The Holy Bible, containing the Old and New Testaments, with the Apocryphal books,

CAP. XXIV.

[verse 1] Lo! the Lord schal distrie the erthe, and schal make it nakid, and schal tur|mente the face therof; and he schal scater abrood the dwelleris therof. [verse 2] And it schal be, as the puple, so the preest; as the ser|uaunt, so his lord; as the handmaide, so the ladi of hir; as a biere, so he that sillith; as the leenere, so he that takith borewyng; as he that axith aȝen, so he that owith. [verse 3] Bi distriyng the lond schal be distried, and schal be maad nakid by rauyschyng; for whi the Lord spak this word. [verse 4] The erthe morenyde, and fleet awei, and is maad sijk; the world fleet awei, the hiȝnesse of the [Om. I.] puple of erthe is [verse 5] maad sijk, and the erthe is slayn of hise dwelleris. For thei passiden lawis, chaung|iden riȝt, distrieden euerlastynge boond of

pees. [verse 6] For this thing cursyng schal deuoure the erthe, and the dwelleris therof schulen do synne; and therfor the louyeris therof schulen be woode, and fewe men schulen be left. [verse 7] Vyndage morenyde, the vyne is sijk; alle men that weren glad in herte weiliden. [verse 8] The ioie of tympans ceesside, the sowne of glad men restide; the swet|nesse of harpe with song was stille. [verse 9] Thei schulen not drynke wyn; a bittere drynk schal be to hem that schulen drynke it. [verse 10] The citee of vanyte is al to-brokun; ech hous is closid, for no man entrith. [verse 11] Cry schal be on wyn in streetis, al gladnesse is forsakun, the ioie of erthe is `takun awei [translatid, ether takun awey CEFGHIKMNPQRSUVXY.] . [verse 12] Desolacioun [Soleyntee, ether desolacioun CEFGHIKMNPQR SUVXY.] is left in the citee, and wretchidnesse schal oppresse the ȝatis. [verse 13] For these thingis schulen be in the myddis of erthe, in the myddis of puplis, as if a fewe fruitis of olyue trees that ben left ben schakun of fro the olyue tre, and racyns, whanne the vyndage is endid. [verse 14] These men schulen reise her vois, and schulen preise, whanne the Lord schal be glorified; thei schulen schewe signes of gladnesse fro the see. [verse 15] For this thing glo|rifie ȝe the Lord in techyngis; in the ilis of the see glorifie ȝe the name of the Lord God of Israel. [verse 16] Fro the endis of erthe we han herd heriyngis, the glorye of the iust. And Y seide, My priuyte to me, my pryuyte to me. Wo to me, trespassours han trespassid, and han tres|passid bi trespassyng of brekeris of the lawe. [verse 17] Ferdfulnesse, and a diche, and a snare on thee, that art a dwellere of erthe. [verse 18] And it schal be, he that schal fle fro the face of ferdfulnesse, schal falle in to the diche; and he that schal delyuere hym silf fro the dich, schal be holdun of the snare; for whi the wyndows of hiȝe thingis ben openyd, and the foundementis of erthe schulen be schakun togidere. [verse 19] The erthe [verse 20] schal be brokun with brekyng, the erthe schal be defoulid with defoulyng, the erthe schal be mouyd with mouyng, the erthe

schal be schakun with schakyng, as a drunkun man. [verse 21] And it schal be takun awei, as the tabernacle of o nyȝt, and the wickidnesse therof schal greue it; and it schal falle down, and it schal not adde, for to rise aȝen. And it schal be, in that dai the Lord schal visite on the knyȝthod of heuene an hiȝ, and on the kyngis of erthe, that ben on erthe. [verse 22] And thei schulen be gaderid togidere in the gadering togidere of a bundel in to the lake, and thei schulen be closid there in prisoun; and aftir many daies thei schulen be visited. [verse 23] And the moone schal be aschamed, and the sunne schal be confoundid [shent, ether ashamid CEFGHKMNPQRSUVXY. schent I.] , whanne the Lord of oostis schal regne in the hil of Sion, and in Jerusalem, and schal be glorified in the siȝt of hise eldre men.