PSALM LXXXIII. [ [verse 1] The title of the [Om. C et alii.] thre and eiȝtetithe salm [salm, to victorie, on the pressours C et plures.] . The salm of the sones of Chore [A glos. This salm declareth the desijr of holi men, lifing in this wickid world, to come to heuen blisse. Lire here. K.] .]
[verse 2] Lord of vertues, thi tabernaclis ben [verse 3] greetli loued; my soule coueitith, and failith in to the porchis of the Lord. Myn herte and my fleische; ful out ioyeden in to quyk God. [verse 4] For whi a sparewe fyndith an hous to it silf; and [Om. S.] a turtle fyndith a neste to it silf, where it `schal kepe [kepith I.] hise bryddis. Lord of vertues, thin auteris; my king, and my God. [verse 5] Lord, blessid ben thei that dwellen in thin hous; thei schulen preise thee in to the [Om. FHIKMSXi.] worldis of worldis. [verse 6] Blessid is the man, whos help is of thee; he hath disposid [ordeyned I.] stiyngis in [verse 7] his herte, in the valei of teeris, in the place which [that I.] he hath set. [verse 8] For the ȝyuer of the lawe schal ȝyue blessyng, thei schulen go fro vertu in to vertu; God of goddis schal be seyn in Sion. [verse 9] Lord God of ver|tues, here thou my preier; God of Jacob, perseyue thou with eeris. [verse 10] God, oure de|fender, biholde thou; and biholde [biholde thou S.] in to the face of thi crist. [verse 11] For whi o dai in thin hallis is bettere; than a thousynde. I chees to be `an out cast [abiect, ether an outcast C et plures.] in the hous of my God; more than to [for to K sec. m.] dwelle in the tabernaclis of synneris. [verse 12] For God loueth merci and treuthe; the Lord schal ȝyue grace and glorie. [verse 13] He schal not depriue [bireue C et plures.] hem fro goodis, that gon [gooth S.] in [Om. S.] innocence; Lord of vertues, blessid is the man, that hopith in thee. [A glos. This salm is doyng of thankinges for the turnyng aȝen of Jewis fro the caitifte of Babilon; but principali it is profecie of the perfitt delyuer|aunce to be maad bi Crist, in his incarna|cion and pas|sion. Lire here. K.]