The Holy Bible, containing the Old and New Testaments, with the Apocryphal books,

CAP. XXXIII.

[verse 1] Iuelis schulen not come to hym that dredith God; but God schal kepe hym in temptacioun, and schal delyuere fro yuelis. [verse 2] A wijs man hatith not the [Om. CV.] comaunde|mentis, and riȝtfulnessis; and he schal not be hurtlid [he schal not be hurtlid; that is, schal not be brokun bi vnpatience. teching; that is, couenable maner to teche disciplis. The entraylis of a fool; that is, the vndurstonding and desir of an yuel prelat. as an extre; for he hath no stablenesse in good. Lire here. C.] doun, as in the tempest of a schip. [verse 3] A wijs man bileeueth to [in C.] the lawe of God, and the lawe is feithful to hym. [verse 4] He that makith opene axyng, schal make redi a word; and so he schal preie, and schal be herd, and he schal kepe techyng, and thanne he schal answere. [verse 5] The en|traylis of a fool ben as a wheel of a carte, and his thouȝtis as an extre able to turne aboute. [verse 6] An hors a staloun, so and a frend a scornere [a frend a scornere; that is, an yuel prelat, that owith to loue God, and putte forth him silf til to deth for the helthe of the puple; and netheles he scorneth God, and takith the office of his vikeried, and chargith not of his onour. neiȝith; bi wantownesse of vices. vndur ech sittinge aboue him; that is, vndur God and hise aungels. liȝt ouercometh liȝt; for the liȝt of the sunne is more than the liȝt of the moone, and of othere sterris. the sunne ouercometh the sunne; not that twey sunnes ben, but for the same sunne passith him silf in causinge heete, for in somer he caus|ith more heete in oure dwell|ing place, than in wynter. the comaundement; that is, orden|aunce; this that is addid in summe bokis, ben de|partid bi the wisdom of God, is not of the text, but it sueth next; and it, that is, the sunne, schal chaunge tymes. Lire here. C.] , neiȝeth vndur ech sittynge aboue. [verse 7] Whi a dai ouercometh a dai, and eft the liȝt ouercometh liȝt, and a ȝeer ouercometh a ȝeer, the sunne ouer|cometh

the sunne? [verse 8] Tho ben departid of the kunnyng of the Lord, bi the sunne maad, and kepynge the comaundement [comaundementis A pr. m. a.] of God. [verse 9] And it schal chaunge tymes and the feeste daies of hem, and in tho tymes the Jewis halewiden hali daies at an our. [verse 10] God enhaunside and magnyfiede of tho hali daies; and of tho he settide [of tho he set|tide; that is, of tho dayes of the ȝeer; this that is addid in sum bokis, and in to ȝeris, is not of the text. curside; Chore and his felowis. fro the departyng of hem; that is, anoon as they weren departid fro othere men, he turnede hem quyke in to helle. Lire here. C.] in to the noumbre of daies; and God made alle men of sad erthe, and of neische erthe, whereof Adam was formed. [verse 11] In the mul|titude of kunnyng of the Lord he depart|ide hem, and chaungide the weies of hem. [verse 12] Of hem God blesside, and enhaunside; and of hem he halewide, and chees to hym silf; of hem he curside, and made lowe, and turnyde hem fro the departyng of hem. [verse 13] As cley of a pottere is in the hond of [verse 14] hym, to make and dispose, that alle the weies therof ben aftir the ordynaunce of hym; so a man is in the hond of hym that made hym; and he schal ȝelde to hym bi his dom. [verse 15] Aȝens yuel is good, and aȝens lijf is deth; so and a synnere is aȝens a iust man. And so biholde thou in to alle the werkis of the hiȝeste; twey [tweyne C. two G.] thingis aȝens tweyne, and o thing aȝens oon. [verse 16] And Y the laste wakide [walkide M.] , and as he that gaderith draf of grapis, aftir the ga|dereris of grapis. [verse 17] And Y hopide in the blessyng of God; and as he that gaderith grapis, Y fillide the pressour. [verse 18] Biholde ȝe, for Y trauelide not to me aloone, but to alle that seken kunnyng. [verse 19] Grete men, and alle puplis, here ȝe me; and ȝe gouernouris of the chirche, perseyue with eeris. [verse 20] Ȝyue thou not power ouer thee in thi lijf to a sone, and to a womman, to a brothir, and to a freend; and ȝyue thou not thi pos|sessioun to another man, lest perauenture it repente thee, and thou biseche for tho [biseche for tho; that is, for the nedis of thi liyf. chaunge thee; that is, as long as thou lyuest, noon stire thee fro this purpos. Lire here. C.] . [verse 21] While thou art alyue, and brethist ȝit, ech man schal not chaunge thee. [verse 22] For it is betere, that thi sones preye thee, than

that thou biholde in to the hondis of thi sones. [verse 23] In alle thi werkis be thou soue|reyn; ȝyue thou not a wem in to thi [verse 24] glorie. In the day of endyng of daies of thi lijf, and in tyme [the tyme CEFGHIKMNPQRUVXYa.] of thi [Om. G.] goyng out departe thin erytage. [verse 25] Metis, and a ȝerde, and birthun [a birthun I.] to an asse; breed, and chas|tisyng, and werk to a seruaunt. [verse 26] He worchith in chastisyng [He worchith in chastising; that is, as long as he is holdun vndur chas|tisyng. Turment and stockis, etc.; that is, rebel and vnfeithful. idilnesse; of seruauntis. myche malice; to ymagyne aȝenus lordis. with out doom; of du discre|cioun. greu|ouse; to thi seruauntis. Lire here. C.] , and sekith to haue reste; slake thou hondis to hym, and he sekith fredom. [verse 27] A ȝok and bridil bowen doun an hard necke; and bisi worch|ingis bowen doun a seruaunt. [verse 28] Turment and stockis to an yuel willid seruaunt; sende thou hym in to worchyng, lest he [verse 29] be ydel; for whi idilnesse hath tauȝte miche malice. [verse 30] Ordeyne thou hym in werk, for so it bicometh hym; that if he obeieth not, bowe thou doun hym in stockis, and make thou not hym large [make thou not him large, etc.; that is, ȝyue thou not to him power ouer ony man, for he owith not to be soue|reyn, but to be vndurlowt; and this is aȝenus summe Cristen princes, that maken Jewis bailies and souereyns on Cristen men. bouȝt him in the blood of liyf; that is, for nede of thi liyf, that stond|ith in blood, in xij. c^o. of Le|uytici, the liyf of ech fleisch is in blood. Lire here. C.] ouer ony man, but with out dom do thou no thing greu|ouse. [verse 31] If a feithful seruaunt is to thee, be he as thi soule to thee; trete thou him so as a brother, for thou hast bouȝt hym in the blood of lijf. [verse 32] If thou hurtist hym vniustli, he schal be turned in to fleyng [verse 33] awei; and if he enhaunsynge goith awei, thou noost [ne wost I.] whom thou schalt seke, and in what weie thou schalt seke hym.