The Holy Bible, containing the Old and New Testaments, with the Apocryphal books,

CAP. XIX.

[verse 1] The birthun of Egipt. Lo! the Lord schal stie on a liȝt cloude, and he schal entre in to Egipt; and the symilacris of

Egipt schulen be mouyd fro his face, and the herte of Egipt schal faile in the myd|dis therof. [verse 2] And Y schal make Egipcians to renne togidere aȝens Egipcians, and a man schal fiȝte aȝens his brother, and a man aȝens his frend, a citee aȝens a citee, and a rewme aȝens a rewme. [verse 3] And the spirit of Egipt schal be brokun in the entrailis therof, and Y schal caste doun the councel therof; and thei schulen axe her symylacris, and her false diuinouris, and her men that han vncleene spiritis spekinge in the wombe, and her dyuyn|ouris bi sacrifices maad on auteris to feendis. [verse 4] And Y schal bitake Egipt in to the hond of cruel lordis, and a strong kyng schal be lord of hem, seith the Lord God of oostis. [verse 5] And watir of the see schal wexe drie, and the flood schal be desolat, and schal be dried. [verse 6] And the floodis schu|len faile, and the strondis of the [Om. C et ceteri.] feeldis schulen be maad thynne, and schulen be dried; a rehed and spier schal fade. [verse 7] The botme of watir schal be maad nakid, and stremys fro her welle; and the moiste place of al seed schal be dried, schal [it schal I.] waxe drie, and schal [it schal I.] not be. [verse 8] And fischeris schulen morne, and alle that casten [senden CEFGHIKMNPQRSUVX.] hook in to the flood, schulen weile; and thei that spreden abrood a net on the face of wa|tris, schulen fade. [verse 9] Thei schulen be schent, that wrouȝten flex, foldynge and ordeyn|ynge sutil thingis. [verse 10] And the watir places therof schulen be drye; alle [and alle I.] that maden poondis to take fischis, schulen be schent. [verse 11] The fonned princes of Tafnys, the wise counselouris of Farao, ȝauen vnwise coun|sel; hou schulen ȝe seie to Farao, Y am the sone of wise men, the sone of elde kyngis? [verse 12] Where ben now thi wise men? Telle thei to thee, and schewe thei, what the Lord of oostis thouȝte on Egipt. [verse 13] The princes of Tafnys ben maad foolis; the princes of Memphis fadiden; thei disseyu|eden

Egipt, a corner of the puplis therof. [verse 14] The Lord meddlid a spirit of errour in the myddis therof; and thei maden Egipt for to erre in al his werk, as a drunkun man and spuynge errith. [verse 15] And werk schal not be to Egipt, that it make an heed and tail bowynge and refreynynge. [verse 16] In that dai Egipt schal be as wymmen, and thei schulen be astonyed, and schulen drede of the face of the mouynge of the hoond of the Lord of oostis, which he mouede on it. [verse 17] And the lond of Juda schal be to Egipt in to drede; ech that schal thenke on it, schal drede of the face of the counsel of the Lord of oostis, whiche he thouȝte on it. [verse 18] In that dai fyue citees schulen be in the lond of Egipt, and [and tho I.] schulen speke with the tunge of Canaan, and schulen swere bi the Lord of oostis; the citee of the sunne schal be clepid oon. [verse 19] In that dai the auter of the Lord schal be in the myddis of the lond of Egipt, and the title of the Lord schal be bisidis the ende [verse 20] therof; and it schal be in to a signe and witnessyng to the Lord of oostis, in the lond of Egipt. For thei schulen crie to the Lord fro the face of the troblere, and he schal sende a sauyour to hem, and a for|fiȝtere, that schal delyuere hem. [verse 21] And the Lord schal be knowun of Egipt, and Egipcians schulen knowe the Lord in that dai; and thei schulen worschipe hym in sacrifices and ȝiftis, and thei schulen make vowis to the Lord, and thei schulen paie. [verse 22] And the Lord schal smyte Egipt with a wounde, and schal make it hool; and Egipcians schulen turne aȝen to the Lord, and he schal be plesid in hem, and he schal make hem hool. [verse 23] In that dai a wei schal be fro Egipt in to Assiriens, and Egipcians schulen serue Assur; and Assur schal entre in to Egipt, and Egipt in to Assiriens. [verse 24] In that dai Israel schal be the thridde to Egipt and to Assur, the bless|yng

[verse 25] in the myddil of erthe; whom the Lord of oostis blesside, seiynge, Blessid be my puple of Egipt, and the werk of myn hondis be to Assiriens; but myne eritage be to Israel.