulen be set to the Lord with boond of pees euerlast|ynge, which [the whiche I.] schal not be don awei by ony forȝetyng. [verse 6] My puple is maad a lost floc, the scheepherdis of hem disseyueden hem, and maden [maden hem I.] to go vnstabli in hillis; thei passiden fro mounteyn in to a litil hil, thei forȝaten her bed. [verse 7] Alle men that founden, eeten hem, and the enemyes of hem seiden, We synneden not, for that thei synneden to the Lord, the fairnesse of riȝtfulnesse, and to the Lord, the abid|yng of her fadris. [verse 8] Go ȝe awei fro the myddis of Babiloyne, and go ȝe out of the lond of Caldeis, and be ȝe as kydis bifore the floc. [verse 9] For lo! Y schal reise, and brynge in to Babiloyne the gaderyng to|gidere

of grete folkis, fro the lond of the north; and thei schulen be maad redi aȝens it, and it schal be takun in the dai; the arowe therof as [is S.] of [Om. N.] a strong man a sleere, schal [and shal N.] not turne aȝen voide. [verse 10] And Caldee schal be in to prey, alle that distrien it, schulen be fillid, seith the Lord. [verse 11] For ȝe maken ful out ioye, and speken grete thingis, and rauyschen myn eritage; for ȝe ben sched out as caluys on erbe, and low|iden [lowiden, ether [or E] bellewiden CEFGHIKMNPQRSUVX.] as bolis. [verse 12] Ȝoure modir is schent greetli, and sche that gendride ȝou, is maad euene to dust; lo! sche schal be the last among folkis, and forsakun, with out weie, and drie. [verse 13] For the wraththe of the Lord it schal not be enhabitid, but it schal be dryuun al in to wildirnesse; ech that schal passe bi Babiloyne, schal won|dre, and schal hisse on alle the woundis therof. [verse 14] Alle ȝe that beenden bowe, be [beth I.] maad redi aȝens Babiloyne bi cumpas; ouercome ȝe it, spare ȝe not arowis, for it synnede to the Lord. [verse 15] Crye ȝe aȝens it, euery where it ȝaf hond; the foundementis therof fellen doun, and the wallis therof ben distried; for it is the veniaunce of the Lord. Take ȝe veniaunce of it; as it dide, do ȝe to it. [verse 16] Leese ȝe a sowere of Babiloyne, and hym that holdith a sikil in the tyme of heruest, fro the face of swerd of the culuer; ech man schal be turned to his puple, and ech man schal flee to his lond. [verse 17] Israel is a scaterid flok, liouns castiden out it; first kyng Assur eete it, this laste Nabugodonosor, kyng of Babiloyne, dide awei the bonys therof. [verse 18] Therfor the Lord of oostis, God of Israel, seith these thingis, Lo! Y schal visite the kyng of Babiloyne, and his lond, as Y [verse 19] visitide the kyng of Assur; and Y schal brynge aȝen Israel to his dwellyng place. Carmele and Baasan schal be fed, and his soule schal be fillid in the hil of Effraym, and of Galaad. [verse 20] In tho daies, and in that tyme, seith the Lord, the wickidnesse of

