The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
The birthun of the forsakun see. [verse 1] As whirlewyndis comen fro the southwest, it cometh fro desert, fro the orible lond. [verse 2] An hard reuelacioun is teld to me; he that is vnfeithful, doith vnfeithfuli; and he that is a distriere, distrieth. Thou Helam, stie [stie up I.] , and thou, Meda, biseche; Y made al the weilyng therof for to ceesse. [verse 3] Therfor my leendis ben fillid with sorewe; an|gwische
weldide me, as the angwisch of a womman trauelynge of child; Y felle doun, whanne Y herde; Y was disturblid, whanne Y siȝ. [verse 4] Myn herte fadide, derk|nessis astonieden me; Babiloyne, my der|lyng, is set to me in to myracle. [verse 5] Sette thou a boord, biholde thou in to a toting place; rise, ȝe princes, etynge and drynk|ynge, take ȝe scheeld. [verse 6] For whi the Lord seide these thingis to me, Go thou, and sette a lokere; and telle he, what euer thing he seeth. [verse 7] And he siȝ the [a I.] chare of tweyne [two I.] horse men, the stiere of an asse, and the stiere of a camel; and he bihelde [verse 8] diligentli with myche lokyng, and criede as a lioun, Y stonde contynueli bi dai on the totyng place of the Lord, and Y stonde bi alle nyȝtis on my kepyng. [verse 9] Lo! this [he this I.] cometh, a man stiere of a carte of horse men. And Isaie criede, and seide, Babi|loyne felle doun, felle doun; and alle the grauun ymagis of goddis therof ben al to|brokun in to erthe. [verse 10] Mi threschyng, and the douȝter of my [Om. I.] cornfloor, Y haue teld to ȝou what thingis Y herde of the Lord of oostis, of God of Israel. [verse 11] The birthun of Duma. It crieth fro Seir to me, Kepere, what our [Om. CEFGHKMNPQRSUVX.] of the [Om. CEFGHIKMNPQRSUVX.] niȝt? `kepere, what [Om. CMR.] our [Om. CEFGHIKMNPQRSUV.] of [Om. CMR.] the [Om. CEFGHKMNPQRSUVX.] niȝt [Om. CMR.] ? [verse 12] The kepere seide, Morewtid [The morwetijd KVX.] cometh, and niȝt; if ȝe seken, seke ȝe, and be ȝe conuertid, and `come ȝe [cometh to me I.] . The birthun in [of I.] Arabie. [verse 13] In the forest at euentid ȝe schulen slepe, in the pathis of Dodanym. [verse 14] Ȝe that dwellen in the lond of the south, renne, and bere watir to the thristi; and renne ȝe with looues to hym that fleeth. [verse 15] For thei fledden fro the face of swerdis, fro the face of swerd neiȝynge, fro the face of bouwe bent, fro the face of greuouse batel. [verse 16] For the Lord seith these thingis to me, Ȝit in o ȝeer, as in the ȝeer of an hirid man, and al the glorie of Ce|dar schal be takun awei. [verse 17] And the reme|nauntis of the noumbre of stronge archeris
