The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.
DPLA Rights Statement: No Copyright - United States
[verse 2] Lord, thou hast blessid thi lond; thou hast turned awei the caitifte of Jacob. [verse 3] Thou hast forȝoue the wickidnesse of thi puple; thou hast hilid alle the synnes of
hem. [verse 4] Thou hast aswagid [swagid I.] al thin ire; thou hast turned awei fro the ire of thin indignacioun. [verse 5] God, oure helthe, conuerte thou vs; and turne awei thin ire fro vs. [verse 6] Whether thou schalt be wrooth to vs withouten ende; ether schalt thou holde forth thin ire fro generacioun in to gene|racioun? [verse 7] God, thou conuertid schalt quykene vs; and thi puple schal be glad in thee. [verse 8] Lord, schewe thi merci to vs; and ȝyue thin helthe to vs. [verse 9] I schal here what the Lord God schal speke in me; for he schal speke pees on [to I.] his puple. And on hise hooli men; and on hem that ben turned to herte. [verse 10] Netheles his helthe is niȝ men dredynge him; that glorie dwelle in oure lond. [verse 11] Merci and treuthe metten hem silf; riȝtwisnesse [riȝtfulnesse ceteri.] and pees weren kissid. [verse 12] Treuthe cam forth of [of the I.] erthe; and riȝtfulnesse bihelde fro heuene. [verse 13] For the Lord schal ȝyue benignyte; and oure erthe schal ȝyue his fruyt. [verse 14] Riȝtfulnesse [Riȝtfulnesse, that is, Johan Baptist K text V marg.] schal go bifore him; and [and it I.] schal sette hise steppis in the weie.