to preche riȝtful thingis. [verse 7] My throte schal bithenke treuthe; and my lippis schulen curse a wickid man. [verse 8] My wordis ben iust; no schrewid thing, nether weiward is [ther is I.] in tho [hem I.] . [verse 9] `My wordis [Thei I.] ben riȝtful to hem that vndurstonden; and ben [thei ben I.] euene to hem that fynden kunnyng. [verse 10] Take ȝe my chastisyng, and not money; chese ȝe teching more than tresour. [verse 11] For wisdom is betere than alle richessis moost preciouse; and al de|sirable thing mai not be comparisound therto. [verse 12] Y, wisdom, dwelle in counsel [wisdom dwelle in councel; for hoolsum coun|cel is ȝouun bi wisdom, and wise thouȝtis comen forth of wisdom and encreessen it. Lire here. C.] ; and Y am among lernyd thouȝtis. [verse 13] The drede of the Lord hatith yuel; Y curse boost, and pride, and a schrewid weie, and a double tungid mouth. [verse 14] Counseil is myn, and equyte `is myn [Om. I.] ; prudence is myn, and strengthe `is myn [Om. I.] . [verse 15] Kyngis regnen bi me; and the [Om. I.] makeris of lawis demen iust thingis bi me. [verse 16] Princis comaunden bi me; and myȝti men demen riȝtfulnesse bi me. [verse 17] I loue hem that louen me; and thei that waken eerli to me, schulen fynde me. [verse 18] With me ben rychessis, and glorie; souereyn richessis, and riȝtfulnesse. [verse 19] My fruyt is betere than gold, and precyouse stoon; and my seedis ben betere than chosun siluer. [verse 20] Y go in the weies of riȝtfulnesse, [verse 21] in the myddis of pathis [the pathis I.] of doom; that Y make riche hem that louen me, and that Y fille her tresouris. [verse 22] The Lord weld|ide [the Lord weldide, etc.; here Salamon spekith of wis|dom vnmaad, that is, of the secunde per|soone in Tri|nyte, which is the kyndly Sone of God, with oute bi|gynnyng and ende. of hise weyes; that is, of his werkis. conseyued; for as a word in vs, is the conseit of soule, so and in dyuyn thingis the word is the conseit, ether the sone gen|drid of the fadir. the herris; that is, the princy|pal partis of the world, that ben the eest and west, south and north. Lire here. C.] me in the bigynnyng of hise weies; bifore that he made ony thing, at the bigynnyng. [verse 23] Fro with out bigynnyng Y was ordeined; and fro elde tymes, bifor that the erthe was maad. [verse 24] Depthis of wa|tris weren not ȝit; and Y was conseyued thanne. The wellis of watris hadden not [verse 25] brokun out ȝit, and hillis stoden not to|gidere ȝit bi sad heuynesse; bifor litil hillis Y was born. [verse 26] Ȝit he hadde not maad erthe; and floodis, and the [Om. CI.] herris [erthis a.] of the world. [verse 27] Whanne he made redi heuenes, Y was present; whanne he cumpasside the depthis of watris bi certeyn lawe and cumpas. [verse 28] Whanne he made stidfast the eir
