The Holy Bible, containing the Old and New Testaments, with the Apocryphal books,

PSALM XLV. [ [verse 1] The title of the [Om. CDFGHOPQUV.] five and fourtithe salm. To the ouercomere, the song of the [Om. V.] sones `of Chore [Om. S.] , `for ȝongthis [Om. K.] [A glos. The sones of Chore maden this xlv. salm, whanne thei weren sauid by mira|cle; whiche Chore, her fa|der, perischide, and many othir; in xvi. c^o. of Numeri. A et alii.] .]

[verse 2] Oure God, thou art refuyt, and vertu; helpere in tribulacions, that han [Om. S.] founde vs greetly. [verse 3] Therfor we schulen not drede, while the erthe schal be troblid; and the hillis schulen be borun ouer in to the herte of the see. [verse 4] The watris of hem sowneden, and weren troblid; hillis weren

troblid togidere in the strengthe of hym. [verse 5] The feersnesse of flood makith glad the citee of God; the hiȝeste God hath halewid his tabernacle. [verse 6] God in the myddis therof schal not be moued; God schal helpe it eerli in the grey morewtid. [verse 7] He|thene men weren disturblid togidere, and rewmes weren bowid doun; God ȝaf his vois, the erthe was moued. [verse 8] The Lord of vertues is with vs; God of Jacob is oure vptakere. [verse 9] Come ȝe, and se the werkis of the Lord; whiche wondris he hath set on the [Om. I.] erthe. [verse 10] He doynge awei batels til to the ende of the lond; schal al to-brese bouwe, and schal [he schal I.] breke togidere armuris, and schal [he schal I.] brenne scheldis bi [with I.] fier. [verse 11] Ȝyue [Ȝiueth I.] ȝe [Om. C.] tent, and se ȝe, that Y am God; Y schal be enhaunsid among he|thene men; and Y schal be enhaunsid in erthe. [verse 12] The Lord of vertues is with vs; God of Jacob is oure vptakere.