schulen come fro fer, and thi douȝtris schulen rise fro the side. [verse 5] Thanne thou schalt se, and schalt flowe; and thin herte schal wondre, and schal be alargid, whanne the multitude of the see is conuertid to thee, the strengthe of hethene men is [verse 6] comun to thee; the flowyng of camels schal hile thee, the lederis of dromedis of Madian and of Effa [Effra EP.] ; alle men of Saba schulen come, bryngynge gold and en|cense, and tellynge heriyng to the Lord. [verse 7] Ech scheep [beest I.] of Cedar schal be gaderid to thee, the rammes of Nabaioth schulen mynystre to thee; thei schulen be offrid on myn acceptable [quemeful, ether acceptable CEFGHIKMNPQRSUVXY.] auter, and Y schal glorifie the hous of my maieste. [verse 8] Who ben these, that fleen as cloudis, and as culueris at her wyndowis? [verse 9] Forsothe ilis abiden me, and the schippis of the see in the bigynnyng; that Y brynge thi sones fro fer, the siluer of hem, and the gold of hem is with hem, to the name of thi Lord God, and to the hooli of Israel; for he schal glorifie thee. [verse 10] And the sones of pil|grymes schulen bilde thi wallis, and the kyngis of hem schulen mynystre to thee. For Y smoot thee in myn indignacioun, and in my recounselyng Y hadde merci on thee. [verse 11] And thi ȝatis schulen be openyd contynueli, day and niȝt tho schulen not be closid; that the strengthe of hethene men be brouȝt to thee, and the kyngis of hem be brouȝt. [verse 12] For whi the folk and rewme that serueth not thee, schal pe|rische, and hethene men schulen be dis|tried bi wildirnesse. [verse 13] The glorie of the Liban schal come to thee, a fir tre, and box tre, and pyne appil tre togidere, to ourne [onour A pr. m.] the place of myn halewyng; and Y schal glorifie the place of my feet. [verse 14] And the sones of hem that maden thee lowe, schulen come lowe to thee, and alle that bacbitiden thee, schulen worschipe the steppis of thi feet; and [and thei I.] schulen clepe thee A citee of the Lord of Sion, of the hooli
