PSALM XCVII. [ [verse 1] The seuen and nyntithe salm hath no title [From K. The titil of the seuen and nyntithe salm. A. The title of lxxxxvii. salm; a salm CDHOQRSUX.] [But oure doctours seyn comynli, that Dauith made this salme of the rewme of Crist; but this expowning is more goostli than literal, therfore Dauith made it to in|duce the puple of Goddis wor|shiping, and this was aftir that he hadde ouercome the Filisteis, and othere aduer|saries rising a|ȝens his rewme, and aftir that he hadde brouȝt the arke of the Lord into the hil of Syon, withinne the tabernacle wich he hadde araied therfore; and there he or|deyned prestes and dekenes, for to herie God. Lire here. K.] .]
Singe ȝe a newe song to the Lord; for he hath do merueils. His riȝt hond and his hooli arm; hath maad heelthe to hym. [verse 2] The Lord hath maad knowun his heelthe; in the siȝt of hethene men he hath schewid his riȝtfulnesse. [verse 3] He bithouȝte on his merci; and on his treuthe, to the hous of Israel. Alle the endis of erthe; sien the heelthe of oure God. [verse 4] Al erthe, make ȝe hertli ioye to God; synge ȝe, and make ȝe ful out ioye, and seie ȝe salm. [verse 5] Singe ȝe to the Lord in an harpe, in harpe and [and in I.] vois of [verse 6] salm; in trumpis betun out [Om. L.] with hamer, and in vois of a trumpe of horn. Hertli synge ȝe in the siȝt of the Lord, the king; [verse 7] the see and the fulnesse therof be moued; the world, and thei that dwellen therynne. [verse 8] Flodis schulen make ioie with hond, to|gidere hillis schulen make ful out ioye, [verse 9] for [for the co pr. m. SX. fro K.] siȝt of the Lord; for he cometh to deme the erthe. He schal deme the world in riȝtfulnesse; and puplis in equite.