The Holy Bible, containing the Old and New Testaments, with the Apocryphal books,

CAP. XXX.

[verse 1] He that loueth his sone, ȝyueth bisili betingis to hym, that he be glad in hise laste thing, and that the sone touche [touche, etc.; to do fornycacioun. Lire here. C.] not

the doris of neiȝboris. [verse 2] He that techith his sone, schal be preisid in hym; and schal haue glorie in hym in the myddis of menyals. [verse 3] He that techith his sone, sendith the enemye in to enuye; and in the myddis of frendis he schal haue glorie in that sone. [verse 4] The fadir of hym is deed, and he is as not deed; for he hath left aftir hym a sone lijk hym. [verse 5] He siȝ in his lijf, and was glad in hym; and in his deth he was not sori, nether was aschamed bi|fore enemyes. [verse 6] For he lefte a defendere of the hous aȝens enemyes; and ȝeldynge grace to frendis. [verse 7] For the soulis [For the soulis, etc.; that is, he schal putte forth his liyf to the perel of deth, to defende hise sones in bodily liyf, and goostly, as to vertues. be dis|turblid on ech vois; that is, he schal haue compassion on ech voys of the meynee, biweil|inge him, and he schal coum|forte hem of his siyknesse, ether deth neiȝ|inge. Lire here. C.] of sones he schal bynde togidere hise woundis; and hise entrails schulen be disturblid on ech vois. [verse 8] An hors vntemyd, `ether vn|chastisid [Om. I.] , schal ascape hard, and a sone vnchastisid schal ascape heedi [heedi to visis V.] . [verse 9] Flatere thou the sone, and he schal make thee dredinge; pleie thou with hym, and he schal make thee sory. [verse 10] Leiȝe thou not [Leiȝe thou not, etc.; in leiȝinge togidre with him of hise folies. astony|ed; for bitter|nesse of thyn herte. hise thouȝtis; that is, not onely bete thou him for yuele dedis, but also for yuele thouȝtis, whanne they appere to thee bi ony signes. Lire here. C.] with hym, lest thou haue sorewe togidere, and at the laste thi teeth schulen be astonyed. [verse 11] Ȝyue thou not power to hym in ȝongthe, and dispise thou not hise thouȝtis. [verse 12] Boowe thou his necke in ȝongthe, and bete thou hise sidis, while he is a ȝong child; lest perauenture he wexe hard, and bileue not to thee, and he schal be sorewe of soule to thee. [verse 13] Teche thi sone, and worche in hym; lest thou offende in to the filthe of hym. [verse 14] Betere is a pore man hool, and strong in myȝtis, than a riche man feble, and betun with malice. [verse 15] The helthe of soule is in the hoolynesse of riȝtfulnesse, and it is betere than ony gold and siluer; and a strong bodi is betere than ful myche catel. [verse 16] No catel is aboue the catel of helthe of bodi; and no likyng is aboue the ioie of herte. [verse 17] Betere is deth than bittir lijf, and euer|lastinge reste [euerlastinge reste; that is, reste of bodi in the sepulcre, as longe as pre|sent liyf durith. Lire here. C.] is betere than siknesse dwellynge contynueli. [verse 18] Goodis hid in a closid mouth [Goodis hid in a closid mouth; that is, kun|nyng in a man slow to teche. dryuun awey, etc.; fro whom kunnyng is takun awey of the Lord in his deth, and is dryuun awey fro the felouschipe of lyuynge men. the meedis of wickidnesse; that is, the synnes of leeu|yng of good. seynge with iȝen; his nec|ligence passid, for peyne open|yde hise iȝen, which synne closide bifore. weilinge; of the leeuyng of multipliyng of kunnyng. as gelding; that may not gendre bodily, so this man may not gendre goostly bi kunnyng. Lire here. C.] ben as settyngis forth of

metis set aboute a sepulcre. [verse 19] What schal sacrifice profite to an idol? for whi it schal not ete, nether schal smelle. [verse 20] So he that is dryuun awei fro the Lord, and [verse 21] berith the medis of wickidnesse, seynge with iȝen and weilynge inwardli, as a geldynge biclippynge a virgyn, and siȝ|ȝynge. [verse 22] Ȝyue thou not sorewe to thi soule [Ȝyue thou not to sorewe thi soule; that is, vnresonable sorewe, that anoyeth bothe bodi and soule. and turmente not thi silf, etc.; as they doen that dispeiren thorou sorewe, and sleen hem silf. the liyf of man; that is, kepith mannus liyf. A schyn|ynge herte; that is, glad and large. is good in metis; whiche it ȝyu|eth to pore men and onest per|soonys. maad dili|gentli; that is, ben maad redy clenly, and schynyngly, for the forseid per|soones. Lire here. C.] , and turmente not thi silf in thi counsel. [verse 23] Mirthe of herte, this is the lijf of man, and is tresour of hoolynesse with outen failyng; and ful out ioiyng of a man is long lijf. [verse 24] Haue thou mercy on thi soule, and plese thou God; and holde to|gidere and gadere togidere thin herte in the hoolynesse of hym, and putte fer awei sorewe fro thee. [verse 25] For whi sorewe hath slayn many men; and noon heelthe is ther ynne. [verse 26] Enuye and wrathfulnesse schulen make lesse daies; and thouȝtys schulen brynge eldnesse bifore the tyme. [verse 27] A schynynge herte is good in metis; for whi meetis therof ben maad diligentli.