The Holy Bible, containing the Old and New Testaments, with the Apocryphal books,

PSALM LXXXVIII. [ [verse 1] The title of the [Om. C et alii.] eiȝte and eiȝtetithe salm. The lernyng of Ethan, Ezraite [A glos. This salme speketh of the abund|aunce and euer|lastingnesse of the rewme of Dauith, wich is filled in Crist, and in noon other; and Ebrewes and Latyn doctours sein this accord|ingli. Lire here. K.] .]

[verse 2] I schal synge with outen ende; the mer|cies of the Lord. In generacioun and in to generacioun; Y schal telle thi treuthe with my mouth. [verse 3] For thou seidist, With outen ende merci schal be bildid in heuenes; thi treuthe schal be maad redi in tho. [verse 4] I disposide a testament to my chosun men; Y swoor to Dauid, my ser|uaunt, [verse 5] Til in to with outen ende I schal make redi thi seed. And Y schal bilde thi seete; in generacioun, and in to gene|racioun. [verse 6] Lord, heuenes schulen knouleche thi merueilis; and thi treuthe in the chirche of seyntis. [verse 7] For who in the cloudis schal be maad euene to the Lord; schal be lijk God among the sones of God? [verse 8] God, which [that I.] is glorified in the counsel of seyntis; is greet, and dreedful ouere alle that ben in his cumpas. [verse 9] Lord [For I.] God of vertues, who is lijk thee? Lord, thou art miȝti, and thi treuthe is in thi cumpas. [verse 10] Thou art Lord of the power of the see; forsothe thou aswagist the stiryng of the wawis therof. [verse 11] Thou madist lowe the proude, as woundid; in the arm of thi vertu thou hast scaterid thin enemyes. [verse 12] Heuenes ben thin, and erthe [the erthe ceteri.] is thin; thou hast foundid the world, and the fulnesse [verse 13] therof; thou madist of nouȝt the north and the see. Thabor and Hermon schulen [verse 14] make ful out ioye in thi name; thin arm with power. Thin hond be maad stide|fast, [verse 15] and thi riȝthond be enhaunsid; riȝt|fulnesse and doom is the makyng redy of thi seete. Merci and treuthe schulen go bifore thi face; blessid is the puple that [verse 16] kan hertli [herty I.] song. Lord, thei schulen go in the liȝt of thi cheer; and in thi name [verse 17] thei schulen make ful out ioye al dai; and thei schulen be enhaunsid in thi riȝtful|nesse. [verse 18] For thou art the glorie of the vertu of hem; and in thi good plesaunce

oure horn schal be enhaunsid. [verse 19] For oure takyng vp is of the Lord; and of the hooli of Israel oure kyng. [verse 20] Thanne thou spakist in reuelacioun to thi seyntis, and seidist, Y haue set help in the myȝti; and Y haue enhaunsid the chosun man of my puple. [verse 21] I foond Dauid, my seruaunt; Y [and Y IK.] anoyntide hym with myn hooli oile. [verse 22] For myn hond schal helpe him; and myn arm schal con|ferme hym. [verse 23] The enemye schal no thing profite in him; and the sone of wickidnesse schal not `ley to [putt to I.] , for to anoye him. [verse 24] And Y schal sle hise enemyes fro his face; and Y schal turne in to fliȝt hem that haten hym. [verse 25] And my treuthe and mercy schal be with him; and his horn schal be en|haunsid in my name. [verse 26] And Y schal sette his hond in the see; and his riȝt hoond in flodis. [verse 27] He schal inwardli clepe me, Thou art my fadir; my God, and the [myn I.] vptaker of myn heelthe. [verse 28] And Y schal sette him the firste gendrid [bigoten I.] sone; hiȝer than the kyngis of erthe. [verse 29] With outen ende Y schal kepe my merci to hym; and my testament feith|ful to him. [verse 30] And Y schal sette his seed in to the world of world; and his trone as the daies of heuene. [verse 31] Forsothe if hise sones forsaken my lawe; and goen not in my domes. [verse 32] If thei maken vnhooli my riȝtfulnessis; and kepen not my comaunde|mentis. [verse 33] I schal visite in a ȝerde the wickid|nessis of hem; and in betyngis the synnes of hem. [verse 34] But Y schal not scatere my mercy fro hym; and in my treuthe Y schal not anoye hym. [verse 35] Nethir Y schal make vnhooli my testament; and Y schal not make voide tho thingis that comen forth of my lippis. [verse 36] Onys Y swoor in myn [verse 37] hooli; Y schal not lie to Dauid, his seed schal dwelle with outen ende. [verse 38] And his trone as sunne in my siȝt, and as a perfit mone with outen ende; and a feithful wit|nesse in heuene. [verse 39] But thou hast put awei, and hast [Om. I.] dispisid; and hast dilaied thi crist. [verse 40] Thou hast turned awei the tes|tament of thi seruaunt; thou madist

vnhooli his seyntuarie in erthe. [verse 41] Thou distriedist alle the heggis therof; thou hast set the stidefastnesse therof drede. [verse 42] Alle men passynge bi the weie rauyschiden him; he is maad schenschipe to hise neiȝ|boris. [verse 43] Thou hast enhaunsid the riȝthond of men oppressinge him; thou hast gladid alle hise enemyes. [verse 44] Thou hast turned awei the help of his swerd; and thou helpidist not hym in batel. [verse 45] Thou destriedist him fro clensing; and thou hast hurtlid [hurlid I.] doun his seete in erthe. [verse 46] Thou hast maad lesse the daies of his time; thou hast bisched him with schenschip. [verse 47] Lord, hou longe turnest thou awei in to the ende; schal thin ire brenne out as fier? [verse 48] Bithenke thou what is my substaunce; for whether thou hast ordeyned veynli alle the sones of men? [verse 49] Who is a man, that schal lyue, and schal not se deth; schal [that shal I.] delyuere his soule fro the hond of helle? [verse 50] Lord, where ben thin elde mercies; as thou hast swore to Dauid in thi treuthe? [verse 51] Lord, be thou myndeful of the schenschipe of thi ser|uauntis, of many hethene men; whiche Y helde togidere in my bosum. [verse 52] Whiche thin enemyes, Lord, diden schenschipfuli; for thei dispisiden the chaungyng of thi crist. [verse 53] Blessid be the Lord with outen ende; be it don, be it don.