Israel schal be souȝt, and it schal not be; and the synne of Juda schal be souȝt, and it [Om. S.] schal not be foundun; for Y schal be merciful to hem, whiche Y schal forsake [leue X sec. m. marg.] . [verse 21] Stie thou on the lond of lordis [the lordis F.] , and visite thou on [on alle A sec. m.] the dwelleris therof; scatere thou, and sle tho thingis, that ben aftir hem, seith the Lord; and do thou bi alle thingis which Y comaundide to thee. [verse 22] The vois of batel and greet [the greet N.] sorewe in the lond. [verse 23] Hou is the hamer of al erthe brokun and al defoulid? hou is Babiloyne turned in to desert, among hethene men? [verse 24] Babiloyne, Y haue snarid thee, and thou art takun, and thou wistist not; thou art foundun, and takun, for thou terridist the Lord to wraththe. [verse 25] The Lord openide his tresour, and brouȝte forth the vessels of his wraththe; for whi a werk is to the Lord God of oostis in the lond of Caldeis. [verse 26] Come ȝe to it fro the fertheste endis, opene ȝe, that thei go out, that schulen defoule it; take ȝe awei stoonys fro the weie, and dryue ȝe in to heepis, and sle ȝe it, and nothing be residue. [verse 27] Distrie ȝe alle the stronge men therof, go thei doun in to sleynge; wo to hem, for the dai of hem cometh, the tyme of visityng of hem. [verse 28] The vois of fleeris, and of hem that ascapiden fro the lond of Babiloyne, that thei telle in Sion the veniaunce of oure Lord God, the veniaunce of his temple. [verse 29] Telle ȝe aȝens Babiloyne to ful many men, to alle that beenden bowe. Stonde ȝe togidere aȝens it bi cumpas, and noon [late noon A pr. m.] ascape; ȝelde ȝe to it aftir his werk, aftir alle thingis whiche it dide, do ȝe to it; for it was reisid aȝens the Lord, aȝens the hooli of Israel. [verse 30] Therfor ȝonge men therof schulen falle doun in the stretis therof, and alle men werriours therof schulen be stille in that dai, seith the Lord. [verse 31] Lo! thou proude, Y to thee, seith the Lord God of oostis, for thi dai is comun, the tyme of thi visitacioun. [verse 32] And the proude

schal falle, and schal falle doun togidere, and noon schal be, that schal reise hym; and Y schal kyndle fier in the citees of hym, and it schal deuoure alle thingis in cumpas of it. [verse 33] The Lord of oostis seith these thingis, The sones of Israel and the sones of Juda togidere suffren fals caleng; alle that token hem, holden, thei nylen [wolen not I.] delyuere hem. [verse 34] The aȝenbyere of hem is strong, the Lord of oostis is his name; bi dom he schal defende the cause of hem, that he make the lond aferd, and stire togidere the dwelleris of Babiloyne. [verse 35] A swerd to Caldeis, seith the Lord, and to the dwelleris of Babiloyne, and to the princes, and to the wise men therof. [verse 36] A swerd to the false dyuynours therof, that schulen be foolis; a swerd to the stronge men therof, that schulen drede. [verse 37] Swerd to the horsis therof, and to the charis therof, and to al the comyn puple whiche is in the myddis therof, and thei schulen be as wymmen; a swerd to the tresours therof, that schulen be rauyschid. [verse 38] Dry|nesse schal be on the watris therof, and tho [thei N.] schulen be drye; for it is the lond of grauun ymagis, and hath glorie in false feynyngis. [verse 39] Therfor dragouns schulen dwelle with fonned wielde men [men, ethir fendis in licnesse of wodewosis A et plures.] , and os|trigis schulen dwelle therynne; and it schal no more be enhabitid `til in to [vnto I.] with outen ende, and it schal not be bildid `til [verse 40] to [vnto I.] generacioun and generacioun; as the Lord distriede Sodom and Gomorre, and the niȝ citees therof, seith the Lord. A man schal not dwelle there, and the sone of man schal not dwelle in it. [verse 41] Lo! puple cometh fro the north, and a greet folc, and many kyngis schulen rise togi|dere fro the endis of erthe. [verse 42] Thei schulen take bowe and swerd, thei ben cruel and vnmerciful; the vois of hem schal sowne as the see, and thei schulen stie on horsis as a man maad redi to batel, aȝens thee, thou douȝter of Babiloyne. [verse 43] The kyng of

Babiloyne herde the fame of hem, and hise hondis ben aclumsid; angwisch took hym, sorewe took hym, as a womman tra|uelynge of child. [verse 44] Lo! as a lioun he schal stie fro the pride of Jordan to the stronge fairnesse, for Y schal make hym to renne sudenli to it; and who schal be the chosun man, whom Y schal sette bifore him? For who is lijk me? and who schal suffre me? and who is this scheepherde, that schal aȝenstonde my cheer? [verse 45] Therfore here ȝe the councel of the Lord, which he con|seyuede in mynde aȝens Babiloyne, and hise thouȝtis, whiche he thouȝte on the lond of Caldeis, no [Om. I.] but the litle of the flockis drawen hem doun, no [Om. I.] but the dwellyng place of hem be destried with hem, ellis no man ȝyue credence to me. [verse 46] The erthe is mouyd of the vois of caitiftee of Babiloyne, and cry is herd among hethene men.

