The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] The birthun of Damask. Lo! Damask schal faile to be a citee, and it schal be as an heep of stoonys in fallyng. [verse 2] The for|sakun citees of Aroer schulen be to flockis; and tho [thei N.] schulen reste there, and noon schal be that schal make aferd. [verse 3] And help
schal ceesse fro Effraym, and a rewme fro Damask; and the relifs of Sirie schulen be as the glorie of the sones of Israel, seith the Lord of oostis. [verse 4] And it schal be, in that dai the glorie of Jacob schal be maad thinne, and the fatnesse of his fleisch shal fade. [verse 5] And it schal be as gaderyng togi|dere that that is left in heruest, and his arm schal gadere eeris of corn, and it schal be as sekynge eeris of corn in the valei of Raphaym. [verse 6] And there schal be left in it as a rasyn [rasyn; is a lytil bow, with a lytil fruyt. A et alii.] , and as the schakyng doun of the fruyt of olyue tre, as of tweyne [two I.] ether of [Om. ENP.] thre olyue trees in the hiȝnesse of a braunche, ether of foure ether [or I.] of fyue; in the cooppis therof schal be the fruyt therof, seith the Lord God of Israel. [verse 7] In that dai a man schal be bowid to his maker, and hise iȝen schulen biholde to the hooli of Israel. [verse 8] And he schal not be bowid to the auteris, whiche hise hondis maden, and whiche hise fyngris wrouȝten; he schal not biholde wodis, and templis of idols. [verse 9] In that dai the citees of strengthe therof schulen be forsakun as plowis, and cornes that weren forsakun of the face of the sones of Israel; and thou schalt be forsakun. [verse 10] For thou hast forȝete God, thi sauyour, and haddist not mynde on thi stronge helpere; therfor thou schalt plaunte a feithful plauntyng, and thou schalt sowe an alien seed. [verse 11] In the dai of thi plauntyng schal be a wielde vyne, and erli thi seed schal floure; ripe corne is takun awei in the dai of eritage, and Israel schal make sorewe greuousli. [verse 12] Wo to the multitude of many puplis, as the multitude of the see sownynge, and the noise of cumpenyes as the sown of many watris. [verse 13] Puplis schulen sowne as the sown of flowynge watris, and God schal blame hym; and he schal fle fer, and he schal be rauyschid as the dust of hillis fro the face of the wynd, and as a whirlewynd bifor tem|pest. [verse 14] In the time of euentide, and lo! disturbling; in the morewtid, and he schal
