meke; and in alle these men Y souȝte reste, and Y schal dwelle in the eritage of the Lord. [verse 12] Thanne the creatour of alle comaundide, and seide to me; and he that formyde me, restide in my tabernacle; [verse 13] and he seide to me, Dwelle thou in Jacob, and take thou eritage in Israel, and sende thou rootis in my chosun men. [verse 14] Y was gendrid of [fro N sec. m. a.] the bigynnyng [of the bigyn|nyng; the bigynnyng of tyme may not be vndur|stondun herbi, but the bigyn|nyng here is seid the Fadir, which is the bigynnyng of comyng forth of persoones in the Trynyte. and bifor worldis; that is, euerlasting|ly, without bi|gynnyng of tyme. not faile til to the world to comynge; that is, Y schal dwelle perfitly with outen ende. mynys|tride; that is, made to my|nystre, bi Aa|ron and othere good prestis. Lire here. C.] and bifore worldis, and Y schal not faile `til to [vnto I.] the world to [Om. I.] comynge; and Y mynystride in an hooli dwellyng bifore hym. [verse 15] And so Y was maad stidfast in Syon [Y was maad stidefast in Sion; this stidefastnesse seith not ony chaunging in God, but in a creature, wher|ynne Goddis ȝiftis ben stab|lischid stide|fastliere. God|dis wisdom is seid maad stide|fast in the hil of Sion, for the temple was bildid there, in which temple the arke and propiciatorie, which repre|sentide the seete of God, hadden stable dwelling, and weren no more borun aboute fro place to place. Y root|ide; that is, stablischide stidefastliere my ȝiftis. in a puple onour|id; that is, in the puple of Israel, that was onourid of God more than othere puplis. eritage therof; that is, of the puple onourid. in to the partis of my God; that is, at the Fadir, which is my God, in as myche as Y am man; ether the Fadir is seid God of the Sone, for the Sone is seid God of God. in to the partis of my God; that is, of the Fadir, which is God, of whom Y am; nethelesse Y am the same God with him in being, and am departid onely in persoone. Lire here. C.] , and in lijk maner Y restide in a citee halewid, and my power was in Jerusalem. [verse 16] And Y rootid in a puple onourid; and the eritage therof in to the partis of my God, and my with|olding [my withholding, etc.; that is, my dwelling bi grace is in the congregacioun of seyntis. Lire here. C.] in the plentee [fulnesse CEGHIV.] of seyntis. [verse 17] Y was enhaunsid as a cedre in Liban, and as a cipresse tree in the hil of Syon. [verse 18] Y was enhaunsid as a palm tree in Cades, and as the plauntyng of roose in Jeryco. [verse 19] As [And as I.] a fair olyue tree in feeldis; and Y was en|haunsid as a plane tree bisidis watir in stretis. [verse 20] As canel and bawme ȝyuynge greet smelle, Y ȝaf odour; as chosun myrre Y ȝaf the swetnesse of odour. [verse 21] And as storax, and galban, and vngula [vngula; that is, a tre of greet odour, and is liyk a mannus nayl. Lire here. CV.] , and gumme, and as Liban not kit doun, Y made hoot my dwellyng place; and myn odour as bawme not meddlid. [verse 22] Y as a terebynte stretchide forth my boowis; and my boowis ben boowis [Om. I.] of onour, and of glorie. [verse 23] Y [And Y A.] as a vyne made fruyt the swetnesse of odour; and my flouris ben the fruytis of onour, and of oneste. [verse 24] I am a modir of fair loue, and of drede, and of knowyng, and of hooli hope. [verse 25] In me is al grace of weie, and of treuthe; in me is al hope of lijf and of vertu. [verse 26] Alle ȝe that coueiten me, passe [passeth I.] to me; and be ȝe fillid of my
