The Holy Bible, containing the Old and New Testaments, with the Apocryphal books,

CAP. XXVIII.

[verse 1] Wo to the coroun of pride, to the drunkun men of Effraym, and to the flour fallynge doun of the glorie of the ful out ioiyng therof, that weren in the cop of the fatteste valei, and erriden [erride I.] of wyn. [verse 2] Lo! the myȝti and strong Lord, as the feersnesse of hail, a [and A.] whirlwynd brekynge togidere, as the fersnesse of many watris flowynge, and sent out on a large lond. [verse 3] The coroun of pride of the drunken men of Effraym schal be defoulid with feet, [verse 4] and the flour of glorie of the ful out ioi|yng of hym, that is on the cop of valei [the valei I.] of fat thingis, schal be fallyng doun, as a tymeli thing bifore the ripenesse of her|uest; which whanne a man seynge bi|holdith, anoon as he takith with hond, he schal deuoure it. [verse 5] In that dai the Lord of oostis schal be a coroun of glorie, and a garlond of ful out ioiyng, to the residue of [verse 6] his puple; and a spirit of doom to [of N.] hym that sittith on the trone, and strengthe to hem that turnen aȝen fro batel to the ȝate. [verse 7] But also thei knewen not for wyn, and erriden for drunkenesse; the preest and profete knewen not for drunkenesse; thei weren sopun up of wyn, thei erriden in drunkenesse; thei knewen not a profete, thei knewen not doom. [verse 8] For whi alle bordis weren fillid with spuyng and filthis, so that ther was no more place. [verse 9] Whom schal he teche kunnyng, and whom schal he make to vndurstonde heryng? Men wenyd fro mylk, men drawun awei fro tetis. [verse 10] For whi comaunde thou, comaunde

thou [Om. N.] aȝen; comaunde thou, comaunde thou aȝen; abide thou, abide thou aȝen; abide thou, abide thou aȝen; a litil there, a litil there. [verse 11] For whi in speche of lippe, and in other langage he schal speke to [verse 12] this puple, to which [the which I.] he seide, This is my reste; refreische ȝe a weri man, and this is my refreischyng; and thei nolden [wolden not I.] here. [verse 13] And the word of the Lord schal be to hem, Sende thou, sende thou aȝen; send thou, sende thou aȝen; abide thou, abide thou aȝen; abide thou, abide thou aȝen; a litil there, a litil there; that thei go, and falle backward, and be al to-brokun, and be snarid, and be takun. [verse 14] For this thing, ȝe men scorneris, that ben lordis ouer [of N.] my puple which is in Jerusalem, here [hereth I.] the word of the Lord. [verse 15] For ȝe seiden, We han [haue I passim.] smyte a boond of pees with deth, and we han maad couenaunt with helle; a scourge flowynge whanne it schal passe, schal not come on vs, for we han set a leesyng oure hope, and we ben kyuered with a leesyng. [verse 16] Therfor the Lord God seith these thingis, Lo! Y schal sende in the foundementis of Sion a corner stoon preciouse, preuyd, foundid in the foundement; he that bi|leueth, schal not haaste. [verse 17] And Y schal sette doom in weiȝte, and [and in I.] riȝtfulnesse in [and I.] mesure; and hail schal distrie the hope of leesyng, and watris schulen flowe on pro|teccioun. And ȝoure boond of pees with [verse 18] deth schal be don awei, and ȝoure coue|naunt with helle schal not stonde; whanne the scourge flowynge schal passe, ȝe schu|len be to it in to defoulyng. [verse 19] Whanne euer it schal passe, it schal take awei ȝow; for whi erli in the grey morewtid it schal passe, in dai and niȝt; and oonli trauel aloone schal ȝyue vndurstondyng to her|yng. [verse 20] Forsothe the bed is streit, so that the tother [oothir I.] falle doun; and a schort mentil schal not hile euer either. [verse 21] For as in the hil of departyngis the Lord schal stonde, as in the valei, which is in Gabaon, he

schal be wroth, that he do his werk; his werk [werk is A sec. m.] alien, that he worche his werk; his werk is straunge fro hym. [verse 22] And now nyle ȝe scorne, lest perauenture ȝoure boondis be maad streit togidere; for Y herde of the Lord God of oostis, endyng and a|breggyng on al erthe. [verse 23] Perseyue ȝe with eeris, and here ȝe my vois; perseyue ȝe, and here ȝe my speche. [verse 24] Whether he that erith, schal ere [erye S.] al dai, for to sowe, and schal be kerue, and purge his londe? [verse 25] Whether whanne he hath maad euene the face therof, schal he not sowe gith [gith; is a kynde of erbe, able to potage, and is lijk co|myn. Lire here. A et alii.] , and sprenge abrood comyn? and he schal not sette wheete bi ordre, and barli, and mylium, and fetchis in his coostis? [verse 26] And his God schal teche hym, in doom he schal teche hym. [verse 27] Forsothe gith schal not be threischid in sawis, and a wheel of a wayn schal not cumpasse on comyn; but gith schal be betun out with a ȝerd, and comyn with a staf. [verse 28] Sotheli breed schal be maad lesse, but he that threischith schal not threische it with outen ende, ne|ther schal trauele it with a wheel of a wayn, nether schal make it lesse with hise clees. [verse 29] And this thing ȝede out of the Lord God of oostis, that he schulde make wondirful councel, and magnefie riȝtful|nesse.