The Holy Bible, containing the Old and New Testaments, with the Apocryphal books,

CAP. XXXV.

[verse 1] He that kepith the word [word of God CI marg. V.] , multiplieth preier [multiplieth preier; for he preyeth bi soule and mouth. for vnriȝtfulnessis; to be forȝouun. Lire here. C.] . [verse 2] Heelful sacrifice is to take heede to the comaundementis, and to departe fro al wickidnesse. [verse 3] And to offre the plesyng of sacrifice for vnriȝtfulnesses, and bisechyng for synnes, is to go awey fro vnriȝtful|nesse. [verse 4] He that offrith purest flour of wheete, schal ȝelde grace [ȝelde grace; that is, schal ȝyue a plesaunt seruyce to God. Lire here. C.] ; and he that doith merci, offrith a sacrifice. [verse 5] It is wel plesaunt to the Lord, to go a wei fro wickid|nesse; and preier is to go a wei fro vnriȝt|fulnesse. [verse 6] Thou schalt not appere voide [voide; of offring thries in the ȝeer, in xxiij. c^o. of Exodi. C.]

[verse 7] bifore the siȝt of God; for whi alle these thingis ben doon for the heestis of God. [verse 8] The offryng of a iust man makith fat the auter, and is odour of swetnesse in the siȝt of the hiȝeste. [verse 9] The sacrifice of a iust man is acceptable, and the Lord schal not forȝete the mynde of hym. [verse 10] With good wille ȝelde thou glorie to God, and make thou not lesse the firste fruytis of thin hondis. [verse 11] In ech ȝifte make glad thi cheer, and in ful out ioiyng halewe thi tithis. [verse 12] Ȝyue thou to the hiȝeste aftir his ȝifte [aftir his ȝifte; that is, aftir the quan|tite of thi goodis, whiche thou hast of God. with good iȝe, etc.; that is, with riȝtful entent ordeyne thi good werkis, to the preising of God and not of man. Lire here. C.] ; and with good iȝe make thou the fynd|yng of thin hondis. [verse 13] For whi the Lord is a ȝeldere, and he schal ȝelde seuene fold so myche to thee. [verse 14] Nyle thou offre schrewid ȝiftis; for he schal not resseyue tho. [verse 15] And nyle thou biholde an vniust sacrifice; for the Lord is iuge, and glorie of persoone [glorie of per|soone, etc.; that is, taking of persoone. a per|soone; of a myȝti man. hirt; vniustly|on hym; that is, on the op|pressere, that makith hir to wepe. Lire here. C.] is not at hym. [verse 16] The Lord schal not take a persoone aȝens a pore man; and he schal here the preier of hym that is hirt. [verse 17] He schal not dispise the preyeris of a fadirles child, nether a widewe, if sche schedith [schede C.] out speche of weilyng. [verse 18] Whether the teeris of a widew goen not doun to the cheke, and the criyng of hir on hym that ledith forth tho teeris? [verse 19] For whi tho stien fro the cheke `til to [vnto I.] heuene, and the Lord herere schal not delite in tho. [verse 20] He that worschipith God in delityng, schal be res|seyued; and his preyer schal neiȝe `til to [vnto I.] the clowdis. [verse 21] The preier of hym that mekith hym silf schal perse clowdis, and til it neiȝeth [neiȝith; to God, in get|inge effect. not go awey; fro preyer. not be fer; in dilaiynge effect, no but to the profit of the axere. in tho; oppresseris. Lire here. C.] , he schal not be coumfortid, and he schal not go awey, til the hiȝeste biholde. [verse 22] And the Lord schal not be fer, but he schal iuge iust men, and schal make doom; and the strongeste schal not haue pacience in tho, that he troble the bak of hem. [verse 23] And he schal ȝelde ven|iaunce to folkis, til he take awei the ful|nesse of proude men, and troble togidere [verse 24] the ceptris of wickid men; til he ȝelde to men aftir her dedis, and aftir the werkis

of Adam [of Adam; the lettre hath of Adam, but bi Ebreys this word Adam signefieth man comynly, and so it is set here. the presump|cioun of him; bi which he oppressith vn|iustly a man liyk him silf in kynde. Lire here. C.] , and aftir the presumpcioun of [verse 25] hym; til he deme the dome of his puple, and schal delite iust men in his merci. [verse 26] The merci of God is fair in the tyme of tribulacioun, as clowdis of reyn in the tyme of drynesse.