The Holy Bible, containing the Old and New Testaments, with the Apocryphal books,

CAP. XI.

[verse 2] Thei maden iourney bi desertis, that weren not enhabitid; and thei maden litle housis [housis, ether hulkis CEFGHKMNPQRSUVXYa. housis, or cotis X sec. m. marg. housis, either helkis ç.] in desert places. [verse 3] Thei stoden aȝens kyngis, and vengiden hem of ene|myes. [verse 4] Thei thirstiden, and thei inwardli clepiden thee; and watir of a ful hiȝ stoon was ȝouun to hem, and reste of thirst was ȝouun to hem of an hard stoon. [verse 5] For bi whiche thingis the enemyes of hem suf|friden peynes, for defaute of her drink, and the sones of Israel weren glad, [verse 6] whanne thei hadden plentee; bi these thingis, whanne these [this C.] failiden to tho [thilke I.] enemyes, it was don wel with hem [with hem; that is, with the children of Israel. C.] . [verse 7] For sotheli for the welle of euerlastynge flood, thou ȝauest mannus blood to vniust men. [verse 8] And whanne thei weren maad lesse, in the leding awei of ȝonge children slayn, thou ȝauest sudeynli plenteuouse watir to hem; [verse 9] and schewidist bi the thirst, that was thanne, hou thou woldist enhaunse thi seruauntis, and woldist sle the aduersa|ries of hem. [verse 10] For whanne thei weren asaied, sotheli thei token chastisyng with merci; thei wisten, hou wickid men demed with ire, schulden suffre turmentis. [verse 11] So|theli thou amonestynge [monestynge CGHKMQSUVXaç.] as a fadir, pre|uedist [preuedist, etc.; that is, thi trewe ser|uauntis. condempned|ist; that is, thyn aduer|saries hardid in her synne. C.] these men; but thou as an hard kyng axynge condempnedist hem. [verse 12] For whi men absent and men present weren turmentid in lijk maner. [verse 13] For whi double anoye hadde take hem, and weilyng with the mynde of thingis passid. [verse 14] Sotheli whanne thei herden, that it was don wel with hem silf bi her turmentis, thei bi|thouȝten on the Lord, and wondriden on the ende of the out goyng. [verse 15] For at the ende of the bifallyng, thei worschipiden him, whom thei scorneden cast out in schrewid puttyng forth; and thou didist

not in lijk maner to iust men. [verse 16] Forsothe [Sothly I.] for vnwise thouȝtis the wickidnessis of hem weren punyschid; for summen err|ynge worschipiden doumbe serpentis, and superflu beestis, thou sentist in to hem a multitude of doumbe beestis, in to ven|iaunce; [verse 17] that thei schulden wite, that bi what thingis a man synneth, he is tur|mentid also bi these [these same I.] thingis. [verse 18] For whi thin hond almyȝti, that made the world of mater vnseyn, was not vnmyȝti to sende in to hem a multitude of beeris, ether [verse 19] hardi liouns, ether beestis of newe kynde ful of ire, and vnknowun beestis, ether beestis frothinge heete of firis, ethir bryng|ynge forth the odour of smoke, ethir send|ynge [verse 20] out [of E.] fro the iȝen hidouse sparclis; of whiche [the whiche I.] beestis not oneli the hirtyng myȝte distrie hem, but also the siȝt myȝte sle bi drede. [verse 21] For whi and with oute these beestis thei myȝten be slayn bi o spirit, and suffre persecucioun of tho [thilke I.] her owne dedis, and be scaterid by the spirit of thi vertu. But and [also I.] thou hast disposid alle thingis in mesure, and in noumbre, and [verse 22] in weiȝte; for it was left euere to thee aloone to mow do myche; and who schal aȝenstonde the vertu of thin arm? [verse 23] For as the tunge of a balaunce, so is the world bifore thee; and as a drope of dew rys|ynge bifore the liȝt, that cometh doun in to erthe. [verse 24] And thou hast merci of alle thingis, for thou maist alle thingis; and thou dissymelist [ether for|berist X sec. m. marg.] the synnes of men, for penaunce. [verse 25] For thou louest alle thingis that ben, and thou hatist no thing of tho, that thou madist; for thou not hat|ynge ony thing ordeynedist, ether madist. [verse 26] But hou myȝte ony thing dwelle, `no but [but if I.] thou woldist? ether hou schulde a thing be kept, that were not clepid of thee? [verse 27] But, Lord, that [thou I.] louest soulis, thou sparist alle thingis; for tho thingis ben thine.