The Holy Bible, containing the Old and New Testaments, with the Apocryphal books,

PSALM XCI. [ [verse 1] The `title of the [Om. A.] oon and nyntithe salm. `The salm [Om. C.] of `song, in the dai of [Om. A.] sabath.]

[verse 2] It is good to knouleche to the Lord; and to synge to thi name, thou [that art I.] hiȝeste. [verse 3] To schewe eerli thi merci; and thi treuthe bi nyȝt. [verse 4] In a sautrie of ten cordis; with song in harpe. [verse 5] For thou, Lord, hast de|litid me in thi makyng; and Y schal make ful out ioye in the werkis of thin hondis. [verse 6] Lord, thi werkis ben magnefied greetli; thi thouȝtis ben maad ful depe. [verse 7] An vn|wise man schal not knowe; and a fool schal not vndirstonde these thingis. [verse 8] Whanne synneris comen forth, as hey; and alle thei apperen, that worchen wickidnesse. [verse 9] That thei perische in to the world of world;

forsothe thou, Lord, art the hiȝest, with|outen ende. [verse 10] For lo! Lord, thin enemyes, for lo! thin enemyes schulen perische; and alle [alle thei I.] schulen be scaterid that worchen wickidnesse. [verse 11] And myn horn schal be reisid as an vnicorn; and myn eelde in plenteuouse merci. [verse 12] And myn iȝe dis|piside myn enemyes; and whanne wickid men rysen aȝens me, myn eere schal here. [verse 13] A iust man schal floure as a palm tree; he schal be multiplied as a cedre of Liban. [verse 14] Men plauntid in the hous of the Lord; schulen floure in the porchis of the hous of oure God. [verse 15] Ȝit thei schulen be multi|plied in plenteuouse elde; and thei schu|len be suffryng wel. That thei telle, that oure Lord God is riȝtful; and no wickid|nesse is in hym.