CAP. LI.

[verse 1] The Lord seith these thingis, Lo! Y schal reise on Babiloyne, and on the dwel|leris therof, that reisiden her herte aȝens me, as a wynd of pestilence. [verse 2] And Y schal sende in to Babiloyne wyndeweris [wyneweris I.] , and thei schulen wyndewe [wynewe I.] it, and thei [Om. I.] schu|len destrie the lond of it; for thei camen on it on ech side, in the dai of the tur|ment therof. [verse 3] He that beendith his bowe, beende not, and a man clothid in habu|rioun, stie not; nyle ȝe spare the ȝonge men therof, sle ȝe al the chyualrie therof. [verse 4] And slayn men schulen falle in the lond of Caldeis, and woundid men in the cun|treis therof. [verse 5] For whi Israel and Juda was not maad widewe fro her God, the Lord of oostis; but the lond of hem was fillid with trespas of the hooli of Israel. [verse 6] Fle ȝe fro the myddis of Babiloyne, that ech man saue his soule; nyle ȝe be stille on the wickidnesse therof, for whi tyme of veniaunce therof is to the Lord; he schal ȝelde while to it. [verse 7] Babiloyne is a goldun

cuppe in the hond of the Lord, and fillith al erthe; hethene men drunken of the wyn therof, and therfor thei ben mouyd. [verse 8] Babiloyne felle doun sudenli, and is al to|brokun; ȝelle ȝe on it, take ȝe recyn to the sorewe therof, if perauenture it be heelid. [verse 9] We heeliden Babiloyne, and it is not maad hool; forsake we it and go we ech in to his lond; for the doom therof cam `til to [vnto I.] heuenes, and is [it is I.] reisid `til to [vnto I.] cloudis. [verse 10] The Lord hath brouȝt forth oure riȝtfulnessis; come ȝe, and telle we in [on N.] Sion the werk of oure Lord God. [verse 11] Scharpe ȝe arowis, fille ȝe arowe caasis; the Lord reiside [hath reisid I.] the spirit of the kyngis of Me|deis, and his mynde is aȝen Babiloyne, that he leese it, for it is the veniaunce of the Lord, the veniaunce of his temple. The kyng of Medeis is reisid of the Lord aȝens Babiloyne. [verse 12] Reise ȝe a signe on the wallis of Babiloyne, encreesse ȝe kepyng, reise ȝe keperis, make ȝe redi buysche|mentis; for the Lord thouȝte, and dide, what euer thing he spak aȝens the dwel|leris of Babiloyne. [verse 13] A! thou Babiloyne, that dwellist on many watris, riche in thi tresours, thin ende cometh, the foote me|sure of thi kittyng doun. [verse 14] The Lord of oostis swoor bi his soule, that Y schal fille thee with men, as with bruke, and a myry [faring, ethir customable X marg. sec. m.] song schal be sungun on thee. [verse 15] The Lord swoor, which made erthe bi his strengthe, made redy the world bi his wisdom, and stretchide forth heuenes bi his prudence. [verse 16] Whanne he ȝyueth vois, watris ben mul|tiplied in heuene; which Lord reisith cloudis fro the laste of erthe, made [he made I.] leitis in to reyn, and brouȝt forth wynd of hise tresouris. [verse 17] Ech man is maad a fool of kunnyng, ech wellere togidere is schent in a grauun ymage; for his wellyng togidere is fals, and a spirit is not in tho. [verse 18] The werkis ben veyn, and worthi of scorn; tho [thei N.] schulen perische in the tyme of her

