The Holy Bible, containing the Old and New Testaments, with the Apocryphal books,

CAP. LVIII.

[verse 1] Crye thou, ceesse thou not; as a trumpe enhaunse thi vois, and schewe thou to my puple her grete trespassis, and to the hous of Jacob her synnes. [verse 2] For thei seken me fro dai in to dai, and thei wolen knowe my weies; as a folk, that hath do riȝtful|nesse, and that hath not forsake the doom of her God; thei preien me domes of riȝt|fulnesse, and wolen [thei wolen I.] neiȝ to God. [verse 3] Whi fastiden we, and thou biheldist not; we mekiden oure soulis, and thou knewist not? Lo! ȝoure wille is foundun in the dai of ȝoure fastyng, and ȝe axen alle ȝoure dettouris. [verse 4] Lo! ȝe fasten to chidyngis and stryuyngis, and smyten with the fist wick|idli. Nyl ȝe fast, as `til to [ȝe han vnto I.] this dai, that ȝoure cry be herd an hiȝ. [verse 5] Whether sich is the fastyng which Y chees, a man to tur|mente his soule [soule, ether his lijf I.] bi dai? whether to bynde his heed as a sercle, and to make redi a sak and aische? Whethir thou schalt clepe this a fastyng, and a dai acceptable to the Lord? [verse 6] Whether not this is more the fast|yng, which Y chees? Vnbynde thou the byndingis togidere of vnpitee [vnpitee, ether of cruelte CEFGHIKMNPQ RSUVXY.] , releesse thou birthuns pressynge doun; delyuere thou hem free, that ben brokun, and breke thou ech birthun. [verse 7] Breke thi breed to an [the I.] hungri man, and brynge in to thin hous nedi men and herborles; whanne thou seest a nakid man, hile thou hym, and dispise not thi fleisch [fleisch, that is, [thi pore V] brother or sister EGHIKNPQRSUVXY.] . [verse 8] Thanne thi liȝt schal breke out as the morewtid, and thin helthe schal rise ful soone; and thi riȝt|fulnesse schal go bifore thi face, and the glorie of the Lord schal gadere thee [thee to rest I.] . [verse 9] Thanne thou schalt clepe to help, and the Lord schal here; thou schalt crie, and he schal seie, Lo! Y am present, for Y am merciful, thi Lord God. If thou takist awei a [the I.] chayne fro the myddis of thee, and ceessist to holde forth the [thi I.] fyngur,

[verse 10] and to speke that [that that CFH sec. m. IKMNRSUVX.] profitith not; whanne thou schedist out thi soule [soule, ether thi wille I.] to an hungri man, and fillist a soule, `that is [Om. ceteri.] turmentid, thi liȝt schal rise in derknessis, and thi derknessis schulen be as myddai. [verse 11] And the Lord thi God schal ȝyue euere reste to thee, and schal fille thi soule with schyn|yngis, and schal delyuere thi boonys; and thou schalt be as a watri gardyn, and as a welle of watris, whose waters schulen not faile. [verse 12] And the forsakun thingis of worldis schulen be bildid in thee, and thou schalt reise the foundementis of generacioun and generacioun; and thou schalt be clepid a bildere of heggis, turnynge awei the pathis of wickidnessis. [verse 13] If thou turnest awei thi foot fro the sabat, to do thi wille in myn hooli dai, and clepist the sabat delicat, and hooli, the gloriouse of the Lord, and glo|rifiest him, while thou doist not thi weies, and thi wille is not foundun, that thou [verse 14] speke a word; thanne thou schalt delite on the Lord, and Y schal reise thee on the hiȝnesse of erthe, and Y schal fede thee with the eritage of Jacob, thi fadir; for whi the mouth of the Lord spak.