CAP. LII.
[verse 1] Rise thou, Sion, rise thou, be thou clothid in thi strengthe; Jerusalem, the citee of the hooli, be thou clothid in the clothis of thi glorie; for a man vncircum|cidid and a man vncleene schal no more leie to, that he passe by thee. [verse 2] Jerusalem, be thou schakun out of dust; rise thou, sitte thou; thou douȝter of Sion, prisoner, vnbynde the boondis of thi necke. [verse 3] For the Lord seith these thingis, Ȝe ben seeld without cause, and ȝe schulen be aȝen|bouȝt with out siluer. [verse 4] For the Lord God seith these thingis, Mi puple in the bi|gynnyng ȝede doun in to Egipt, that it schulde be there `an erthe tiliere [an erthe tiliere, ether a comelyng CEFGHIMNPQRSUY.] , and Assur falsli calengide it with out ony cause. [verse 5] And now what is to me here? seith the Lord; for my puple is takun awei with out cause; the lordis therof doen wick|idli, seith the Lord, and my name is blas|femyd contynueli al dai. [verse 6] For this thing my puple schal knowe my name in that day, for lo! Y my silf that spak, am pre|sent. [verse 7] Ful faire ben the feet of hym that tellith, and prechith pees on hillis, of hym that tellith good, of hym that prechith helthe, and seith, Sion, thi God schal regne. [verse 8] The vois of thi biholderis; thei reisiden the vois, thei schulen herie togi|dere; for thei schulen se with iȝe to iȝe, whanne the Lord hath conuertid Sion. [verse 9] The forsakun [desert, ether forsakun CEFGHIKMNPQRSUVXY.] thingis of Jerusalem, make ȝe ioie, and herie ȝe togidere; for the Lord hath coumfortid his puple, he hath aȝenbouȝt Jerusalem. [verse 10] The Lord hath maad redi his hooli arm in the iȝen of alle folkis, and alle the endis of the [Om. CEFHIKNPSVX.] erthe schulen se the helthe of oure God. [verse 11] Go ȝe awei, go ȝe awei, go ȝe out fro thennus; nyle ȝe touche defoulid thing, go ȝe out fro the myddis therof; be ȝe clensid, that beren the vessels of the Lord. [verse 12] For ȝe schulen not go out in noyse, nether ȝe schulen
