The Holy Bible, containing the Old and New Testaments, with the Apocryphal books,

CAP. XXXVI.

[verse 1] And it was don in the fourtenthe ȝeer of kyng Ezechie, Sennacherib, the kyng of Assiriens, stiede on alle the stronge citees of Juda, and took tho [hem N.] . [verse 2] And the kyng of Assiriens sente Rapsases fro La|chis to Jerusalem, to kyng Ezechie, with greet power; and he stood at the watir cundit of the [Om. NQRSU.] hiȝere [hiȝ Q.] sisterne, in the weie of the [Om. Q.] feeld of [Om. ceteri.] a fullere [fullere, or toukere CEGHIKMNPQRUXY. fullere, ether toukere FS.] . [verse 3] And Elia|chym, the sone of Elchie, that was on the hous, ȝede out to hym, and Sobna, the scryuen, and Joae, the sone of Asaph, the chaunceler. [verse 4] And Rapsases seide to hem, Seie ȝe to Ezechie, The greet king, the king of Assiriens, seith these thingis, What [verse 5] is the trist, in which thou tristist? ethir bi what councele ether strengthe disposist thou for to rebelle? on whom hast thou trist, for thou hast go awei fro me? [verse 6] Lo! thou tristist on this brokun staf of rehed, on Egipt, on which if a man restith [leneth, ether restith CEFGHIKMNPQRSUVXY.] , it schal entre in to his hoond, and schal perse it; so doith Farao, the kyng of Egipt, to alle men that tristen in hym. [verse 7] That if thou answerist to me, We tristen in oure Lord God; whether [wher I passim.] it is not he, whose hiȝe places and auteris Esechie dide awei, and he seide to Juda and to Jerusa|lem, Ȝe schulen worschipe bifore this auter? [verse 8] And now bitake thee to my lord, the kyng of Assiriens, and Y schal ȝyue to thee twei [two I.] thousynde of horsis, and thou maist not ȝyue of thee stieris of tho horsis. [verse 9] And hou schalt thou abide the face of the iuge of

o place of the lesse seruauntis of my lord? That if thou tristist in Egipt, and in cartis, [verse 10] and in knyȝtis; and now whethir Y stiede to this lond with out the Lord, that Y schulde distrie it? The Lord seide to me, Stie thou on this lond, and distrie thou it. [verse 11] And Eliachym, and Sobna, and Joae, seiden to Rapsaces, Speke thou to thi seruauntis bi the langage of Sirie, for we vndur|stonden; speke thou not to vs bi the lan|gage of Jewis in the eeris of the puple, which is on the wal. [verse 12] And Rapsaces seide to hem, Whether mi lord sente me to thi lord, and to thee, that Y schulde speke alle these wordis, and not rathere to the men that sitten on the wal, that thei ete her toordis, and drynke the pisse of her feet with ȝou? [verse 13] And Rapsaces stood, and criede with greet vois in the langage of Jewis, and seide, Here ȝe the wordis of the greet kyng, the kyng of Assiriens. [verse 14] The kyng seith these thingis, Esechie dis|seyue not ȝou, for he may not delyuere [verse 15] ȝou; and Ezechie ȝyue not to ȝou trist on the Lord, and seie, The Lord delyuerynge schal delyuere vs; this citee schal not be ȝouun in to the hoond of the kyng of Assiriens. Nyle ȝe here Ezechie. [verse 16] For whi the kyng of Assiriens seith these thingis, Make ȝe blessyng with me, and go ȝe out to me; and ete ȝe ech man his vyner, and ech man his fige [vyne N.] tre, and drynke ȝe ech [verse 17] man the water of his cisterne, til Y come, and take awei ȝou to a lond which is as ȝoure lond; to a lond of whete and of wyn, to a lond of looues and of vyneris. Ezechie disturble not ȝou, and seie, [verse 18] The Lord schal delyuere vs. Whether the god|dis of folkis delyuereden ech his lond fro the hond of the kyng of Assiriens? [verse 19] Where is the god of Emath, and of Arphat? Where is the god of Sepharuaym? Whe|thir thei delyueriden Samarie fro myn hond? [verse 20] Who is of alle goddis of these londis, that delyueride his lond fro myn

hond, that the Lord delyuere Jerusalem fro myn hond? [verse 21] And thei weren stille, and answeriden not to hym a word. For whi the kyng comaundide to hem, and seide, Answere ȝe not to him. [verse 22] And Elia|chym, the sone of Elchie, that was on the hous, and Sobna, the scryueyn, and Joae, the sone of Asaph, chaunceler, entriden with to-rent clothis to Ezechie, and telde to hym the wordis of Rapsaces.