visityng. [verse 19] The part of Jacob is not as these thingis; for he that made alle thingis is the part of Jacob, and Israel is the septre of his eritage; the Lord of oostis is his name. [verse 20] Thou hurtlist doun to me the instrumentis of batel, and Y schal hurtle doun folkis in thee, and Y [verse 21] schal leese rewmes in thee; and Y schal hurtle doun in thee an hors, and the ridere therof; and Y schal hurtle doun in [verse 22] thee a chare, and the stiere therof; and Y schal hurtle doun in thee a [Om. P.] man and womman; and Y schal hurtle doun in thee an [Om. P.] elde man and a [Om. NP.] child; and Y schal hurtle doun in thee a [Om. P.] ȝong man and a [Om. P.] [verse 23] virgyn; and Y schal hurtle doun in thee a [Om. P.] scheepherde and his floc; and Y schal hurtle doun in thee an [Om. P.] erthetiliere and his ȝok beestis; and Y schal hurtle doun in thee duykis and magistratis. [verse 24] And Y schal ȝelde, seith the Lord, to Babiloyne, and to alle the dwelleris of Caldee, al her yuel, which thei diden in Sion, bifore ȝoure iȝen. [verse 25] Lo! Y, seith the Lord, to thee, thou hil berynge pestilence, which corrumpist al erthe. Y schal stretche forth myn hond on thee, and Y schal vnwlappe thee fro stoonys, and Y schal ȝyue thee in to an hil of brennyng. [verse 26] And Y schal not take of thee a stoon in to a corner, and a stoon in to foundementis; but thou schalt be lost with outen ende, seith the Lord. [verse 27] Reise ȝe a signe in the lond, sowne ȝe with a clarioun in hillis; halewe ȝe [Om. N.] folkis on it, telle ȝe to the kyngis of Ararath, of Menny, and of Ascheneth aȝens it; noumbre ȝe Tapser [that is, oost. A et plures.] aȝens it, and bringe ȝe an hors, as a bruke hauynge a pricke. [verse 28] Halowe ȝe folkis aȝens it, the kyngis of Medey, the duykis ther|of, and alle magistratis [the magistrates IX.] therof, and al the lond of his power. [verse 29] And the erthe schal be mouyd, and schal be disturblid; for the thouȝt of the Lord schal fulli wake aȝens Babiloyne, that he sette the lond of Babiloyne desert, and vnhabitable. [verse 30] The

stronge men of Babiloyne ceessiden of batel, thei dwelliden in stronge holdis; the strengthe of hem is deuourid, and thei ben maad as wymmen; the taber|naclis therof ben brent, the barris therof ben al to-brokun. [verse 31] A rennere schal come aȝens a rennere, and a messanger aȝens a messanger, to telle to the kyng of Babi|loyne, that his citee is takun fro the toon [Om. plures.] [verse 32] ende `til to [vnto I.] the tother [Om. plures.] ende; and [Om. K.] the forthis ben bifore ocupied, and the ma|reisis ben brent with fier, and the men werryours ben disturblid. [verse 33] For the Lord of oostis, God of Israel, seith these thingis, The douȝter of Babiloyne is as a corn floor, the tyme of threischyng therof; ȝit a litil, and the tyme of repyng therof schal come. [verse 34] Nabugodonosor, the kyng of Babiloyne, eet me, and deuouride me; he made me as a voide vessel, he as a dra|goun swolewide me; he fillide his wombe with my tendirnesse, and he castide me out. [verse 35] Wickidnesse aȝens me, and my fleisch on Babiloyne, seith the dwellyng of Sion; and my blood on the dwelleris of Caldee, seith Jerusalem. [verse 36] Therfor the Lord seith these thingis, Lo! Y schal deme thi cause, and Y schal venge thi veniaunce; and Y schal make the see therof forsakun, and Y schal make drie the veyne therof. [verse 37] And Babiloyne schal be in to biriels, it schal be the dwellyng of dragouns, won|dryng and hissyng, for that no dwellere is. [verse 38] Thei schulen rore togidere as liouns, and thei schulen schake lockis, as the whelpis of liouns. [verse 39] In the heete of hem Y schal sette the drynkis of hem; and Y schal make hem drunkun, that thei be brouȝt asleepe, and that thei slepe euer|lastynge sleep, and rise not, seith the Lord. [verse 40] Y [And Y A pr. m.] schal lede forth [Om. S.] hem, as lam|bren to slayn sacrifice, and as wetheris with kidis. Hou is Sesac takun, and the noble citee of al erthe is takun? [verse 41] Hou is Babiloyne made in to wondre among he|thene men? [verse 42] And the see stiede on Babi|loyne,

