The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] The spirit of the Lord is on me, for the Lord anoyntide me; he sente me to telle to mylde men, that Y schulde heele men contrite in herte, and preche forȝyue|nesse to caitifs, and openyng to prisoneris; [verse 2] and preche a plesaunt ȝeer to the Lord, and a dai of veniaunce to oure God; that Y schulde coumforte alle that mourenen; [verse 3] that [and that N.] Y schulde sette coumfort to the
moureneris of Sion, and that Y schulde ȝyue to them a coroun for aische, oile of ioie for mourenyng, a mentil of preysyng for the spirit of weilyng. And stronge men of riȝtfulnesse schulen be clepid ther ynne, the plauntyng of the Lord for to glorifie. [verse 4] And thei schulen bilde thingis `that ben [Om. ceteri.] forsakun fro the world, and thei schulen reise elde fallyngis, and thei schulen restore citees `that ben [Om. ceteri.] forsakun and distried, in generacioun and in to ge|neracioun. [verse 5] And aliens schulen stonde, and fede ȝoure beestis; and the sones of pil|grymes schulen be ȝoure erthe tilieris and vyn tilieris. [verse 6] But ȝe schulen be clepid the preestis of the Lord; it schal be seid to ȝou, Ȝe ben mynystris of oure God. Ȝe schulen ete the strengthe of hethene men, and ȝe schulen be onourid in the glorie of hem. [verse 7] For ȝoure double schenschip and schame thei schulen preise the part of hem; for this thing thei schulen haue pesi|bli double thingis in her lond, and euer|lastynge gladnesse schal be to hem. [verse 8] For Y am the Lord, louynge doom, and hatynge raueyn in brent sacrifice. And Y schal ȝyue the werk of hem in treuthe, and Y schal smyte to hem an euerlastynge boond of pees. [verse 9] And the seed of hem schal be knowun among folkis, and the buriownyng of hem in the myddis of puplis. Alle men that seen hem, schulen knowe hem, for these ben the seed, whom the Lord blesside. [verse 10] I ioiynge schal haue ioie in the Lord, and my soule schal make ful out ioiyng in my God. For he hath clothid me with clothis of helthe, and he hath compassid me with clothis of riȝtfulnesse, as a spouse made feir with a coroun, and as a spousesse ourned with her brochis. [verse 11] For as the erthe bryngith forth his fruyt, and as a gardyn buriowneth his seed, so the Lord God schal make to growe riȝtfulnesse, and preysyng bifore alle folkis.
