The Holy Bible, containing the Old and New Testaments, with the Apocryphal books,

CAP. VIII.

[verse 1] Chide thou not with a miȝti man, leste thou falle in to hise hondis. [verse 2] Stryue thou not with a riche man, lest perauenture he make ple aȝenward to thee. [verse 3] For whi gold and siluer [gold and sil|uer, etc.; that is, coueitise of gold and of siluer. Lire here. C.] hath lost many men; and it stretchith forth til to the herte of kyngis, and turneth [turneth doom V.] [and turneth; that is, doom fro truthe into falsnesse, and so ful many inocent men ben damned in thingis and bo|dies bi money of riche men. leie thou not trees, etc.; that is, mater to kyndle his woodnesse bi thi striuyng. in corrupcioun; that is, goen to corrupcioun, ether deth; for we ben maad of contrarie elementis. Lire here. C.] . [verse 4] Chide thou not with a man, a ianglere, and leie thou not trees in to his fier. [verse 5] Comyne thou not with an vntauȝt man, lest he speke yuele of thi kynrede. [verse 6] Dispise thou not a man turn|ynge awei hym silf fro synne, nether vp|breide [edwite ceteri.] thou hym; haue thou mynde, that alle we ben in corrupcioun. [verse 7] Dispise thou not a man in his eelde; for whi of vs men wexen eld. [verse 8] Nyle thou make ioye of thin enemy deed, witynge that alle we dien, and wolen not come in to ioie of oure enemys. [verse 9] Dispise thou not the tellyng of wise preestes, and be thou conuersaunt in [verse 10] the prouerbis of hem [prouerbis of hem; that is, notable wordis of hem. of el|dere men; in whiche is wis|dom and expe|rience of long tyme. Lire here. C.] ; for of hem thou

schalt lerne wisdom, and techyng of vn|durstondyng, and to serue without pleynt to grete men. [verse 11] The tellyng of eldere men passe not thee; for thei han lerned of her fadris. [verse 12] For of hem thou schalt lerne vn|durstondyng; and in the [Om. I.] tyme of nede thou schalt ȝyue answere. [verse 13] Kyndle thou not [Kyndle thou not, etc.; whanne thei ben obstynat, ether ben set in wraththe out of mesure, for thanne thei ben not amend|id, but ben maad worse; netheles this schal be vndur|stondun of bro|theris repreu|yng, which is ordeyned to the amending of him that is repreuyd, but not of repreu|yng maad bi a iuge, for that repreuyng is ordeyned to the good of multitude; so|thely a multi|tude is amendid bi the scharp blamyng and punysching of him that is obstynat and wrooth. Lire here. C.] the coolis of synneris, and repreue hem; and be thou not brent with the flawme of fier of her synnes. [verse 14] Stonde thou not aȝens the face of a man ful of dispis|yng; lest he sitte as a spiere to thi mouth. [verse 15] Nyle thou leene [Nyle thou leene, etc.; that sueth the fers|nesse of his strengthe. Lire here. C.] to a man strongere than thou; that if thou hast lent, haue thou it as lost. [verse 16] Biheete [Bihote I.] thou not aboue thi power [vertu EGHIKMNPQRSUVXYaç.] ; that if thou hast bihiȝt, bithenke thou as ȝeldynge [as ȝeldynge; for thou art holdun to do thi myȝt. Lire here. C.] . [verse 17] Deme thou not aȝens a iuge; for he demeth vp that, that is iust. [verse 18] Go thou not in the weie with an hardi man [hardi man; that is, stirid heedly bi the fersnesse of ire. Lire here. C.] , lest perauenture he agregge hise yuels in thee; for he goith aftir his wille, and thou schalt perische togidere with his foli. [verse 19] Make thou not chidyng with a wrathful man, and go thou not in to de|sert with an hardi man; for whi blood [blood; that is, schedinge out of innocent blood. Lire here. C.] is as nouȝt bifore hym, and where noon help is, he schal hurtle thee doun. [verse 20] Haue thou not councel with foolis; for thei moun not loue, no [Om. I.] but tho thingis that plesen hem. [verse 21] Make thou not a counsel bifore a straunger; for thou noost [woost not I.] , what he schal bringe forth. Make not thin herte knowun to ech man [to ech man; but onely to a very frend and preued. fals grace; that is, feyned fren|schipe. Lire here. C.] ; lest perauenture he brynge to thee fals grace, and dispise thee.