it was hilid with the multitude of hise wawis [workis N.] . [verse 43] The citees therof ben maad in to wondryng, the lond is maad vnha|bitable and forsakun; the lond wherynne no man dwellith, and the sone of man schal not passe bi it. [verse 44] And Y schal visite on Bel in to Babiloyne, and Y schal caste out of hise mouth that, that he hadde swolewid, and folkis schulen no more flowe to it; for also the wal of Babiloyne schal falle doun. [verse 45] Mi puple, go ȝe out fro the myddis therof, that ech man saue his soule fro the wraththe of the strong ven|iaunce [verse 46] of the Lord; and lest perauen|ture ȝoure herte wexe neische, and lest ȝe dreden the heryng, that schal be herd in the lond; and heryng schal come in a ȝeer, and aftir this ȝeer schal come heryng and wickidnesse in the lond, and a lord on a lord. [verse 47] Therfor lo! daies comen, seith the Lord, and Y schal visite on the grauun ymagis of Babiloyne; and al the lond therof schal be schent, and alle slayn men therof schulen falle doun in the myddis therof. [verse 48] And heuenes, and erthis, and alle thingis that ben in tho, schulen herie on Ba|biloyne; for rauynours schulen come fro the north to it, seith the Lord. [verse 49] And as Babiloyne dide, that slayn men felle doun in Israel, so of Babiloyne slayn men schulen falle doun and in al the lond. [verse 50] Come ȝe, that fledden the swerd, nyle ȝe stonde; haue ȝe mynde afer on the Lord, and Jerusalem stie on ȝoure herte. [verse 51] We ben schent, for we herden schenschipe; schame hilide oure faces, for aliens comen on the halewyng of the hous of the Lord. [verse 52] Therfor lo! daies comen, seith the Lord, and Y schal visite on the grauun ymagis of Babiloyne, and in al the lond therof a woundid man schal loowe. [verse 53] If Babiloyne stieth in to heuene, and makith stidfast his strengthe an hiȝ, distrieris therof schulen come on [of CEFHKMNPRS sec. m. UVX.] me, seith the Lord. [verse 54] The vois of a criere of Babiloyne, and [verse 55] greet sorewe of the lond of Caldeis, for

the Lord distriede Babiloyne, and lost of it a greet vois; and the wawis of hem schulen sowne as many watris. The vois [verse 56] of hem ȝaf sown, for a rauenour cam on it, that is, on Babiloyne; and the stronge men therof ben takun, and the bouwe of hem welewide, for the stronge vengere the Lord ȝeldynge schal ȝelde. [verse 57] And Y schal make drunkun the princis therof, and the wise men therof, the duykis ther|of, and the magistratis therof, and the stronge men therof; and thei schulen slepe euerlastynge sleep, and thei schulen not be awakid, seith the kyng, the Lord of oostis is name of hym. [verse 58] The Lord God of oostis seith these thingis, Thilke brodeste wal of Babiloyne schal be mynyd with mynyng, and the hiȝe ȝatis therof schulen be brent with fier; and the trauels of puples schulen be to nouȝt, and the trauels of hethene men schulen be in to fier, and schulen perische. [verse 59] The word which Jeremye, the profete, comaundide to Saraie, sone of Nerie, sone of Maasie, whanne he ȝede with Sedechie, the kyng, in to Babiloyne, in the fourthe ȝeer of his rewme; forsothe Saraie was prynce of profesie. [verse 60] And Jeremye wroot al the yuel, that was to comynge on Babiloyne, in a [oo CFGHIMNPQRSUVX. on E.] book, alle these wordis that weren writun aȝens Babiloyne. [verse 61] And Jeremye seide to Saraie, Whanne thou comest in to Babi|loyne, and seest, and redist alle these [verse 62] wordis, thou schalt seie, Lord, thou spak|ist aȝens this place, that thou schuldist leese it, that noon be that dwelle therynne, fro man `til to [vnto I.] beeste, and that it be an euerlastynge wildirnesse. [verse 63] And whanne thou hast fillid to rede this book, thou schalt bynde to it a stoon, and thou schalt caste it forth in to the myddis of Eu|frates; [verse 64] and thou schalt seie, So Babiloyne schal be drenchid, and it schal not rise fro the face of turment, which Y brynge on it, and it schal be distried. Hidurto ben the wordis of Jeremye.

