CAP. XXIII.
The birthun of Tire. [verse 1] Ȝe schippis of the see, ȝelle [ȝelleth I.] , for the hous is distried, fro whennus coumfort was wont to come; fro the lond of Cethym, and was schewid to hem. [verse 2] Be ȝe stille, that dwellen in the ile, the marchaundie of Sidon; men passynge [verse 3] the see filliden thee in many watris; the seed of Nylus is heruest, the flood is the corn therof, and it is maad the mar|chaundie of hethene men. [verse 4] Thou, Sidon, be aschamed, seide the see, the strengthe of the see, and seide, Y trauelide not of child, and Y childide not, and Y nurschide not ȝonge men, and Y brouȝte not fulli virgyns to encreessyng. [verse 5] Whanne it schal be herd in Egipt, thei schulen make so|rewe, whanne thei heren of Tire. [verse 6] Passe ȝe the sees; ȝelle ȝe, that dwellen in the ile. [verse 7] Whether [Wher ceteri fere passim.] this citee is not ȝoure, that hadde glorie fro elde daies in his eldnesse? the feet therof schulen lede it fer, to go in pil|grymage. [verse 8] Who thouȝte this thing on Tire sum tyme crownede, whos marchauntis weren princes, the selleris of marchaundie therof weren noble men of erthe? [verse 9] The Lord of oostis thouȝte this thing, that he schulde drawe doun the pride of al glorie, and that he schulde bringe to schenschipe alle the noble men of erthe. [verse 10] Thou douȝ|ter of the see, passe thi lond as a flood; a girdil is no more to thee. [verse 11] It stretchide forth his hond aboue the see, and dis|turblide rewmes. The Lord sente aȝenes Canaan, for to al to-breke the stronge men [verse 12] therof; and he seide, Thou maide, the douȝ|ter of Sidon, that suffrist caleng, schalt no more adde, that thou haue glorie. Rise thou, and passe ouer the see in to Sechym; there also no reste schal be to thee. [verse 13] Lo!
