The Holy Bible, containing the Old and New Testaments, with the Apocryphal books,

CAP. XIII.

[verse 1] The birthun of Babiloyne, which bir|thun Ysaie, the sone of Amos, siȝ. [verse 2] Reise ȝe a signe on a myisti hil, and enhaunse ȝe vois; reise ȝe the hond, and duykis entre bi the ȝatis. [verse 3] Y haue comaundid to myn halewid men, and Y clepid my stronge men in my wraththe, that maken ful out ioie in my glorie. [verse 4] The vois of multitude in hillis, as of many puplis; the vois of sown of kyngis, of hethene men gaderit togidere. The Lord of oostis co|maundide [verse 5] to the chyualry of batel, to men comynge fro a fer lond. The Lord com|eth fro the hiȝnesse of heuene, and the vessels of his strong veniaunce, that he distrie al the lond. [verse 6] Ȝelle ȝe, for the dai of the Lord is niȝ; as wastyng [wastyng, ether distriyng CEFGHIKMNPQRSUXY.] it schal come of the Lord. [verse 7] For this thing alle hondis schulen be vnmyȝti, and eche herte of [verse 8] man schal faile, and schal be al to-brokun. Gnawyngis and sorewis schulen holde Babiloyns; thei schulen haue sorewe, as they that trauelen of child. Ech man schal wondre at his neiȝbore; her cheris schulen be brent faces. [verse 9] Lo! the dai of the Lord schal come, cruel, and ful of indignacioun, and of wraththe, and of woodnesse; to sette the lond into wildir|nesse, and to al to-breke the synneris

therof fro that [the N.] lond. [verse 10] For whi the sterris of heuene and the schynyng of tho [hem N.] schulen not sprede abrood her liȝt; the sunne is maade derk in his risyng, and the moone schal not schine in hir liȝt. [verse 11] And Y schal visite on the yuels of the world, and Y schal visite aȝens wickid men the wickidnesse of hem; and Y schal make the pride of vnfeithful men for to reste, and Y schal make low the boost of stronge men. [verse 12] A man of ful age schal be preciousere than gold, and a man schal be preciousere than pure gold and schynyng. [verse 13] On this thing I schal disturble heuene, and the erthe schal be moued fro his place; for the indignacioun of the Lord of oostis, and for the dai of wraththe of his strong veniaunce. [verse 14] And it schal be as a doo fleynge, and as a scheep, and noon schal be that schal gadere togidere; ech man schal turne to his puple, and alle bi hem silf schulen fle to her lond. [verse 15] Ech man that is foundun, schal be slayn; and ech man that cometh aboue, schal falle doun bi swerd. [verse 16] The ȝonge children of them schulen be hurtlid doun bifore the iȝen of them; her housis schulen be ra|uischid, and her wyues schulen be de|foulid. [verse 17] Lo! Y schal reise on them Me|deis, that seken not siluer, nethir wolen [verse 18] gold; but thei shulen sle litle children bi [with I.] arowis, and thei schulen not haue merci on wombis ȝyuynge mylk, and the iȝe of them schal not spare on sones. [verse 19] And Babiloyne, thilke gloriouse citee in rewmes, noble in the pride of Caldeis, schal be destried, as God destried Sodom and Gomore. [verse 20] It shall not be enhabitid til in to the ende, and it schal not be foundid til to generacioun and genera|cioun; a man of Arabie schal not sette tentis there, and scheepherdis schulen not reste there. [verse 21] But wielde beestis schulen reste there, and the housis of hem schulen be fillid with dragouns; and ostrichis

schulen dwelle there, and heeri [heery; that is, foxis and woluys, as sum men seien; ether heri ben heere wondurful beestis, that in parti han the licnes of man and in parti the licnesse of a beeste. Lire here. CKQU.] beestis schulen skippe there. [verse 22] And bitouris schu|len answere there in the housis therof, and fliynge serpentis in the templis of lust.