The Holy Bible, containing the Old and New Testaments, with the Apocryphal books,

CAP. XLVIII.

[verse 1] And Elie, the profete, roos as fier [as fier; that is, brennynge in the feruent loue of God. brente as a brond; in kyn|dling the he|reris to Goddis loue. suynge him, etc.; that is, the prestis of Baal, that souȝten to be herd bi fier in the ending of her brent sa|crifice, as Elie did, in the III. book of Kyngis, xviij. c^o. and for thei myȝten not, thei weren slayn of the puple. co|maundementis of the Lord; that is, thei myȝten not aȝenstonde his wille, that co|maundide her deth bi Elie. Lire here. C.] ; for whi his word brente as a brond. [verse 2] Which brouȝte yn hungur on hem, and thei suynge hym weren maad fewe for enuye [her enuye C sec. m.] ; for thei myȝten not suffre the comaunde|mentis of the Lord. [verse 3] Bi the word of the Lord he held togidere heuene, and castide doun fro it fier [castide doun fro it fier; that is, bi the vertu of his preyer he made fier come doun fro heuene, on his brent sacrifice. Lire here. C.] to the erthe. [verse 4] So Elie was alargid in his merueils; and who may haue glorie in lijk maner with thee, [verse 5] which tokist a wei a deed man fro hellis, fro the eritage of deth, in the word of the Lord God? [verse 6] Which castidist doun kyngis to deth, and hast broke togidere liȝtli the power of hem, and gloriouse men fro her bed [fro her bed; summe bokis han for her trespas; that is, twey princes of fifti men sent of Ocosie ligginge in his bed, to take Elie, on which he made fier to come doun fro heuene. Lire here. C.] . [verse 7] Which herdist dom in Syna, and in Oreb domes of defence [in Oreb domes of defence; that is, of Goddis veniaunce, whanne God comaundide to Elie, to anoynte Elisee in to a profete, and Asael in to king of Sirie, and Hieu, the sone of Namsi, in to king of Israel, to the sleyng of idolatrouris. to penaunce; that is, to the punysching of idolatrouris. in the domes of tymes; that is, to come in tymes bifor the doom, to schewe opinly the falsnesse of Antecrist, in the laste c^o. of Malachie, Y schal sende Elie, the profete, bifor that the grete and orible dai of the Lord come, that he turne the hertis of fadris to the sones. that sien thee; that is, sien thyn hooly conuersacioun, and herde thi teching. Lire here. C.] . [verse 8] Which anoyntist kyngis to penaunce, and makist prophetis successouris aftir thee. [verse 9] Which were re|seyued in a whirlwynde of fier, in a chare of horsis of fier. [verse 10] Which art writun in the domes of tymes, to plese the wrathfulnesse

of the Lord, to recounsele the herte of the fadir to the sone, and to [Om. C.] restore the lynagis of Jacob. [verse 11] Thei ben blessid, that siȝen thee, and weren maad feir [weren maad fair; bi fair|nesse of ver|tues. lyuen onely in liyf; that is, han fame in present liyf. C.] in thi [verse 12] frenschipe; for whi we lyuen oneli in lijf, but after deth oure name schal not [Om. V.] be siche. [verse 13] Elie, that was hilid in a whirle|wynd; and his spirit was fillid in Elisee. Elisee in hise daies dredde not the prince, [verse 14] and no man ouercam hym bi power; ne|ther ony word ouercam hym, and his deed bodi profesiede. [verse 15] In his lijf he dide won|dris aȝens kynde; and in deth he wrouȝte merueilis. [verse 16] In alle these thingis the puple dide not penaunce, and ȝeden not awei fro her synnes, til whanne thei weren cast awei fro her lond, and weren scatered in to ech lond. [verse 17] And a ful fewe folk was left, and a prince in the hous of Dauid. [verse 18] Summe of hem diden that, that pleside God; but othere diden many synnes. [verse 19] Ezechie maad strong his citee, and brouȝte watir in to the myddis therof; and [and he I.] diggide a rooche with irun, and bildide a pit to watir. [verse 20] In hise daies Senacherib stiede, and sente Rapsaces; and he reiside his hond aȝens hem, and he reiside his hond aȝens Syon, and was maad proud in his power. [verse 21] Thanne the hertis and hondis of hem weren moued; and thei hadden sorewe as wymmen tra|uelynge of child. [verse 22] And thei clepiden to help the merciful Lord, and thei spredden abrood the hondis, and reisiden to heuene; and the hooli Lord [Om. C.] God herde soone the vois of hem. [verse 23] He hadde not mynde on her synnes, nether ȝaf hem to her enemyes; but he purgide hem in the hond of Isaie [in the hond of Ysaie; that is, by Ysaie preiynge for hem, at the axing of Ese|chie. pleside the Lord; in purgynge Je|rusalem fro idolatrie, and in excitinge the prestis and de|kenes and the puple, to Goddis worschiping. C.] , the hooli profete. [verse 24] The aungel of the Lord castide doun the castels of Assiriens, and al to-brak hem. [verse 25] For whi Ezechie dide that that pleside the Lord, and ȝede strongli in the weie of Dauith, his fadir; which weie Isaie, the grete profete, and feithful in the siȝt of God, comaundide to hym. [verse 26] In the daies of hym the sunne ȝede aȝen abak; and God encreesside lijf to

the kyng. [verse 27] With greet spirit Ysaie [Ezechie A sec. m. marg.] siȝ [he sauȝe I.] the laste thingis; and he [Om. C.] coumfortide the moreneris in Sion, `in to [til in to A pr. m] with outen ende. [verse 28] He schewide thingis to comynge, and hid thingis, bifore that tho camen.