The Holy Bible, containing the Old and New Testaments, with the Apocryphal books,

CAP. LXVI.

[verse 1] The Lord seith these thingis, Heuene is my seete, and the erthe is the stool of my feet. Which is this hous, which ȝe schulen bilde to me, and which is this place of my reste? [verse 2] Myn hond made alle these thingis, and alle these thingis ben maad, seith the Lord; but to whom schal Y biholde, no but to a pore man and contrit in spirit, and greetli dredynge my wordis? [verse 3] He that offrith [offreth, that is, in tyme of the gospel to do sacrifice K.] an oxe, is as he that sleeth a man; he that sleeth a scheep, is as he that brayneth a dogge; he that offrith an offryng, is as he that offrith swynes blood; he that thenketh on en|cense, is as he that blessith an idol; thei chesiden alle thes thingis in her weies, and her soule delitide in her abhomyna|ciouns. [verse 4] Wherfor and Y schal chese the scornyngis of hem, and Y schal brynge to hem tho thingis whiche thei dredden; for Y clepide, and noon was [ther was I.] that answeride; Y spak, and thei herden not; and thei diden yuel [yuel thing I.] bifor myn iȝen, and chesiden tho thingis whiche Y nolde [wolde not I.] . [verse 5] Here ȝe the word of the Lord, whiche quaken at his word; ȝoure britheren hatynge ȝou, and castynge a wey for my name, seiden, The Lord be glorified, and we schulen se in ȝoure gladnesse; forsothe thei schulen be schent. [verse 6] The vois of the puple fro the citee, the vois fro the temple, the vois of the Lord ȝeldynge a reward [ȝeldyng CEFGHIKMNPQRSUVX.] to hise ene|myes.

[verse 7] Bifor that sche trauelide of child, sche childide; bifor that the sorewe of hir child beryng cam, sche childide a sone. [verse 8] Who herde euere suche a thing, and who siȝ a thing lijk this? Whether the erthe schal trauele of child in o dai, ether whe|ther [Om. I.] a folk schal be childide togidere? For whi Sion trauelede of child, and childide hir sones. [verse 9] Whether that Y `my silf that [Om. I.] make othere to bere child, schal not ber child [child my silff I.] ? seith the Lord. Whether Y that ȝyue generacioun to othere men, schal be bareyn? seith thi Lord God. [verse 10] Be ȝe glad with Jerusalem, and alle ȝe that louen that, make ful out ioye ther ynne; alle ȝe that mourenen on that Jerusalem, [verse 11] make ȝe ioye with it in ioie; that bothe ȝe souke, and be fillid of the tetis and coumfort therof, that ȝe mylke, and flowe in delicis, of al maner glorie therof. [verse 12] For whi the Lord seith these thingis, Lo! Y schal bowe doun on it, as a flood of pees, and as a flowynge streem the glorie of hethene men, which ȝe schulen souke; ȝe schulen be borun at tetis, and on knees thei schulen speke plesauntly to ȝou. [verse 13] As if a modir spekith faire to ony child, so Y schal coumforte ȝou, and ȝe schulen be coumfortid in Jerusalem. [verse 14] Ȝe schulen se, and ȝoure herte schal haue ioie, and ȝoure boonys schulen buriowne as an erbe. And the hond of the Lord schal be knowun in hise seruauntis, and he schal haue indig|nacioun to hise enemyes. [verse 15] For lo! the Lord schal come in fier, and as a whirl|wynd hise charis, to ȝelde in indignacioun hise strong veniaunce, and his blamyng in the flawme of fier. [verse 16] For whi the Lord schal deme in fier, and in hys swerd to ech fleisch; and slayn men of the Lord [verse 17] schulen be multiplied, that weren halewid, and gessiden hem cleene, in gardyns aftir o ȝate with ynne; that eten swynes fleisch,

and abhomynacioun, and a mows, thei schulen be waastid togidere, seith the Lord. [verse 18] Forsothe Y come to gadere togi|dere the werkis of hem, and the thouȝtis of hem, with alle folkis and langagis; and thei schulen come, and schulen se my glorie. [verse 19] And Y schal sette a signe in hem, and Y schal sende of hem that ben sauyd to hethene men, in to the see, in to Af|frik, and in to Liddia, and to hem that holden arowe, in to Italie, and Greek lond, to ilis fer, to hem that herden not of me, and sien not my glorie. And thei schulen [verse 20] telle my glorie to hethene men, and thei schulen brynge alle ȝoure britheren of alle folkis a ȝifte to the Lord, in horsis, and charis, and in literis, and in mulis, and in cartis, to myn hooli hil, Jerusalem, seith the Lord; as if the sones of Israel bryngen a ȝifte in a cleene vessel in to the hous of the Lord. [verse 21] And Y schal take of hem in to preestis and dekenes, seith the Lord. [verse 22] For as newe heuenes and newe erthe, whiche Y make to stonde bifore me, seith the Lord, so ȝoure seed schal stonde, and ȝoure name. [verse 23] And a monethe schal be of monethe, and a sabat of sabat; ech man schal come for to worschipe bifore my face, seith the Lord. [verse 24] And thei schulen go out, and schulen se the careyns of men, that trespassiden aȝens me; the worm of hem schal not die, and the fier of hem schal not be quenchid; and thei schulen be `til to [vnto I.] fillyng of siȝt to ech man.