The Holy Bible, containing the Old and New Testaments, with the Apocryphal books,

CAP. XXV.

[verse 1] Also these ben the Parablis of Salomon, whiche the men of Ezechie, kyng of Juda, translatiden. [verse 2] The glorie of God is to hele a word [The glorie of God is to hele a word; that is, the priuyte of hooly scripture. The bigyn|nyngis of Ge|nesis and of Esechiel ben ȝouun priuely, ether bi heling, that vnfeithful men be scorned, and Cristen men ful of stu|die be ocupied, and wondre on the depthe of Goddis wisdom. seke out a word; that is, the sen|tence of Goddis word, tauȝt priuely. Lire here. C.] ; and the glorie of kyngis is to seke out a word. [verse 3] Heuene aboue, and the erthe bynethe, and the herte of kyngis is vnserchable. [verse 4] Do thou a wei rust fro sil|uer, and a ful cleene vessel schal [ther shal I.] go out. [verse 5] Do thou awei vnpite fro the cheer of the kyng, and his trone schal be maad stidfast bi riȝtfulnesse. [verse 6] Appere thou not glori|ouse [gloriouse, etc.; in press|ynge forth thee ouere dwe me|sure, lest thi schame sue. Lire here. C.] bifore the kyng, and stonde thou not in the place of grete men. [verse 7] For it is betere, that it be seid to thee, Stie thou hidur, than that thou be maad low bifore the prince. [verse 8] Brynge thou not forth soone tho thingis in strijf, whiche thin iȝen sien [sawȝen I.] ; lest aftirward thou maist not amende, whanne thou hast maad thi frend vnhonest [vnhonest; that is, telle thou not soone to othere men the pryuy yuels of thi neiȝbore, lest thou maist not ȝelde good fame to thi neiȝbore, which fame thou hast hirt. Lire here. C.] . [verse 9] Trete thi cause with thi frend, and schewe thou not priuyte to a [verse 10] straunge man; lest perauenture he haue ioye of thi fal, whanne he hath herde, and ceesse not to do schenschipe to thee. Grace [Grace; this vers til thidur, a goldun pomel, etc., is not in Ebreu. Lire here. C.] and frenschip delyueren, whiche [the whiche I.] kepe thou to thee, that thou be not maad repreuable. [verse 11] A goldun pomel in beddis of siluer is he, that spekith a word in his time. [verse 12] A goldun eere ryng, and a [Om. C.] schin|ynge peerle is he, that repreueth a wijs man, and an eere obeiynge. [verse 13] As the coold of snow [the coold of snow; that is, wynd kelinge reperis, at the maner of coold of snow. Lire here. C.] in the [Om. I.] dai of heruest, so a

feithful messanger to hym that sente `thilke messanger [him I.] , makith his soule to haue reste. [verse 14] A cloude and wind, and reyn not suynge, is a gloriouse man, and not fillynge biheestis. [verse 15] A prince schal be maad soft bi pacience; and a soft tunge schal breke hardnesse. [verse 16] Thou hast founde hony, ete thou that that suffisith to thee; lest perauenture thou be fillid, and brake [spue CEF pr. m. GHIKMNPQRSUXYa.] it out. [verse 17] Withdrawe thi foot fro the hous of thi neiȝbore; lest sum tyme he be fillid [full therof I.] [be fillid; that is, anoyed. Lire here. C.] , and hate thee. [verse 18] A dart, and a swerd, and a scharp arowe, a man that spekith fals witnessing aȝens his neiȝbore. [verse 19] A rotun tooth, and a feynt foot is he, that hopith on an vnfeithful man in the dai of an|gwisch, [verse 20] and leesith his mentil in the dai of coold. Vynegre in a vessel [Vynegre in a vessel; this vessel is a spice of salt, and brekith and frothith, whanne vyne|gre is put on it. songis; that is, the seiyngis of the lawe and of profetis. to the worste herte; that is, to a man ob|stynat in synne, for he is not amended, but more is wroth, and is stirid to dispysingis. Lire here. C.] of salt is he, that singith songis to the worste herte. As a mouȝte noieth a cloth, and a worm noieth [Om. I.] a tree, so the sorewe of a man noieth the herte. [verse 21] If thin enemy hungrith, feede thou him [fede thou him; that is, helpe thi neiȝ|bore set in nede. colis. etc.; that is, thou schalt induce him to do re|pentaunce of the yuel which he dide to thee, ether asayede to do. schal ȝelde to thee; that is, meede for the charite of the neiȝbore; in Ebreu thus, and the Lord schal make him pesible to thee. Lire here. C.] ; if he thirstith, ȝyue thou watir to hym to drinke; for [for so I.] thou [verse 22] schalt gadere togidere coolis on his heed; and the Lord schal ȝelde to thee. [verse 23] The north wind scatereth [scaterith abrod I.] reynes; and a sorew|ful face distrieth a tunge bacbitinge. [verse 24] It is betere to sitte in the corner of an hous without roof, than with a womman ful of chidyng, and in a comyn hous. [verse 25] Coold watir to a thirsti man; and a good mes|sanger fro a fer lond. [verse 26] A welle [A welle; tro|blid leesith fair|nesse bi a litil mouyng, a brokun veyne is signe of deth. so is a iust man fallinge; that is, doinge synne bifor a wickid man, for he de|fameth him myche for a litil fal, and of a festu he mak|ith a beem. Lire here. C.] dis|turblid with foot, and a veyne brokun, a iust man fallinge bifore a wickid man. [verse 27] As it is not good to hym that etith myche hony; so he that is a serchere of maieste [a serchere of maieste; that is, wole mesure dyuyn thingis bi his owne wit. schal be op|pressid of glo|rie; that is, schal falle in to errour. as a citee opyn, etc.; that is, as the ynnere thingis of sich a citee ben opyn to hem that wolen entre, so the priuytes of sich a man ben opyn to othere men. Lire here. C.] , schal be put doun fro glorie. [verse 28] As a citee opyn, and with out cumpas of wallis; so is a man that mai not refreyne his spirit in speking.