The Holy Bible, containing the Old and New Testaments, with the Apocryphal books,

CAP. VIII.

[verse 1] And the Lord seide to me, Take to thee

a greet book, and write ther ynne with the poyntil of man [with the poyntel of man; that is, opinly and pleynly. Y ȝaf to me feithful wit|nessis; this is the word of God himsilf. This was not bodily bryng|yng yn of wit|nessis, nether was doon in present tyme; but it was goostly, and of tyme to com|ynge longe aftir. This Vrie profesiede bifor the tyme of Jeremye, in xxvi. c^o. of Jerem., aȝenus Jerusalem and Judee. Sacarie is the xi. among xij. profetis. to the profetesse; that is, the Vir|gyn Marie. his name; that is, the name of the child borun. Lire here. C.] , Swiftli drawe thou awei spuylis, take thou prey soone. [verse 2] And Y ȝaf to me faithful witnessis, Vrie, the prest, and Sacarie, the sone of Barachie. [verse 3] And Y neiȝede to the profetesse; and sche conseyuede, and childide a sone. And the Lord seide to me, Clepe thou his name Haste thou to drawe awei spuylis [Haaste thou to drawe awey spuylis, etc.; this acordith to Crist rysinge aȝen, that spuylide helle in that tyme. bifor that the child kan clepe, etc.; bi mannus kunnyng, that is, bifor that he be maad man. Lire here. C.] , haaste thou for to take prey. [verse 4] For whi bifor that the child kan clepe his fadir and his mo|dir, the strengthe of Damask schal be doon awei, and the spuylis of Samarie, bifor the kyng of Assiriens. [verse 5] And the Lord addide to speke ȝit to me, and he seide, [verse 6] For that thing that this puple hath caste awei the watris of Siloe, that goen with silence, and hath take more Rasyn, and [verse 7] the sone of Romelie, for this thing lo! the Lord schal brynge on hem the stronge and many watris of the flood, the king of Assiriens, and al his glorie; and he schal stiȝe on alle the stremes therof, and he schal flowe on alle the ryueris therof. [verse 8] And he schal go flowynge bi Juda, and he schal passe til to the necke, and schal come; and the spredyng forth of hise wyngis schal be, and schal fille the breede of thi lond, thou Emanuel. [verse 9] Puplis, be ȝe gaderid togidere, and be ȝe ouercomun; and alle londis afer, here ȝe. Be ȝe coum|fortid, and be ȝe ouercomun; gird ȝe [verse 10] ȝou, and be ȝe ouercomun; take ȝe coun|cel, and it schal be destried; speke ȝe a word, and it schal not be doon, for God is with vs. [verse 11] For whi the Lord seith these thingis to me, as he tauȝte me in a stronge hond, that Y schulde not go in to the weie [verse 12] of this puple, and seide, Seie ȝe not, It is sweryng togidere, for whi alle thingis which this puple spekith is sweryng togi|dere; and drede ȝe not the ferdfulnesse therof, nether be ȝe aferd. [verse 13] Halowe ȝe the Lord hym silf of oostis; and he schal be ȝoure inward drede, and he schal be ȝoure ferdfulnesse, and he schal be to ȝou in to halewyng. [verse 14] Forsothe he schal be in to a

stoon of hirtyng, and in to a stoon of sclaundre, to tweyne housis of Israel; in to a snare, and in to fallyng, to hem that dwellen in Jerusalem. [verse 15] And ful many of hem schulen offende, and schulen falle, and thei schulen be al to-brokun, and thei schulen be boundun, and schulen be takun. [verse 16] Bynde thou witnessyng, mark thou the lawe in my disciplis. [verse 17] Y schal abide the Lord, that hath hid his face fro the hous of Jacob, and Y schal abide hym. [verse 18] Lo! Y and my children, whiche the Lord ȝaf to me in to a signe, and greet wondur to Israel, of the Lord of oostis that dwellith in the hil of Sion. [verse 19] And whanne thei seien to ȝou, Axe ȝe of coniureris, and of false dyuynouris, that gnasten in her enchaunt|yngis, whether the puple schal not axe of her God a reuelacioun for quyke men and deed? [verse 20] It is to go to the lawe more [more rather I.] and to the witnessyng, that if thei seien not after this word, morewtide liȝt schal not be to hem. [verse 21] And it schal passe bi that, and it schal falle doun, and it schal hun|gre. And whanne it schal hungre, it schal be wrooth, and schal curse his kyng and his God, and it schal biholde vpward. [verse 22] And it schal loke to the erthe, and lo! tribu|lacioun, and derknessis, and vnbyndyng, ether discoumfort, and angwisch, and myist pursuynge; and it schal not mow fle awei fro his angwisch.