The Holy Bible, containing the Old and New Testaments, with the Apocryphal books,

CAP. XLII.

[verse 1] Lo! my seruaunt, Y schal vptake hym, my chosun, my soule pleside to it silf in hym. I ȝaf my spirit on hym, he schal brynge forth doom to hethene men. [verse 2] He schal not crie, nether he schal take a per|soone, nether his vois schal be herd with|outforth. [verse 3] He schal not breke a schakun rehed, and he schal not quenche smok|ynge flax; he schal brynge out doom in treuthe. [verse 4] He schal not be sorewful, nether troblid, til he sette doom in erthe, and ilis schulen abide his lawe. [verse 5] The Lord God seith these thingis, makynge heuenes of noȝt, and stretchynge forth tho [hem N.] , makynge stidfast the erthe, and tho thingis that buriownen of it, ȝyuynge breeth [blast CEFGHIKMNPQRSUVX.] to the puple, that is on it, and ȝyuynge spirit to hem that treden on it. [verse 6] Y the Lord haue clepid thee in riȝtfulnesse, and Y took thin hond, and kepte thee, and Y ȝaf thee in to a boond of pees of the puple, and in to liȝt of folkis. [verse 7] That thou schuldist opene the iȝen of blynde men; that thou schuldist lede out of closyng togidere a boundun man, fro the hous of prisoun men sit|tynge in derknessis. [verse 8] Y am the Lord, this is my name; Y schal not ȝyue my glorie to an othere, and my preisyng to grauun ymagis. [verse 9] Lo! tho thingis that weren the firste, ben comun, and Y telle newe thingis; Y schal make herd to ȝou, bifore that tho bigynnen to be maad. [verse 10] Synge ȝe a newe song to the Lord; his heriyng is fro the laste partis of erthe; ȝe that goon doun in to the [Om. CFINPQU.] see, and the fulnesse therof, ilis, and the dwelleris of tho. [verse 11] The desert be reisid, and the citees therof; he schal dwelle in the housis of Cedar; ȝe dwel|leris of the stoon, herie ȝe [Om. CEFGHKMNPQRSUVX.] ; thei schulen crie fro the cop of hillis. [verse 12] Thei schulen sette glorie to the Lord, and they schulen telle his heriyng in ilis. [verse 13] The Lord as a strong man schal go out, as a man a wer|ryour

he schal reise feruent loue; he schal speke, and schal crie; he schal be coumfortid on hise enemyes. [verse 14] Y was stille, euere Y helde silence; Y was pacient, Y schal speke as a womman trauelynge of child; Y schal scatere, and Y schal swolowe togidere. [verse 15] Y schal make desert hiȝ moun|teyns and litle hillis, and Y schal drie vp al the buriownyng of tho [hem N.] ; and Y schal sette floodis in to ilis, and Y schal make poondis drie. [verse 16] And Y schal lede out blynde men in to the weie, which thei knowen not, and Y schal make hem [hym FIN.] to [Om. N.] go in [in to N.] pathis, whiche thei knewen not; Y schal sette the derknessis of hem bifore hem in to liȝt, and schrewid thingis in to riȝtful thingis; Y dide these wordis to hem, and Y forsook not hem. [verse 17] Thei ben turned abac; be thei schent with schen|schipe, that trusten in a grauun ymage; whiche seien to a ȝotun ymage, Ȝe ben oure goddis. [verse 18] Ȝe deef men, here; and ȝe blynde men, biholde [biholdeth I.] to se. [verse 19] Who is blynd, no but my seruaunt? and deef, no [Om. I.] but he to whom Y sente my messangeris? Who is blynd, no [Om. I.] but he that is seeld? and who is blynd, no [Om. I.] but the seruaunt of the Lord? [verse 20] Whether thou that seest many thingis, schalt not kepe? Whether thou that hast open eeris, schalt not here? [verse 21] And the Lord wolde, that he schulde halewe it, and magnefie the lawe, and enhaunse it [Om. CEFGHKMNPQRSUVX.] . [verse 22] But thilke puple was ra|uyschid, and wastid; alle thei ben the snare of ȝonge men, and ben hid in the housis of prisouns. Thei ben maad in to raueyn, and noon is that delyuereth; in to rauyschyng, and noon is [ther is I.] that seith, Ȝelde thou. [verse 23] Who is among ȝou, that herith this, perseyueth, and herkneth thingis to comynge? [verse 24] Who ȝaf Jacob in to rauysch|yng, and Israel to distrieris? Whether not the Lord? He it is, aȝens whom thei

synneden; and thei nolden [wolden not I.] go in hise weies, and thei herden not his lawe. [verse 25] And he schedde out on hem the indignacioun of his strong veniaunce, and strong batel; and thei [he C sec. m. KMRV.] brenten [brente C sec. m. KMRV. brouȝten EFGHINPQUX.] it in cumpas, and it knewe not; and he brente it, and it vn|durstood [vndur|stonde A.] not.