The Holy Bible, containing the Old and New Testaments, with the Apocryphal books,

PSALM LXI. [ [verse 1] The titil of the oon and sixtithe salm [Om. S.] . To the [Om. G.] victorie on [ouer CDEGHKLMORUVXbi.] Iditum, the salm of Dauid [A glos. Da|uith made this salm, whanne he was in the persecucioun of Saul, and this aftir that he was comun aȝen fro the lond of Moab to the lond of Juda, at the word of Gad the profete. Dauith made the X. salm in this comyng aȝen, but he made this salm after that he had dwellid sumdel in the lond of Juda. C et alii.] .]

[verse 2] Whether my soule schal not be suget

to God; for myn heelthe is of hym. [verse 3] For whi he is bothe my God, and myn heelthe; my `taker vp [vp taker I.] , Y schal no more be moued. [verse 4] Hou longe fallen ȝe on a man? alle ȝe sleen; as to a wal bowid, and [and as I.] a wal of stoon with out morter cast doun. [verse 5] Netheles thei thouȝten to putte awei my prijs, Y ran in thirst; with her mouth thei blessiden, and in her herte thei cursiden. [verse 6] Netheles, my soule, be thou suget to God; for my pacience is of hym. [verse 7] For he is my God, and my saueour; myn helpere, Y schal not passe out. [verse 8] Myn helthe, and my glorie is in God; God is the [Om. I.] ȝyuer of myn help, and myn hope is in God. [verse 9] Al the gaderyng togidere of the puple, hope ȝe in God, schede [helde I.] ȝe out ȝoure hertis bifore hym; God is oure helpere with outen ende. [verse 10] Netheles the sones of men ben veyne; the sones of men ben liers in balauncis, that thei disseyue of vanytee in to the same thing. [verse 11] Nile ȝe haue hope in wickidnesse, and nyle ȝe coueyte raueyns; if ritchessis be plenteuouse, nyle ȝe sette the herte therto. [verse 12] God spak onys, Y herde these twei thingis, that power is of God, [verse 13] and, thou Lord, mercy is to thee; for thou schalt ȝelde to ech man bi [aftir I.] hise werkis.