The Holy Bible, containing the Old and New Testaments, with the Apocryphal books,

CAP. XIX.

[verse 1] A drunkelew [drunke G.] werk man schal not be maad riche; and he that chargith not litle synnes, fallith doun [fallith doun; in to greuousere synnes. re|preuen; that is, maken him worthi to be repreuyd. set an hiȝ; that is, schal be takun out of the felouschipe of goode men. in to more en|saumple; that is, make aferd both litil men and greete. Lire here. C.] litil and litil. [verse 2] Wyn and wymmen maken to be apostataas, ȝhe, wise men; and thei repreuen witti men. [verse 3] And he that ioyneth hym silf to hooris, schal be wickid; rot and wormes schulen enherite hym, and he schal be set an hiȝ in to more ensaumple, and his soule schal be takun [his soule schal be takun, etc.; that is, schal be rauyschid of fendis fro the noumbre of chosun men. He that bileu|eth soone; that is, yuele of his neiȝbore. schal be maad lesse; in liyf and fame, for he is vnstable in good, and able to falle to yuel. that trespassith aȝenus his soule; that is, defoul|ith it bi priuy synnes. schal be had ferther|more; that is, schal be maad opyn with out forth. Re|herse thou not an hard word; of re|buking. and wickid; of bacbiting. lesse; in fame and vertu. wit; that is, thi priuete. make nakid; that is, schewe opinly thi preuy trespas, and most to thyn enemy. schal kepe thee; that is, aspie thi wordis to take thee. the synne; that is, thi synne, excus|ynge it gilefuly bifor thee, that he may more knowe thee, and distrie thee. Lire here. C.] awei fro noumbre. [verse 4] He that bileueth soone, is vnstable in herte, and schal be maad lesse; and he that trespass|ith aȝens his soule, schal be had ferther|more. [verse 5] He that ioieth in wickidnesse, schal be cursid; and he that hatith blamyng, schal be maad lesse in lijf; and he that hatith ianglyng, quenchith malice. [verse 6] He that synneth aȝens his soule, schal repente; and he that is myrie in malice, schal be cursid. [verse 7] Reherse thou not an hard word, and wickid; and thou schalt not be maad lesse. [verse 8] Nyle thou telle thi wit to frend and [and to I.] enemye; and if trespas is to thee, nyle thou make nakid. [verse 9] For he schal here thee, and schal kepe thee, and he as de|fendynge the synne schal hate thee; and so he schal be euere with thee. [verse 10] Thou hast herd a word aȝens thi neiȝbore; die it togidere in thee, and triste thou that it schal not breke thee. [verse 11] A fool trauelith greetli of the face of a word, as the sorewe of beryng of a ȝong child. [verse 12] An arowe fastned in the hipe of a dogge, so a word in the herte of a fool. [verse 13] Repreue thou a frend [Repreue thou a frend; that is, lest he knowe not that he dide yuel, and for thi repreuyng he schal knowe and eschewe. ether if he hath do; wrong witingly, repreue thou him. he seie not; that is, denye stidefastly, in encressinge his synne. and if he seith; that is, knoulechith the synne. Lire here. C.] , lest perauenture he vndurstonde not, and seie, Y dide not; ether if he hath do, lest he adde to do eft. [verse 14] Repreue thou a neiȝbore, lest perauenture he seie not; and if he seith, lest perauenture he reherse. [verse 15] Repreue thou a frend, for whi [verse 16] trespassynge is don ofte; and bileue thou not to ech word. Ther is a man that

fallith bi his tunge, but not of wille [not of wille; that is, witingly and of purpos. Lire here. C.] . [verse 17] For `whi who [whiche A sec. m.] is he, that trespassith not in his tunge? Repreue thou a neiȝbore [Repreue thou a neiȝbore; bi|twix thee and him. bifor that thou manaasse; that is, de|nounce to the iuge him to be punyschid. al wisdom, etc.; that is, cometh forth of the drede of God; for it is the bigynnyng of wisdom. and in that; that is, wisdom. for to drede God; for as wisdom com|eth of drede, so it techith more for to drede God. teching of wickidnesse; bi which a man kan do yuel warly. is not wisdom, very. vnwise man; that is, symple and litil kun|nynge. is maad litil in wisdom; that is, kan litil of sutiltees, and netheles kan sufficiently of thingis that per|teynen to helthe. Lire here. C.] , [verse 18] bifore that thou manaasse; and ȝyue thou place to the drede of the hiȝeste. For whi al wisdom is the drede of God, and in that wisdom for to drede God; and the ordynaunce of lawe is in al wisdom. [verse 19] And the teching of wickidnesse is not wisdom; and the prudence of synnes is not good thouȝt. [verse 20] Ther is wickidnesse of prudence, and cursidnesse is ther ynne; and ther is an vnwijs man, which is maad litil in wisdom. [verse 21] Betere is a man that hath litil in [Om. C sec. m. V.] wisdom, and failynge in wit in the drede of God, than he that hath plentee of wit, and brekith the lawe of the hiȝeste. [verse 22] Ther is certeyn sutilte, and it is wickid. [verse 23] And ther is a man, that sendith out a cer|teyn word, tellynge out treuthe. Ther is a man, that mekith hym silf wickidly [that mekith him silf wick|idly; to dis|seyue men the more. makith low greetly, etc.; to peeris and lower men. and ther is a iust man; feynyngly. bowith the face, etc.; as turn|ynge awey hise iȝen fro a fair womman, whom he co|ueitith bren|nyngly, but this is vnknowun of othere men. Lire here. C.] ; and hise ynnere thingis ben ful of gile. [verse 24] And ther is a iust man, that makith low greetli hym silf of myche mekenesse; and ther is a iust man, that bowith the face, and feyneth hym to se not that, that is vnknowun. [verse 25] Thouȝ he is [be I.] forbodun of feblenesse of strengthis to do synne; if he fyndith tyme to do yuele, he schal do yuel. [verse 26] A man is knowun bi siȝt; and a witti man is knowun bi meetyng of face. [verse 27] The clothing of bodi, and the leiȝyng of teeth, and the entring of a man, tellen out of hym. [verse 28] Ther is fals repreuyng in the ire of a man ful of dispisyng; and ther is dom which is not preued [ther is doom which is not preued; that is, whanne a man demeth bi liȝt signes, that his neiȝbore is yuel. ther is a stille man; that is, not demynge yuel of his neiȝ|bore, til cer|teynte be had. Lire here. C.] to be good; and ther is a stille man, and he is prudent.