CAP. LII.

[verse 1] Sedechie was a sone of oon and twenti ȝeer, whanne he bigan to regne, and he regnede enleuene ȝeer in Jerusalem; and the name of his modir was Amychal, the douȝter of Jeremye of Lobna. [verse 2] And he dide yuels bifore the iȝen of the Lord, bi alle thingis whiche Joachym hadde do. [verse 3] For the stronge veniaunce of the Lord was in Jerusalem, and in Juda, til he castide hem a wey fro his face. And Sedechie ȝede awei fro the kyng of Babi|loyne. [verse 4] Forsothe it was don in the nynthe ȝeer of his rewme, in the tenthe monethe, in the tenthe dai of the monethe, Nabu|godonosor, the kyng of Babiloyne, cam, he and al his oost, aȝens Jerusalem; and thei bisegiden it, and bildiden aȝens it strengthis in cumpas. [verse 5] And the citee was bisegid, til to the enleuenthe ȝeer of the rewme of Sedechie. [verse 6] Forsothe in the fourthe monethe, in the nynthe dai of the monethe, hungur helde the citee; and foodis weren not to the puple of the lond. [verse 7] And the citee was brokun, and alle men werriouris therof fledden; and thei ȝeden out of the citee in the niȝt, bi the weie of the ȝate, which is bitwixe twei wallis, and ledith to the gardyn of the kyng, while Caldeis bisegiden the citee in cumpas; and thei ȝeden forth bi the weie that ledith in to desert. [verse 8] Sotheli the oost of Caldeis pursuede the kyng; and thei token Sede|chie in desert, which is bisidis Jerico, and al his felouschipe fledde awei fro hym. [verse 9] And whanne thei hadden take the kyng, thei brouȝten hym to the kyng of Babi|loyne in Reblatha, which is in the lond of Emath; and the kyng of Babiloyne spak domes to hym. [verse 10] And the kyng of Babiloyne stranglide the sones of Sede|chie bifore hise iȝen; but also he killide alle the princes of Juda in Rablatha. [verse 11] And he puttide out the iȝen of Sedechie, and boond hym in stockis; and the kyng of Babiloyne brouȝte hym in to Babiloyne, and puttide hym in the hous of prisoun,

til to the dai of his deth. [verse 12] Forsothe in the nynthe monethe, in the tenthe dai of the monethe, thilke is the nyntenthe ȝeer of the kyng of Babiloyne, Nabusardan, the prince of chyualrie, that stood bifore the kyng of Babiloyne, cam in to Jerusalem. [verse 13] And he brente [brouȝte I.] the hous of the Lord, and the hous of the kyng, and alle the housis of Jerusalem; and he brente with fier ech greet hous. [verse 14] And al the ost of Caldeis, that was with the maistir of chyualrie, distriede al the wal of Jerusalem bi cum|pas. [verse 15] Sotheli Nabusardan, the prince of chyualrie, translatide of the pore men of the puple, and of the residue comyn puple, that was left in the citee, and of the fleeris ouer, that fledden ouer to the kyng of Ba|biloyne; and he translatide other men of the multitude. [verse 16] But Nabusardan, the prince of chyualrie, lefte of the pore men of the lond vyne tilers, and erthe tilers. [verse 17] Also Caldeis brakun the brasun pilers, that weren in the hous of the Lord, and the foundementis, and the brasun waischyng vessel, that was in the hous of the Lord; and thei token al the metal of tho in to Babiloyne. [verse 18] And thei tokun cawdruns, and fleischokis, and sautrees, and violis, and morteris, and alle brasun vessels, that [verse 19] weren in seruyce; thei token also `watir pottis [stoondis [strondys C pr. m. GHMQX pr. m. steenys VX sec. m.], ether [other E] water pottis CEFHGIKMNPQRSUVX.] , and vessels of encense, and pottis, and basyns, and candilstikis, and morters, and litle cuppis; hou manye euere goldun, goldun, and hou manye euere siluerne, siluerne. [verse 20] The maister of chyualrie took twei pilers, and o waischyng vessel, and twelue brasun caluys, that weren vndur the foundementis, whiche kyng Salomon hadde maad in the hous of the Lord. No weiȝte was of the metal of alle these ves|sels. [verse 21] Forsothe of the pilers, eiȝtene cubitis of heiȝthe weren in o piler, and a roop of twelue cubitis cumpasside it; certis the thickenesse therof was of foure fyngris, and was holowe withynne. [verse 22] And brasun

