The Holy Bible, containing the Old and New Testaments, with the Apocryphal books,

CAP. LXIII.

[verse 1] Who is this that cometh fro Edom, in died clothis fro Bosra? this fair man in his `long cloth [stole, ether long cloth CEFGHIKMNPQRSUVXY.] , goynge in the multitude of his vertu? Y that speke riȝtfulnesse, and am a forfiȝtere for to saue. [verse 2] Whi therfor is thi clothing reed? and thi clothis ben [Om. ceteri.] as of men stampynge [stappinge N.] in a pressour? [verse 3] Y aloone stampide the presse, and of folkis [folkis, ether Gentilis I.] no man is [is, ether was I.] with me; Y stampide hem in my stronge veniaunce, and Y de|foulide hem in my wraththe; and her blood is spreynt on my clothis, and Y made foul alle my clothis. [verse 4] For whi a dai of veniaunce is in myn herte, and the ȝeer of my ȝeldyng cometh. [verse 5] I lokide aboute, and noon helpere was; Y souȝte, and noon was that helpide; and myn arm sauyde to me, and myn indignacioun, that help|ide me. [verse 6] And Y defoulide puplis in my stronge veniaunce; and Y made hem drunkun in myn indignacioun, and Y drow doun her vertu in to erthe [the erthe A pr. m.] . [verse 7] I schal haue mynde on the merciful doyngis of the Lord, Y schal preche the heriyng of the Lord on alle thingis whiche the Lord ȝeldide to vs, and on [Om. I.] the multitude `of goodis [Om. A pr. m.] of the hous of Israel, whiche he ȝaf to hem bi his forȝyuenesse, and bi the multitude of hise mercies. [verse 8] And the Lord seide, Netheles it is my puple, sones not denyynge, and he was maad a sauyour to hem in al the tribulacioun of hem. [verse 9] It was not [Om. I.] set in tribulacioun, and the aungel of his face sauyde hem. In his loue and in his forȝyuenesse he aȝenbouȝte hem, and he bar hem, and reiside hem in alle

daies of the world. [verse 10] Forsothe thei excit|iden hym [Om. I.] to wrathfulnesse, and turment|iden the spirit of his hooli; and he was turned in to an enemye to hem, and he ouercam hem in batel. [verse 11] And he hadde mynde on the daies of the world, of Moi|ses, and of his puple. Where is he, that ledde hem out of the see, with the scheep|herdis of his floc? Where is he, that set|tide the spirit of his holi in the myddil [verse 12] therof; whiche ledde out Moises to the riȝt half in the arm of his maieste? which departide watris bifore hem, that he schulde make to hym silf a name euer|lastynge; [verse 13] whiche ledde hem out thoruȝ depthis of watris, as an hors not stum|blynge [verse 14] in desert, as a beeste goynge doun in the feeld? The Spirit of the Lord was the ledere therof; so thou leddist thi puple, that thou madist to thee a name of glorie. [verse 15] Biholde thou fro heuene, and se fro thin hooli dwellyng place, and fro the seete of thi glorie. Where is thi feruent loue, and thi strengthe, the multitude of thin entrailis, and of thi merciful doyngis? Tho [Thei N.] withelden hem silf on me. [verse 16] Forsothe thou art oure fadir, and Abraham knew not vs, and Israel knew not vs. [verse 17] Thou, Lord, art oure fadir, and oure aȝenbiere; thi name is fro the world. Lord, whi hast thou maad vs to erre fro thi weies? thou hast made hard oure herte, that we dredden not thee? be thou conuertid, for thi ser|uauntis, the lynages of thin eritage. [verse 18] Thei hadden as nouȝt thin hooli puple in pos|sessioun, and oure enemyes defouliden thin halewyng. [verse 19] We ben maad as in the bi|gynnyng, whanne thou were not Lord of vs, nethir thi name was clepid to help on vs.