The Holy Bible, containing the Old and New Testaments, with the Apocryphal books,

CAP. LI.

[verse 1] Here ȝe me, that suen that that is iust, and seken the Lord. Take ȝe hede to the stoon, fro whennys ȝe ben hewun doun, and to the caue of the lake, fro which ȝe ben kit doun. [verse 2] Take ȝe heede to Abra|ham, ȝoure fadir, and to Sare, that childide ȝou; for Y clepide hym oon, and Y bless|ide hym, and Y multipliede hym. [verse 3] Therfor the Lord schal coumforte Sion, and he schal coumforte alle the fallyngis therof; and he schal sette the desert therof as delices, and the wildirnesse therof as a

gardyn of the Lord; ioie and gladnesse schal be foundun therynne, the doyng of thankyngis and the vois of heriyng. [verse 4] Mi puple, take ȝe heede to me, and, my lynage, here ȝe me; for whi a lawe schal go out fro me, and my doom schal reste in to the liȝt of puplis. [verse 5] My iust man is nyȝ, my sauyour is gon out, and myn armes schu|len deme puplis; ilis schulen abide me, and schulen suffre myn arm. [verse 6] Reise ȝoure iȝen to heuene, and se ȝe vndur erthe by|nethe; for whi heuenes schulen melte awei as smoke, and the erthe schal be al to|brokun as a cloth, and the dwelleris therof schulen perische as these thingis; but myn helthe schal be withouten ende, and my riȝtfulnesse schal not fayle. [verse 7] Ȝe puple, that knowen the iust man, here me, my lawe is in the herte of hem; nyle ȝe drede the schenschipe of men, and drede ȝe not the blasfemyes of hem. [verse 8] For whi a worm schal ete hem so [Om. N.] as a cloth, and a mouȝte schal deuoure hem so as wolle; but myn helthe schal be withouten ende, and my riȝtfulnesse in to generaciouns of genera|ciouns. [verse 9] Rise thou, rise thou, arm of the Lord, be thou clothyd in strengthe; rise thou, as in elde daies, in generaciouns of worldis. Whether thou smytidist not the proude man, woundidist not the dragoun? [verse 10] Whether thou driedist not the see, the watir of the greet depthe, which settidist the depthe of the see a [to be a IKS.] weie, that men `that weren [Om. ceteri.] delyuered, schulden passe? [verse 11] And now thei that ben aȝenbouȝt of the Lord schulen turne aȝen, and schulen come heriynge in to Syon, and euerlastynge gladnesse on the heedis of hem; thei schu|len holde ioie and gladnesse, sorewe [and sorewe A pr. m.] and weilyng schal fle awei. [verse 12] `Y my silf [I, I myself K text. that is, I am he, I am he, that shal coumforte ȝou. K marg.] schal coumforte ȝou; what [who X.] art thou, that thou drede [dredist EP.] of a deedli man, and of the sone of man, that schal wexe drie so as hei? [verse 13] And thou hast forȝete `the Lord, thi [thi Lord CEFGHKMNPQRSUX.] crea|tour,

that stretchide abrood heuenes, and foundide the erthe; and thou dreddist con|tynueli al dai of the face of his woodnesse, that dide tribulacioun to thee, and made redi for to leese. Where is now the wood|nesse of the troblere? [verse 14] Soone he schal come, goynge for to opene; and he schal not sle til to deth, nether his breed schal faile. [verse 15] Forsothe Y am thi Lord God, that disturble the see, and the wawis therof wexen greet; the Lord of oostis is my name. [verse 16] Y haue put my wordis in thi mouth, and Y defendide thee in the scha|dewe of myn hond; that thou plaunte heuenes, and founde the [Om. CEFGHKMNPQRS sec. m. UX.] erthe, and seie to Sion, Thou art my puple. [verse 17] Be thou reisid, be thou reisid, rise thou, Jerusa|lem, that hast drunke of the hond of the Lord the cuppe of his wraththe; thou hast drunke `til to [vnto I.] the botme of the cuppe of sleep, thou hast drunke of `til to [vnto I.] the drastis. [verse 18] Noon is [ther is I.] that susteyneth it, of alle the sones whiche it gendride; and noon is [ther is I.] that takith the hond therof, of alle the sones whiche it nurshide. [verse 19] Twei thingis ben [ther ben I.] that camen to thee; who schal be sori on thee? distriyng, and de|foulyng, and hungur, and swerd. Who schal coumforte thee? [verse 20] Thi sones ben cast forth, thei slepten in the heed of alle weies, as the beeste orix [that is, a beest lijk a wa|ter mous, that slepeth al win|ter, and lifeth aȝen in somer. K.] , takun bi [with I.] a snare; thei ben ful of indignacioun of the Lord, of blamyng [the blamyng N.] of thi God. [verse 21] Therfor, thou pore, and drunkun, not of wyn, here these thingis. [verse 22] Thi [The CEFGHIKMNPQRSUVX.] lordli gouernour, the [thi CEFGHIKMNPQRSUVX.] Lord [Lord God S.] , and thi God, that fauȝt for his pu|ple, seith these thingis, Lo! Y haue take fro thyn hond the cuppe of sleep, the botme of the cuppe of myn indignacioun; Y schal not leie to, that thou drynke it ony more. [verse 23] And Y schal sette it in the hond of hem that maden thee low, and seiden to thi soule, Be thou bowid that we passe; and thou hast set thi bodi as erthe, and as a weye to hem that goen forth.