The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] The firmament [The firmament; that is, heuene of sterris; the sunne is fairnesse therof, that is, makith the fairnesse therof. in the siȝt of glorie; that is, ful gloriouse and wondurful. Lire here. C.] of hiȝnesse is the fair|nesse therof; the fairnesse of heuene in the siȝt of glorie. [verse 2] The sunne in bihold|yng, tellynge in goyng out, is a woundur|ful
vessel, the werk of hiȝ God. [verse 3] In the tyme of myddai it brenneth the erthe; and who schal mow suffre in the siȝt of his heete? Kepynge a furneis in the werkis [verse 4] of heete; the sunne brennynge hillis in thre maneris, sendynge out beemys of fier, and schynynge aȝen with hise beemys, blyndith iȝen. [verse 5] The Lord is greet, that made it; and in the wordis of hym [in the wordis of him, etc.; that is, bi the ordenaunce of God the sunne hastide his cours. Lire here. C.] it hastide iourney. [verse 6] And the moone in alle men in his tyme is shewing of tyme, and a [Om. V.] signe of the world. [verse 7] A signe of the feeste dai is takun of the [Om. CV.] moone; the liȝt which is maad litil in the ende. [verse 8] The monethe is encreessynge bi the name therof, wondirfuli in to the ending. [verse 9] A vessel of castels in hiȝ thingis, schynynge gloriousli in the firmament of heuene. [verse 10] The fairnesse of heuene is the glorie of sterris; the Lord an hiȝ liȝtneth the world. [verse 11] In the wordis of the hooli tho schulen stonde at the doom; and tho schulen not faile in her wakyngis. [verse 12] Se thou the bouwe [Se thou the bowe; that is, the reynbowe, and se the wondurful ap|pering therof. Lire here. C.] , and blesse thou hym that made it; it is ful fair in his [Om. V.] schynyng. [verse 13] It ȝede aboute heuene in the cumpas of his glorie; the hondis of hiȝ God openyden it. [verse 14] Bi his comaundement he hastide the snow; and he hastith [hastide C.] to sende out the leiȝtyngis of his dom. [verse 15] Therfor tresouris weren opened, and clowdis fledden out as been [bees CEFGHIKMNPQRSUVXa.] . [verse 16] In his greetnesse he settide clowdis; and stoonys of hail weren brokun. [verse 17] Hillis schulen be moued in his siȝt; and the south wynd schal blowe in his wille. [verse 18] The vois of his thundur schal beete the erthe; the tem|pest of the north, and the gaderyng [tempest of the north and the gadering, etc.; is of God, and betith the erthe, and tur|mentith men dwellynge ther|ynne. as a brid puttynge doun; his wyngis. and drenching doun; that is, comynge doun on greene erbis, to deuoure tho. Lire here. C.] to|gidere of wynd. [verse 19] And as a brid puttynge doun to sitte sprengith snow, and the comyng doun of that snow is as a locust drenchynge doun. [verse 20] The iȝe schal wondre on the fairnesse [or colour K marg.] of whitnesse therof; and an herte dredith on the reyn therof. [verse 21] He
schal schede out frost as salt on the erthe; and while the wynd blowith, it schal be maad as coppis of a brere. [verse 22] The coold northun wynd blew, and cristal of watir frees togidre; it restith [it restith; the cooldnesse of the northrun wynd makith watris to be frozun togidere. deuoure hillis; that is, erbis wexinge in hillis. quenche; that is, distrie. medicyn of alle thingis; brent bi the northrun wynd. is in the hasting of a cloude; brouȝt bi the south|urne wynd. make it lowe; that is, schal tempere the exces of heete. C.] , on al the geder|ing togidere of watris, and it clothith [closeth I.] it silf with watris, as with an haburioun. [verse 23] And it schal deuoure hillis, and it schal brenne the desert; and it schal quenche grene thing as fier. [verse 24] The medicyn of alle thingis is in the haasting of a cloude; a deewe, meetynge the heete comynge of brennyng, schal make it low. [verse 25] The wynd was stille in the word of God; bi his thouȝt he made peesible the depthe of watris; and the Lord Jhesu [the Lord Jhesu; that is, God, which is sauyour of alle men, for whi Jhesu is inter|pretid helthe, thouȝ the au|tour of this book, that was an Ebrew man, wroot this book in Greek, ne|theles he set|tide in here an Ebreu name. Lire here. C.] plauntide it. [verse 26] Thei that seilen in the see, tellen out the perels therof; and we heeringe with oure eeris schulen wondre. [verse 27] There ben ful cleer werkis, and wonderful, dyuerse kindis of beestis, and of [Om. A.] alle litle beestis, and the creature of wondurful fischis. [verse 28] The ende of weie is confermyd for it [for it; that is, for the occian, ether west see, to be refreyned. Lire here. C.] ; and alle thingis ben maad in the word of hym. [verse 29] We seien many thingis [We seyen many thingis; of God bi hise werkis. and failen in wordis; for whi his excel|ence may not be compre|hendid of vs, and so it may not be teld out of vs. he is the ending of wordis; for he aloone compre|hendith him|silf perfitly, and declarith in his Word, that is, Sone, euene in sub|staunce, and euene euerlast|inge with him. To what thing, etc.; to atteyne of Goddis ma|ieste. hath glo|rie in alle thingis; which we moun knowe bi creaturis, as if he seye, We moun atteyne to ful litil thing. Lire here. C.] , and we faylen in wordis; forsothe he is the endyng of wordis. [verse 30] To what thing schulen we be myȝti, that han glorie in alle thingis? for he is al myȝti aboue alle hise werkis. [verse 31] The Lord is ferdful, and ful greet; and his power is wondurful. [verse 32] Glorifie ȝe the Lord as myche as euere ȝe moun, ȝit he schal be myȝtiere; and his grete doynge is won|durful. [verse 33] Ȝe blessynge the Lord, enhaunse hym as myche as ȝe moun; for he is more than al preisyng. [verse 34] Ȝe enhaunsynge hym schulen be fillid with vertu; trauele ȝe not [trauele ȝe not; to knowe God perfitly in this liyf; for whi this is vnpossible. C.] , for ȝe schulen not take perfitli. [verse 35] Who siȝ hym, and schal telle out? and who schal magnefie hym, as he is fro the bigynnyng? [verse 36] Many thingis gretter than these ben hid fro vs; for we han seyn fewe thingis of hise werkis. [verse 37] Forsothe the
