The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.
DPLA Rights Statement: No Copyright - United States
[verse 1] It is ful good to repreue [to repreue; swetely and charitably him that trespassith. forbede not; that is, induse him therto. Lire here. C.] , more than to be wrooth, and to forbede not a man knoulechyng in preiere. [verse 2] The coueitise of a geldyng hath defoulid the maidynhed of [verse 3] a ȝong womman, so he that makith wickid
dom bi violence. [verse 4] It is ful good, that a man `that is [Om. ceteri.] repreued schewe opynli [schewe opin|ly, etc.; that is, to schewe bi word and deed, that he repent|ith verily. Lire here. C.] penaunce; for so thou schalt ascape wil|ful synne. [verse 5] Ther is a stil man, which is foundun wijs; and he is hateful, which is fool hardi [fool hardi; that is, cometh bifore du tyme. Lire here. C.] to speke. [verse 6] Sotheli ther is a stille man, not hauynge wit of speche; and ther is a stille man, knowynge the sesoun of couenable tyme. [verse 7] A wijs man schal be stille til to tyme; but a ioli man and vnprudent man schulen not kepe tyme. [verse 8] He that vsith many wordis [many wordis; that is, superflu and veyn wordis. Lire here. C.] , hirt|ith his soule; and he that takith power to hym silf vniustli, schal be hatid. [verse 9] Ther is goyng forth in yuels to a man vnlernyd; and ther is fyndyng in to peiryng. [verse 10] Ther is a ȝifte, which is not profitable [not profit|able; for it is doon for veyn|glorie, ether for yuel entent. Lire here. C.] ; and ther is a ȝifte, whos ȝeldyng is double. [verse 11] Ther is makyng lesse for glorie; and ther is a man, which schal reise the heed fro mekenesse. [verse 12] Ther is a man, that aȝen bieth many synnes for litil prijs [aȝenbieth many synnes for litil priys; that is, bi litil penaunce, in comparisoun of synnes, that disserueden euerlastinge peyne, but pen|aunce chaung|ith it to tem|poral peyne. seuenfold; that is, manyfold, ether bi seuen|fold of graces of the Hooly Goost. amy|able; for he eschewith to seye hateful thingis, and studieth to bringe forth thingis accept|able to God and to men. sched out; bi vndis|creet speking, bi which thei ben maad hate|ful to God and men, though thei han strengthe, and fairnesse of bodi, and no|bley of kyn. Lire here. C.] , and restorith tho in seuenfold. [verse 13] A wijs man in wordis makith hym silf amyable; but the graces of foolis schulen be sched out. [verse 14] The ȝifte of an vnwijs man schal not be profitable to thee; for hise iȝen ben seuenfold [hise iȝen ben seuenfold; that is, his entent is manyfold and dyuerse, and therfor he wole haue many seruyces to vanytes, and othere yuels, for a litil ȝifte. Lire here. C.] . [verse 15] He schal ȝyue litle thingis, and he schal vp|breide [edwite ceteri.] many thingis; and the openyng of his mouth is enflawming. [verse 16] To dai a man leeneth, and to morewe he axith; and siche a man is hateful. [verse 17] A frend schal not be to a fool, and grace schal not be to hise goodis. [verse 18] For thei that eten his breed, ben of fals tunge [of fals tunge; that is, flatereris preisinge hise folies. scorne hym; as if he seye, alle wise men and goode. departith not, etc.; that is, he delith yuele hise thingis, and tho thingis that he rauyschide of othere men. come hastily; that is, sudeynly, as a man that slidith, and fallith in the pawment. Lire here. C.] ; hou ofte and hou many men schulen scorne hym? [verse 19] For he de|partith not bi euene wit that, that was worthi to be had; in lijk maner and that, that was not worthi to be had. [verse 20] The fall|ing of a fals tunge is as he that fallith in the pawment; so the fallis of yuele men schulen come hastili. [verse 21] A man with out
grace is as a veyn fable; and it schal be customable in the mouth of vnlerned men. [verse 22] A parable [A parable; that is, a trewe sentence and greet. Lire here. C.] schal be repreued of the mouth of a fool; for he seith not it in his tyme. Ther is a man, that is forbodun to do synne, for pouert; and he schal be prickid [he schal be prickid, etc.; that is, schal be maad bittir in ceessing fro yuel, for he may not fille his malice. leese his soule for schame; that is, for the drede of schame, if he apperith pore, wherfor he turneth to theftis. for the vnprudence of a persoone; that is, for the councel of an yuel man, to whom he con|sentith liȝtly in theftis. leese him silf; as to the soule, bi dedly synne, and as to the bodi, ofte bi hanging, ether bi heeding. for the taking of a persoone; that is, in taking the councel of an yuel per|soone. for schame; that is, dredinge schame to be holdun vn|miȝty, ether auarouse. bi|heetith; that that he may not paye. ene|my without re|sonable cause of biheeting. Lire here. C.] in his reste. [verse 23] Ther is a man, that schal leese his soule for schame; and for the vnprudence of a persoone he schal leese it. [verse 24] Forsothe he schal leese hym silf for the takyng of a persoone. [verse 25] Ther is a man, that for schame biheetith to a frend; and he hath gete hym enemy with out cause. [verse 26] Leesyng is a wickid schenschip in a man; and it schal be customabli in the mouth of vnlerned men. [verse 27] Betere is a theef [Betere is a theef; that is, lesse yuel than a man custom|able to lees|yngis, for he sclaundrith good fame, which is betere than ertheli goodis. Lire here. C.] than the customablenesse of a man, a leesyngmongere; forsothe bothe thei schulen enherite perdicioun. [verse 28] The ma|neres of men leesyngmongeris ben with outen onour; and her schenschype is with hem with out ceessyng. [verse 29] A wijs man in wordis schal brynge forth [schal brynge forth, etc.; that is, schal schewe his wisdom. worchith riȝt|fulnesse; as heete encreess|ith fruytis, so the onours of him that worchith riȝtfulnesse encreessen. plesith grete men; for his riȝtfulnesse, as Joseph and Danyel diden. Lire here. C.] hym silf; and a prudent man schal pleese grete men. [verse 30] He that worchith his lond, shal make hiȝ the heep of fruytis; and he that worchith riȝtfulnesse, schal be enhaunsid. Sotheli he that plesith grete men, schal ascape wickidnesse. [verse 31] Presentis and ȝiftis blynden the iȝen of iugis; and as doumb [as doumb; that is, a spice of a paddok, which cast in to the mouth of a dogge, makith him stille, and vnmiȝty to berke; so present ȝouun for the distriyng of riȝtfulnesse, makith the iuge to be stille, and to ceesse fro punyschyng of yuel. what profit is in euer either; as if he sey, noon; and this is soth, as to the profit of othere men, but not as to his owne profit; forwhi tresour vnseyn profitith not to it silf, nether to othere men; but wisdom hid profitith as to the hauere, as to the dedis of contemplatif liyf, thouȝ it profitith not to othere men, bi werkis of actif liyf. Lire here. C.] in the mouth it turneth awei the chastisyngis of hem. [verse 32] Wisdom hid, and tresour vnseyn, what profit is in euer eithir? [verse 33] He is betere, that hidith his vnwisdom, than a man that hidith his wisdom.