The Holy Bible, containing the Old and New Testaments, with the Apocryphal books,

PSALM V. [The title of the fyuethe salm. [verse 1] To the ouercomere on the eritagis, the song [salm X.] of Dauid [A glos. Da|uith made the fyuethe salm, for prestis and dekenes schul|den synge it, to gete Goddis help aȝenus enemyes of Goddis puple; and that God schulde de|fende his puple. C et alii.] .]

[verse 2] Lord, perseyue thou my wordis with eeris; vndurstonde [and vnderstonde I.] thou my cry. [verse 3] Mi kyng, and my God; ȝyue thou tent to the vois of my preier. [verse 4] For, Lord, Y schal preie to thee; here thou eerly my vois. [verse 5] Eerli Y schal stonde nyȝ thee [to thee I.] , and Y schal se; for thou art God not willynge [wilnynge IS.] wickidnesse. [verse 6] Nethir an yuel willid man schal dwelle bisidis thee; nethir vniust men schulen dwelle bifor thin iȝen. [verse 7] Thou hatist alle [alle hem I.] that worchen wickidnesse; thou schalt leese [leese hem I.] alle that speken leesyng. The Lord schal holde abhomynable a manquellere, and gileful [a gileful IK.] man. [verse 8] But [But I schal be IKOS.] , Lord [Om. IO.] , in the multitude of thi merci Y schal entre in to thin hows; Y schal wor|schipe [worschip thee IKS.] to [at IKS.] thin hooli temple in thi drede. [verse 9] Lord, lede thou forth me in thi riȝtful|nesse [riȝtwisnesse I.] for myn enemyes; dresse thou my weie in thi siȝt. [verse 10] For whi [Om. I.] treuthe is not

in her mouth; her herte is veyn. [verse 11] Her throte [herte I.] is an opyn sepulcre, thei diden gilefuli with [in I.] her tungis; God, deme thou hem. Falle thei doun fro her thouȝtis, vp [vpe C. after I.] the multitude of her wickidnessis [vnpiteuousnessis I.] caste thou hem doun; for, Lord, thei han terrid thee to ire [wraththe IKS.] . And alle that hopen in thee, be [be thei I.] glad; thei schulen make fulli [ful out S.] ioye with outen ende, and thou schalt dwelle in hem. [verse 12] And alle that louen thi name schulen [verse 13] haue glorie in thee; for thou schalt blesse a [the I.] iust man. Lord, thou hast corouned vs, as with the [a K.] scheeld of thi good wille.