PSALM LXXIV. [ [verse 1] The title of the [Om. CDFGHOQbi.] foure and seuentithe salm. `To the ouercomere; leese thou not the salm of the song of Asaph [Om. A.] .]
[verse 2] God, we schulen [Om. D.] knouleche to thee, `we schulen knouleche [Om. D.] ; and [Om. C.] we schulen in|wardli clepe thi name. [verse 3] We schulen telle thi merueilis; whanne Y schal take tyme, Y schal deme riȝtfulnesses. [verse 4] The erthe is meltid, and alle that duellen ther ynne; Y confermede the pileris therof. [verse 5] I seide to wickid men, Nyle ȝe do wickidli; and to trespassouris, Nyle ȝe enhaunce the horn. [verse 6] Nyle ȝe reise an hiȝ ȝoure horn; nyle ȝe speke wickidnesse aȝens God. [verse 7] For nether fro the eest, nethir fro the west, nethir fro desert hillis; for God is the iuge. [verse 8] He mekith this [his A.] man, and enhaunsith hym; [verse 9] for a cuppe of cleene wyn ful of meddling is in the hoond of the Lord. And he bow|ide of this in to that; netheles the drast therof is not anyntischid [anyntishid, either maad lesse i sec. m.] ; alle synneris of erthe schulen drinke therof. [verse 10] Forsothe Y schal telle in to the world; Y schal synge to God of Jacob. [verse 11] And Y schal breke alle the hornes of synneris; and the hornes of the iust man schulen be enhaunsid.