wondurful in his siȝt. [verse 26] It is not to seie, What is this thing, ether, What is that thing? for whi alle thingis schulen be souȝt in her tyme. [verse 27] The blessyng of hym [verse 28] schal flowe as a flood; and as the grete flood fillide greteli the erthe, so his yre schal enherite in folkis, that souȝten not hym. [verse 29] As he turnede watris in to dry|nessis, and the erthe was dried, and hise weies [hise weyes; that is, weyes maad of him. offensiouns; for the watris runnen to E|gipcians, and drenchiden hem. Lire here. C.] weren dressid to the weies of hem; so offenciouns in his ire ben dressid to synneris. [verse 30] Goode thingis weren maad at the bigynnyng to goode men; so goode thingis and yuele ben maad to worste men. [verse 31] The bigynnyng of nedeful thing to the lijf of men, watir, fier, and yrun, and salt, and mylk, and breed of cleene flour of whete, and hony, and a clustre of grape, and oile, and cloth. [verse 32] Alle these thingis schulen turne to hooli men in to goodis; so and to vnfeithful men and [and to I.] synneris in to yuels. [verse 33] Spiritis ben that ben maad to veniaunce [ben maad to veniaunce; that is, assignyd bi the ordre of Goddis riȝtful|nesse to suffre peyne, and to turmente syn|neris, that thei that weren wil|fuly suget to fendis in synne, ben suget vn|wilfuly to hem in peyne. in her woodnesse; bi which they rebelliden aȝen|us God. con|fermeden her turmentis; for as her synne is vncurable, so and her tur|ment is with|outen ende. schede out ver|tu; to turmente dampned men, that schulen be cast doun with hem in to helle. Lire here. C.] ; and in her wood|nesse thei confermyden her turmentis. [verse 34] And in the tyme of endyng thei schulen schede out vertu; and thei schulen con|founde [confounde; that is, do bi worst wille. Lire here. C.] the strong veniaunce of hym that made hem. [verse 35] Fier, hail, hungur, and deth; alle these thingis ben maad to veniaunce; [verse 36] the teeth of beestis, and scorpiouns, and serpentis, and a swerd punyschynge wick|id men in to destriyng. [verse 37] In the comaunde|mentis of hym tho schulen ete [tho schulen ete; that is, deuoure wickid men, in tur|menting hem. in her tymes; dispisid of God. a word; aboute the turment of dampnyd men. fro bigynnyng Y was conferm|ed; that is, fro the tyme in which Y vndur|stood that the punysching of synneris schal be most fers, Y purposide stidefastly to eschewe synnes, as myche as Y may. It is not to seie; in Goddis werkis, for whi no thing is yuel, in as myche as it is maad of God. Lire here. C.] , and tho schulen be maad redi on the erthe in nede; and in her tymes tho schulen not passe o [a ceteri.] word. [verse 38] Therfor fro the bigynnyng Y was confermed; and Y counselide, and thouȝte, and lefte writun. [verse 39] Alle the werkis of the Lord ben goode; and ech werk schal serue in his our. [verse 40] It is not to seie, This is worse than that; for whi alle thingis schulen be preued in her tyme. [verse 41] And now in al
