PSALM XLVI. [ [verse 1] The title of the [Om. plures.] sixte and fourtithe salm. To victorie, a salm to [of G.] the sones of Chore [A glos. The sones of Chore in this salm diden thank|yngis to God, bi spirit of pro|phecie, for vic|torie to com|ynge, vndir Josue, of puplis enhabitynge the lond of Chanaan. A et alii.] .]
[verse 2] Alle ȝe folkis, make [maketh I.] ioie with hondis; synge ȝe hertli to God in the vois of ful out ioiyng. [verse 3] For the Lord is hiȝ and ferdful; a greet kyng on al erthe. [verse 4] He made puplis suget to vs; and hethene men vndur oure feet. [verse 5] He chees his eri|tage to vs; the fairnesse of Jacob, whom he louyde. [verse 6] God stiede in hertli song; and the Lord in the vois of a trumpe. [verse 7] Synge ȝe to oure God, synge ȝe; synge ȝe to oure kyng, synge ȝe. [verse 8] For God is kyng of al erthe; synge ȝe wiseli. [verse 9] God schal regne on [in I.] hethene men; God sittith on his hooli seete. [verse 10] The princes of puplis ben gaderid togidere with God of Abraham; for the stronge goddis of erthe ben reisid greetli.