pomels [pileris F.] weren on euer either; and the heiȝthe of a [o CFGHIKMNPQRSUVX. the E.] pomel was of fyue cubitis; and werkis lijk nettis and pumgranatis weren on the coroun `in cumpas [in the cumpas F. aboute I.] . [verse 23] And the [Om. I.] pumgranatis weren nynti and sixe hangynge doun, and alle pumgranatis weren cumpassid with an hundred werkis lijk nettis. [verse 24] And the maister of the chy|ualrie took Saraie, the firste preest, and Sophonye, the secounde preest, and three keperis of the vestiarie. [verse 25] And of the citee he took o chast seruaunt and onest, that was souereyn on the men werriours; and seuene men of hem that sien the face of the kyng, whiche weren foundun in the citees; and a scryuen, prince of knyȝtis, that preuyde ȝonge knyȝtis; and sixti men of the puple of the lond, that weren foundun in the myddis of the citee. [verse 26] For|sothe Nabusardan, the maistir of chyualrie, took hem, and brouȝte hem to the kyng of Babiloyne in Reblatha. [verse 27] And the kyng of Babiloyne smoot hem, and killide hem in Reblatha, in the lond of Emath; and Juda was translatid fro his lond. [verse 28] This is the puple, whom Nabugodonosor trans|latide in the seuenthe ȝeer; Jewis, thre thousynde and thre and twenti. [verse 29] In the eiȝtenthe ȝeer, Nabugodonosor translatide fro Jerusalem eiȝte hundrid and two and thritti persoones. [verse 30] In the thre and twen|tithe ȝeer of Nabugodonosor, Nabusardan, the maister of chyualrie, translatide seuene hundrid and fyue and fourti persoones of Jewis. Therfor alle the persoones weren foure thousynde and sixe hundrid. [verse 31] And it was doon, in the seuene and threttithe ȝeer of the passyng ouer of Joachym, kyng of Juda, in the tweluethe monethe, in the fyue and twentithe dai of the mo|nethe, Euylmerodach, kyng of Babiloyne, reiside in that ȝeer of his rewme the heed of Joachym, kyng of Juda; and ledde hym [verse 32] out of the hous of the prisoun, and spak good thingis with hym. And he settide the trone of him aboue the trones of kyngis, that weren after hym in Babiloyne,

[verse 33] and chaungide the clothis of his prisoun. And Joachym eet breed bifore hym euere, [verse 34] in alle the daies of his lijf; and hise metis, euerlastynge metis weren ȝouun to hym of the kyng of Babiloyne, ordeyned bi ech dai, til to the dai of his deth, in alle the daies of his lijf. And it was don [And it was donn, etc.; al this, til in to the ende of the chapetre, sem|ith addid of summe exposi|touris to con|tinue the sen|tence to the chapetris sew|inge; for it is not in Ebru, nethir in bokis amendid. Lire here. EGKPQUY.] , aftir that Israel was led in to caitiftee, and Je|rusalem was distried, Jeremye, the pro|fete, sat wepinge, and biweilide [biweilynge NV.] Jerusalem with this lamentacioun; and he siȝȝide, and weilide with bitter soule, and seide.