PSALM XLII. [ [verse 1] `The two and fourtithe salm [The two and fourtithe salm and the oon and fourtithe salm ben al oon in Ebrew, and therfore this hath no title. KRV.] .]
God, deme thou me, and departe thou my cause fro a folc not hooli; delyuere thou me fro a wickid man, and gileful. [verse 2] For thou art God, my strengthe; whi hast thou put me abac, and whi go Y soreuful, while the enemy turmentith me? [verse 3] Sende out thi liȝt, and thi treuthe; tho ledden me forth, and brouȝten [brouȝten me IKL.] in to thin hooli hil, and in to thi tabernaclis. [verse 4] And Y schal entre to the auter of God; to God, that gladith my ȝongthe. God, my God, Y schal knowleche to thee in an harpe; [verse 5] my soule, whi art thou sory, and whi troblist thou me? Hope thou in God, for ȝit Y schal knouleche to hym; he [that I.] is the helthe of my cheer, and my God.
